اليوم حصلي موقف وعلى فكره ليس الاول ولا الثاني دايما يحصل لي مثل هالمواقف ولكن اخوكم صقر ماحد يضحك عليه ....
خرب عندي بسيارتي لوحة الازرار الخاصه بالقزاز والاقفال والسنترال لك ورحت لكهربائي باكستاني قلت ابي اتأكد لا يكون فيوز محترق
ولكن قلي هذا اللوحه الالكترونيه عندك محترقه يبغالها تغير قلت له طيب ( على باله اني مصدق )
قلت له فكلي الباب وارفع لي القزاز لانه كان مفتوح
وبالفعل فك الغطاء الداخلي حق الباب وكنت معاه اراقبه كيف فكه ...
وبعد ما فك الباب وشبك اسلاك ببعضها انقفل القزاز
قلت له طيب فك لي لوحة الازرار علشان علشان اروح الشركه واجيب نفس القطعه وارجع لك
قال طيب..... وانا معاه اراقبه كيف يفك وكيف يشبك
وبعد ما خلص اعطيته 20 ريال حق فك الباب مع اني مستكثرها عليه لكن يالله الواحد لازم يتعلم ....
رحت بعدها للبيت واخذت القطعه القديمه وفكيتها الى ثلاث وصلات الين وصلت للوحه الالكترونيه
لقيتها مليانه غباره جبت لي مسحات طبيه لان فيها كحول وفرشات اسنان نظيفه وهاتك ياتنظيف الين صارت تلمع كانها جديده
ورجعت ركبتها بالسياره لاني كنت مع الكهربائي اول لما فكها وعرفت كيف ارجع كل شي مكانه
والحمد لله اشتغل كل شي :
ازرار السنترال لك
والمرايات
وكل القزاز
حتى ازرار جهاز تدفأة المقاعد اشتغلت
مع اني سالت عن القطعة قالولي امكن تكلفك فوق 500 ريال غير الفك والتركيب .
الزبده ياخوان ترو حنا مضحوك علينا والسبب فينا حنا ما نكلف على انفسنا نعرف او نتعلم بعض الشغلات البسيطه اللي قد توفر علينا مئات الريالات وقس على ذلك في بقيه الاجهزه وغيرها.
المواضيع المتشابهه 
للاسف حنا شعب مضحوك علينا وما أكلنا الا هالاجانب ....... 
العرض العادي
