|
رواية لاصد قلبي صد من دون رجعه ، تحميل رواية لاصد قلبي صد من دون رجعه رواية لاصد قلبي صد من دون رجعه ، تحميل رواية لاصد قلبي صد من دون رجعه الكاتبه سهم المملكه $ . ( لاصد قلبي صد من دون رجعه ) الفصــــــل الأولـــــ ( 1 ) .... أبشرك ماعاد يوجعني فراق وأقسى وجع يزول بثواني عودت قلبي لاحمل هم أوضاق ارمي ولاأسال عن اللي رماني وعودت نفسي للمتاهات ماانساق ولاأسيل دمع عيني واعاني خل الحياة تروح والعمرارزاق يمكن معالأيام يضحك زماني دخلت البيت وهي دايخه وراسها يعورها من لجلجة الحريم اليوم .. استقبلتها نوره وهي خايفه – زين انتس جيتي الحقي خالي موجود ومعه الخمه حقته رفعت عيونها في وجهه اختها بغضب – وليش تخلينه يدخل يالهبله نوره – والله مادريت انه دخل ساره الهبله خلت الباب فاتح يوم جت شيخه بعصبيه – حسبي الله عليه والله لأطين عيشتهم اليوم اقتحمت المجلس بعصبيه برجلها يوم دزت الباب اللي يعلق وبصعوبه ينفتح .. من كثر مرور السنين اللي شاب منها هالباب المسكين رفعوا عيونهم لها وبقوة وجهه – ايس هازا كلام يالله يالله داخل شيخه بعصبيه – يمال الضعفه يالخايس يالمعفن قم خم هالعفن اللي معك واذلف برى ولا والله لأكلم الشرطه من سمعوا كلمة شرطه قاموا يرتجفون ووقفوا .. لان بعضهم مايحمل الأقامه خالها – عيب سيخه انا خال انتي عيب كلام كزا شيخه بعصبيه – اثرك تعرف العيب يمال الضعفه هو وش مقعدك في بيتنا كل شوي وانت مجمع علينا هالخميم نطرد ولا يفيد معك خالها عبدالستار – هازا بيت اختي ( وينزله دمعتين ) لوهي موجود انتي مايقدر كلام حق انا كزا شيخه وفاهمه لحركاته – واختك مو فيه ودعت الحياه معاد لك شي هنا يربطك فينا عصب خالها وتكلم بالهندي منها مسبه لها ومنه يجمع اصحابه عشان يطلعون طلعوا وصكرت الباب وراهم بقوه .. وتأففت تلاقيها من وين ولا من وين جتها نوره – هاه راحوا شيخه وهي تمر من جنبها داخله لداخل – ايه ذلفوا .. وينهي وضحى نوره – خذت هند وراحوا للسوبر ماركت وقفت شيخه وناظت في نوره – وش عندهم !! نوره وهي تجلس على الارض وتسند ظهرها على المسنده الباليه – راحت تجيب اغراض الطلبيه شيخه جلست جنبها وقربت الشنطه تعد الفلوس حقت البسطه نوره – طلعتي شي اليوم شيخه وكأنها تتذكر العجوز اللي تهاوشت معها – عجوز زطيه كل اللي طلعت فيه منها مئة ريال يمال الضعفه وكأني مااستفدت شي اللي خذيته بعته عليها بنفس السعر نوره – ووراتس شيخه – وش اسوي اضطر احيانا يوم تمر الساعات ومايجيني احد اضطر اني اضحي ابتسم يوم شاف اخوه مقبل ووقف في مكانه ضحك صقر وهو ينزل من السياره يوم سمع اخوه يرحب فيه – يالله حي هل المقناص وش غنايمك صقر – الخير مليان انت بس تعال ساعدني محمد ضحك – لا دخيلك توني متسبح ومبدل معزوم صقر – وين ! محمد – بيت ضاوي بن محمد صقر – اها محمد – ناد بابو يساعدك والشغالات فيه صقر – وهو كذلك ظهري يعورني وبروح اريح بخليهم ينزلونه دخلت وضحى وهي تعرج وهند وراها تحمل اكياس وتساعدها طلعت هند برقعها وهي تصرخ من الحر – يارب بذوب بذوب وضحى – الله يعين هاذا ونحن في الدوادمي كيف لو كنا في الرياض هند وكأنها تحلم – آآآآآخ يالرياض الله يبلغني وآشم ريحة هواها وضحى – عزالله ماتمنيتي هند وهي تحط الاكياس على طاولة المطبخ – وش نسوي نحلم على قدنا دخلت عليهم شيخه وهي معصبه – مابغيتوا هند – هع انا قلته بنوصل وبتستلمنا شويخ شيخه – بلاه والله من خالكم هاذا اللي يعكر مزاجي وضحى وهي توقف عن توزيع الاغراض في الثلاجه – ليه متى جا شيخه – قبل شوي هو وخمته هند – افففف متى بيفكنا هالخال من شره شيخه – مادري ( وسرحت ) .. وضحى طالعت فيها – وش فيك شيخه – والله مادري ياوضحى افكر في بكره من بيروح معي للأحوال اللي في الرياض علمت ام سعد وقالت بعلم بو سعد وارد لكم خبر هند نطت – انا انا انا بروح بروح بروح مالي خص شيخه رفعت حاجب وعصبت – نعم انتي تنطقين هنا بتروح معي نوره هند عصبت – وليش نوره بالذات شيخه – لان عندتس مدرسه ولا نسيتي هند – وساره عرفت شيخه عصبت بقوه – إن شاءالله بأخذ الأذن منتس انتي وعمتي ساره هند عطتهم ظهرها وطلعت .. عرفت الامر انحسم وانتهى وضحى وهي تجمع الأكياس وتحطهم في الدرج .. لان بيجي يوم وبيكون ألهم إستخدام – ومتى بترد ام سعد لنا الخبر شيخه – بترسل سند ولدها يعلمنا وضحى انفثت الهواء اللي في صدرها – الحمدالله ياذي البطاقه اللي موراضين يسلمون ألنا الضمان غير فيها شيخه – الله يعين .. والله انّا ثقلنا على ام سعد وبو سعد الله يجزاهم كل خير وضحى – آميـــــــــــــــــــــن دخل البيت وهو مهموم .. لازم يضطر يرد لهالقصر الكئيب اللي عايش فيه لوحده .. جلس على الكنبه وجاه الهندي اللي يشتغل عنده – بابا سلطان احط عشاء سلطان ناظر فيه – لا ماابي شي بروح ارقد طلع الدرجات وهو يتحسر وشوي ودمعه ينزل على خده .. مابيقدر ينسى اللي صار لهم مايقدر وصل جناحه وناظر فيه .. صار للحادثه اربع سنين ومو قادر ينسى مو قادر .. اعتزل اصحابه والعالم .. وقطع بيت جدانه وقاطع عيال خاله وعمامه .. وده لو الموت يأخذه ويلحقهم بس مو كل مايتمنى المرء يدركه الا ليت كل الدنيا بالتمني .. حط راسه وهو في أمل انه يرقد من دون مايأخذ الحبوب اللي تساعده على النوم الفجر ( اليوم الثاني ) ركبن الجمس الاحمر .. في المرتبه الخلفيه وسند جالس معهن .. وبو سعد وأم سعد راكبين قدام همست شيخه – الله يجزاكم خير ويجعل مثواكم الجنه ويسخر لكم من يساعدكم على اللي تسوونه لنا بو سعد بصوته الوقور وروحه الطيبه – يابنتي انتم بحكم بناتي الله يرحم المرحوم ويغفرله ونعم الأخو والله لو أني سامع انكم طالبين من حد غيري يوديكم ان ازعل عليكم زعلن كايد مرت الساعتين على خير ووصلوا الرياض يـنـدمل جرح قلب ماتت احلامـة بس ماضن يبرا جرح الاحـساسي يـوم صارتمابيـن القـلب والهامة ويش ابـي بالحـياة اليا انـحـنى راسي في دار الضمان الاجتماعي وقفت تعبي البيانات وجنبها نوره – اقول وراها ذا الشهباء تخزتس تسذا شيخه – بكيفها خليها تخز منا لبكره وش ورانا غير الناس تخزنا وتضحك على اشكالنا نوره – شيخه انا ودي اني اطلع بطاقة أحوال خاصه فيني بعد شيخه – اقول يمال الضعفه انتي ناظري وراتس شوفي وش سوينا في ذا المساكين اللي من صباح ربي وهم معنا لفت نوره ورى .. وشافت ام سعد وولدها سند رقود على الكرسي نوره ضربت خدها – يالفضيحه شيخه – اجل حطي لسانتس في حلقتس وانثبري قال وش تبي تطلع بطاقة أحوال نوره بضيم – وش اسوي بنات الكليه هناك كاشخات في ذا البطاقه يترززن ابها وانا لاقلوا رزي بطاقتس رزيت الورقه اللي مضمونها نوره بنت ناصر بن فهيد لاتوجد لديها بطاقه لضروف ... قاطعتها بالحكي شيخه – ياغلي لو تصكتين احسن نوره – وهو كذالك حطت يدينها في حلقها وسكتت بينما الموظفه اللي تسمع هالكلام .. اندهشت من هاذا التشابه الواضح في الاسماء اللي امامها والاسم اللي تعرفه عز المعرفه في قصر من قصور الرياض في الجلسه الشعبيه بالتحديد جالس الشايب الوقور .. اللي غطى الشيب الابيض راسه ولحيته وحواجبه كذالك .. ومقابله له عجوزه وضحى اقبلت لهم موضي وهي تضحك – يالله حي هالوجيه السمحه صبحكم الله بالخير كلهم يناظرونها ويبتسمون ويرحمونها كثير بسبة الظرو اللي حصلت لها – صبحها بالرضى الشايب فهيد – يالله حي شيخة الحريم موضي موضي حبت على رؤوسهم – يحيك ربي ياجدي جلست بينهم وتقهويهم الجده – وراتس مارحتي لشغلتس وانا امتس موضي – اليوم ياجده عندي مراجعه بالمستشفى لنواف ولدي الشايب فهيد – افا وراه موضي – تطعيم بس ياجدي الجده وضحى – ووينه ابوتس موضي – ابوي غبش من بدري واخذ اخوي فهيد معه الجد يضحك – ليتني شفت وجهه اخوتس فهيد يوم خذاه ابوتس موضي تضحك – اخوي خكري ياجدي مايعرف السلوم خل دواه الابل يقابلها شوي ويهتم فيه ولو يحل مكان آدم هناك كان أزين الجده تضحك – لو يسمع علمتس بس اقبلت عليهم وهي تمثل وتضحك – لالالا خيانه يامويضي هالحين قايمه من غبشه وماوعيتيني اقابل هالوجيه السمحه الجده وهي تضحك – هاه اخذوا جتكم العياره رويم وهي تقرب أذنها بشكل تمثيلي – اها سمعتس وضيح ان ماخليت هاللي مرتز وزانتس الشيخ فهيد يعرس مااكون ريم بنت سعد الجده بعياره – ومن اللي بتناظر جدتس عقب هالعمر والشيب ينظح في رأسه ريم بعياره – هاه هاه سمعت يافهيد اجل يومك تقصد في وضيح ولا تقصد فيني شف شف تعايرك فهيد وهو مبتسم – بنت سعد عطيتس الشاره ازهميلي بالحرمه ريم وهي تخبط على صدرها – وانا لها يافهيدان في قصر ضاحي بن فهيد وهو يصرخ في الشغاله – ازهميلي إياه بسرعه الشغاله موفاهمه عليه – شنو بابا سعد نزل من الدرج الضخم – علامك يبه ورى صوتك يلج في البيت ضاحي – مصيبه ياسعد وانا ابوك سعد بخوف – وش مصيبته يبه ضاحي - ازهملي اخوك محمد ولا صقر خله يجيني لقينا بنات عمك ناصر سعد بعلامة تعجب !! – وش هو ضاحي – اييييه نسينا انك ماتدري رح رح قوم حدى اخوانك خله يجيني منيره يامنيره منيره جتهم من المطبخ – علامك ياضاحي ضاحي – خلي محمد يجيني منيره – ليه عسى خير ضاحي – لقينا بنات ناصر منيره – اشششش لايسمع احد ويوصل العلم لأبوك انت وش فيك يارجال ضاحي – فيه ان بنات اخوي هايتات ولانعرف إلهن طريق وانا ماني بديوث ماعندي غيره عليهن لو معهن رجال بصره بس بنات وهايتات ويحملن إسمنا لا هاذذا اللي ماني راضي فيه ازهميلي واحد فيهم انا في السياره |
البـــــارت الثانـــــــــ ( 2 ) ـي في الشرطه ضرب المكتب بكفه – وكيف هرب منكم العسكري – مادري ياطويل العمر كل اللي نعرفه انه من وصل هذاك الدوار ضاع وضيعنا معه ضاحي – هالحين تسوون تعميم على كل الوحدات والنقاط انها تنتبه زين لانهم اكيد بيخرجون يصدرون هالبضاعه من برى الرياض العسكري – ابشر طال عمرك علم ضاحي – زين روح شف شغلك العسكري دق التحيه وطلع .. جلس على مكتبه مقهور من هالعصابه اللي اشبه بحكايات الجنون كل ماطلعوا وعرفوا طريقهم .. اختفوا في لمح البصر .. بس هو لها وين بيرحون من النقيب ضاحي سعد في الصالون الأحمر ركبن وهن مستحيات من العم سعد ومرته الطيبه العم سعد – يابناتي ولدي سليمان زهم علي ويبانا نتغداء عندهم وشرايتسن ونكمل الطريق عقب الغداء شيخه بطيب نفس – اللي تبيه ياعم نوره تهمس لها – ومرته جميله ولسانها الأعوج وعيون سليمانوه اللي تبصبص علينا وين نروح منها شيخه تهمس وعاضه شفايفها – وشرايتس نتعب العرب ونقول لا اسمحولنا حنا هوانم برنسيسات ودونا للدوادمي .. انتي حماره ولا حماره صبري العجوز متشققه على ولدها والشايب تعب من الطريق نوره – صدقتس صح ركب محمد مع ابوه في السياره وشغلها محمد – متى وصلك العلم ياابوي ضاحي – قبل شوي كلمني خالد يقول اخته خبرته بهالعلم محمد – انا ولد ابوي وماقدرت تصرفهن لين نوصل ضاحي – يقول لا بس بيقدر يجيب اخبارهن ووينهن فيه محمد – انا لها ياابو محمد بس هالحين وين تبانا نروح ضاحي – رح لخالد مااني بمرتاح لين اعرف لهن طريق محمد – على ماقلت يالغالي ولا حتى انا عند الابل فهيد وهو واقف وملتف بشماغه من ريحتها .. وسعد يقرص عيونه في ولده – ماهي من هالمراجل اللي تسويه فهيد فك الشماغ عنه وعطس – ابوي انا معي حساسيه الله يهديك ابي اعرف يعني ماتروح للأبل غير وانا معك سعد وهو مقهور من ولده – بلاك والله داج وابي اعلمك السلوم اخوك اللي اصغر عنك يخوف بلد وهو ماسك قسم شرطه كامل وانت داج ايد ورى وايد قدام فضحتني قدام العربان فهيد تعب من هالاسطوانه اللي الكل يرددها على رأسه – افففف سعد بعصبيه خوفت فهيد – اذلف اذلف لابركة فيك انت انت اللي بتموتني ناقص عمر رح الله لايردك فهيد ركض بعيد عن ابوه ويلف شماغه زين عن ريحة الأبل في بيت سليمان سليمان يرحب بأمه وأبوه ويقرص عيونه في شيخه ونوره وجميله عاصبه رأسها لانه محنيته ومغتاظه من شوفتهن شيخه تهمس لنوره – عدال من زين هالرجل الكمخه اللي تحسب بنموت فيه ويأخذ وحده فينا نوره – والله من قلة البخت اللي ماطرحه غير في ذا الحرمه الجثه طول وعرض ووجهه يروع شيخه مسكت ضحكتها – اششش لاتسمعك ثم تحطك ليمونه في غداها نوره – اخخخخ ذكرتيني هالحين نبي نأكل من طباخ ذا الآدميه شيخه – بسم الله عليتس توس تدرين أم سعد – اقلطن اقلطن يابنات ( وهي ناقده على تصرف جميله اللي مارحبت فيهن ) في بيت ضاحي بن فهيد نزل فارس مع الدرج وهو يدندن .. شاف امه وسعد جالسين وسعد يحاول يفهم من أمه علم .. ومنيره ماهي راضيه تقول فارس – السلام عليكم وصباح الخير ياام فارس سعد لف فمه – اففففففف انت مالقيت تنزل غير هالحزه فارس بتساؤل – افا ليه وش صاير سعد – يمه يالله قولي فارس – وش تقول سعد – انت انطم لين افهم العلم واعلمك منيره – وش اقول مثل ماسمعت ابوك عندكم بنات عم ولايعرف لهن طريق فارس جلس وهو مفهي – بنات عم .. عمي من منيره – عم مات من زمان عمكم ناصر ماتعرفونه سعد بتساؤل – عمي ناصر لنا عم اسمه ناصر منيره – ايه واسكتوا خلاص وانتبهوا لايدري جدكم لانه مايبي يسمع لعمكم هاذا طاري فارس – ليش وش مسوي عمي منيره طفشت ووقفت – اففففففف خلاااااااااااااااااص لاتقلبون المواجع لاوصل ابوكم اسألوه هالحين لاتسألوني بروح لغداي لاني نسيته على النار فارس – اموت واعرف وش قصة هالعم سعد ناظر فيه بنص عين – يالله امسكوا الفضولي عاد ليش انت هنا ورى مارحت جامعتك فارس – ماعلي محاضره اليوم افففف لازم تغثني بهالطاري قام سعد من الصاله .. وطلع فارس جواله ودق على اخوه نايف نايف اللي خلص إشراف على المرضى وهو في السيب يمشي فتح الخط – هلا فارس – المهلي انت وينك نايف – في المستشفى يعني ويني بالله فارس – انت دريت نايف بتساؤل وهو معقد حجانه – عن فارس – طلع لنا عم اسمه ناصر نايف بسخريه – صدق والله توك دريت يالله ضف وجهك فارس – يعني انت تدري نايف – ايه ادري يالله فارقني وراي عمليه فارس – زين لاتزف مادري متى تطلع هالنعره الكذابه اللي فيك نايف – لامنك خليت اللقافه اللي فيك اتركها فارس وهو لاوي براطمه – زين مع السلامه نايف صكر من دون مايقول شي فارس – دائم انت في وادي والعالم كله بوادي يانويف قبل خمس سنين من هالوقت محمد بعصبيه – ياجدي اللي تقوله ماينتصدق كيف ماتبي بنات ولدك فهيد بصوت عالي واللي بالعاده يكون هادي ورزين – اللي سمعتوه ماابي إلهن طاري انا طردت ابوهن قبل خمس وعشرين سنه عقب ماشوه سمعت آل قاسي بسواته ضاحي يمسك ولده – محمد اطلع وخلني مع جدك وعمك محمد وهو مقهور – طيب طلع وسكر الباب وراه ضاحي – يبه ليش مو راضي تنسى وتسامح هاذولي بنات ولدك اللي من صلبك كيف ترضى يهيتن ونحن عايشين فهيد – ابوهن رضى إلهن بالمذله سعد – ياابوي ابوهن غلط واخذ جزاه يوم طردته بس ابوهن مات وحنا ياعمامهن عايشين فهيد – انتم كيف تبون تجيبوهن وتعيشوهن وسطنا وأمهن هنديه شغاله ضاحي – ابوهن حب فهيد قاطعه – اقطع اقطع سود الله وجهك كيف تقول ذا الحكي قدامي منهي بنته ولا ويش تصير ولا من جايبها لاهي من سلومنا ولا عاداتنا شغاله كانت في بيتي وتصير حرمه لولدي يخسي مب ذا ولد اللي باع سمعة هله وداسها في التراب صكروا على ذا السالفه اللي يالله لملمناها ولايطلع هالعلم لأحد ضاحي – ومحمد اللي عرف طريقهن فهيد – قله ان جاب ذا البني عندي ينسى انه من صلب فهيد آل قاسي ويبيع سلومنا ويتبع بنات الهنديه وابوهن الأجرب في الوقت الحاضر في السياره .. على مشارف منطقة الدوادمي ام سعد – امسحنها في وجهي يابناتي هاذي جميله وهاذي خلاقينها لاتقدر احد ولا تحترمه وهاذا اللي خلاني انا وعمتسن سعد نترك الرياض ونجي نعيش في هالقريه ويبيع ويشتري في ذا الغنم كله ولا منتها شيخه – افا ياعمه حنا بناتك وجميله ماتنلام تخاف على رجلها وعاذرينها ياعمه ابو سعد اللي انبسط من ردهن – الله يكملتسن بعقولتسن يابناتي انشهد ان امتسن ربت يوم ربت شيخه بحياء – الله يسلمك ياعم ويرحمها في بيت خالد الساطي ضاحي – وماعرفت وين بالضبط في الدوادمي خالد – لا اختي تقول انهن قالن حنا عايشات في الدوادمي وبصعوبه يقدرن يجن هنا ويبن تاريخ طويل عشان مايتعبن في الأوراق وتعديلها محمد بقهر – ومن جايات معه خالد – تقول اختي ان معهن حرمه كبيره في السن ومعها ولد صغير محمد وقف بقهر – يالله يبه مشينا ابوه يناظر فيه – على وين محمد بغبن وقهر – بحطك في البيت وبتكل على الدوادمي واكيد بعرف طريقهن مو من كبر الدوادمي ابوه – خله لين الصبح وبنروح سوى محمد اللي مقهور ان كل العالم عرفت بسالفتهم – لا انا اللي بروح اجيبهن وانت ارتاح ضاحي ينفث لهواء اللي بصدره – اللي تشوفه وانا ابوك بس جدك لايدري محمد – طيب قبل خمس سنين انصدم وصكر السماعه وهو مفجوع – ( يالله لنا عم ولا نعرف عنه .. من وين طلع من وين دخل عليه العسكري – طويل العمر الحادث اللي قبل شوي يقولون انه هو وزوجته توفوا زادت الفجعه عليه – ايششششششششش ماااات العسكري حس ان فيه شي – طويل العمر فيك شي محمد – لا اتكل شف شغلك بعد فتره وعقب ماعرف كل شي عن عمه .. وعن بناته اخذ جواله من مكتبه وطلع عند جده .. وكلم ابوه يسبقه هناك .. وصل القصر حق عمه لقا جده فهيد وعمه سعد في مجلس الرجال .. وابوه معهم محمد بصدمه افجعتهم – اخوكم ناصر يطلبكم البيحه بان الصدمه عليهم .. والصدمه الأكبر ان الشيخ فهيد صرخ بوجهه محمد – اقطـــــــــــــــــــــــــــــع ماعندنا ولد اسمه ناصر محمد بسخريه – اجل اللي قريته في الورقه صح ا نلك ولد اسمه ناصر بن فهيد آل قاسي قرب الشايب منه وعطاه كف – انا قلت لك اسكت اسكت محمد انصدم من هالكف اللي يطلع من شيبه باين ان ظيم الدنيا فيه محمد عشان ينتقم من الكف ويكوي فيه جده مثل ماكواه بهالكف ( لان محمد قوي وله هيبه تخووووووف جيوش .. ومايرضى احد يغلط عليه ) محمد بقهر – اجل اسمعوا الصدمه ترى عنده خمس بنات ومابينهن ولد كلهن بنات بناااااااااااااااااات ولازم يجن هنا مالهن والي ومستحيل نخليهن كلهم انصدموا من اللي سمعوه ضاحي – وانت كيف عرفت جلس محمد وحط رجل على رجل – اظاهر نسيت اني في الشرطه واني اعرف قبل أي احد كلمنا احد يقربله طلع وحده من بناته وعرفنا ان مالهن احد وقف – ايه صح نسيت ان لهم هنا عائله ومو راضيه تعترف فيهن فهيد يضرب بعصاه الأرض بعصبيه – ومستحيل نعترف فيه وفي بناته محمد بعصبيه – ياجدي اللي تقوله ماينتصدق كيف ماتبي بنات ولدك فهيد بصوت عالي واللي بالعاده يكون هادي ورزين – اللي سمعتوه ماابي إلهن طاري انا طردت ابوهن قبل خمس وعشرين سنه عقب ماشوه سمعت آل قاسي بسواته وصل البيت واستقبلته بنته خلود – بابا انت جيت تعال شوف خلودي ضربني محمد بتعب كشر في وجهها .. ضاحي ناظر في ولده واللي يسويه في عياله ضاحي – انا بضربه حبيبتي بس خلي جدتك تحط الغداء خلود – طيب ياجدو ( وراحت لجدتها ) ضاحي – على فكره تراني لين هالحين ماسك نفسي خاف الله وارحمهم تراهم ضعوف هاذولي عيالك متى بتفهم محمد بعصبيه – ياابوي مااقدر كل ماشفتهم ذكرت وجهه امهم الشؤم فيهم مريموه حسبي الله عليها ضاحي – وهم وشذنبهم فيك وفي امهم ترى امهم بعد ماتبيهم ولا انتوا تجيبون العيال ثم كل واحد منكم كف يده محمد بهم – خلاص انا بروح احضر شنطتي وبنزل اتغدا واتكل ضاحي – زين قواك الله طلع محمد للدور الثاني واتجه على غرفة اخوه صقر .. طق الباب ودخل .. شاف انه يزر البدله العسكريه محمد – بتطلع صقر وهو مشغول في بدلته – ايه زهم علي خلفان يقول ابو سالم يطلبك يوم عرف انك وصلت لان فيه مهمه مايخلصه ولايقدر عليها غيري على كلامه محمد – وماعرفت وش هي هالمهمه صقر اتكى على رجل عشان يلبس الجزمه ( الله يكرمكم ) – لا ماعرفت محمد – يعني ماتقدر تروح معي صقر رفع عينه – لوين محمد بسخريه – ترانا لقينا بنات عمك ناصر صقر نزل عينه يكمل شغله – زين وش المطلوب مني محمد بقهر – ياقوك ياشيخ اقولك بنات بنات لاوالي وهن ولايا على قولة المصاريه صقر وقف على التسريحه يمشط شعره – جدي عرف محمد يجلس على السرير – لا وانتبه لايشم خبر انا وابوي بنجيبهن هنا في البيت من دون مااحد يعرف صقر حط المشط وضحك محمد ناظر فيه – وراك تضحك صقر – انتبه ترى في البيت جاسوس لاتنسى اخوك فارس محمد – لا فويرس خله علي صقر الطويل طول فارع يروع انحنى وحب خشم محمد – رح توكل قواك الله وان صار شي كلمني انا في الخدمه محمد وقف – اجل بروح اجهز شنطتي وبنزل للغداء محمد طلع ولحقه صقر .. دخل محمد غرفته وصقر كمل الدرج .. قابل في وجهه نايف صقر بسخريه – لا صاير في الدنيا شي مارحت لشقتك ناظره نايف بنص عين وكمل الطريق صقر كشر ابراطمه وكمل طريقه .. نايف وقفه – ايه بسألك صقر وقف ولف رقبته بمعنى وش نايف – صدق بنات عمك حصلتوهم صقر عدل وقفته وقرب منه .. نفض بأصبعينه على معطف نايف – آه صح نسيت انهم بنات عمي لوحدي نايف نزل يده وبسخريه – اعرفك انت واخوك محمد مهتمين في هالسالفه بقوه صقر بقهر – اظاهر دراستك الخارجيه اللي قضيت فيها نص عمرك برى نستك الغيره على محارمك وخلتك ديوث نايف رص صقر على الجدار .. صقر بسرعه لف يده ورأسه ولصقه بالجدار .. ونايف قام يئن صقر – انت كيف تسمح لنفسك تمد يدك على صقر اللي حتى الجن هابه وخر عن طريقي نويف ولا والله اسوي شي ماابي اسويه فيك نايف بتعب – زين فك يمال الجدري هب مو بيد ذي عجرى صقر فكه – رحمتك بس المره الجايه عدها وشف صقر وش يسوي فيك نايف بإستحقار – هه تهديد زي وجهك وراح متجهه لجناحه .. وصقر مسك نفسه لايلحقه ويمردغه في الارض دخل جناحه وحذف معطفه وانسدح على سريره .. ورجعت فيه الذاكره لبعيد شوي ايام مكان متخذ صقر مثاله .. كان يحب يسوي مثله ويقلده في كل شي .. حتى كان يتذكر انه كان يبكي إذا ماجت شنطته مثل شنطة صقر اخوه من كثر مكان مفتخر فيه تذكر اول يوم درس فيه كان يبكي يبي يصف مع صقر اللي كان ذيك السنه يدرس ثالث إبتدائي بس المدرسين رافضين تذكرانه بكاء بكا موطبيعي لين خلوه يصف معه ودرس في صفه بعد بعد فتره شوي من هالفتره تذكر المتوسطه وهوشته مع واحد من العيال وقام مع هاللي يضاربه خوياه وهو لوحده .. تذكر صقر وقوته يوم ضربهم والعيال يوم هجوا من عرفوا ان صقر اخوه لانهم مسمينه الجني محد يجي يمه و يمشي معه من خوف العيال منه بس إن ثار قلب المدرسه قلب حتى المدير براسه يخاف منه ويومه الأسود اللي يعاديه لانه يسوي اشياء ماتخاطر براس احد ابد بعد هالفتره بشوي يوم تخرجه من الثانوي وحلمه يسافر برى ويدرس الطب كان صقر الوحيد اللي يقنع اهله اللي عاداتهم وتقاليدهم راصه شوي عشان يسافر يدرس برى .. ومحمد مو مقتنع بهالفكره ذاك الوقت بس صقر اللي اقنع الجميع بما فيهم الجد واقترحوا بعد ان فهيد ولد عمه سعد يروح معه انبسط وقعد يتذكر ماخلى شي ماشراه قبل لايسافر ذيك لفتره .. وسافر هو وفهيد مبسوطين .. فهيد اول الفتره اخذ السالفه لعب ونايف مكان عاجبه وضع ولد عمه .. لين مل فهيد وقال برد للسعوديه .. وودع نايف لما تذكر نايف عقب كل هاللي صار زفر بضيق .. وحس بالدمعه على وشك الهطول .. قام من سريره وفصخ بلوزته واخذ الفوطه .. وخش تحت المسبح البارد اللي يقي من حر صيف الرياض في الدوادمي وصلن البيت استقبلتهن هند وساره في حوش البيت الشعبي البحت .. لدرجة حتى ارضيته تراب مو بلاط شيخه – السلام عليكم ساره وهند مبرطمات نوره تناظر فيهن – وش فيه وش صاير ساره الملسونه – اللي صاير انكن ياهوانم تروحون للرياض ولا تخبرونا شيخه عصبت – لا عمتي ساره تعالي عطيني كف بعد ازين ساره صكتت هند بلقافه – كيف الرياض حلو شكلها نوره – وش بنشوف يعني ترى من الدوادمي للضمان ومن ضمان لبيت سليمانوه اللي يسمعتس يقول خذونا وفرفروا فينا الرياض كلها ساره – وعوووووووووه رحتوا لجميلان وسليمانوه الحمدالله اجل اني مارحت شيخه – استغفرالله ياربي انا بروح ارقد ( وقفت ) وينهي وضيح هند – وينهي يعني تراها تردح في المطبخ شيخه بققت عينها – عيب استحي وش تردح ترى عندها طلبيات احمدوا النعمه اختنا الكبيره وشايله مسؤولياتنا ساره – انا اشوف اللي شايل مسؤوليتنا انتي مو وضيح فلوس وضيح تروح .... قاطعتها شيخه – ضفي هاللسان اللي يلوط الأذان لاتسمعتس ثم والله والله ياساره لو يوصلها اللي تقولينه اني لأذبحتس ناقصة عمر ساره بخوف – خلاص خلاص فهمت . |
( البــــــــــــارت الثالـــــــــــــ 3 ـث ) نزل الدرج وقابله حمزه حمزه - صحيت ياعمي سلطان - ايه جدتي دقت تبيني اتعشى عندهم تقول من زمان مامريت عليهم تروح معي حمزه - لاياعمي انافيه اقعدعندالحارس راج سلطان - اللي تشوفه حمزه - تأمرني بشي ياعمي سلطان - مايأمرعليك عدوتبي شي اجيبه لك حمزه - خيرك سابق ياعمي ( حمزه شريك سلطان فيالوحده .. صارله عايش مع سلطان اربع سنين .. من بعد وفاة اهله ومن قبل اصلا كان المسؤول عن القصرعشرين سنه .. من عقب الحادثه وتعب سلطان انتقل للعيش داخل القصرعند سلطان ) في الدوادمي وضحى تقطع البصل .. وشيخه تحسب الفلوس .. ونوره تغسل المواعين دخلت عليهم ساره - هالحين اناكل ماجيت وانتن نفس الدراما وحده تقطع بصل والثانيه تحسب الفلوس وهاذيك تغسل المواعين وضحى - ايه وانتي تكملين الناقص وتعدين كم حبة شباب في وجهتس اللي يسمعتس يقول هاذي بكره عندها تصويرولاشي ساره اللي مبهوره بزينها اللي ورثته عن امها ( وعموماكلهم جميلاتبس ساره ونوره اجمل ) –والله شتبيني اسوي الله خلقني جميله وضحى – سويره روحي عني في السعه ماني فاضيتلس وينهي هند ساره – هند تشوف حبيب القلب نوره ضربت على صدرها وهي موجهه راسها للغساله .. يعني ابتدت الحرب الطاحنه وضحى شهقت – وش قلتي ساره تهتهت – ها ها لالالالا ماقلت شي وش قلت ماقلت شي وضحى قربت منها وهي تعرج ومطت شعرها – عيدي وش قلتي نوره تركت الصحن من يدها وقربت لهم .. وشيخه مو داريه عنهم تحسب في الفلوس نوره فرقت بينهم – ياوضيح قصدها حبيب القلب ذاك البطل في المسلسل ساره بخوف – والله والله صادقه قاعده تشوف البطل انتي تعرفينه وضحى بسخريه – لا ماحصلي الشرف ساره وخرت عنها وبحالميه – يجننننننننننننننننننننننننن نوره ضربت على خدها وضحى مسكت ساره مع صدرها – وش قلتي شيخه – واهووووووووووووووووه علينا وبعدين معكن خامس مره اعد الفلوس ترى راسي عورني بكره ام احمد جايه تأخذ الإيجار صكوها سيره عاد وضحى دزت ساره من يدها واتجهت على شيخه وهي تعرج – شيخه المبلغ بيكفي شيخه – إن شاءالله يارب يكفي ( وبهم ) خلاص انا تعبت من هالحاله متى نقدر نعيش مثل الناس والعالم وضحى طلعت الفلوس اللي مخبيتها في صدرها – هاتس اخذيها ياشيخه وبلاها عمليه انا الله بلاني بهالمرض والحمدالله على كل حال ( ونزلت دموعها ) شيخه ردت يدها – خلي فلوستس التس ياوضيح وبعدين اللي يسمعتس يقول انتي مريضه بمرض كايد ياكافي تراها عمليه رجل بسسس وضحى وهي تمسح دموعها – وتحسبينها بسيطه من طلعت على الدنيا والكل يعايرني يالعرجاء يالعرجاء تعبت من كلام الناس والحريم ماتشوفين مااحد خطبني وقفت في نصيبتسن ياخواتي ساره ونوره متأثرات لذالك لزمن السكوت شيخه – يااااااااااااااه كل هاذا بصدرتس ياوضحى تشيلينه وضحى اتجهت للبصل – يالله كل وحده تروح على شغلها وانا اللي جلسه معتس ياشيخه نحسب لإيجار هالبيت وهالبسطه اخيرا وصل الدوادمي وقف عند مجموعة شباب .. وماعرف كيف يسأل قرب منهم – السلام عليكم شباب الشباب اللي اندهشوا من سيارته الجخ وشكله – وعليكم السلام محمد خامسهم كلهم – الا بسألكم وين احصل بيت ناصر بن فهيد واحد من الشباب يطنز – لايكون ريحتهن وصلت لكم يااهل الرياض وجاي تريشهن محمد عصب – انت وش تقول اللي جنبه قال – يكفي بس شيخه اللي لامرت حاست شباب الدوادمي كلهم محمد انقهر وكتم غيضه – انتم تعرفون بنات ناصر الثالث قال – عز المعرفه وبالماريه تراهن خمس ويلعن ام الخمس صوااااااااااااااااااااااريخ ( للأسف ان فيه من يقول هالكلام ويقذف المحصنات الغافلات أليس رسول الله حذر من قذفهن .. بس هالشباب لاوصل الحكي عند البنات زادوا البهارات حبتين .. الله يصلح شباب المسلمين آجمعين .. ويعدي اللي بيسويه محمد على خير ) محمد بقهر – عجييييييييييييييب ( وصرخ فيهم ) استح على وجهك انت وياه الشباب ضحكوا عليه – انت ليش عصبت محمد – شي مايخصكم قولولي وين بيتهن واحد منهم – تراهن بنات قريتنا يعني مو لازم نخبرك انت قل وش تبي فيهن لانك جديد في القريه شكلك من هل الرياض محمد عشان يخوفهم طلع بطاقته – معكم النقيب محمد بن ضاحي هاه ياحلو انت وإياه بتعلموني وين بيتهن ولا اجيب سيارة الدوريه واحطكم في التوقيف الشباب بسرعه – توقيف لالالا يرحم ابوك رح سيده مع هالشارع لين يجيك اخر الخط لف يمين بتحصل بيتهن ثاني واحد على يدك اليسار الباب الاسود محمد دخل البطاقه واتجهه لسيارته وركب فيها في بيت سعد بن فهيد سلطان جالس بين جدته وجده ومعهم سعد وفهيد وام فهيد في الجلسه الشعبيه عند العريش وفي الهواء الطلق العجوز وضحى – مابغينا نشوفك وانا امك سلطان يحب على يد جدته – اسمحيلي ياجده والله اني ارجع من الشغل هلكان الشايب فهيد – والله ان ذا الشغل بلشه لو انك تاركن عنادك وانا جدك وجاين تعيش تحت عيني انا وجدتك وضحى تضرب في الوتر – هو بس اللي نبيه يعيش عندنا يافهيد فهيد فهم مغزاها – ياغلي لوتصكتين ياذا العجوز اللي عقلتس خرف وضحى – عقلك انت اللي خرف ولا فيه احد يهيت بنات ولده الله لايسامحك يا ذالشيبه على اللي تسويه فيهن وتحرق قلبي عليهن فهيد وقف وضرب بعصاه الأرض – اعنبوتس من مره علي بالطلاق لو مانتس عجوز زد بليتي وشابت ركبتس ولا والله ماتمرحين معي ذا الليله سعد وقف – علامكم علامكم استهد بالله ياابوي سلطان وفهيد وام فهيد يهدون في العجوز فهيد – سلطان ياولدي جدتك باعت العشره ( كلمه قويه تدل على الزعل ) سلطان – افا ياجدي لالا جدتي من هم ماهي شايله ام فهيد – علامك ياعمي اتفل الشيطان اللي دخل بينكم وعمتي من حر تسبدها الله يبرد خاطرها العجوز وضحى اللي مشت دمعتها ووقفت على عصاها – رح الله لايسامحك يافهيد ولايبيحك في ناصر وبناته وام فهيد قادتها لداخل فهيد عصب – هبي من مره عزالله انها عوباء من يوم امها جابتها ( ياشيخ خاف ربك .. شنقول بسسسس ) قام يترنح عقب ماكيف راسه .. وشرب كل الخمر اللي في العلبه انسدح على الارض وقام يضحك ويضحك .. سمع جواله يرن نايف وهو سكران – اهوووووووه هاذا وقتك .. طلعه من جيبه ورد بصوت ثقيل – نعم البنت –اهلين نيوفه اخيرا حبيبي رديت نايف بلسان ثقيل وعيون ناعسه – لا اسف النمره غلط البنت – نايف نايف وش فيك ماعرفتني انا سمر نايف بلسان ثقيل – ايه هالحين عرفتك بس تعالي يابنت منهو نيوف هذه دق الباب بقوه وضحى – بسم الله الرحمن الرحيم منهو اللي جاينا في ذا الوقت شيخه – لايكون وجهه النحس خالتس ساره بخوف وهي تركض للباب – طيب طيب كسرت بابنا ياللي تدقه حشا عارفين انك عبدالستار يعني من بتصير نوره وهند وقفن بيشوفون الهوشه اللي بتصير بين خالهن وبين شيخه فتحت الباب ساره دخل عليهن بكل جسمه ووقف في نص الحوش وبقواة عين – منهو عبدالستار هذه شيخه التفت بطرحتها اللي على رقبتها – هيه هيه انت على وين داخل وش قواة هالوجهه لك اذلف اذلف لاجمع عليك الحاره باللي فيها البنات ادخلن داخل يلتفن ابراقعهن وطراحهن وضحى بسرعه تعرج وركضت لأختها – ايه انت خير داخل علينا لآحم ولادستور وش تبي وش تبي محمد – اللي ابيه اني اشوفتسن اخذات راحتسن بالمره شيخه بعصبيه – قسم بالله ياانت لو ماتكلمت زين اني لأبلغ عليك الشرطه محمد عصب منها – انتي يام لسان انا محمد بن ضاحي بن فهيد آل قاسي ولد عمتسن يامحترمات البنات انصدمن بس شيخه لا ماتسكت – وطززززززززز وولد عمنا خير ياطير هاذا مو مبرر انك تهجم على بيوت الناس انت ماتستحي على وجهك ولا ماتستحي على وجهك وضحى قربت من شيخه تربت على كتفها – شيخه هدي اصبري خلينا نعرف ليش جاي محمد عجبه تصرفها .. بعكس إحتقاره للسان شيخه السليط وضحى بهدؤ – وانت ياللي محسوب علينا ولد عم وش تبي جاي هالساعه توكم تعرفون ان لكم بنات عم محمد هدى شوي – اسمعي انتي وإياها بالعربي الفصيح حنا مو عاجبتنا عيشتسن في هالقريه وبالحالتسن اللي ابيه منتس انتي وإياها تلمن حفيشتسن وتمشن معي شيخه بأمر – اسمع انت قسم بالله ان ماذلفت هالحين عن وجهي ورحت للسعه اني لشّوفك شي ماشفته انت من صدقك ولا من صدقك تبي نركب معك ولاصرت ولد عمنا تأخذنا معك غصب هاذا اللي ناقص بعد محمد انقهر منها وقام يهدد – اسمعي انتي ياام لسان ان ماقضبتيه ولا والله لاقصه شيخه بقهر – تخسي تقصه وضحى بقهر – بسسسسسسسسسس كلهم اسكتوا وضحى – شيخه نسيتي ان حنا هنا بالحالنا ولا يجوز يطلع حسنا وانت (وناظرت فيه ) اللي ماطلته بيدك اوصله برجلك انت تحسب وين عايشين تقول امشن انا ولد عمتسن نركب ونمشي معك ليه مهبل ولا مهبل ماحنا بطالعين من هنا وورنا وش بتسوي محمد بقهر ولو ان كلامها معقول – اوريتس اللي ابسويه بس اصبري علي بكره من غبشه عندتسن وراجع راجع الله لايعوقني بشر وابوي معي وهالمره بتركبن ورجلينتسن فوق روستسن بعد قال ايش بنات ويعيشن بالحالهن وضحى بصرخه وقهر – هاذا انت قلتها بنات ويعيشن بروحهن وينكم انتم عاد يوم مات ابوي وامي ترانا نعرف انكم عرفتوا انهم ماتوا وين هالمراجل عقب خمس سنين طلعت ياشيخ ضحكتني محمد عض على شفايفه بقهر .. وطلع ويوم وصل للباب لف عليهن - انا هنا ماني براد للرياض وابوي بكره بيوصل لمن عفيشتسن وخلني اشوف وحده معتبه برى هالباب شيخه ماتت قهر من كلامه وجت تعدي تبي تضربه .. وخواتها مسكنها شيخه بغبن وقهر – والله والله مااعدي اللي قلته واصبر وبتشوف محمد قرع بالباب بقوه وضحى تفلت – تفووووو الله لايردك نوره بقهر – وش بنسوي في هالمصيبه شيخه بقوه – يخسي هالتسلب انتن مصدقات انه من عيال عمتسن هه ( بسخريه ) نسيتوا ان الشيبه حالف عليهم مايعرفون لبنات ناصر طريق ( هالسالفه عرفنها عقب بصعوبه حصلن رقم عمهن سعد اللي بلغهن هالخبر بنفسه وقال انه بيرسل الهن فلوس .. البنات رفضن وغيرن رقم الجوال والسكن بعد من بعد الأهانه اللي صارت الهن ) جالس على السرير بالفندق ويزفر بقهر – ياصقر قلتلك هذلي حنش مب بنات قسم بالله ياعندهم وحده اسمها شيخه تصدق تبي تضربني لين ألزمنها خواتها ضحك صقر بقوه – خخخخخخخخخخخخخخخخ ياشيخ وراك ماطلعت العقال ومردغتها فيه محمد انقهر من سخرية صقر له – انت لها يارجال تعال علمها المراجل ومردغها بالعقال صقر بنخوه – وانا لها تخسي هاذي كيف فكرت بس تبي تضرب النقيب محمد بن ضاحي محمد ارتفعت معنوياته – والله ياصقر لو تشوفها مايقدر على ذا الجنيه غيرك صقر وقف من الكرسي – انا من غبشه جاي مع ابوي لاتنقهر وانا اخوك ودواها عندي محمد بتفكير خبيث – اقول صقر وش رايك تتزوجها مايقدر عليها غيرك صقر انصدم – ايششششششش الجمعه اليوم الثاني \ الساعه 7 صباحا في الدوادمي البست بشتها والبرقع وضحى – شيخه الفلوس بتكفي شيخه اللي تعدل الطرحه – ايه بتكفي ومن خردة اليوم بكمل الناقص من حق البيت وضحى – لا الباقي انا بوفيه لاتشيلين هم شيخه – على ماتبين البنات سرحن للمدارس وضحى – ايه بس سويره غايبه تقول بطنها يعورها شيخه – خلاص عندتس إياها اسمديها في البيت خليها تنظفه وضحى – اوريتس فيها ازهليها عند الباب وجالس في سيارته .. يوم طلعت شيخه ومن شافها نزل من السياره وهو معصب – هيه هيه انتي هييييييييييه ( وهي عارفته بس مطنشته ومعطيته ظهرها ) وقف في وجهها – على وين العزم إن شاءالله شيخه نفثت على صدرها – اف اف اف فففففففففففففف لا ياشيخ خوفتني ومن حضرتك عشان اخذ الإذن منه محمد قرص بعيونه – انتي يابنت وقفي زين وعدلي ذا اللسان ماتستحين على وجهتس شيخه انقهرت – لا مااستحي على وجهي ( دزته عن طريقها ومشت وخلته ) انقهر منها وعض شفايفه بقهر .. اتجهه على سيارته ودق على جوال صقر .. صقر اللي صحاه الإتصال من عز نومه وبصوت مبحوح وعيون نص مغمضه – آلو محمد بقهر وبعصبيه – قسم بالله لاتاخذها وتمردغ خشمها في الطين ياولد امي وابوي في السوق انشرت بسطتها .. وجابت بضاعتها من المحل اللي تحطه عنده كل يوم شكرت الهندي وحطت الكرسي وجلست عليه .. ومحمد من بعيد يراقبها وميت قهر منها .. اقتربت منها حرمه – السلام عليتس شيخه اللي مو حسه بمراقبة محمد لها – وعليتس السلام الحرمه – بنشدتس ياوخيه القى عندتس براقع إسلاميه شيخه – نعم ابشري بالخير عندي ( وطلعت براقعها ) قامت الحرمه تناظر في البراقع .. وبعدين كبتها في الارض قريب من البضاعه وعطت شيخه ظهرها – براقعتس قرومها طوال انا ماابيها شيخه اللي مطت عيونها بقهر .. وقمزت من البسطه ووقفت في وجهه الحرمه بقهر شيخه – انتي وراتس ترمين براقعي ماتبينها ومب عاجبتس عطيني إياها في يدي ومب تذبينها ليه وش شايفت بسطتي زباله الحرمه – اها الخلا يابنت اظاهر انتس ماتربيتي ماتستحين على وجهتس تهرجين اللي اكبر منتس بهالشكل شيخه خمت الحرمه بصدرها بيدينها الثنتين وقامت تلفلف فيها – اها مب انتي اللي تعلميني العيب والصح والخطأ والله اني مااعدي اللي سويتيه واني لاشكيتس اليوم ويانا ياانتي وصارت هوشه قويه .. والحريم ألتمن يفرقوهن .. ومحمد مط عيونه وركض عندهن .. وقف بينهن – بس بسسسسسسسسسس استحي انتي وإياها شيخه قامت تلم برقعها وتسوي البشت والطرحه – اها كملت الحرمه قعدت تبكي وتلم شوشتها .. وتستر صدر ثوبها المنشق محمد بعصبيه – ماتستحن انتن ماتستحن في الشارع وتهاوشن شيخه قامت تنفث الهواء بقوه الحرمه بعصبيه – والله اني لأشكيها في الشرطه محمد من سمع شرطه خاف على سمعة بنت عمه .. وبسرعه طلع بطاقته – انا من الشرطه وخلاص انا شفت كل شي بعيني الحرمه انبسطت وراحت تخر الأولي والتالي واكثره كذب عشان بس يسجل محضر ويسجن شيخه .. مادرت ان محمد قاعد يداري السالفه لاتكبر وتصير فضيحه – خلاص خلاص انتي بس روحي توكلي وهاذي اوريتس الشغل فيها شيخه مطت عيونها من ورى البرقع بقهر – ابك انت وش تقووووووووول تخسي وتقطع لانت ولذى الحرمه اللي وراك اللي تساند ابك رخمة مافيها خير لو فيه خير ماتسذبت وتجي تواجهني محمد عصب – بــــــــــــــــــــــــــــس في بيت سعد طق الباب قبل لايدخل وهو يتحنحن – احم احم تغطن يابنات عمتسن الشيخ فارس بيدخل موضي اللي كانت لابسه برقعها قعدت تضحك من كلامه .. اما ريم صعدت فوق تبي تلبس برقعها وتنزل موضي بضحك – عمي الشيخ فارس اقلط حياك البيت بيتك دخل فارس وهو يضحك – السلام عليكم ( ويستنشق ريحة العود اللي في البيت ) الله اللـــــــــــــــــه يازين ريحة بيتكم ياآل عمي ( ناظر في موضي وضحك ) نعنبو بس ياموضي لو انتي اصغر مني يحرمن علي بنات حواء غيرتس ضحكت موضي على كلام فارس اللي يحبها وتحبه – والله يافويرس انك بياع حكي وكلام فارس جلس وهو يضحك – افا من قال انا بقترح على الشعار لاجوا يتغزلون يشوفونتس ياموضي موضي اللي عارفه لأساليب ولد عمها – ماخذنا منك غير الحكي فارس ضحك – انتي تعرفين معزتس ياام نواف اجل وينهم عيالتس موضي – انت يافويرس بس تبي تفرس زايد حرام عليك دايم يسالني يمه انا الاكبر ولا نواف وإذا قلت انت قال اجل ليش فارس يقول ياام نواف فارس ضحك بقوه – هههههههههههههههههه كان قلتيله كلن ومقامه نواف اسم حلو وكشوخ ودلع اما اسمك نحبه من حبنا بس لزايد الله يرحمه ولا مافيه زود موضي وقفت وهي تضحك – بروح اجيب القهوه فارس – قبل لاتجيبين القهوه يقولون ان الشواب امس بقو عليكم بقه قويه والمصون وضحى بنت خزام ضاقت من فهيد آل قاسي موضي جلست وهي تضحك – والله فاتك دخلة جدتي علينا وهي تبكي والشيخ فهيد امس طلع ضبع عند وضحى قعد يراضيها ويحايلها لين رويمه صورتهم بجوالها فيديو وهات يضحك عليهم طول الليل فارس طاح على بطنه – ورويم ماتبطل علومها خخخخخخخخخخخخ ريم نزلت – وش فيها عمتك الشيخه ريم فارس ناظرها بنص عين – فيها ان سعيدان جاي وراي وان كنتي بنت ابوتس اقعدي معه ريم بققت عيونها ولفت ظهرها وفحطت فوق موضي ضحكت – حرام عليك احرجتها فارس – حرام عليها اهيه اخوي مسكين وهو ميت يبي يلمح زولها وهي بنت اللذين زابنه فوق موضي وقفت – اخوك دعله مايعرف الرومانسيه ولا كان يجيب الها باقة ورد شوكلاطه شي من هاذا القبيل فارس رافع صوته لان موضي خلاص وصلت المطبخ – وان كفشه ابوتس قسم لايعلقه مع كراعينه في مسلخكم اللي ورى البيت موضي أمرت الخدم يجيبون القهوه – إلا بسألك وينه عمي ضاحي ليش ماجاء معك فارس – علمي علمتس انا كبت علي امي جيك الماء وسبحتني فيه الساعه 11 ويادوب تروشت وخلصت سيده لموتري حتى مالمحت موتره في المسجد قلت يمكن سبقني عندكم بس ماشفت سيارته موضي – اها فارس يتلفت يمين ويسار – وين الربع موضي – ابوي في مجلسه يقول بيجيه رجال وجدي راح معه وجدتي زابنه بغرفتها من عقب احداث امس وامي راحت عند خالتي مريضه فارس – افا خالتس مزنه وش فيها موضي – ايه تعب بسيط زكام وما زكام فارس – اها ( ووقف ) اجل انا اسمحيلي بروح لجدتي وان جاء سعد خليه يجي لانه هو مكلمني وقلت له بجيكم وهو اتفق معي بعد واكيد على وصول ( قرب من موضي ) ولو تسوين فيه خير وتخلينه يشوف حبيبة القلب تصيرين اطيب من ابوتس ( ورفع يدينه بشكل تمثيلي ) الحمدالله الحمدالله اللي بس جاب بنتين عمي عشان مااتورط واحب منكم ويمنعني عمي من لمح زولها ضحكت موضي بقوه – والله انك خطيرررررررر فارس غمزلها – مو اخطر منك ياجميل موضي تضحك من حركاته – اقول رح لايشوفك زايد ثم قسم لايقلبك عجينه الليله فارس ضحك ومسك بطنه – انتي وشدراتس عاد ولدتس دعله على ابوه ( وراح وخلاها متجه لجناح جدته وجده ) موضي من راح عنها .. ومن طرى ابوه .. امسكت دمعتها .. تكره طاريه تكرهه ولو بيدها امحته من على الارض بكبرها في الشقه ازعجه الجوال اللي يرن كل شوي .. رفع راسه وناظر في الرقم .. طلع رقم البيت وعرف انها امه .. واكيد بتسويله سين جيم .. ضبط صوته .. وتحنحن وفتح الخط – هلا يمه منيره أم محمد – هلا يمه انت وينك ياابوي نايف يمثل – انت ماتشوف منيره – وش تقول نايف – لا بس واحد دزني وانا بركب سيارتي طالع من المسجد منيره بفرح لان هالولد متعبها – بارك الله فيك ياابوي ايه يابعدي خلاص وانا امك تعال انا مسويه لك الغداء اللي تحبه نايف رحم امه ووقف على حيله ويحس راسه دايخ – طيب يمه نص ساعه بالكثير واجي منيره بتساؤل – نص ساعه ياابوي ليه وين انت مصلي نايف اللي تورط – يمه انا سهرت عند الشباب ونمت عندهم وصلينا في المسجد اللي جنبهم وهذاني انتي بس يالغاليه جهزي الغداء وافرغيه على ماوصل منيره بحنان – ابشر ياابوي ابشر ياعيوني لاتسرع وانا امك نايف – إن شاءالله يمه منيره – يالله فديتك لاتبطي وفداعة الله نايف – هلا يمه سكر من امه وجلس على الكنبه .. وهو مهموم لمتى يشرب الزفت اللي يشربه .. المشكله انه دكتور ويعرف مضار الخمر ويشربه .. اجل الجاهل وش يقول عنه .. يبي يتغير بس مو عارف الطريقه والحل .. استغفر ربه .. لان الايمان في داخله كبير والاحساس بالذنب باللي قاعد يسويه يقتله .. اتجهه للحمام يتروش ويصلي الصلوات اللي طافته ويتجهز بسرعه عشان خاطر المسكينه اللي يرحمها كثير في بيت سعد بن فهيد دخل سعد ومعه ضاحي وهم يضحكون .. وقفوا عند الباب ضاحي – درب درب سعد بن ضاحي معي ريم من سمعت اسم سعد قمزت واقفه تركض .. وموضي وفارس والجده وضحى يضحكون منها موضي – اقربوا اقربوا حياكم دربكم سمح ضاحي وسعد يدخلون وسعد منقهر من تصرف ضاحي سعد بقهر – انا بعرف انت دعله مثل ابوك ماتخلون الواحد ياخذ راحته ضاحي خرها ضحك – هههههههههههههههههه نخليك تأخذ راحتك إن شاءالله يوم العرس سعد شاف الجميع يضحك – وانت وش مجلسك عند الحريم ومخلي عمك وجدك عند الريجيل هناك فارس – وش ابي بسوالف الشواب قسم بالله غثاء فلان سام الناقه الفلانيه بكذا وفلان شرى المزرعه الفلانيه بكذا سعد اتجهه على جدته يسلم عليه ويحب يدها – وشلونتس يابنت خزام ( يحبون ينادونها بهالاسم لانها هي لاتعزوت قالت انا بنت خزام وبكذا يحبون ينادونها ابنت خزام .. والعجوز عاد تنبسط ) الجده وضحى – الله يسلمك وانا امك تعال تعال ( وتجلسه جنبها ) اخوانك وينهم الكبار مااشوفهم مايجي عندي غير انت وذا النخله كلهم ضحكوا من كلمتها ( لان فارس طويل مره ونحيف ) فارس يسوي نفسه زعلان – الله يسامحتس يابنت خزام هاذي اخرتها اتعنى التس بالوصل وانت تصدني يازين صدتك تجرح القلب وتعله كلهم ضحكوا على كلامه سعد يناظر موضي – اسمحيلي ياام زايد ماوفيناتس حقتس وشلونتس عساتس بخير موضي – بخير زان حالك وشلونك انت وشلون الشغل معك سعد – اخخخخ لاتذكريني بالشغل اشهد بالله ان سواقة الطياره غثاء اخخ ياقهري ياسنين عمري اللي قضيتها في دراستها لواني مختصرها مثل اخواني وداخل العسكريه اطلع ضابط وننتهي بس محدثتس يحب الغثاء ضاحي – حوفك ننصحك لاتدخل الطيران لاتدخله وانت بالش عمرك بس والله ياسعد ان وظيفتك انت زينه وشيفتاتك كلها دول عربيه سعد اللي شاف ظل زول ريم تسمع فيهم وبخبث – انا عشان اختك ماطلبت الدول الاوربيه اشوف المشنقط والمحنقط بس ان استمريتوا يا آل سعد بن فهيد في قراركم التعسفي ان ادق الطياره لهيثرو في لندن واتبصر على كيف كيفي فارس فهم عليه ومات ضحك لانه شاف نظرات سعد وين متجهه كلهم ضحكوا على كلامه .. وسعد خقها ضحكه يوم شاف الظل اختفى عرف انها عصبت من كلامه ضاحي – والله انت تعرف سلومنا مافيه شوفه غير لين العرس سعد بشكل حزين – الله يصبرنا المشكله الوالده ماتعرس غير لين افرح باخوانك حشى انا اعرف البنات اللي يعنسن اخواني دقوا العنس وطافوه شيب صقر نضح ونايف في صدوغ راسه كلهم ضحكوا سعد وقف – يالله اجل انا استأذن ( وناظر في فارس ) يالله فارس وهو يضرب على كتف جدته – انا بنتظر الشايب يوم يجي ويلقاني راز بنت خزام هنيا كود اليوم ينولني كم وريقات زرق ( يقصد خمس مئة ريال ) سعد – بكيفك بس ترى امي مكلمتني تقول الغداء بارز موضي – افا ياسعد هذه كلام غدانا حنا بعد بارز سعد – تسلمين ياموضي بس امي جد ماعندها احد مدري عن نايف يمكن جاها موضي – ليه وعمي ومحمد وصقر وينهم سعد يصرف الموضوع – عندهم شغل ومدري متى يردون موضي – اها الله يحفظهم اجل سعد – يالله اجل فداعة الله الجميع – فداعة الله وقف السياره بعصبيه .. وابوه ناظر فيه – انجنيت انت صقر يناظر في محمد اللي متجه لهم – بنات اخوك خلن فينا عقل ( فتح صقر الشباك ) محمد ناظر فيهم – تأخرتوا صقر – انمسكنا في مسجد إمامه بغى مايفكنا خطبته قويه ضاحي وهو لابس النظاره الشمسيه – وين بيت بنات عمك محمد وهو يتجهه على سيارته – الحقوني صقر لبس النظاره ومشى ورى محمد .. لين وقفوا قدام البيت ووقف محمد .. واتجهه لباب ابوه وفتحله الباب .. واشر عليه – هاذا بيتهن يبه صقر ناظر البيت بنص عين وفتح الباب ونزل .. ونزل ضاحي من السياره . |
( البـــــــــــــــارت الرابـــــــــ 4 ـع ) بيت ضاحي بن فهيد فتح الباب ودخل .. لقى امه تنتظره وعيال محمد اخوه ابتسم لهم – السلام عليكم منيره – وعليكم السلام يايمه وينك ابطيت نايف بتعب قرب من راس امه وباسه – اعذريني يمه كنت عند الربع وعلى مافكوني وقدرت اجي منيره – الله يعينك يمه يالله وانا امك رح غسل وبحط الغداء وسعد اخوك على وصول نايف يتلفت يسار ويمين – وين ابوي والباقين منيره بألم – رحوا يجيبون بنات عمك اللي الله يستر لايدري عنهم جدك صاح خالد بقوه – آآآآآآآآآآآآآآآآه منيره ونايف ركضوا لهم – وش فيكم خالد يبكي – خلود الوصخه ضربتني نايف ضحك – افا بطل وتبكي وبعدين عيب الرجال يبكي ( وشاله ونقزه في السماء ) خلود اغتارت وجلست تطالعهم وقوست شفايفها .. ناظر نايف فيها وضحك – لا انتي حبيبة عمو سعد انا حبيبي بس خالد صح يابطل خالد بوناسه – صح ياعمو ( وجلس يبوس خده ) وهااااااااااااات ياصياح ياخلود .. حاولوا يراضونها بكل الطرق مارضت .. لين وصل سعد وخبروه السالفه وقام يقرنشها ويلاعبها ومن الكلام الزين منيره حطت الغداء على السفره في الارض ( اللي المدنيه والتطور ماغير هالطبع فيهم ) – يالله تعالوا الغداء في بيت سلطان كان يأكل على الطاوله ومعه حمزه سلطان بهم جاثم على صدره .. وحمزه حاس فيه – عمي ليش ذبحك التفكير انته ذبحت عمرك عمي سلطان ناظر فيه – كم مره قلت لك لاتقول عمي انت اللي مشاركني وحدتي ومونسني ياعم حمزه وفي مقام الغالي المرحوم حمزه – العفو عمي كلن وله مقامه ( حمزه اخذ على الكلام السعودي وعرفه عشرة عمر بس برضوا يبان على كلامه ولهجته انه هندي ) ناظر سلطان فيه – انت ليه ماتزوجت لين هالحين اللي كبرك عندهم عيال قدي ضحك حمزه وبعدين رجع وسند ظهره على الكرسي وزفر بأنين – تدري عاد ياعمي لو قلت لك ان كل مشكل في الحياه هو الحب ابتسم سلطان – يعني كنت تحب حمزه ناظر فيه وبعيون مليانه دموع – كنت لوالله ياعمي لين هالحينه انا فيه يحب سلطان استغرب – ويومك تحب ياعم ليش خليتها وجيت حمزه بألم باين في عيونه – لان الحرمه كلو كذاب يكذب علي كثير لين جيت عند بابا الله يرحمه اشتغل واجمع فلوس عرفت ان هيه فيه يتزوج وباعت انا بالفلوس لان خطيب مالها عنده فلوس واجد سلطان بقهر وألم – وهي كل مصيبه في هالدنيا وراها حرمه الدوادمي انطق الباب على البنات اللي كانن ملتمات على الغداء يأكلن رز ابيض ولبن غنم وزبدة غنم وضحى – قومي هند افتحي الباب هند ناظرت فيها – وش معنى انا اللي افتح أبي أكل ( لان هي شوي مربربه وتحب الاكل ) وضحى – لانتس الصغيره ومشاءالله اللي يشوف الشكل يقول هاذي تحتاج لتمارين قاسيه مايدري انتس تزرطين الاولي والتالي هند قامت وهي تهاوش – الحمدالله والشكر تمن علي عشاني أذوق من عيشتها اللي تطبخها للناس وضحى وقفتها بعصبيه – لحظه لحظه وقفي هند وقفت وناظرت فيها بريعه – وش فيتس وضحى – بتطلعين بهالشكل الكشه تروع بلد ازرقي البسي برقعتس وحطي جلالتس عليتس هند انقهرت – وانتن إن شاءالله بعد مانتن لابسات براقعتسن افرضن افرضن ( وبفكره وطقت اصبعها عليها ) ولد عمتسن المصون شيخه اشرقت وكلهن ألتمن عليها .. ونوره ركضت تجيب الها مويه .. زرطته وبسرعه وقفت البست جلالها وبرقعها وناظرت فيهن – انتن بعد البسن براقعتسن بروح افتح انا بنفسي وان كان هو يتفل العافيه اليوم كلهن بسرعه قامن يلبسن وطلعن ورى شيخه اللي افتحت الباب وشافت رجالين وولد عمهن معهم محمد بتشفي وهو يدخل – اقلط اقلط ياابوي شيخه حطت يدها على الباب – للبيوت حرمتها انت وإياه خير داخلين علينا محمد وخر يدها وبقهر – استحي على وجهتس تردين عمتس ضاحي مايدخل كل هالشي تحت مراقبة ومتابعة صقر اللي لين هالحين مافصخ النظاره ويشوفها بنص عين .. ولو تعرف شي عن هالنظره لاتطين عيشته وتخلي يومه اسود ضاحي بوناسه لشوف بنات اخوه دخل وتبعه محمد وصقر – انتي من انتي وانا عمتس شيخه ناظرت فيهم بقهر .. ووضحى تولت هالدور – لو سمحت ياعم حنا بنحترم شيباتك ومابنبلغ الشرطه بس لم ولدك اللي كل شوي هاجدنا ويدق بابنا ضاحي ناظر فيها بعمق وتمعن في مشيتها وهي تعرج – انتي وضحى صح خواتها كلهم ناظروها بصدمه وهي انصدمت وماقدرت تتكلم تولى الكلام ضاحي اللي بعبره حزينه – جيت لابوتس وانتي عمرتس سنه وشوي وكنتي تعرجين وعلمني عن قصتس وبكا وبكاني معه ايه انتي سمية امي سمية الغاليه ( وضحى اللي انصدمت من كلامه هي تعرف انها سمية جدتها اللي تتمنى تشوفها بس ماتبين هالتمني عند خواتها وعند نفسها بسبب القرار الظالم بحقهم .. تتذكر يوم ابوها يدخل الغرفه على بناته ويتجهه يمها يحبها ويبكي ويشم ريحتها .. تسمعه يتمتم بكلام ماكانت تعرفه لين كبرت شوي وصارت تمثل تنتظر ابوها يوم يدخل ويبكي ويقول ياليتس ياوضحى تطلعين مثل سميتس ياليتس ياوضحى تصيرين مثل امي .. آآآآآآآآآآآآآآآه وتسمع ونينه طول الليل لين وقت التهجد .. تشوف ابوها يطلع ويصلي ويقرأ قرآن لين الفجر ثم صلى وطلع يدور رزقه .. من عقب هالكلام صارت تتمنى تشوف جدتها من كثر شوق ابوها لها شيخه بسلاطة لسان – ووينكم يوم تعرفون ان لكم بنات اخو وينك عنهن توك تعرفنا تفضل من غير مطرود حنا مانستقبل ناس حثاله مثلكم صقر اللي هالمره صرخ – هييييييييييييييييييييييييييييييييييييييييييييييييي ه الكل قمز من صرخته من ضمنهم شيخه بس مابينت .. مشى بسرعه لها ومطلع عقاله مسكه ابوه ومحمد شيخه عضت شفايفها بقهر وقامت تقهره – انت هيييييه وش شايفن نفسك مسويلي فيها ابو المراجل وانت تبي تلوح بعقالك لأنت ولاعشره من أشكالك يمد يده ويضربني الديره فيها أمن وأقدر اطلع حقي من بين عيونك انقهروا من كلامها وابتسم ضاحي لها – اها اجل انتي شيخه شيخه ناظرت فيه وحطت عيونها بعيونه بقوه – ايه انا شيخه وعارفه انك عمي زول ابوي يتراولي فيك وشبهه بس اخذ وراعينك ( مطوا عيونهم على هالكلمه ) ولمهم واركب موترك وتوكل مراح معك ماحنا برايحات انتم رفضتوا ابوي ورفضتونا عقب موته وابوك مانعك تأخذنا رح توكل ترانا ماحنا براعيات أمور رديه حنا بنات ناصر والكل يشهد بالحق فينا محمد وهو يتذكر كلام الشباب عنهم وبعصبيه – واضح والدشير اللي هنيا يوم قلت وين بيت ناصر كل واحد عطاني وصف التسن وخصا انتي ياراعية البسطه شيخه بقهر – اقطع اقطع عسى لسانك للقطع ماتستحي على وجهك صقر بعصبيه – اقطعي انتي ويالله ضفن هداميلتسن واركبن مع ابوي وضحى – ماحنا برايحات واللي في راسه عنتره يصفيه بعيد عنا ثم استحوا على وجيهكم خلوا لعمكم حشمه يوم تهجمون على بناته ماتستحون ضاحي – بس خلاص خلصتوا انتم وإياهن ( ناظر في بنات اخوه ) معتسن حق انتسن تزعلن مير انتن مانتن برادات عمتسن انا ماني بمخليتسن هنيا الا ان كانتسن تبن إلي الغثا وتغثني وضحى ناظرت فيه وهي اعقلهن اتجهت إله وحبت راسه .. وسط إستغراب خواتها وعيال عمها – عمي ماحنا برايحات مكان ممنوعات منه وابوك الله يحفظه إلكم مايبلع شوفتنا ضاحي بطيب لهالبنت حب راسها – وانا قلت تكفن عشان عنا عمتسن إلتسن والكلمه اللي تغثتسن تغثني واللي تبنه حاضرله بس والله اني مااقدر اترك محارمي بديره وانا بديره شيخه ناظرت في وضحى .. ووضحى ناظرت في شيخه وخواتها صقر بقهر يكلم محمد – مايكفيهن بعد ابوي متعني ويفكرن الهوانم وضحى بعقل – عمي وبأي اساس تبانا نروح معك وش يحدنا نرد لمكان انطرد ابونا منه شيخه بقهر وحرقه – ابوي مات وهو مغبون ومقهور على طردتكم إله وعقب كذا إلكم عين ترجعون لبناته بناته مثله المكان اللي ضم ابونا بيضمنا وماحنا براجعات معك ضاحي ناظر في صقر ومحمد – اطلعوا وصكروا الباب خلوني مع بنات عمكم بعد فتره طويله شوي طلع ضاحي وعيونه حمر وخشمه ,, وبهالشوفه ثار صقر وشد على يدينه ضاحي ناظر في محمد – محمد يابوي ادخل وشل الشناط اللي طلعنها بنات عمك محمد إبتسم بتشفي ,, وصقر إبتسم نص إبتسامه ولبس نظارته واتجهه على سيارته وفتح لأبوه الباب عشان يركب وينتظرون البنات بيت سعد بن فهيد فارس يقرنش العواده جده وجدته فهيد بعصبيه – انتسلع انتسلع يالنخله تبي تشيش بنت خزام علي كلهم ضحكوا فارس وهو يضحك وهمس لجدته – شفتي يابنت خزام شايبتس يحبتس ليت ينولنا من هالمحبه نصيب الجده وضحى وتهمسله مثل همسه .. والشايب يتحرقص يبي يعرف - والله انك منت بسهل مير اذلف عني وراك ( قالت اذلف عني وراك بصوت عالي ) كلهم قعدوا يضحكون فارس ضحك ووقف – والله انكم ياهشياب منتم بسيطين متفقين علي بغيت الزرق مير الله يعوضني ( بتمثيل سوى نفسه زعلان ) ومشى وهو معطيهم ظهره قعد يضحك يوم سمع جدته تناديه لانه يعرف انها تموت فيه ووقف الجده وضحى – يالنخله تعال جاي فارس لف راسه ووخر ضحكته ومكشر – هلا الجده وضحى ناظرت الشايب فهيد – فهيد فهيد ناظر فيهم – نعم الجده وضحى – ابك عطه سد عينه من اليوم يتحراك يبي دراهم كلهم ضحكوا وريم علقت – كاك كاك كاك عطوه عطوه سدوا عينه فارس انقهر – اقطعي انتي ( وناظر في جدته ) ماابي شي ماابي المنه هذا جزاي يابنت خزام اراضيتس على هالشيبه ويوم عطى كل واحدن فيكم ضحكه وغمزه للأخر خلاص رميتوني وصرت كخه الشايب فهيد – كخه تكخ وجهك اذلف اذلف والله ماتشم الريال موضي وريم طاحن على بطونهن فارس انقهر ومالقى نفسه غير انه يضحك وبعد فتره من الضحك – زين الله يسامحكم اقول الوضحي الشايب مطر يتخبر عنتس مانساتس جيت بناخيه ( بناخيه المقصود به حفيده ) ونشدني عنتس وقلت هي بخير وطيبه ورد فيتس قصيده بكيت منها انا وعزام هالمره فهيد وقف بعصاه .. وفارس اعطى رجلينه للباب .. وماسك شماغه لايطيح ويضحك .. والشايب يلحقه .. ماوصل للباب الداخلي غير يشوف غبار سيارة فارس الشايب فهيد – ماعليه يالمخنز وين تبي تذلف والله اني في قفاك ( تهديد ووعيد بالبدوي ) اما فارس في سيارته ويالله يسوق من الضحك .. دق جواله وهدت موجة الضحك ناظر في الرقم .. رقم ابوه .. خاف لايكون العلم وصل ابوه .. بس مستحيل يوصله بهالسرعه فتح الخط وتحنحن – هلا يبه ضاحي – انت وينك فارس – توني طالع من بيت عمي سعد ليه وش تبي طال عمرك ضاحي – انا في الدوادمي توني ظهرت منها ومعي بنات عمك ابيك تروح وتشتري خمس أسره وتحطها في الملاحق اللي تابعه للبيت فارس اللي استانس ان بيكون في البيت جو بنات .. لانه تمنى ان يكون عنده خوات والحمدالله ربي عطاه على قدر نيته .. ودائم يروح لبيت عمه سعد عشان جو البنات يحبه ويستانس فيه – ازهلها ياابو محمد ماطلبت متى بتاصلون انتم ضاحي – بعد ساعه ونص ساعتين بالكثير فارس – ابدن مايجن غير وكل شين زاهب ضاحي – فمان الله اجل فارس – فمان الله |
في سيارة صقر اللي كانت جيب لكزس راكب ضاحي وصقر اللي يسوق .. والبنات ورى وضحى وشيخه ونوره اما ساره وهند في المرتبه الأخيره .. ومحمد معه الاغراض حقتهن ضاحي بوناسه لردتهن معه – يالله انك تحيي بنات اخوي ناصر الله يبيحه ويسكنه الجنه وضحى اللي ردت – الله يجزاك خير ضاحي ويحس اهمومه انزاحت بردتهن معه .. ناظر في صقر ولده اللي يسوق وهو ساكت ونظارته الشمسيه فيه .. وفي راسه تخطيطات وش كثر شيخه وتحس انها مربطه من عقب كلمة وضحى ولا هي ماتبي الرده – ومن هناك عايف رجعتنا بعد غير الشايب صقر رص يدينه بقوه على الدركسون .. وضاحي صكت فتره – انا عارف انتسن تحسن بالغبن والقهر ولاني بلايمتسن وانا عمتسن بس ابوي فتره ويرضى انتن تعرفن تفكير الكبير والأوليين قلوبهم قاسيه ماتلين غير لاشابوا وجدتسن صدقني بيرضى مير حنا اللي غلطنا والغلط مني انا اللي ماجبتسن من مات اخوي واحتريت هالسنين هاذي صقر بقهر – انت ماغلطت ياابوي شيخه انقهرت من كلامه – انت كل شي تحطله تبرير لاتحسب اني بسكت في الحق لا ابوك غلطان وعمك وجدك بعد صقر ضرب فرامل ووقف السياره على جنب .. والكل ارتاع غير شيخه .. وضاحي يدعي ان الله يستر مالقت ترنقش غير هالحمقي .. محمد سفط وراهم لانه كان يتبعهم صقر نزل وفتح الباب اللي عند شيخه بقوه وناظر فيها – دواتس عندي والله انتس تحرمين على الرجال غيري ولا تضوين بكره عندي وخلني اشوف هاللسان يوطوط شيخه بعصبيه وغبن وقهر – تخسي ثم تخسي ,, ونزلت من سيارته وجلست على الارض بقهر وبعناد – وهه وهاذي جلسه ولاني بقايمه غير لين تردوني للدوادمي ووالله ثم والله ماارجع معكم دخل على ضاحي بن سعد المكتب العسكري وهو يلهث – ياطويل العمر قدرنا نحصل صالح الواصل ضاحي بفرح وقف من كرسيه – فذمتك العسكري انبسط لبسطة نقيبه – ايوالله اني صادق والجماعه حقين الاستخبارات قالوا متى تبون تقبضون عليه ضاحي جلس وهو مبتسم – لا عاد متى نقبض عليه شغلنا مو شغلهم ( ناظر فيه) انت بس اخذ عنوانه بالضبط وكثفوا المراقبه عليه واعرفوا مع من يتعامل وكل شي عنه وبإذن الله مايمر هالاسبوع الا وهو مقيد في السجن عندي وانا اللي بتولى هالكلب وان ماشربت من دمه مااكون ضاحي محمد اقترب منهم – انتم وش فيكم وش صار ضاحي تعوذ من إبليس ونزل ونزلت وضحى والبنات وضحى بقهر – فيه ان اخوك هذه بيسوي علينا قوي وبيفرض عضلاته بس على من انت وإياه حنا بنات ناصر لحمنا مر واللي يرشنا بالماء نرشه دم محمد مسك ضحكته على كلامها .. قرب ضاحي ( ابو محمد ) منهم واتجهه لصقر وضربه كف .. الجميع كلهم استغربوا .. وببساطه هالكف مايأثر على واحد مثل صقر بس سكت إحترام لأبوه – انت بتضيم بنات اخوي وانا حي صقر اتجهه على السياره وركبها من دون كلام .. واللي في راسه يطبخ وبيسويه لو على قص رقبته .. بس وين بتروحين من صقر ضاحي ودمعته نزلت والكل استغربها – رجلي على رجلتس وانا ابوتس ويالله ارواح يم الدوادمي عوّدنا محمد مط عيونه – ابوي من صدقك ضاحي – ايه من صدقي ضيم بنات ناصر من ضيمي وانا علمتكم شيخه من سمعت كلام عمها وقفت ونفضت بشتها .. وقربت اله وحبت راسه وبوناسه من اللي سواه – خلاص ياعمي عشان علمك اللي رد كرامتنا برجع معك للرياض ولا انا حالفه ماارجع معه عقب إهانته إلي ضاحي – ماعليتس من صقيران هذه دمه حامي ومايحاسب على كلمته انا بوريتس الشغل فيه وضحى بدفاع – عمي بعد إذنك حنا محنا بحاجتكم ان كان ولدك كل شوي يبي يهينا ونسكت ضاحي – لاتخافن وانا عمتسن هذه مهبول ولا يدري عن اللي يقوله وانتن تبن تعيشن وتجلسن في بيت عمتسن مب بيته اتجهه لسيارة صقر وتكلم معه شوي .. ونزل صقر واذ مفتاح سيارة محمد ضاحي – يالله يامحمد روحنا انت اللي بتسوق فينا محمد بسخريه من اللي يصير – روحنا هه يالله اركبن بنات عمي ناصر تفضلن شيخه تمر من عنده وتناظره بنص عين .. وتركب وتصك الباب بقوه .. ومن زود القوه صقر سمع صكة بابه في سيارة محمد وسبها بقهر في سيارته وبصرخه – جعل ربي يكسر راسك محمد كاتم ضحكه على اللي قاعد يصير .. وعارف انها مستقصدتها تبي تأذي سيارة صقر في بيت ضاحي بن فهيد البيت كله ربكه .. وفارس واقف على راس العمال يدخلون الأسره والمفارش للملاحق اللي تتكون من غرفتين ومطبخ ودورة مياه نايف سمع الضجه وطلع يشوف وش صاير ناظر العمال بنص عين – وش صاير فارس بأمر للعامل – لا حطه على الجنب الثاني ( ناظر في نايف ) فيه ان بنات عمي ناصر بيجن وقاعد ارتب المكان لهن نايف ضحك بسخريه – ومالقى يرتب إلهن المكان غيرك فارس ناظره بنص عين – ليه وش فيني نايف – لا سلامتك مافيك شي فارس انقهر منه – تكلم كلام ينفهم موب تخشخش بكلامك مانعرف وش تقصد وبعدين اسمع بعطيك نصيحه لوجهه الله وبما انك محسوب علي اخو إذا بتقعد بهالاخلاق صدقني يا نايف لاتخلي العالم كلها تكرهك وتنفر منك اسمعها من اخوك اللي اصغر منك بس والله ان حتى الطب خساره فيك ( وطلع برى للعمال اللي خلصوا تركيب ويحاسبهم ) وقف نايف فتره من الوقت .. بعدين طلع للمستشفى وهو يفكر في كلام فارس طول اليوم كله المغرب \ بيت ضاحي بن فهيد وصلوا البنات وعمهن .. وكانت منيره وفارس وسعد والاطفال خلود وخالد في إستقبالهم نزلت شيخه من السياره وخواتها وراها .. مرها صقر وناظر فيها بنص عين ضاحي قرب منهم ومسك وضحى بيدها – ياحي الله بنات الغالي اقلطن اقلطن وانا عمتسن البيت بيتسن فارس كان يناظر في البنات ويبتسم إلهم .. وسعد نظراته جامده يتفحصهم .. منيره نزلت من درج المدخل وتوجهت لهم تهلي وترحب .. سلمت عليهم وحده وحده .. وكان سلامها حار .. حتى ان دمعتها نزلت يوم تتذكر ابوهم ناصر اللي كانت تحبه كأخ لها وولد عم .. ويحبها وتحبه ضمت البنات بقوه وخصوصا وضحى اللي مستغربه من سلامها القوي فارس يبتسم من امه – بس يمه لاتقلبين فلم هندي ضاحي يناظر فيهم ومثمن لمنيره إستقبالها الرائع والحلو إلهن ضاحي – حياتسن حياتسن يابناتي صقر ومحمد سبقوهم على داخل .. وفارس وسعد قربوا منهن سعد – اخباركم يابنات ردت عليه وضحى – بخير فارس بروح مرحه – اعرفتسن هاذا سعد ( ويأشر عليه ) العمر 27 سنه جامد شوي بس مشقلب طيارات ههههههههههههههههه ( ويضحك ) الكل ناظر فيه .. قام يرقع وأشر على نفسه - وانا محسوبتسن فارس بن ضاحي العمر 24 سنه اخر سنه في جامعة الملك سعود تخصص إدارة اعمال ابتسمن البنات على خفة دمه وناظر في وضحى – وانتي وش اسمتس وضحى ببلاهه – انا فارس بضحكه – لا جدي اللي وراتس كلهم التفتوا يدورون الجد .. وقعد فارس يضحك .. وابوه ناظر فيه بنص عين وضحى ابتسمت لخفة دمه وشافت ان عمها بيهاوشه وقطعت السالفه – اسمي وضحى ( وهاذي تأشر عليهن وحده حده ) هاذي شيخه وهاذي ساره وهاذي هند ناظر فيهن وحده وحده وهو يبتسم إلهن .. وبدورهن إبتسمن له عدى شيخه رفع حاجب يوم ماشافها إبتسمت له شيخه تناظر عمها – وين المكان اللي راح نرقد فيه انا تعبانه وابي ارقد ضاحي يكلم فارس اللي عينه على شيخه – جهزت اللي قلت لك عليه فارس ناظر في ابوه بعدين رد نظراته لشيخه – ايه يبه جاهز ضاحي – اجل يالله ناد بابو والشغالات ونزلوا الأغراض حقت بنات عمك معه وانتن يابناتي اقلطن وراتسن لين هالحين في الحوش كلهم دخلوا للبيت والشغالات وبابو يدخلون الأغراض في الملحق حق البنات صقر ومحمد كانوا جالسين على الجلسه الارضيه في مجمع الصالات حقت البيت وفي عيونهم كلام قوي منيره دخلت البنات في الصاله الثانيه وقدمت إلهن القهوه والمقاديع وترحب فيهن وباين انها مبسوطه فيهن بالحيل البنات حسن براحه لها خصوصا شيخه ووضحى اللي همست لأختها – شكلها اجوديه مرة عمتس شيخه بسخريه – والله مايندرى عنها يقولتس المثل لاتامن الحبل يصير حيه والله مدري وضحى – فكينا من خوفتس هالحين اهم شي ان الله يسهل إلنا الأمور شيخه ناظرت فيها بقهر – لوانتس رافضه انّا نرجع تسان يمدينا في بيتنا واخذين راحتنا ومفتكين من الغثا عيال عمتس اللي ولا واحد مرتاحتلهم وضحى بطيب – حرام عليتس فارس اجودي شيخه بقهر – اكره هالطيب اللي مدهورنا لو نسلم منه تسان ما أنكل حقنا نوره تهمس لهم – انتم وش تقولون فضّحتنا في الحرمه شيخه بصوت عالي – عجوز لاراحت ولاجت نوره ووضحى وهند وساره مطن عيونهن وإسكتن منيره بطيب تتغاضى عنها – يالله انك تحيي بنات المرحوم ناصر وضحى تولت الكلام – الله يحيتس ياعمه شيخه وقفت – انا ابي اروح ارقد على مقامي من غبشه والطريق اتعبني منيره وقفت – ابشري وانا امتس اروحتسن معي القسم حقتسن جاهز واخذن راحتسن فيه عيال عمتسن مايطبون هالمكان ولا يعرفونه شيخه تهمس لنوره اللي وقفت جنبها – بعد مابقى الا هيه تسان اكسر كراعينهم هاذا اللي ناقص نوره وهي شاده على براطمها – اششششششش خلي هالليله تعدي مشن وراها متجهات على القسم حقهن .. اللي فرجتهن عليه منيره .. واللي فيه ساره يوم شافت الأسره اللي متوزعه على الغرفتين والتسريحات اللي موجوده مثل ماتمنى شهقت من الوناسه شيخه مسكتها وقرصتها .. وهند انبسطت على المطبخ اللي باين ان فيه مالذ وطاب ومارضت تطلع منه .. ونوره ووضحى يتفرجن على المسخره اللي تصير من خواتهن منيره ناظرت فيهن بحب وطيب – وضحى وانا امتس انتي وخواتس هالمكان منتن بعايشات فيه يوم ويومين لا وانا امتس هاذا التسن وحقتسن واخذن فيه راحتسن وعيال عمتسن لاتحسسوهم انهم غريبين ولا انتن بغريبات عليهم البسن براقعتسن وشراشفتسن واجلسوا معنا عادي ترى هاذي سلومنا وعوايدنا ولد العم حساب الأخو .. ( وناظرت فيهن بحب ) الله مارزقني بنات مير الله يوم رزقني بالبنات رزقني بخمس عساتسن للعافيه وانا امتسن ويشهد الله اني انبسطت فيتسن وانا امتسن لاتعدني غريبه وضحى استانست على كلامها – حتى انا ويشهد الله علي ياعمه اني حبيتس والبنات سكتن يناظرن في كلامها وهن معجبهن غير شيخه اللي قلبها فيه شي ماتدري وش ولاهي بمرتاحه مثل خواتها في الصاله الثانيه .. كان العكس .. كانت فيه نار شابه صقر بعصبيه – بأخذها يعني بأخذها ضاحي بعصبيه – انت صاحي ولا مجنون بنات عمك يالله جن معنا انت تبي يرجعن من حيد ماجن محمد يهدي ابوه .. وسعد وفارس يتفرجون عليهم – يبه الله يهديك المفروض انك تنبسط وتستانس ولدك يبي يربط بنات اخوك عندك أكثر والمفروض انك انت اللي تطلب هالطلب منه بعد مو هو ليش مكبر السالفه الولد يبي يأخذها مافيها شي اصلا المفروض تستانس ولا والله ام لسان هاذي من بيجي يدورها عندك ويفكر يتزوجها ضاحي قعد يفكر في السالفه اكثر واكثر .. وشاف ان عياله هم الصح .. البنت باين عليها عوباء ماتصلح غير لصقر .. ( ناظر في صقر ) بس المشكله صقر نار وهي نار = إنفجار ضاحي – الله يوفق ويسهل الأمر اللي فيه خير صقر رفع حاجب بإنتصار ومحمد إبتسم له بغرور فارس وقف – ممكن اعرف وش سبب التصميم اللي في عيونك ياصقر والله ان هالنظره ماذكرتني غير بطير سطام اللي اشتريته منه ولعبت عليه صقر مط عيونه على فارس .. فارس حط عيونه بتصميم على صقر .. وبعد فتره طلع عنهم فوق ضاحي بتساؤل – وش يقصد اخوك ياصقر صقر يرقع السالفه – خلك من هالورع ماعنده سالفه ,, يبه ابيك بكره تكلم البنت ماابي هالأسبوع ينتهي الا وهي عندي ومانبي عرس ابي اتزوجها بعد قبل جدي لايدري وتصير مشكله ضاحي اتكى على المركى اكثر – نشوف سعد ضحك نص ضحكه وقام .. هالحين بس وضحتله السالفه .. السالفه فيها تحدي واضح بين محمد وصقر والضحيه بنات العم .. نفس سالفة صقر وسطام .. اللي محمد بعد تحدى صقر يلعب عليه ويشتريه منه برخيص وشراه بأرخص سعر .. بس بعد فتره عرف ان صقر مايرضى بالحرام .. وعطى سطام السعر الأصلي لانه مايرضى يغش أخوه المسلم ( من غشنا فليس منا ) .. عرف ان اخوه فيه بذرة خير .. بس بتطلع هالبذره على بنت عمه المسكينه اللي يوم طاحت طاحت في شخص ماشاف حد في حياته اكثر منه هيبه وقوه وعصبيه |
في الملاحق وضحى دخلت الحمام .. وساره على التسريحه تناظر شكها ووتتدلع بمليون حركه .. وهند في المطبخ وتأكل .. ونوره تتفرج على الجناح أكثر وتفتش فيه.. اما شيخه كانت سرحانه ولبعيد نوره نفضت يدينها من التفتيش يوم ماحصلت غير غبار – اففففففف الله يعين على غبار الرياض ناظرت في شيخه اللي جالسه وهي سرحانه وجلست عندها – شيخه شفيتس شيخه إلتفتت إلها – مدري بس قلبي مقروص احس اني مااني مرتاحه هنيا ساره اللي نطت عليهم وهي فاتحه شعرها وبوناسه – بالعكسسسسسسسس آآآآآآآآآآآه يازينتس يالرياض والله انها تجنن وشبابها يجنن مو مثل شباب الدوادمي شيخه ناظرتها بنص عين مو رايقه إلها ,, نوره عصبت منها – وبعدين يااختي على المراهقه حقتس عيب استحي كلنا راهقنا مو مثلتس تبين تفشلينا ويوقلون بنات ناصر ماتربن شيخه وكأنها تذكرت ووقفت إلها ومطت شعرها وبعصبيه – حنا من يوم جينا هنيا ماشفنا غير عيال عمتس المصرقع إن شاءالله انهم هم عشان ادفنتس في محلتس وانتي حيه ساره نزلت دموعها بخوف – لالالالالالا اصلا من قال ماحبيت احد انا بس شدني الجمال بس شيخه وتنفضها – من فيهم زين محمد الشايب العايب وصقيران اللي وجهه كنه وجهه الحصني وكله مكاريش ومشوخ والباقين واحد طوله يروع ولاينتشاهد والثاني الله بالخير باين انه كمخه نوره وهي تكتم ضحكتها – حرام عليتس ياشويخ حطيتيهم كلهم ماينتشاهدون ومافيهم الزين ساره فكت نفسها من يدين شيخه .. وركضت بعيد عنها شيخه بعصبيه وهي تهاوش فيها – بس اطريهم واقسم بالله ياسويره اني لاخلي ليلتس غبره مثل وجهتس ساره قعدت تبكي اخذت برقعها وجلالها لبستهم وطلعت في الحوش .. هم كذا خواتها يحبون تكون المستضعفه في يدينهم انا .. فجأه مطت عيونها للي شافته .. اللي تشوفه حلم ولا علم .. سبحآن الله في بيت سعد بن فهيد موضي تلبس عيالها بجايمهم .. اندق الباب عليها – اتفضل دخلت عليها ريم وهي تبتسم – مانمتي انتي وعيالتس موضي ابتسمت لها – لا تعالي ,, وزين انتس جيتي ابيتس في موضوع ريم سكرت الباب وقمزت ع سريرها – يالله قولي شوقتيني موضي تلبس زايد بجامته وهو يتذمر منها عصبت موضي – ترى بضربك زايد – يمه مااحبها هاذي البجامه تجيبلي الحر موضي – لا احلف ياشيخ زايد بسؤال عفوي – يمه وينه ابوي ( وعينه بعينها ) .. انقهرت موضي وعصبت عليه – تبي تروح إله إذلف قلعتك مافيه حسوفه لاعليك ولا على ابوك ريم اقتربت من زايد وضمته – موضي الله يهداتس هذا كلام ينقال موضي – هالعيال ياريم شيبوا راسي اظاهر انهم يبون اقول حقيقة ابوهم ووين يكون وارتاح ريم بحنان لاختها ولعيال اختها – لا اصحي يريم حرام عليك وشذنبهم موضي وهي تدمع – الذنب ذنبي يوم انضربت على راسي وماحبيت غير ابوهم ولاتمنيت اتزوج غيره آآآآآآآآآآآه بس ريم تكلم زايد – حبيبي روح نام بس قول بسم الله وراك مدرسه زايد يناظر امه وبدموع ماليه عيونه – ماما سامحيني ماراح اسأل عن بابا مره ثانيه موضي اقتربت منه وضمته وهي تمسح دموعها ودموعه .. وسط حزن ريم عليهم – خلاص يمه لاتزعل روح نام عشان تصحى بكره بدري ونشيط زايد باس خد امه وراح ينام .. جنب اخوه اللي كان هادي ويناظر فيهم .. موضي ابتسمت لنواف – وانت مافيه بوسه حق الماما نواف ركض لها وباسها بقوه – احبك ماما موضي بحب لهم – وانا يمه احبكم بقووووووووه ريم ابتسمت لهم – لا كذا زعلتوني وانا مالي بوسه زايد ونواف بقوه هجموا عليها وهي تضحك لهم .. ويالله فككتهم موضي وخلتهم ينامون غصب وردت لريم – ريم ابي اسألتس ريم – اسألي موضي – اليوم كلمتني مريم اخت عيسى وتقول ابوهم يبي يشوف العيال ريم رفعت حاجب – عجيب وانتي وش قلتي إلها موضي بقهر – قلت وين إن شاءالله يبي يشوفهم يباني اودي عيالي سجون يعرفون حقيقة ابوهم ريم بقهر – آآآآآآآآآآآه الخايسه لو انا اللي مكلمتها موضي بعصبيه – لا يهمتس غسلت شراعها وقلت وانتي ماسألتي عن عيالتس بعد همزتها في العلم ريم بقهر وغبن – والله انها ماتستاهل ظفر محمد ولد عمي آآآآآآآآآآآآه يالقهر بس فيها يوم ابتلى فيها بس مساكين العيال اللي جو بينهم تورطوا ببغض محمد ومريموه لبعضهم موضي – ياعيني ياخالد ولود والله اني شفقانه عليهم الله يعوضهم بالعوض الزين والصالح بيت سلطان بن عيسى مريم بقهر وهي تكلم عيسى – ياعيسى والله انها حيه من تحت رفضت وش اوي إلها انا عيسى بقهر وغبن – طول عمرها كلـ ..........ه وبيظل قلبها أسود الله يسود ايامها هالتعبانه بس تصبر إن شاءالله بيجيني عفو واطلع واعلمها من يكون عيسى مريم وبألم نابع من حقد – عليك فيها وياليتك تطين عيشة آل قاسي واحد واحد من صغير لكبير اللي سواه لنا مو بسيط يحسبون عمرهم في برج ممشوق عالي هه بس وين بيرحون عنا عيسى يزفر هواء كاتمه – المهم انا بتصرف في هالسالفه بمعرفتي فمان الله مريم – فمان الله يااخوي وانتبه على عمرك سكرت الجوال من اخوه .. ورجعت تجلس عند امها ام عيسى – وشلونه عيسى مريم – مقهور ياحبة عيني عسى من قهره وضامه للقهر والضيم واليوم الأسود اللي نشمت عليهم فيها ام عيسى بغبن – انا بأخذهم وبوديهم لأبوهم وابي اشوف الحثاله وش بيقدرون يسوون مريم – وانا معتس بكره نبي نروح إلهم يطلعون عيالنا بالطيب ولا بالغصب اخذينهم لأبوهم اخذينهم يحمدون النعمه انهم لين هالحين عندها هالجربانه بيت ضاحي بن فهيد فجأه مطت عيونها للي شافته .. اللي تشوفه حلم ولا علم .. سبحآن الله .. وش هالجمال اللي مر عليها .. وقفت بلا شعور تتبعه بدون ماتحس في عمرها .. ومن دون هو بنفسه مايحس فيها .. وعيونها تتبعه ومو راضيه تفارقه ( المراهقه تلعب دور كبير ) دخل داخل البيت من دون مايعرف عنها أي شي نايف يناظر فيهم – السلآم عليكم الجميع – عليكم السلام مشى بإتجاهم وهو باين فيه التعب – وينه عشاكم تراني جوعان منيره قامت – حاضر يابعد عيني بقوم اخليهم يحطونه وبخليهم يحطون بعد عشاء يرسلونه يم البنات نايف رفع حاجب – وصلوا هه ,, صقر ناظر فيه بنص عين محمد اللي كانوا عياله حوله خالد – بابا الاستاذ يقول خل ابوك يجي محمد بعصبيه ناظر فيه – ليه وش مهبب ضاحي بعصبيه – محمد محمد يناظر ولده بعصبيه – ليش يبني اجي خالد بخوف من ابوه – عشاني ماحفظت القران محمد مسكه بإذنه – وليه ياحمار ماحفظت القران وإستاذك اللي يجيك كل يوم وش يسوي صقر – محمد خلاص عاد نايف قام واخذ خالد من ابوه اللي قعد يبكي – محمد خف حرام عليك اللي تسويه في عيالك خلود اقتربت من جدها ضاحي – جدو انا اخاف من بابا ضاحي بقهر – حسبي الله ونعم الوكيل ,, ماعليتس وانا جدتس ابوكم يحبكم مير فيه نعرة ياغلي لو تظهر محمد قام وهو يزفر بعصبيه صقر – تعال العشاء محمد – ماابي شي ولا زفت ابي انخمد بس اليوم الثاني \ الصباح .. بيت ضاحي الملاحق وضحى صحت وتجهز الفطور .. دخلت عليها شيخه المطبخ – اففففففف ماتعودت على الجلسه لواني في الدوادمي كان يمديني بسطت بسطتي وشفت رزقي وضحى بتريقه – انسي البسطه في الرياض عيال عمتس حنش وضبعان شيخه وكأن الفكره عجبتها – ابي ابسط هنا ولا شرايتس نقعد عاني عليهم ويذلونا في اللقمه وضحى تركت اللي بيدها وناظرت في اختها – اسكتي ياشيخه انا بعد افكر في هالأمر كل شي فجأه تركناه ورحنا من بيكد علينا شيخه اتجهت تأخذ لها كوب – اصبري ايام وبشوف حل لازم نبلغ عمي ماحنا بساكتات حنا مانرضى بالمهانه انطق الباب عليهن .. راحت شيخه تفتح الباب ,, شافت منيره داخله عليهن منيره – السلام عليتسن وانا امتسن البنات – عليكم السلام وضحى – حيتس ياعمه .. وشيخه واقفه عند الباب تحتريها وش تقول منيره – امس قلت انتسن جايات تعبنات ولا رضيت انتسن تجن وتعشن مير اليوم حتى عمتسن يحتريتسن للفطور شيخه – واخزياه وتبينا نأكل مع عيالتس منيره بحب – وش فيهم عيالي عيال عمتسن واخوانتسن وانا ماقلت اكلوا معهم مير ماانتن بحابسات عميراتسن بهالملحق تعالن داخل ابي أكل وإياتسن انا من زمان اتمنى ألتم مع حريم أكل الحريم إله طعم زمان كانت عندي مريم مير الله يصلح الحال وراحت الله يستر عليها وهالحين انا ابى اكل معتسن وضحى بطيب – إن شاءالله ياعمه بنجي ,, وانا بجي معتس بعد منيره – هاعجلن وانا امتس عمتسن يحتريتسن يبي يعلمتسن حتى بعلمن عنده قبل يروح لشغله بيت ضاحي بن فهيد \ البيت صحى فارس وشماغه على كتفه وملزمته في يده.. اتجهه لأبوه وحب راسه – صبحك الله بالخير يبه ضاحي اللي ترك الجريده وناظر فيه – صبحك الله بالرضى ,, قايم بدري فارس – عندي محاضره بعد ساعه بس قمت ابي افطر معكم اليوم ( ناظر يمين ويسار ) وين امي ضاحي – امك راحت تنادي بنات عمك وانت يالله افطر بسرعه قبل لأيجن ماابيك تقعد معهن انا طردت اخوانك قدمك فارس ضحك – ههههههههههههههههه من طردت ابوي اتخيل انه صدق وطردت صقر ضاحي عصب – ايه اطرده يالمخنز ليه وش فيه صقر فارس يسكت عن الضحك – لا مافيه شي ,, وينهن بنات عمي بصبح عليهن ضاحي – انت اكل واذلف اباهن يجن مايستحن منك فارس بإبتسامه – افا تطردني ياابو محمد وبنات عمي خواتي دخلت منيره ومعها وضحى اللي يوم شافت فارس استحت بس مابينت – السلام عليكم ضاحي وفارس – وعليكم السلام منيره – انت وراك هنيا مارحت فارس – افااااااا عاد هاه يرضيتس يابنت عمي ( قال بنت عمي لانه لين هالحين ماعرف اسمها ) من اليوم ابوي يطردني وانا بالعها وساكت تجي تكملها علي امي وضحى ابتسمت إله – حرام عليكم فارس مايستاهل فارس ضحك – يعيش الحق الشهاده لله اني مااعرف اسمتس وانتي تعرفيني واحرجتيني انا تراني انسى بسرعه وضحى تبتسم إله – انا وضحى فارس – انا شكيت انتس وضحى بس عاد مابغيت اغلط وافشل عمري ,, ( وقف ) يالله انا بروح تبون شي ضاحي – ماافطرت فارس – بخلي بنات عمي ياخذن راحتهن ابفطر في الجامعه وضحى زعلت عليه وبنخوه – والله ماتروح غير لين تفطر ولا بطلع اخذ راحتك انا بتقهوى قبل الفطور لاني ماافطر غير لين اتقهوى واكيف راسي فارس جلس وهو يبتسم – مدامتس حلفتي هاذي جلسه لان قرصان ام محمد ماتنتفوت ( وفطر ) منيره جلست هي ووضحى عند القهوه اللي قريبه من سفرة الفطور .. وفارس يفطر ويسمع لسوالفهن ضاحي – وين خواتس ياوضحى وضحى – جايات ياعمي شيخه تصحيهن وبيجن سوى وضحى خذت الترمس من مرة عمها وقعدت تقهويهم عمها ومرته .. وصبت لها فنجال فارس – الا بسألتس ياوضحى وضحى – اسأل فارس – فيه احد من خواتس يدرس وضحى – ايه انا ابي اتكلم مع عمي بهالخصوص نوره في الكليه وساره وهند في الثانوي ساره ثالث ثانوي وهاذي اخر سنه وهند ثاني ثانوي فارس – طيب سحبتوا ملفاتهن وضحى – لا ماسوينا شي انا كلمت مدرسة خواتي وعلمت المديره بالسالفه بس عاد نوره بيسجلون عليها غياب في الكليه ضاحي – ايه والله المشكله نسيت سالفة دراستهن وراتسن ماعلمتني وضحى بحزن – هم عيالك ياعمي خلوا فيها علم اخذونا بشراع ومجداف وغصب الا نروح معكم امس ضاحي – والله اني نسيت وانا عمتس العذر والسموحه دخلت شيخه ومعها نوره وهند وساره ,, هند وساره كانن معجبات في البيت حق عمهن فارس اول مشافهن وقف – يالله اسمحولي وشوي لارجعت ياوضحى ابشوف معتس هالموضوع لازم نسحب ملفاتهن شيخه اللي قربت منهم وتبي تعرف السالفه – السلام عليكم الجميع – عليكم السلام شيخه – وش السالفه فارس ناظر فيهن وحده وحده – صباح الخير يابنات عمي البنات بحياء – صباح النور فارس مشى وتاركهم وضحى – السالفه اني اعلم عمي بدراسة خواتي شيخه – صح نسينا امر الدراسه نوره تجلس – انا مانسيت كلمت وحده من البنات وعلمتها تعتذر عني ( ناظرت بعمها ) لازم انقل ضاحي – اكيد خلن لين فارس يجي وبنروح انا وإياه ونجيب ملفاتسن شيخه – مابسلمينكم إياها غير بحضور البنات ياعمي منيره – خلاص اخذ البنات ياضاحي ضاحي – خير إن شاءالله ,, المهم إجلسن بعلمتسن بعلم عندي وضحى – خير ياعمي شيخه ونوره وهند وساره يترقبن عمهن ضاحي ناظر في بنات اخوه وبالأخص شيخه – اسمعني وانا عمتسن انا ويشهد الله علي اني ابيتسن ماتفارقني ويوم المنى عندي يوم كل وحده تضوي بيت رجلها وتستانس معه ( ناظر في شيخه شوي ) شيخه يابنتي صقر خطبتس مني صدمه ,, والصدمه الأكبر كانت منيره اللي ماتعرف عن هالسالفه شي |
( الفصل الخــــــــــــ 5 ـــــامس ) الصباح \ صلاة الفجر الطريق لبيت ضاحي بن فهيد كلهم راجعين من الصلاه ضاحي ومحمد وصقر ونايف وسعد وفارس صقر – ياابوي اليوم كلم البنت ضاحي يتمتم – زين زين محمد ناظر في إخوانه اللي عيونهم كلها معلقه على صقر – وش فيكم نايف ماحب يتدخل بالسالفه دام اللي فيها صقر وتكلم سعد – انتم مصملين محمد – وش فيها الزواج نص الدين صقر ناظر في إخوانه .. وضاحي قطع النظرات ضاحي – صقر قدام أخوانك بسألك وهم بيشهدون يوم الشهاده انت راغبن في البنت ولا في راسك شين ثاني الضيم وانا ابوك ترى موب زين وتراها يتيمه صقر وقف في وجهه ابوه واضطر ابوه يوقف وأشر على شيباته – ياابوي هالشيبات ماحننت قلبك علي وش بيني وبينها عشان اضيمها تراها في الأول والأخير بنت عمي ويالله ترى اسمها حرمه من متى نعرف بالحب والخرابيط انت خذيت امي ماتعرفها الحب عند اليهود مهب عندنا نايف رفع حاجب لانه عرف صقر يجرح وجرحه في الصميم .. ناظر فيه بنص عين ومشى تاركهم وهو يدعي بغبن وقهر – الله لايوفقك معها وجعلها تطين عيشتك فارس وسعد ناظروا في نايف وهو ماشي بعصبيه واضحه .. ويموتون ويعرفون وش بين صقر ونايف اللي كانوا اقرب قريبين لبعض محمد يحاول يدمدم السالفه ومايحس ابوهم – يبه البنت لولد العم وولد العم لبنت عمه هاذي سلومنا وعوايدنا ولو ماجرحت موضي يوم جرحت ودخلت الرخوم بينا كان يمديها تصير حرمتي وام عيالي ضاحي قرص عيونه فيه – انت لين هالحين مانسيت محمد وهو يرص على يده – وماراح انسى الجرح القوي يوصل للصميم ويذبح ضاحي – انت لها عندك إياها تزوجها وخلها تضم عيالك وتضم عيالها محمد ضحك بسخريه – وش عقبه يبه مااقبل إهانة مره فارس بحميه – حدك عاد إلا موضي شيخة الحريم محمد ناظر فيه – ياغلي لو تسكت انت ,, شيخه عندك مو عندنا سعد هز راسه – الله يهديك الله يهديك كلهم مشوا للبيت ,, وكلن يغني على ليلاه بعد هالآحداث بشوي .. الصباح \ بيت ضاحي بن فهيد في الصاله ضاحي ناظر في بنات اخوهوبالأخص شيخه – اسمعني وانا عمتسن انا ويشهد الله علي اني ابيتسن ماتفارقني ويوم المنى عندي يوم كل وحده تضوي بيت رجلها وتستانس معه ( ناظر في شيخه شوي ) شيخه يابنتي صقر خطبتس مني صدمه ,, والصدمه الأكبر كانت منيره اللي ماتعرف عن هالسالفه شي منيره بين حلم وواقع .. مو مشكله يتزوج ولدها بس تمنت البنات إلا وحده غيرها لو وضحى بس هاذي قويه وعوباء .. هي ماتلوم بس شيخه مو عاقله ولا تصلح لصقر هي نار وصقر حريقه يأكل كل اللي قدامه .. اصلا مو مشكله لو تزوجت نايف او حتى محمد بس مو صقر شيخه وقفت وعينها في عين عمها ولو كانت لغة العيون تذبح كان اول المذبوحين عمها وبهدؤ عكس البراكين اللي في الصدر – اسمعني عاد مو عشانا احترمناك تأخذ راحتك بزياده تزوج فلانه لولدك فلان ولا فلان لفلانه شفت السماء ( وتأشر على فوق بدون ماتطالع وعينها بعمها ) لو تنطبق ( وتأشر على الأرض بدون ماتطالع فيها ) على الارض ماضويت انا وولدك في غرفه وحده وبحسره – انا قلته قلبي مقروص من جيت حسبتك بتطلع لنا عون على ولدك اللي من أول ماجاء وهو خام عقاله يبي يضربني ويخسى شيخه مو حمار شيخه مهره وعجز يروضها ألف خيال ضاحي وقف وهو فيه ندم وحسره – اسمعيني وانا عمتـ ....... قطعته بصرخه – اسمعني انت المكان اللي ضم ابوي 30 سنه مو عاجز يضمني ومهب عشان خلاص قدرت علينا وجبتنا بدميعاتك اللي نثرتها خلاص بنوافقك على اللي تبيه انت وولدك يخسي ثم يخسي اخذه وعلمه قل شيخه شيخة الحريم تقول إلك تعلم المرجله ثم تعال اخطب ومشت وخلتهم وسط صدمة خواتها وخصوصا وضحى .. اللي ماتدري وين تودي وجهها ألتفتت على عمها وشافت دمعته تنزل .. بسرعه قامت إله وحبت يده – دخيلك ياعمي لاتأخذ بخاطرك عليها انا بعلمك قصة شيخه ( وناظرت منيره ) دخيلتس ياعمه لاتزعلين دخيلتس طلعت والنار شابه في صدرها .. ولا أي شي يقدر يطفيها .. بس فجأه لقت في عينها صقر بلبس الشرطه توه جاي .. يوم شافته أقبلت عليه وشرشفها يلعبه الهواء .. هالشي وهي مقبله فيه على صقر عرف ان فيه مصيبه واكيد ابوه خبرها .. وقفت في وجهه ورفعت اصبعها – اسمع ياأنت ياابو عقال ياللي تدور مراجلك إبه وتخبى وراه مهب انا اللي يوم أخذ أخذك أنا فرس ماعسفني خيال تبي تعسفني انت يوم انك حلمت ياشيخ احلم على قدك دور من طينتك تراهن واجد .... قاطعها بصرخه – تخسين والله ثم والله لو ماأنتي حرمه وعايبه وضعيفه ومكسوره اني لاعرفتس منهو صقر والله انتس ماتربيتي ماألومتس لأمن مثل العرب والناس وأبون هيتسن من ضاري بس انا لها والله ماتحطين سمعتنا بالأرض ابتس نعبوتس ماتستحين خامه خمايمتس وتكلميني لاسحاء ولا مزاء انتي كذا كل الريجيل تهرجينهم كذا !!! شيخه انقهرت انه اخذ الموضوع لناحيه ثانيه وبسخريه – انا كذا انزل نفسي للواطين اللي مثلك واعطيهم على هرجتهم اللي يفهمونها اخذها من شرشفها وجرها وراه .. وهي تصارخ وتهاوش – فكني ياكلب فكني .. وصقر مايشوف الدرب كله ولا أسم آل قاسي ينزل بالأرض .. دخل البيت وحذفها عند اهله وخواتها وناظر فيهم وهي تهاوش وتسب – اسمعوا اليوم ملكتي على التسلبه هاذي ويوم فيها نعره انا صقر اللي بطلعها ويوم ابوها مارباها انا اربيها .. والله مابقى غير سمعتنا تنزلها القاع بنت الهنديه عادي عندها تهرج فلان وعلان لادين ولا دنيا شيخه بهواش – تخسى تأخذني تخسى صقر ركض يبي يضربها – ابك يامسلمين بعد إلها لسان ( وطلع حزامه ) بس صراخ ضاحي رده – صقـــــــــــــــــــــــــــر صقر وقف وناظر في ابوه وبعصبيه – انا بروح وبعلم جدي العلوم كلها والله وانا احلف ثلاث ان اليوم هاذي الكلبه حليلتي وانا اللي بعرف اربيها منيره ركضت تمسكه وبخوف – انت مجنون ولا صاحي تبي تعلم جدك ( صقر ترك يدها وطلع ) ضاحي خاف على ابوه يصيبه شي – وقف وقف ياصقر ياصقــــــــــر ( وركض يتبعه ) وضحى وهي تبكي قربت لشيخه – هاه استانستي باللي سويتيه شيخه وهي مصدومه من دموع اختها وكلامها وعطتها كف – انتي صاحيه ولا مجنونه تبيني اخذ هالعايب هذه وضحى خمت اختها وضمتها – لاتقولين تسذا لاتقولين شيخه بعصبيه فكتها – ان كانتس خايفة منهم انا ماني بخايفه ومااخاف غير من اللي خلقني وانتي خلتس بخوفتس هذه لين عيال عمتس يحطونتس أمعه مثل ابوتس وأمتس ( ناظرت في خواتها ) من تبي ترجع معي لدوادمي تمشي تلم زهابها ( ناظرت في وضحى ) واللي تبي تقعد عند هاذي وتبيع كرامتها تقعد عندها ,, ( وطلعت وخلتهم ) وضحى طلعت تركض وراها وهي تبكي .. ونوره وهند وساره طلعن وراهن منيره جلست وبكت – حسبي الله ونعم الوكيل حسبي الله ونعم الوكيل لانها سمعت صوت السيارات اللي طلعت من البيت .. اليوم بتصير مصيبه والله يعلم وش بيصير في بيت عيسى طلعن مريم وأمها من البيت .. وكل وحده تطبخ نار على آل قاسي أم عيسى .. مرارة زمن وضيم عيالها .. ومريم يقودها قسوة رجل وإهانة شريك العمر .. وقفن إلهن تكسي ركبن معه .. ووصفن إله البيت لـ سعد بن فهيد آل قاسي .. وتحضري ياموضي لمصيبه جايه في الدرب بيت سعد بن فهيد وقف السياره بسرعه بالعرض في نص حوش بيت سعد ونزل منها وهو يصارخ – ياجدي ياجدي فهيد اللي كان جالس في الجلسه الشعبيه في الحوش وقف وجاه يهرول وبريعه – علامك علامك ترك باب سيارته مفتوح ومشى بسرعه لجده - عيبة آل قاسي عندنا في البيت ( وشاد على شفايفه بقهر ) ونخيتك لاتنزل الأسم اللي نفتخربه في الجماعه في الأرض فهيد مط عيونه وناظر فيه .. ودخول سيارة ضاحي هو اللي قطع عليهم النظرات بيت ضاحي بن فهيد \ الملحق تحط ملابسها في الكيسه اللي جت ابها .. ووضحى تبكي عندها .. ونوره تحاول تمنع شيخه شيخه بصرخه دزت نوره عنها – انتسلعي هناك انتن تبن تضيمني تبن تقهرني والله لأروح لدوادمي واللي فيه خير يلحقني ماأني بجالسة إلهم هنيا ساره وهي تبكي – شيخة تكفين لتروحين هند وهي جالسه على الأرض وتبكي – تراهم يعرفون البيت حنا ذالين يسوون إلتس شي شيخه اللي تلبس بشتها وناظرت في خواتها – انا بنت ابوي ( سخريه من خواتها ) خلتسن يابنات الهنديه ينفعتسن الذل اللي عايشاته ابوي ماذل غير من اللي خلقه وتحداهم واخذ الهنديه وغصبن عن رقبة فهيد وطوايفه وانا غصبن عن آل قاسي كلهم بروح واللي فيه خير قلتها يلحقني ,, وطلعت وخلتهن يبكن ومامداها تفتح الباب بتطلع غير سمعت الصوت القوي – على وين يابنـــــــــــــــــــــــــــــــــت |
قبل مرور 27 سنه .. ايام طفرة البترول .. والسعوديه بدأ عليها مظاهر الحضاره والتمدن .. فهيد – ادخلي ادخلي يابنتي ياوضحى ياوضحى وضحى طلعت من المطبخ .. ناظرت في الشابه المزيونه اللي الأرض تتزلزل من مشيها .. جمال شديد وعيون واسعه جدا عسليه .. شعر أسود غزير ومفكوك .. وجهه يشبه القمر في تفصيله .. ولون برونزي مثير.. بإختصار فتنه فتنه فتنه .. والمشكله يبان انها صغيره في السن ماتتجاوز 16 سنه ( وسبحآن من خالقها ) وضحى من شافتها وشافت زينها بكت .. فهيد مط عيونه منصدم – علامتس يامره وضحى وهي تصيح وتندب حظها وتضرب رأسها وجلست على الأرض– تزوجت علي يافهيد من قالت تزوجت علي طاح في موجة ضحك عارمه - ههههههههههههههههههه ههههههههههههههههههه هههههههههههههههههههههههه حرام عليتس يامره تبيني اتزوج على بنت خزام اللي اغنتني عن الحريم وضحى مسحت دموعها بوناسه ووقفت من الأرض وأشرت عليها – اجل من هاذي فهيد أشر للشغاله – روحي روحي وانا ابوتس للمطبخ ( وراحت الشغاله ) وضحى تناظر فيها يوم مرت حتى مشيها فتنه هاذي خطر كبير داخل عليها البيت .. ناظرت فهيد – فهيد علمني هاذي وش قصتها فهيد اللي يشتغل في أرامكو ذاك الوقت – هاذي سلمتس الله ابو عبدالعزيز قدم في شغاله وجته هاذي يوم شافتها حرمته حلفت يمين ماتب البيت وتدخله يبا الفيت تغار عليه وضحى انقهرت – وليش جايبها هنا فهيد بطيب قلب – حرام عليتس ياوضحى هاذي جاية تأكل عيش وتدور رزق وضحى بعصبيه – انت نسيت ان عندك عيال فهيد – لا مانسيت بس عيالي محترمين ويخافون الله موقف آخر تمسح الزجاج حق غرفته من برى .. وعينه عليها ماتفارقها .. والمشكله ان حتى هي عينها عليه ماتفارقه .. وكأن العيون نادت بعضها .. وأستجابوا لبعض .. قام من فراشه ووقف عند الدريشه وهي تمسح وعيونها فيه .. في قلبه حسره على هالجمال .. هو في بداية عمره ويشوف هالجمال ويتعذب فيه .. اخوانه الثنين تزوجوا وأخته شيخه بعد .. وصار فراغ كبير في حياته .. عينه فيها ومتلذذه إبها .. ذاك الوقت كان في بداية التزامه .. بسرعه وخر عينه وسكر الستاره واستغفر ربه اللي قاعد يسويه غلط .. بس قلبه والشيطان يناديه فتح الستاره مره ثانيه ومالقاها .. سكرها وبسرعه طلع يدور عليها .. حصلها في المطبخ تغسل المواعين وأمه معها .. قرب منها لين مايفرقهم شي .. وأخذ الكوب من يدها .. وسط مراقبة وضحى اللي انصدمت من هالموضوع واتجه للثلاجه يشرب مويه وعينه فيها موقف آخر راجع من الدوام تعبان وحران وزهقان .. وبسرعه اتجهه لغرفته أخذ الفوطه وطلع للحمام بيتسبح الحمام اللي كان جماعي للبيت كله وكان في الحوش .. حصلها فيه تغسله .. وكان حبات العرق مثل اللؤلو في جبينها .. وكانت منحنيه يوم شافته قامت وانسدل شعرها اللي كانت رابطته بإحكام بس إلى هنا ومايقدر يتحمل .. كل شي يناديه وكل شي جُمل في عينه قرب منها ولما شاف خوفها زاد في الأمر أكثر .. وقرب منها كثير مايفصله عنها غير سنتيمترات وكلها في حضنه .. شاف الخوف اللي صحاه من اللي جالس يسويه فيها فكها وطلع هربان من البيت يركض موقف آخر مصيبه يافهيد مصيبه فهيد اللي كان جالس يقرأ – بس الله علينا من المصايب علامتس يامره وضحى – الشغاله لاعمرت فهيد – وش فيها وضحى – بين ان ناصر ولدك متعلقن إبها فهيد انصدم – وانتي وشدراتس يامره وضحى – حركاته وبعض الأحيان يشيل عنها الثقيل وعيونه تفضحه فهيد ضحك – انتي ماتعرفين ان ولدتس مطوع ومايسوي هالحركات أكيد انه يرحمها صغيرة سن وحسبة اخته وضحى بخوف – والله مدري بس قلبي مهب مطمن موقف آخر في المسجد ودموعه تصب بحسره .. لاحظه مدرس التحفيظ حقه وقرب منه وهو يربت عليه المدرس – علامك ياناصر ياولدي عسى مهب الأمر كايد ناصر مسح دموعه وبحسره وعيونه سرحانه لبعيد – الهوى الهوى ياأستاذ وش علاجه ابتسم المدرس وربت عليه – انت حبيت يابوك ناصر ودمعته طاحت – ابتليت ياشيخ بهالحب قلي وش علاجي المدرس – تزوجها وانا ابوك ناصر ناظر في المدرس بقوه – مستحيل المدرس انصعق لكلمته – وراه مستحيل !! ناصر – هاذي غريبه علينا لاهي من هنا ولا تعرف عاداتنا وتقاليدنا المدرس بتسامح – ياولدي هي مسلمه ناصر – ايه ودينها قوي بعد المدرس – انت قادر على العرس ناصر بتفكير – ايه اشتغل والحمدالله المدرس ابتسم – الرسول صلى الله عليه وسلم ياولدي قال ( من جاءكم من ترضون دينه وخلقه فزوجوه إن لم تفعلوا تكن فتنه وأمرٍ عظيما ) والرسول صلى الله عليه وسلم قال بعد ياولدي ( لافرق بين عربي وأعجمي إلا بالتقوى ) عقب كلام الرسول فيه كلام ناصر وكأن الأستاذ عطاه بصيص أمل – بس هي شغاله وأبوي مستحيل يرضى المدرس – ياولدي مدامها مسلمه وقلبك أختارها الله يوفقك ويرزقك معها وانت وأنا ابوك بتزوج مسلمه غيرك خذاله يهوديه ومسيحيه ونصرانيه وأبوك إن كانك تبيني أحاكيه حاكيته والعادات والتقاليد والتعصب عمرها مانفعت أحد والرسول قال ( أتركوها فإنها نتنه ) ناصر حب راس إستاذه وقام يركض .. معه مفتاح إنفراج همه .. ماراح يلاقي أحسن منها في نظره كانت بنت صاينه عمرها ونفسها بيكلم اهله وبيتزوجها موقف آخر بصدمه – ايششششش فهيد بعصبيه – تخسي تأخذها انت تبي تفضحنا شغاله شغاله ياناصر وين تبانا نودي روسنا عن العرب ناصر – دخيلك دخيلك ياابوي فهيد – تخسي والله انها تحرم عليك برضاي ناصر بتصميم – انت حرمتها علي برضاك وأنا حللتها علي غصب عنك ووالله أني لأخذها فهيد – تخسى ووالله أني لأسفرها وهي بعيدة عن عيونك ( وطلع وخلاهم ) وضحى تشوف نهاية ولدها وتبكي اللي كان أخر العنقود إلها يسوي هالسواه فيهم في أخر الليل مشى بخطوات غير مسموعه لداخل البيت .. دق الباب على الشغاله .. فتحت له وهي لابسه شرشف الصلاه .. كانت تحسبها وضحى طلع هو .. عينه بعينها ويشوف عيونها الحمر واللي باين انها كانت تبكي .. كلمها باللي بيسويه وهي جلست تبكي – ناصر لا مافيه سوي كذا ناصر وهو يتلفت يمين ويسار – ابسرعه امشي ياعايشه بسرعه عايشه – لالالا انا خوف انا صح احب انت وابكي كثير عشان هاذا بلا بس لا مافيه روح ناصر – عايشه امشي بنتزوج والله اني ماألعب بنتزوج وبنسافر بعيد عن أهلي عايشه وكأنها بدت ترضخ وناظرت فيه تدور الصدق بعيونه .. اللي كانت مطمئنه إلها كثير عايشه هزت رأسها دليل الموافقه الصباح جت تركض لفهيد اللي كان نايم وهي تولول – ألحق ألحق يافهيد ناصر والشغاله انحاشوا فهيد قمز بريعه – ابتس انتي صادقه وضحى وهي تضرب على فخوذها وتصيح – ايه ايه قم قم دورهم قم حسبي الله ونعم الوكيل فيتس ياللي حرقتي قلبي على ولدي حسبي الله ( وناظرت في فهيد ) كله منك عمري مااشتكيت وقلت ابي وحده تساعدني انت جبت هالبلوه وبليت ولدي فيها ( وتضرب على رأسها ) آآآآآآه ياخسارتي فيك ياناصر ياخسارتي فيك اللي ماتنتعوض ( وتبكي بأنين وقهر وحسره ) فهيد اللي كان يلبس ملابسه ومعصب ومايشوف قدامه أخذ المفتاح وقعد يركض يدورهم .. وخبر عياله ضاحي وسعد .. لفوا الرياض لف ولا حصلوهم .. وبلغوا الشرطه عليهم .. وذاك الوقت مافيه احد ماضحك وتشمت في آل قاسي وهالشي اللي ماصدقه فهيد .. الكل يتشمت فيه ويسخرون منه .. ولد فهيد تزوج شغاله وذاك الوقت كل شي عيب وبحسابه .. وناصر هد اللي سواه فهيد وقعد يبنيه في لحظه .. من حرمه لاهي من من ثوبهم ولا ثوبها موقف آخر \ بعد سنه وشوي كان جالس حول ابوه واخوانه يوم جاه الأتصال .. وشافه رقم غريب .. وذاك الوقت مااحد يملك جوالات الا اللي حالته الماديه زينه فتح الخط – آلو ناصر بفرحه – باركلي باركلي ياضاحي جتني بنت ضاحي فرح لأخوه بس خبئ هالفرحه – وينك ياناصر قلبنا الديره عليك ابوي غضبان عليك ناصر وكأن فيه شي كدر فرحته – خبر ابوي انا بنرد انا سافرت لنجران دوره وبرد فهيد وسعد اللي كانوا يسمعون لضاحي وهو يكلم .. اخذ فهيد الجوال من يد ناصر – انت يالكلب لاعيني تشوف انك راجع هنيا ولا تعرف حدن في آل قاسي كلهم رح الله لايردك ناصر بحزن – ياابوي انا برجع لاتسوي فيني كذا فهيد بعصبيه – وبطلق المخنزه اللي بليتنا فيها ناصر انصدم من كلام ابوه – ياابوي مااقدر انا جالي منها بنت مااقدر اخليها فهيد بصراخ وهواش – اجل خلها تنفعك وعيني اينها تشوفك عندي ولا تعرف حدن فينا والله ثم والله اني لأبيح الكافر في دمك ( وسكر في وجهه ) |
موقف آخر \ بعد مرور سنه ونص ناصر بفرح – اقلط قلط ياضاحي ضاحي ناظر في المكان اللي يعيش فيه اخوه .. ثم ناظر فيه – ناصر ليش ترضى لعمرك بالمهانه ناصر سكت ضاحي قرب منه – ابوي حرمك من الحلال وفضحك قدام العالم والمكان اللي يعرف ان تشتغل فيه رح وشى رئيسك يطردك شف حالتك والله انك حمار يوم رضيت بهالذل ناصر عطاه ظهره وبنبرة قهر – ابوك يبيني صبي تحت رجله هو اللي يزوجني من اللي يبي ومن أفخر النسب بس انا ماابي هالنسب ياضاحي انا اخترت حرمتي ليش ابوي كذا ليه ضاحي بعصبيه – تبي اعلمك ليش يسوي ابك كذا لانك ولده سنده جابك ورباك وعلمك وماقصر عليك ابوي ينحسب إله ألف حساب حنا قبيله تعرف وش قبيله يعني عآدات وتقاليد مهب في يوم وليله انت تبي تمشي عآدات القبيله على كيفك ابوي بيطردك لانك خالفت سلومنا ووو ( قاطعه شوفة وضحى وهي تمشي وتعرج ومتجهه لأبوها ) ناصر مشى لها وشالها وحب عليها واتجهه لضاحي – شف ياضاحي شفت هالإبتسامه لبنتي مستحيل ابيعها لو بكنوز الأرض وخل ابوي يحرمني من كل شي انا اخترت حرمتي واخترت حياتي ضاحي سكت .. واتجهه لين وصل للباب وناظر في اخوه – الله يسمح دربك ياأخوي ويوفقك بحياتك موقف أخر بغضب جلجل فيه بيت آل قاسي – ومن قالك تروح له هآآآآآآآآآآآآآآآآآه والله ياضاحي والله لو عدتها ثاني مره اني لألحقك الكلب اللي ذلف ضاحي منزل رأسه في الأرض .. ووضحى تبكي بأنين يصدر عن قلب محروق وقفت وصرخت فيهم – بسسسسسسس ( وناظرت في فهيد ) كلها سبايبك كلها من تحت دروبك الله لايسامحك يوم انك احرمتني ضناي فهيد قرب منها وصرخ فيها – والله لوتجيبين طاري لهالموضوع ولا أعرف انتس ارسلتي حدى هالمخانيز للزفت هذاك انتس تحرمين علي يابنت خزام وراح وخلاهم ... وضحى جلست على الأرض تبكي وسعد وشيخه وضاحي حولها يواسونها بعد مرور 20 سنه شيخه وناصر توهم جايين من الغنم .. جلسوا في الصاله عايشه جابت إلهم القهوه – هاه وش سويتوا ( صارت متمرسه كثير في اللغه البدويه اللي حبتها من حب ناصر ) شيخه – ابدن انا ذيبه بنت ذيب اخذناها منه بنص القيمه ناصر يضحك – والله انتس تعرفين السوم وانا ابوتس المشكله كيف مرت على مطلق عايشه بفرح – تراني دعيتلكم قمن دعوتي صابت ناصر ناظر فيها مبتسم – اصلا انا قلت من شفتس وانا عارفن ان عمري وحظي معتس شيخه – احم احم ( ووقفت ) المهم اخوتس عبدالستار تراني شايفته يوطوط عند الحاره عايشه زعلت اخوها مفشلها عند ناصر كل شوي يبي سلف ومدري وش يحسبنهم قاعدين على بنك مادرى انهم مديونين في سرها ( الله يستر منك ياعبدالستار ) بعد مرور سنتين \ الرياض عايشه – الحمدالله اللي خلصنا من هالمعامله وسلمنا من الرياض آه يازين الدوادمي مهب الرياض وشوارعها ناصر- ايوالله صدقتي الله يعين على الزحمه ,, والله ان راسي يعورني عايشه ناظرت فيه – لاتسو .......... ( ماأمدها تقول هالكلمه ,, إلا قضاء الله قد صار ) والسياره اللي قطعت الأشاره اعترضتهم بقوه لانها كانت تبي تلحق قبل تصير حمراء .. اتجمعوا الناس عليهم واكتشفوا انهم ماتوا ,, قبل يلحقون يسعفونهم بعد مرور خمس سنوات الواقع \ الملحق ومامداها تفتح الباب بتطلع غير سمعت الصوت القوي – على وين يابنـــــــــــــــــــــــــــــــــت رفعت عينها وانصدمت |
( الفصــل الســــــــــــــــــــ 6 ــــــادس ) في المستشفى \ العنايه المركزه صرخ عليه المشرف – انت مجنون كنت راح تسبب بموته ناظر فيه بتعب وطلع من العنايه .. طفش كثير .. ماصارت عيشه ..كيف بيركز وهو غارق في مستنقع يبي يطلع منه بس موقادر وصدمة الخيانه تهزه هز .. اليوم صقر فتح عليه جروح صعب تتسكر .. جلس على أحدى الكراسي حقت المراجعين .. ونزل راسه ومسح وجهه وشعره بتعب .. ربت عليه حدى المراجعين – دكتور فيك شي رفع عينه له ووقف – لا شكرن ( وراح وخلاه ) فتحت الباب بتطلع ( سمعت صوت قوي )- على وين يابنـــــــت رفعت عينها وانصدمت .. ووقفت تناظر فيه خواتها اللي كانن يتبعنها بيوقفنها .. ناظرن في اللي تناظر فيه وشهقت وضحى .. ونوره مسكت فمها .. وهند اندست ورى ساره ناظر فيها بتقطيب ورافع حاجبه وراص العصا في الأرض وشموخ الكون فيه – على وين شافت صقر وراه ويناظرها ببرود وكأنه مامسوي شي .. وضاحي واقف ومتوتر قرب منها وبفحيح مثل الأفعى – على وين شيخه شكت انه جدها.. ألتفتت على خواتها وشافت الخوف في عيونهم .. مشت لين اقتربت عنده .. ناظرت فيه – من أنت صقر بشموخ – ماعرفتيه !! شيخه ناظرت فيه بقوه – ماحصل ألنا الشرف صقر قرب من جده – هاذا جدك الشيخ فهيد آل قاسي شيخه ضحكت بسخريه – من متى صار جدي ( خواتها جلسن يبكن .. السالفه مابتمر بسلام ابد ) صقر عصب .. والجد قطع عنه اللي كان بيقوله – وين تبا تذلفين شيخه ناظرت فيه بقوه .. ذكرت هالنظره فهيد بناصر ابوها – اذلف ؟ ليه شايفني جيت هنيا برضاي ترى كل اللي حولك تسدحوا يبونا نجي وليتنا ماجينا فهيد بأمر – ومكانن جيتيه منتي بظاهرة منه شيخه ضحكت بسخريه – الله يرحمك يابوي ( تقصد فيها انها ماتلوم ابوها لان فهيد قوي وابوها صارع موج ) من قالت كلمة ابوي حتى نفضت فهيد هالكلمه وصرخ – الله لايرحمه لاهو اللي ريحني لاحي ولا ميت ذلف وترك عيبته أحملها طول عمري ناظر في صقر – صقر صقر – سم ياجدي فهيد – عجل ازهم بالمملك هذلي عايبات ولازم ينشكمن بريجيل شيخه وقفت بين الجد وصقر وبعرق ينبض قهر – وش عايبات وش مسويات حنا ووش ينشكمن وش شايفنا دايرات على حل شعورنا ونتسكع من شارع لي شارع حنا بنات ناصر اللي يوم جاب وربى ربى وجاب فهيد صفعها كف – انتي لتس عين تطرين اسم ابوتس خايب الرجا مقيوله بنت هنديه وش يرتجي من وراتس وش عرفتس بسلومنا وعوايدنا مير والله واللي حط هالشيبات في راسه ( ويأشر على شيباته ) ان عصف رقابتسن يابنت نويصر في يدي مير اذلفي وراتس ( دزها من طريقه وراح ) .. شيخه مسكت كتفها بقهر .. واتجهت للملحق ودخلت في الحمام وقفلته عليها .. ووضحى تضرب الباب عليها ونوره وساره وهند يبكن وضحى تضرب الباب – شيخه افتحي دخيلتس افتحي شيخه بقوه وبعصبيه – وضيح روحي عني في السعه ماني بفاتحه لأحد ( وتصارخ بقهر ) شايب توه يعرفنا وش عرفه فينا خمس سنين مهب راضي ابنا توه درى عنا وضحى تركت الباب وناظرت في خواتها ودمعت – حسبي الله ونعم الوكيل بيت ضاحي \ في مجلس الرجال فهيد يصارخ – وابوك وراه يروح يطارد وراهن انا قلت ماأبيلهن أثر ورايح من وراي يجيبهن ضاحي اللي كان جالس ومنزل راسه للأرض معاد فيه حيله يتكلم .. ضام بنات اخوه اليتيمات سعد بهدؤ – جدي تراهن بنات وين تبا نهيتهن ترى سمعتهن من سمعتنا لاتنسى ان الناس درت بموت عمي ناصر من زمان وعارفين ان عنده بنات وحنا ماجبناهن ,, ترى مانقدر نكمم افواه العربان فهيد ويضرب على راسه – حسبي الله عليك يانويصر حسبي الله آآآآآآآآآآآآآه ياظيمي ظيماه ضاحي وسعد ناظروا في فهيد اللي باين انه يحس بمراره وظيم في صدره سعد بن فهيد دخل للمجلس – وش صاير وش فيه ياضاحي ( وهو يناظر في اخوه ثم ناظر في ابوه اللي باين انه تعبان ) مشى لين جلس عند ابوه – ابوي علامك فهيد – علامي اخوك اللي الله لايرحمه جاب بنات وهيتهن عقب ماذلف وحشرهن بتسبدي سعد ناظر في اخوه – بنات ناصر هنيا ضاحي بحزن وتعب واضح فيه – ايه ( قطع السالفه الاتصال اللي جاه .. كلم شوي وقال – صقر جاب المملك سعد بن ضاحي وقف وناظر فيهم – ياجماعة الخير مايصير لازم تحليل فهيد ناظر فيه – وش تحليله بعد سعد – ياجدي اللي يملك هالحين لازم يحلل هو واللي بيأخذها الخوف من الامراض الوراثيه فهيد وقف – اقطع هالعلم اللي مامنه فائده عانّا من ضاري نتزوج ولا نحلل ولاصار غير الخير سعد بيحاول ينقذ بنات عمه – بس ياجدي فهيد بعصبيه – اقطع ياولد اقطع سعد – طيب |
بيت سعد بن فهيد \ عند الباب اندق الجرس وفتحت الشغاله .. دخلت ام عيسى ومريم – وين موضي الشغاله – داخل ادخلن للبيت وام عيسى تنادي – ياموضي ياموضي طلعت عمشا مرة سعد وهي تلبس الجلال حقها وبرقعها فوقها .. ناظرت فيهن وانصدمت – علامتسن ام عيسى – علامنا جايين نأخذ عيالنا اللي منعتهم عنا سلوقيتس عمشا بطيب نفس – انتن اقلطن الله يحيتسن مريم بقهر – ماحنا بقالطات خلي عيالنا يجون عمشا – انتن اقلطن وتقهون ويصير كل شين زين وطيب ام عيسى – حرام فنجالن اشربه عندكم ياذي قاسي مااني بناسيت سوايكم في ولدي عساكم تذوقون ضر اللي سويتوه فيه طلعت وضحى على هرجتها – انتن صاحيات ولا مجنن جايات مدرعمات وتدعن ام عيسى – انتي يالعجوز الباليه اسكتي مالي هرجه معتس وينهي مويض الله لايردها بسرعه ريم دقت على اختها اللي كانت في شغلها في البنك – هلا ريم بخوف – موضي الحقي ام عيسى واخته عندنا موضي وقفت بصدمه – وش تقولين ريم – يبن عيالتس يقولون نبي عيالنا وتحت يتهاوشن مع امي وجدتي موضي – يويلي يمه عيالي صكري صكري بكلم السواق يجيبهم إلي هنيا في بيت ضاحي \ مجلس الرجال المملك جالس بين فهيد وضاحي المملك – عطوني أوراق البنت فهيد ناظر في ضاحي – رح عطنا أوراقهن ضاحي اللي مكسور عينه قدام بنات أخوه وقف – طيب اتجهه لهن ولقاهن كلهن جالسات في صالة الملحق – السلام عليكم شاف شيخه تناظر فيه بشموخ عالي ولفت وجهها عنه ووضحى – عليكم السلام ضاحي قرب لين جلس حولهن – اسمعن يابناتي يشهد الله علي اني ماقدرت اسوي شي ماسويته ( ناظر في شيخه ) شيخه وانا عمتس صحيح اني ظمتسن بالحيل مير واللي خلقني اني ماأخلي صقيران يضيمتس انتي وافقي عليه وانا متى ماسوالتس شي يحرم علي النوم وانتي شاكيته غير لين اخذلتس حقتس شيخه ناظرت فيه وبقرصه – عمي انت يوم جيت ألنا حلفت ماأنت بضايمنا ( قرصه خلت ضاحي يسكت ويوقف ) ضاحي ناظر في وضحى – عطني أوراقتسن شيخه بريعه وقفت – من غيري بتزوجونه بعد إذا رضيتوا الهم فيني والله ماأرضاه على خواتي ضاحي – تطمني ماغيرتس احد شيخه اتجهت للشنطه وطلعت الأوراق وبإبتسامه تمثيليه –وليش ماتقول إلي ليش وضحى خايف ببكي مثلا ( مدت عليه الأوراق ) تفضل وبارك لولدك قله شيخه تقول مبروك عليك شيخه والأيام بينا ضاحي اخذ الأوراق وهو ينفث الهواء اللي في صدره – الله يعين اتجهه بالأوراق لمجلس الرجال ,, وواجهه في طريقه اخوه سعد ضاحي ناظره – سعد وش فيك مستعجل سعد – ام عيسى عندنا هي وبنتها تبي عيال ولدها ضاحي – دقيت على حدا من العيال ولا أخذ صقر معك ( يقصد اللي يشتغلون في الشرطه ) سعد – صقر مهب يمنا دقيت على ضاحي وتلفونه مسكر بدق على محمد في السياره ( ومشى بسرعه للسياره ) في بيت سعد بن فهيد عمشا وهي معصبه – والله انها ماهي فيه في شغلها انتن معاد تنفع معتسن الهرجه مريم بعصبيه – ومتى بتشرف حضرتها ولا زبنت الساعه غدت اثناعش عمشا وهي تنفث الهواء اللي في صدرها – ماهيب جاية هالوقت ماتجي غير ثنتين ام عيسى – بالطقاق اللي يطقها وش نبي ابها حنا نبي العيال وراهم مارجعوا من المدرسه في هالأثناء دخل سعد ومحمد وراه وهم يتحنحنون سعد ومحمد – السلام عليكم ام عيسى وقفت إلهم – سعد طلع عيال ولدي مايكفيكم اللي سويتوه فيه تبون تحرمونه عياله سعد عصب من هرجتها – وش طلع عيال ولدي وينه علمتس يوم تقولين لولدتس طلق موضي واحذف عيالها اللي مامنهم خير دام موضي امهم هاه ام عيسى بقوة بأس – ولا يصير تحرمونه عياله ندق على السلوقيه بنتك ونقول هاتي العيال ابوهم يبي يشوفهم وهي معيه محمد بعصبيه – اثر فيتس علم تبين تسحبين عيال موضي للسجن ترضين إلهم يدخلون السجون ام عيسى ناظرت فيه – انت اقطع ولا تهرج محمد عصب – اقطعي انتي مريم تهرج عمرها ورافعه صوتها تبيهم يسمعون – والله ماانظلم غيري انا وانت يااخوي اثاريهم طايحين حب في بعضهم وحنا ياغافلين لكم الله محمد ظهر عقاله ومسطها ابه وهو يسب فيها ووضحى وعمشا وسعد يمسكونه مريم اتخبت ورى امها وتبكي – يالكلب والله اني اظهر اللي سويته في الشرطه واني لأشتكي عليك تحسبك لهالحين رجالي تبي تسوقني على كيفك تخسى والله اني لأشكيك في الشرطه محمد بقو بأس – اشكي وإلي يطلع بيدتس سويه ( وناظر في أمها ) وأخذي امتس معتس البيت يتعذرتسن ام عيسى بصراخ وهواش – والله والله اني لأشكيكم في الشرطه ياذي قاسي واني لأفضحبكم عند العربان ياللي مهيتين بناتكم ( وهن متجهات لبرى هي وبنتها ) محمد يبي يركض إلهن ومسكه سعد – انت انهبلت خلاص عين من الله خير عمشا جلست تبكي – حسبي الله عليهن بيفضحن موضي وبيشكنها في الشرطه محمد ناظر في عمشا – وانا وين رحت ياعمه ( ومسك شنبه ) مايكون ذا الشنب على رجال ان ماغسلت قداحينهن في بيت ضاحي دخل فارس بالسياره .. وناظر البيت مليان ريجيل .. وصقر وأبوه يودعون شيخ عند الباب .. ركن السياره في المواقف ونزل من السياره .. متجهه للمجلس .. لقى سعد وجده – السلام عليكم الجميع – عليكم السلام فارس – وش صاير سعد اللي يطقطق في البي بي – مبروك صقر اعرس فارس بتعجب – اعرس من أخذ سعد – على من يعني على شيخه فهيد وقف بشموخ ووقف سعد معه – قل لأبوك ترى جدي مايبي لبنات هالجيفه ذكر ولايجيبهن عندي خلهن يقعدن عنده وانت ( يقصد سعد ) -امش وصلني سعد دخل جواله في مخباه – سم طال عمرك فارس تركهم واتجهه عند أمه داخل .. لقاها في الغرفه حقتها وتصلي .. جلس على السرير لين انتهت منيره سلمت وألتفت بشرشف الصلاه عن ولدها تستحي منه ولفت راسها عليه – راح المملك فارس – ايه راح وش السالفه منيره بحزن – وش سالفته اخوك سوى ألنا سالفه اليوم وشيخه ماخلت علم ماقالته فارس – وهو غصب يعرس على وحدة ماتبيه منيره – الا قل ماهيب طايقته مير الله يستر منك ياصقر لايضيم اليتيمه ويجبرنا نسكت على الضيم ويحافينا الله فارس – وهي وش سوت وافقت وجدي وش سوى منيره وقفت وطوت سجادتها – فارس رح عني في السعه يحبك وانا امك للبربره رح خلني افكر وش اسوي للضعيفه هي بتجي هنيا ولا وين بتروح هي وصقر صقر دخل عليهم – انا ماتزوجتها لأجل الزواج هالبنت قويه وابيها تحت عينتس يايمه انتي ربيها منيره بعصبيه – وش اربيها بعد خاف الله فارس – صقر وش هالعلم بنات عمي متربيات صقر ناظر فيه من فوق لتحت – انت اقطع لأهرجوا الكبار تسكت ( ناظر في امه ) انا هالبنت ماأخذتها غير ابيها تعرف السلوم حقتنا وابيها مثلتس فيها شي منيره بقهر – انت بدال ماتهرج وواقف عندي المفروض تروح تشتريلها طقم ذهب وبعدين متى تبا تدخل بها صقر بصدمه لأمه وفارس – ومن قال بدخل بها منيره ضربت على صدرها – انت تبي تفضحنا صقر وهو يتذكر جرحها له في الكلام – انا بدرسها اليوم درس ماهيب ناسيته في اللي سوته وقالته عني في منطقه بريه بعيده عن الأعين قاعدين يراقبون الكمين جاهز وكل شي .. بس ينتظرون المُسلم للبضاعه عشان يقبضون عليه .. وقاعدين يرسمون للكمين بحذر لانهم اخطر عصابه في السعوديه ضاحي اللي يكلم سلمان الشاب اللي بيستلم البضاعه بالتلفون لانهم بعيد عنه بس يراقبونه – اسمع انت لاتخاف ان حسيت بخطر طلع زنادك بس حاول حاول ياسلمان مايموت نبيه حي سلمان – ابشر طال عمرك ضاحي – خلاص اجل تراه قرب لك سلمان قبل لايسكر صدم ضاحي – طويل العمر شكل معه احد وشكلها حرمه ضاحي بصدمه – ايششششششششش حرمه |
( الفصـل الســـــــــــــــــ 7 ـــــــــــــــابع ) في بيت سعد بن فهيد \ في الصالات الجده وضحى ماصدقت اللي تسمعه .. وجلست تبكي .. وقامت سجدت على الأرض .. مسحت دمعتها بشرشفها – قم قم ياسعد ياولدي خلني اشوفهن غاليك وانا امك قم ودني ( الفرحه ماهيب سايعتها وبسرعه تمشي لغرفتها ) عمشا – عمه حتى انا ابي اروح معكم سعد – لا خليتس اليوم أكيد بيسوي ألهن ضاحي عشاء وتروحين الجده وضحى تعكز وجابت بشتها وألبسته .. نزلت ريم وشافتهم – وين بتروحين ياجده الجده وضحى – ريم يابنتي بنات عمتس ناصر جن ريم ببلاهه – هاه !! عمشا ضحكت – ايه لتس عم اسمه ناصر وتوفى وبناته عانيهن عند عمتس ضاحي ريم بخباله – من وين جن سكتوا وماحد له نفس يتكلم عقب كلمتها .. وضحى اللي عدلت بشتها – يالله روحنا ريم وهي تركض على فوق – لحظه احتروني بروح معكم سعد ضحك – ياربي هالبنت ماتخلي طفاقتها الجده بحسره انها ضيعت الوقت – عساتس للجدري مهيب صاحيه أرواح للموتر بس لو نحتريها مارحنا غير تالي الليل سعد ( ابو فهيد ) وهو رافع صوته – ياريم خطوة امي مثل السلحفاه ان وصلتي بسرعه لنا قبل نروح والا اقعدي عند امتس اتجهوا برى للحوش .. وبسرعه مشى وطلع السياره لأمه من المواقف وقربها لها .. في هالأثناء سعد والجد فهيد دخلوا البيت الجده وهي تركب – ابك عان الشايب مايحرز يعلمني ( وقعدت تبكي ) وسعد (ابو فهيد ) يهدي فيها .. شافها الجد فهيد وسعد وبسرعه قربوا لهم الجد – علامتس ياوضحى الجده بتشره – علامي ابك يوم بنات ناصر جن وراك ماعلمتني افرح ابهن انت ماخفت الله لين هالحين تبي تحرق قلبي الجد عصب – حسبي الله عليتس ياذا المره سانتس نشبه في ذا ( ويأشر على حلقه ) ريم طلعت وشحاطه في رجل والثانيه في يدها وتصارخ – احتروني احتروني سعد كتم ضحكته بقوه .. والعيون توجهت إله .. وهي تصارخ مادرت عنه لين افتحت الباب وركبت وخلته فاتح وصرخت – إنجااااااااااااز اللي سويته ابوفهيد عصب – خلاص انثبري ريم انبلمت ورى ابوها يقول كذا لين سعد قرب للباب ابتسم لها – مبروك على الأنجاز أحلى إنجاز سويتيه ( وسكر الباب لها ) وسط بلاهتها وصدمتها في اللي سوته .. كل ذا تحت أنظار سعد ابو فهيد عصب من سعد وهرجته بس مقال شي .. لكن الجد أستلمه – انت ماتستحي على وجهك سعد اللي توه يستوعب اللي سواه إبتسم ونزل راسه ابو فهيد حرك بالجده وريم اللي جلست تدمع من الفشيله .. وتحمد النعمه اللي فوقها برقع ولا طلعت الفضايح عند ابوها .. ضغطت على قلبها وجلست تحمد الله اللي ألهمها تلبس البرقع وماتنزل وتلبسه في السياره كان صدق سعد يوم شاف شاف سعد يوم تذكر على وين رايحين حب راس الشايب – انا بروح تأمرني بشي الشايب ذكي فهم ليش مستعجل – ايه ارواح انا وإياك لقسم الريجيل بيجيني شايب ابيك تصب عليه القهوه سعد بصدمه – هااااااااااااااااااااااه في ملحق البنات وضحى بصدمه – انتي وش تقولين شيخه بلا مبألاه – اقولتس يخسي اذلف لغرفته نوره اللي مصدومه – انتي من جدتس شيخه اللي وقفت – ايه من جدي ( وبحرقة قلب ) قسم بالله لولا الخوف من ربي واللي قاله لي ابوي قبل لايموت اني ماقعدت عند هالناس وضحى - خلاص اجل عيب اللي بتسوينه شيخه ناظرت في وضحى – وضحى وش رايتس وانا اختس اخذ عفشي من هالحين واطلع للحرمه واقول وين غرفة بعلي العزيز سمعن صوت صقر عند الباب واقف – وهاذا اللي بتسوينه خواتهن مسكن افواهن بصدمه .. وشيخه احترقت صقر بلا مبألاه – تعالي اباتس ياحرمي العزيزه شيخه ألبست برقعها وجلالها ومشت له تحت إستغراب خواتها .. وقفت عند الباب وناظرت فيه وصرخت بوجهه – انت ماتعرف تستحي تصنت على البيبان قللللللللللللللة أدب ( وقرعت الباب بوجهه ) صقر عصب وفي داخله يطبخ غضب ( هاذي والله العوباء .. قسم بالله مااني بصقر ان ماوريتس يالجنيه ) ودق الباب عليهم بقوه شيخه فتحت الباب وهي مقهوره – خير شتبي صقر جرها مع يدها – وش ابي تعالي وانا اعلمتس وش ابي شيخه انقهرت من مسكة يدها وتجرها منه .. ووضحى طلعت لهم – صقر خلها صقر ناظر في وضحى – شغل لي مع حرمتي ( شدد على الكلمه ) بقضيه واردها لكم بس ولا عليك أمر هاتي عبايتها شيخه بقهر انه يفرض رايه عليها – نعم وخر مناك بس ( وتحاول تفك يدها ) ماني برايحة معك لو تموت مير فكني صقر اللي ماسكها بقبضه وحده بيده .. ووضحى اللي ماتدري وش تسوي وضحى – ا قاطعها صقر – انتي لين هالحين واقفه هاتي عبايتها وضحى ناظرت في شيخه تشوف وش بتقول شيخه بقهر- لاتروحين ماني برايحة معه لمكان صقر مشى بها – خلاص خلتس سيارتي مغيمه واحسن من هالخيمه اللي تلبسينها الشهباء شيخه انقهرت انه يسبها – تخسي ياكلب فك يدي صقر وهو يجرها للسياره – امشي وانتي ساكته ,, حرمه ماتجي غير بالعين الحمراء شيخه تجر يدها منه بقوه وتصرخ بوجهه – اقطع واخس ولوتموت مارحت معك ابلط البحر ثم تعال أحكمني |
في منطقه بريه بعيده عن الأعين قاعدين يراقبونالكمين جاهز وكل شي .. بس ينتظرون المُسلم للبضاعه عشان يقبضون عليه .. وقاعدينيرسمون للكمين بحذر لانهم اخطر عصابه في السعوديه ضاحي اللي يكلم سلمان الشاب اللي بيستلمالبضاعه بالتلفون لانهم بعيد عنه بس يراقبونه – اسمع انت لاتخاف ان حسيت بخطر طلعزنادك بس حاولحاول ياسلمان مايموت نبيه حي سلمان – ابشر طال عمرك ضاحي – خلاص اجلتراه قرب لك سلمان قبل لايسكر صدم ضاحي – طويل العمر شكل معه احد وشكلها حرمه ضاحي بصدمه – ايششششششششش حرمه !! سلمان – نبطل العمليه ضاحي – لا اصحك الحرمه هاذي أكيد تمويه بس حنا لها يالله سكر يابطل وقواك الله وأعرف أن حنا كلنا معك ووراك سلمان – إن شاءالله طال عمرك بعد فتره بسيطه وقفت السياره ونزل منها بو خضر ( رجل في الخمسين في العمر .. يبان عليه من الشخصيات الهامه ) سلمان قرب منه ,, وبو خضر يناظر فيه بو خضر – كلمة السر سلمان اللي نظارته فوقه ولابس لبس رياضي – 123 , 321 بوخضر مو مرتاح ومايعرف ليه – ليش ابو زهره ماارسل غيرك اول مره اشوفك سلمان رد النظاره بثقه لعينه – افا ليه خايف يعني ضاحي والظباط كانوا يسمعون التسجيل اللي مشبك في لبس سلمان بو خضر ناظر فيه بنص عين سلمان يأشر على اللي في السياره – مين !! بو خضر لف رقبته على السياره ورد ناظر في سلمان – بنتي سلمان ابتسم على جنب – تمويه بو خضر – عليك نور سلمان – زين وين البضاعه بو خضر – اصبر لحظه بقولك شي سلمان – تفضل بو خضر – ماتفتش البضاعه سلمان شك – ليش !! بو خضر – بنتي ماتعرف السالفه سلمان في باله صدق عالم غريبه – زين بفتش ورى بدون ماتشوف بو خضر – زين لحظه وراح يطلع البضاعه من السياره .. وسلمان لف على الجهه الثانيه .. جاب البضاعه له .. سلمان فتحها وعشان الفرقه تسمعه – مضبوط هاذا الشغل الصح ( الكلمه السريه للشرطه ) ضاحي من سمع هالكلمه .. أمر بالهجوم .. وبسرعه وسيارات الدوريه معهم وماعرفوا ان حتى العصابه بتسوي كمين لأبو خضر اللي يبيع من وراهم وصار طلق النيران .. بو خضر بيهرب بس سلمان مسكه وكتفه وكلبشه بسرعه قرب منهم ضاحي .. اللي تولى العمليه بنفسه .. اخذ بو خضر وركبه بسيارته ورى وكلبش رجلينه .. وركب بسرعه جنب البنت اللي كانت تصيح ومفجوعه – من انتم ياكلاب ضاحي يسوق ومو معبرها .. وابوها يصارخ – ياكلب فكني والله اني ما أعدي اللي سويتوه فيني ضاحي صرخ فيهم – بسسسسسسسسسسسسس البنت خافت وناظرت في ابوها اللي مكلبش بيدينه وحتى رجلينه وصرخت في ضاحي – فك ابوي فكه من انت من انت وتضرب فيه وهو يسوق .. وهو حاس ان فيه حد يتبعه .. صرخ فيها يوم بغوا يصدمون – بسسسسسسسس انا من الشرطه ان عدتي اللي سويتيه والله لحطك في السجن بسسسسس البنت قعدت تصيح وتضرب راسها .. وابوها يناظر في بنته اللي ظلمها باللي سواه .. وقعد يدمع هاذي نهايته .. ليته سمع كلام عبداللطيف ولا لعب على العصابه ويوم لعب طاح في يدين الشرطه طلع ضاحي جواله ودق بسرعه على سلمان – شصار سلمان – أكتشفنا انهم على سياره وحده وفيها اثنين واحد تصاوب والثاني انحاش وطلبنا الأسعاف ضاحي بتعب – حد فيكم صار فيه شي سلمان – خالد إصابه في رجله شظيه بس ضاحي نفث الهواء ورفع عينه للسياره اللي تتبعهم – زين بلغ النقاط اللي قدامي بتبليغ بالسياره ابيهم يفسحون المجال وقلهم وراي سياره لاند كروزر سوداء شاك فيها خلهم يوقفونها لين اتصرف سلمان – إن شاءالله طال عمرك سكر ضاحي وهو يسمع البنت تبكي .. وأبوها يصارخ – فكوني فكوني ضاحي بهيبه وصراخ – قلت بــــــــــــــــــــــــــــس انطم انت وإياها .. البنت عصبت وأخذت الدركسون تلف فيه يمين ويسار .. ضاحي عطاها ضربه على البطن .. صرخت منها البنت .. وأبوها يصرخ فيه – ياكلب بنتي بنتي ضاحي بعصبيه - توك تعرف بنتك قرب من نقطة تفتيش ووقف .. طلب من حدى العساكر يرافقه ..السالفه خطيره والبنت وابوها يخوفون بيت ضاحي ( بو محمد ) وصلت سيارة بو فهيد وأمه وبنته .. وشافوا صقر واقف وقدامه شيخه ويتهاوشون نزل بو فهيد ومشى لهم – خير خير وش فيكم شيخه ناظرت فيه – كملت من أنت بعد صقر خزها بنص عين – انقلعي للسياره شيخه رفعت أصبعها تهدد – ماني برايحه وأعلى مابخيلك اركبه ( وعطته ظهرها ومشت وخلته ) صقر صارخ فيها – وقفــــــــــــــــي شيخه تكمل ولا همها .. مشى ووقف في وجهها ورفع وجهها – انا يامحترمه يوم اتكلم ماتعطيني ظهرتس شيخه نزلت يده بقوه – انت شتبي تبي تفرد عضلاتك علي تخسي صقر عصب هالكلمه هزته .. جرها بيدها وسط صراخ الكل ومتابعتهم .. وخواتها اللي واقفين ومايقدرن يسون شي .. الجده قربت منه وتعكز بعصاها وباين انها متأثره – صقر وانا جدتك فكها شيخه ناظرت في هالعجوز تصير جدتها .. ماتدري ليش ماكرهتها نفس هالعائله صقر معصب – جده ابعدي عن طريقي تراها حرمتي وانا اتفاهم معها على كيفي الجده دمعت – تكفى ياصقر وانا جدتك فكها لاتضيمها صقر ويجر شيخه متجهه لداخل البيت – ماني بظايمها شيخه اللي تصرخ فيه وتجر يدها – فكني فكني منيره اللي كانت جالسه في الصاله هي وضاحي وفارس وقفوا على هالاصوات صقر وهو يصرخ – بتمشين يعني بتمشين فارس ركض له – صقر وشفيك فكها ضاحي صرخ فيه – انت صاحي ولا انهبلت مو معناها تزوجتها تضيمها وتبي تسوي اللي براسك غصب وضحى وبو فهيد والبنات وريم دخلوا وراهم الجده وهي تعكز – حسبي الله عليك من ولد هو وينه صقر بعصبيه – قلت لكم مالكم خص هاذي حرمتي خلاص كلن ياقف عند حده شيخه صرخت فيه – تخسي انا اللي بو صقر مسك فمها بيده وهي تحاول تفك يدها – اقطعي اقطعي وضحى قربت لعمها وهي تعرج وبقهر– عمي نخيتك فك أختي من شره ضاحي جاء بيقرب له .. صقر وقفه بيده وهو ماسك فمها – وقف ياابوي في محلك قلت لكم وبعيدها هاذي حرمتي ومالكم خص فيها ضاحي قرب وأخذ شيخه منه – حرمتك لعطيتها المهر وصار العرس نقول حرمتك هالحين رح لشغلك وفكنا من شرك صقر انقهر وعصب عطاهم ظهره وطلع شيخه بعصبيه – قليل الأدب والله اني مااخلي اللي سواه يعدي على خير ويشوف ضاحي مسكها بيدها وجلسها جنبه – تعالي ياابوتس جنبي وخليه ماعليتس منه الجده بتعب وتمش دموعها – ضاحي ياولدي وراك تزوجها هالمقرود ولدك أمداكم تكتبون كتابهم من دون ماتعلمني وأنا اللي محترق قلبي على شوفتهن ( تناظر في بنات ناصر ) – قربن قربن تعالن سلمن علي انا جدتسن وضحى ياحي ذا الشوفه يابنياتي ,, ( وقعدت تبكي وتمسح دموعها بمروجلها (( المقصود به شرشفها )) وضحى ونوره متأثرات بدموعها ومترددات ,, وشيخه تدخن من اللي سواه صقر فيها هند قربت عندها وسلمت عليها ,, ساره تشجعت وقربت لها الجده تناظر في نوره ووضحى وشيخه – وانتن قربن تعالن وانا جدتسن ( وتأشر بيدها ) نوره مشت لها وسلمت عليها – كيفك ياجده الجده – بخير وانا جدتس يامشاءالله يامشاءالله افصخن براقعتسن بشوفتسن ومسكت يد نوره وجلستها عندها الكل اتجهت أنظاره على فارس اللي خجل وقعد يتحنحن – احم احم ايه انا بطلع غرفتي تبون شي منيره – لا وانا امك مانبي غير سلامتك فارس بسرعه طلع وهو منحرج الجده تناظر في نوره – هافصخي وانا جدتس اوخيتسن راح نوره فصخت برقعها والكل ذكر الله ( وجهه دائري زي القمر خشم طويل وعين حاده كثير تشبهه الصقر في نظرتها فيها حبة خال في خدها وفمها مليان وصغير بس فيها جمال لدرجة ان العم بو فهيد لف وجهه من جمالها الجده – بسم الله مشاءالله ربي يحفظتس ياعين ابوي انتي تشبهين ابوتس الله معطيه من الزين ومغطيه لإله إلا الله عليتس ربي يحفظتس وناظرت في وضحى – وانتي تعالي وراتس ماتجيني وضحى عينها في عين الجده ناظرت فيها فتره وهي تدمع بعدين عرجت بسرعه ومشت لها .. ضمتها بقوه وبكت .. الجده بكت لبكاها وبكن فتره من الوقت فكن بعض .. وفكت الجده منها برقعها ( وجهها طويل لتحت ومليان شوي عينها اليمنى فيها حور معطيها جاذبيه رموش عينها كثيفه بالمره ومكحله خشمها حاد بس فمها وسيع شوي بس يجذب لانه مليان الجده سمت عليها وذكرت الله وهمست لها – انتي تشبهيني وانا جدتس وضحى ابتسمت ناظرت في شيخه اللي جت وسلمت عليها – كيفتس الجده – بخير وانا جدتس يمال الخير افصخي وريني وانا امتس وجهتس شيخه مسكت برقعها – بعدين ياجده تشوفين وجههي انا مااحب اكشف الجده بطيب – على راحتس وانا امتس ناظرت في هند وساره – وانتن افصخن ورني زينتسن هند فصخت برقعها ( عيونها صغيره بس مكحله ورموشها كثيفه خشمها حلو وفمها صغير كثير ومليان ووجهها دائري وحلو بإختصار فيها نعومه أكثر من أنه يكون جمال وحلا ساره فكت برقعها والكل شهق بداخله ويسمي عليها ( جدا جدا جميله وعند وصفها يصعب الوصف عين وسيعه مره وحواجب مرسومه رسم وجهه دائري وخشم طويل فم صغير .. الكل تذكر صورة أمها فيها تشبهه أمها لدرجه كبيره الجده لفت وجهها عنها لانها ذكرتها بأمها واللي سوته في ولدها .. ودمعت عينها ابو فهيد وريم قربوا لهن وسلموا عليهن وحده وحده – وانا عمتسن أعذرنا في اللي صار ابوي قاسي بالحيل بيض الله وجهه ضاحي اللي جابتسن ضاحي يبتسم لهن – والله انه ياسعد من دخلن بيتي والبركه حالة فيه الله يسعدهن ابو فهيد يبتسم لهن – عرفني عليتسن انا مااعرف غير وضحيه وشيخه عهدي فيهن الباقيات ماعرفتسن ساره – انا ساره ( وتأشر على نوره ثم هند ) هاذي نوره وهاذي هند ريم بطيب لهن وبمحبه – وانا ريم بنت عمتسن سعد وباقي موضي بتجي الليله هي وأمي |
في الشقه دخل وفهيد معه .. جلس على الكرسي بتعب فهيد – خل عنك وين الغرشه نايف زفر – كبيتها فهيد – ايشششششششش تدري كم دافعين في الوحده نايف – ايه اعرف كم دافعين فهيد معصب – ماتنلام دكتور هالثمن مايأثر على حسابك بس انا وراي ابو يسألني ليش وكيف ومتى نايف عصب منه – من قالك ماتشتغل فهيد – وانا لقيت شغل وقلت لا نايف – طيب تعال اشتغل في المستشفى عندنا اخبرهم يدورون إداري فهيد فرح – صدق نايف – ايه بس لازم نبطل شرب لاتنسى انه مستشفى ومهم في الدوله بعد فهيد – صعبه نايف اللي تلاشى حماسه للتغيير – من ناحية صعب صدق صعب رح لدالوب اللي جنب راسي طلع لنا ثنتين هاتهم راسي يعورني اصلا في الشرطه \ مكتب ضاحي ضاحي بعصبيه – تخسي تعرفهم بس تدري من بيجيب قرارك النقيب صقر نادى على العسكري اللي وقف – سم طال عمرك ضاحي – وده عند النقيب صقر العسكري اللي رحم بو خضر اللي بيطرحه في يدين صقر اللي بيشبعه تكفيخ واللي باين انه جاي هالحين معصب العسكري – سم طال عمرك ( مسك بو خضر واتجهه فيه لصقر ) ضاحي – خلوا بنته تجي بو خضر وقف العسكري – تكفى دخيلك بنتي مالها ذنب والله ماتعرف شي ضاحي – انت هالحين رح وبعدين يصير خير في مكتب صقر ضربه على علباه – تكلم من وين تعرفهم بو خضر اللي بدأ يقر – خلاص خلاص بعلمك كل شي بس خل النقيب ضاحي يحضر صقر اللي بدأ يزر كموم بدلته واتجهه عند الباب ولقى الشرطي – خل النقيب ضاحي يجي العسكري – النقيب ضاحي عنده بنت المتهم وقاعد يستجوبها في مكتب ضاحي عطاها مويه تشربها – خلاص امسحي دموعك يانور نور – ماتوقعت ابوي يسوي اللي يسويه انا ابي ارد كندا عند امي ضاحي – هالحين بتقعدين عند دار الرعايه الأجتماعيه لين تخلص هالقضيه لاتنسين ان حتى المباحث ببتدخل في القضيه وفيه محكمه وفيه سين جيم نور تبكي – وابوي شبيصير فيه ضاحي اللي ريح ظهره على الكرسي – بيأخذ جزاة خيانته لديرته يمكن قصاص ويمكن سجن 15 او 20 سنه قضيته كبيره وعلى مستوى الدوله نور جلست تبكي وتتحسر على ابوها اللي فقدته – طيب ابي اشوفه ضاحي – هالحين مانقدر انتي بتروحين مع العسكر للدار وعقب فتره تقدرين تكتبين معروض يخلونتس تشوفينه نور اللي مصدومه باللي تسمعه – مااشوف ابوي !! ضاحي – كيف تشوفينه وهو يتحقق معه انسي ابوتس هالفتره في الليل فارس اللي كاشخ بالعمامه شاف وحده من بنات عمه في المطبخ .. اتجهه لها فارس – احم احم انتي هند صح هند اللي ارفعت عينها بصدمه وناظرت فيه بنظرات بريئه فارس ابتسم لها – اكيد تسألين كيف عرفت صح هند رفعت حاجب فارس – انتي الوحيده بين خواتس المليانه هند انقهرت منه وكان في يدها كوب ماء كانت تشرب منه وكبته على ثوبه وسط صدمته – انتي وش سويتي هند اتجهت للمغسله ابرود وتغسل الكوب – ابي اعلمك فنون الحوار مع الناس فارس انقهر – تقومين تكبين المويه على ثوبي الجديد والناس بيجون هند ناظرت فيه – اسهل وسيله كانت في يدي فارس عصب – قسم بالله انتس ماتستحين وانا الغلطان اللي جاي اتكلم مع وحده مثلتس انقلعي يالله وطلع معصب وتاركها وهو شاد ثوبه بيده عشان ماتمتلي ملابسه الداخليه في الملحق \ بيت ضاحي وضحى تربط برقعها زين – جدتي ضعيفه تبي تشوف وجهتس شيخه – انتي عارفه اني مااحب اكشف وجهي وضحى وهي تمشي بإتجاه الباب وقفتها شيخه – وين رايحه وضحى – بروح اساعد عمتي في العشاء شيخه – اقعدي بس وضحى – عيب عليتس ياشيخه الحرمه ماشفنا منها شي وعيب اللي تسوينه شيخه – آآآآآآآآه قاهرني قاهرني ولدها بس ماني بنت ناصر ان ماطلعت حقي من عيونه وضحى وهي خايفه على اختها – الله يهديتس ويصلحتس ياشيخه شيه انقهرت – اقعدي ترى الضيفه لنا ومايصلح تطبخين وضحى – اهم شي اساعدها اتخيلي هالمره امتس بترضينها توقف في المطبخ بلحالها من دون مساعده شيخه اعرفت كلام وضحى صحيح – بكيفتس روحي |
( البـــــــــــــارت الثــــــــــــــ 8 ــــــــــــامن ) في بيت ضاحي بن فهيد \ الصاله قسم النسا موضي وعمشا والجده جالسات .. دخلت عليهم نوره وساره نوره – السلام عليكم وقفت لهم موضي وعمشا وسلموا عليهم موضي – كيفكم يابنات نوره وساره – بخير عمشا تبتسم – نور البيت فيتسن يابنات ناصر نوره – النور نوركم موضي وهي تبتسم – اعرفكم هاذي امي عمشا مرة عمكم سعد وانا موضي الكبيره بس فهيد اكبر مني ووراي ضاحي اخوي ثم الشيطونه ريموه نوره ترد لها الإبتسامه – مرحبا فيكم منيره – نوره وين خواتس نوره – جايات وراي من قالت هالكلمه دخلت وضحى – السلآم عليكم موضي وعمشا وقفولها وسلمن عليها .. وبعد السؤال وجلسن انفتح الباب ودخل نايف .. من شافته ساره فز قلبها – آووووووووووه آسف الجده – تعال تعال حيالله نويفان انت وينك غاطن فيه اخيرن لزمناك نايف انحرج ويمسح على راسه وهو حاس فيه بثقل – السلآم عليكم ( ويقرب لهم ) قرب من جدته وسلم عليها وهو دايخ – كيفك ياجده الجده – ماني بطيبه حشا يانويف ماشوفك انت واخوانك غاطسين مانشوف غير النخله وسعد الله يحفظهم اما انتم غسلت يديني منكم نايف اللي السكره ماراحت منه تمام – آه زين انا بروح راسي يعورني الجده نشبت فيه ومسكت يده وتبي تجلسه جنبها – اجلس اجلس شفت بنات عمك ناظر فيهن – اهلن عمشا – وشلونك يايمه يانايف نايف بثقل في راسه – زين زين الجده – ابك انت علامك اجلس اجلس جنبي ورد على بنات عمك وجلسته غصب عنه وتأشر عليهن بوناسه – هاذيك وضحى وهاذيك نوره وهاذيك ساره ناظر فيهن وحده وحده وساره يوم ناظرها فز قلبها .. وصار يضرب طبول نايف وقف – ايه خلاص انا بروح ( ناظر امه ) يمه لاتصحيني خليني ارقد منيره – ليه ياعين ابوي والعشا نايف وهو يعطيهم ظهره – مابي شي تعبان راسي يعورني منيره – تبي بندول نايف في داخله ( ليت البندول يفيد ) – لا ماابي شي يمه في الشرطه عند البوابه الخارجيه طلع ضاحي وصقر مع بعض .. بعد ماسجلوا إعترافات ابو خضر .. وبنته حولوها على الدار الأجتماعيه ضاحي – صراحه ألمتني حالة بنته انصدمت باللي سواه ابوها صقر – هو اللي جابه لعمره ضاحي – قلت لهم يشددون الحراسه صقر – ايه بو خضر من العصابات الكبيره وأكيد اللي اعترف عليهم اليوم ماهب مخلينه في حاله ضاحي – الله يعين وينه محمد صقر – مادري يمكن راح لسلطان ضاحي – ايه هاذا شخباره صقر – مادري عنه اتوقع هاذا ملازم بيته دائم ضاحي – اللي صار لهم مو شوي حسبي الله على الحرمه اللي كانت السبب صقر – استغفر ربك تراها ماتت معهم .. لاتصير مثل جدي يوم يدعي على عمي ناصر الله يرحمه وهو ميت ضاحي بدون مايعرف عن جيت بنات عمه – الله يرحمه يارب ويهدي جدي صقر ناظر في ضاحي وهو بيركب سيارته وضاحي واقف عنده – باركلي تراني تملكت ضاحي انصدم – خطبت وتملكت وانا مااعرف صقر ضحك – الله يخس إبليس هي ملكه بسيطه اصلا البنت عندنا ضاحي عقد حواجبه – عندكم !! صقر استغرب – انت مادريت ان بنات عمي ناصر عندنا ضاحي انصدم بقوه – متى جو ؟؟ صقر – رحت انا وابوي ومحمد وجبناهم مابقى إلا هي عيبه وهايتات ضاحي سخر من صقر – ياسلام وهالعلم عرف فيه جدي صقر وهو يركب السياره ويصفع بهالكلمه ضاحي – جدي كان عندنا الظهر وهو اللي ملكلي على البنت ( وسكر الباب ) ضاحي واقف ومبلم من اللي سمعه .. صدمه جده فهيد اللي من عرف عمره من هو صغير .. دائم يدعي على عمه ناصر .. ويكرهه طاريه .. وحلف بناته مايجونا يوافق ويملك لصقر بعد .. ناظر في صقر وهو يرجع سيارته بيمشي وإبتسم على جنب – والله منت بهين ياصقر كيف اقنعتوا جدي جاء بيمشي وجاه إتصال من صقر .. رفع الجوال بخوف – وش فيه صقر ضحك – شكلك بلمت المهم تعال ترى مسوين لبنات ناصر عشاء وأهلك عندنا ضاحي – زين بروح للبيت اتروش وبجيكم احس اني بذلت مجهود سنه اليوم صقر – زين صار ولاتطول نحتريك بيت سلطان محمد معصب – مايصير اللي تسويه خاف الله سلطان ويحس دموعه بتنزل – يامحمد عجزت استوعب خسرتهم مره وحده محمد – أمر الله بعد وش نسوي سلطان بحسره وقهر وضيم – كله بسببها لو أني ذابحها بيدي قبل لاتروح محمد عصب أكثر – انت لمتى وأنت تأكل في المسكينه اللي ماتت سلطان بصرخه – ماهيب مسكينه مو مسكينه هي السبب هي اللي ذبحت امي وابوي هي هي محمد زفر – لاحول ولاقوة إلا بالله ,, انته الحين امش للعزيمه وسلم على خوالك وجدتك وانسى ترى وش فايدة إسمك إنسان مو عشان تنسى سلطان بسخريه – هه وتتوقع بعد اللي صار انسى محمد – حاول تنسى عشان خاطر جدتك وجدك اللي شايلين همك ,, يالله امش بنروح في سيارتي سلطان – طيب بروح اتروش وابدل واجي معك محمد – صار انا احتريك شفني جالـ ( ماكمل الكلمه إلا الجوال يدق طلعه من مخبى ثوبه .. ناظر في الرقم الغريب ) – آلو الرجال – السلآم عليكم محمد بإستغراب – عليكم السلام ورحمة الله ,, من معي الرجال- معك المقدم عادل من شرطة السليمانيه تقدر تشرفنا في المخفر محمد إستغرب وشك – وش السبب المقدم – متقدم عليك بلاغ من السيده مريم ووالدتها يدعون فيك بالسب والقذف والضرب محمد وهو يمشي للبوابه – زين انا هالحين جايكم ,, بس هم عندك المقدم – ايه محمد فرح لها لخبر بيعطيهم درس قاسي وعز الطلب شرطة السليمانيه – زين انا هالحين جايكم ( وسكر منه ) سلطان وقفه – محمد وش صاير محمد – انت اسبقني للعشاء انا فيه شغله صغيره بسويها واجي سلطان بإستغراب – زين |
نازل معصب مع الدرج ونفسه في راس خشمه من اللي صارله .. شاف الكل متجمع في الصاله .. اللي من طاحت عينه في جدته نادته – تعال تعال يالنخله الكل كتم ضحكته من ضمنهم هند اللي لمحها فارس تضحك وتصد بوجهها عنه قرب منهم – السلآم عليكم الجميع – عليكم السلآم قرب لجدته وسلم عليها – شلونتس ياجده الجده تناظر فيه – ابدن مانت بالنخله اللي اعرفه صايرن ابك شي فارس ناظر لهند بنص عين – اليوم ناس غثيثين مزحهم بايخ بالحيييييييييل مثل وجيههم الجده – انت وش تقول هند انقهرت منه قاعد يسبها فارس – مافيه شي ( ناظر في عمشا وموضي وريم ) السموحه ماانتبهت إلكم وشلونتسن آل سعد بن فهيد ضحكن عليه قالت موضي – ايه هاذا النخله اللي نعرفه قاطعتهم خلود وهي تهز يد فارس – عمو عمو وش رايك في فستاني فارس اللي شالها عن الأرض – الله أحلى فستان حلو ,, طيب وينه الكمخه اخوتس خلود عصبت – اخوي مو كمخه فارس يسوي نفسه مستغرب – اجل من الكمخه خلود وهي في نفس عصبيتها – انت هنا هند خقتها ضحك والكل إستغرب ضحكتها .. ونوره قرصت عيونها فيها وفارس دخن .. نزل خلود وقال – انقلعي لابوتس يالله خلود بدموع – انت مومثل عمو سعد عمو سعد أحلى منك فارس – اجل انقلعي لعمتس سعد الجده – ايا الخايس فويرس خلها عنك ورح شف جدك جاء ولالا فارس بخبث جلس جنبها ويسوي مروجلها ( لمقصود به شرشفها ) ومخفي إبتسامته – طيب انت قولي ياجميل مشتاقه له الجده تناظر ريم – ولد عمتس يرطن وش يقول ريم ومخبيه ضحكته – يقول اشتقتي لشايبتس تبينه الجده وهي تضحك طلعت عصاها وفارس قام وركض لعند الباب – يوم ياوضحى انتي وفهيد ابأخذ عصيكم واكسّرها اللي متقوين فيها علي والله أعلم ان كل واحدن فيكم يقدر يعدي ويمحط الرياض برجلينه الجده تنفث على نفسها – تف بسم الله علي وعلى جدك من عينك فارس ضحك وراح ريم قربت لنوره وهمست لها – تعالي نروح الملحق حقتسن ابي اطمن على شيخه ليش ماجت نوره بطيب لهالبنت – خليها عنتس هاذي من تروق بتهجدنا كلنا ريم – انتي تدرسين نوره – ايه في الكليه ريم بوناسه وهي تصرخ – احلفييييييييي يعني بتصيرين تدرسين معي الجده وهي تناظرها وناقدتها – ها رويمه انتي وش جاتس لايكون دخلتس جني ترى سعد هنيا بناديه يقرأ عليتس ريم فهت – هآآآآآآآآآآآآآه الكل ضحك عليها في المطبخ منيره عند قدر الطبخ ووضحى تغسل الرز يوم دخلت عليهم شيخه – السلام عليكم وضحى افرحت بدخلتها ومنيره بحب لها – وعليتس السلآم حيالله مرت ولدي حيالله مرت صقيران شيخه لفت براطمها من تحت البرقع دليل على عدم رضاها – فيه شي اعاونكم فيه منيره – لا ياحبيبتي كانتس بس تبهرين الدله شيخه – طيب منيره بفشيله – والله مدري وين اغدي وجهي منتسن يابنات ناصر العشاء لتسن ومدخلتسن المطبخ وضحى بحب – لا لايهمتس ياعمه اعتبرينا بناتس منيره تركت اللي بيدها وناظرت فيهم ودمعتها نزلت – كنت ارجي ربي يرزقني لو بنت ورحمة ربي كبيره مادريت انه بيرزقني خمس شيخه ووضحى حزنوا عليها بس شيخه سكتت واتجهت للقهوه تبهرها ووضحى بحنان بالغ – دخيل عينتس ياعمه لاتبكين منيره وهي تمسح دموعها بطرف شرشفها – من حبي لتسن عسى ربي يبلغني شوفة عيالتسن شيخه اهتز الغوري بيدها من كلمة منيره ولاعلقت عند الريجيل دخل سعد والجد ,, وصقر وراهم اللي ألتقى فيهم عند الباب فارس قرب لجده وحب خشمه وراسه – وشلونك ياجدي الجد ناظر فيه – هماك الظهر مسلم علي سعد كتم ضحكته الشايب فشل فارس فارس طاح وجهه وقعد ينكت عشان يخفي إحراجه – نغليك نغليك يالشايب العجوز صجتنا فيك ويوم شفت خشتك آآآآآآ اقصد وجهك ومبسمك استانست أببشر الوضحي بوصولك الشايب بسؤال – هي وينها فيه من ظهرت من الظهر ماردت بيتها اظاهر تبي تمسي هنيا بعد الشباب كتموا ضحكهم جدهم يموت في بنت خزام ويهواها .. وابو محمد وابو فهيد يناظرون في عيالهم ناقدين عليهم صقر وهو يريح ظهره على المسنده ويطلع ظرف من جيبه – يوم انكم ملتمين ترى هذا مهر بنت ناصر ثمانين ألف وان كان نقصها شي تعلم ابوي وانا أوفيها والعرس عقب ماأرد من المقناص ابو محمد ناظر فيه دليل ان تصرف ولده مااعجبه – انت على كيفك حددت العرس صقر ناظر في ابوه – ياابو محمد انا أبلغكم ان عرسي بيصير عقب المقناص انا اللي بتزوج ومال لحد كلمه فارس – اكشخ وفي أي قصر بتحط عرسك صقر – نسويه في إستراحه وتخلص السالفه ابو فهيد – مايصير وانا عمك نبي نفرح فيكم الجد ساكت ويشوف وش نهاية قرارهم صقر – يكفي فرحة محمد وبنتك موضي اللي العيون ماقصرت فيهم هنا ابو فهيد انخرس وابو محمد انقهر من ولده اللي يقهره في بعض التصرفات دخل ضاحي – السلآم عليكم قرب وسلم على الجميع ابو محمد – وين سلطان ومحمد ونايف وفهيد ابو فهيد وبحسره وقهر – فهيد هه اغسل يدك منه حسبي الله عليه من ولد الجد ناقد على فهيد – عز الله ماطلع مثلي هالولد مفشلنا اللي كبره زد اعرس وجاب كمن ورع مير الله يصلحه ابو فهيد – عجزت معه يابوي هماك تشوف والله اني اخذته حتى للأبل مير والله انه مفشلني والله اني بعض الأحيان ادعي عليه بالموت ربي يأخذه ويريحني منه ضاحي – لا الله يهديك يابوي استغفر ربك ابو محمد – ضاحي وانا عمك والله ان نايف مثله مير الله يصلح الحال سعد وقف وضاحي ناظر فيه – وين سعد رفع حاجب – وانت وش دخلك بتمنعني اروح لأمي فارس – الله أعلم من اللي ورى امك ياحبيب امك اقعد بس ضاحي اللي رافع حاجب ويناظر فيه سعد منقهر – انت ياورع امس نقطنا بسكاتك مابقى غيرك يهرج وانت (يناظر ضاحي ) تراها حرمتي ولو بغيت اعرست مع صقر سلطان دخل في هاللحظه – السلآم عليكم الجميع – عليكم السلآم وسلم عليهم جميع .. وجلس جنب جده اللي يحاول يطلعه من ضيقه اللي ملازمه في شرطة السليمانيه دل على الظابط وسلم وعرفه على نفسه .. واللي بدورهم قدملوه القهوه والشاهي بما إن منصب محمد كبير محمد عقب ماتضيف – ايوه ياطلال خلهن يجن بس ابيك تطلع هاذي أمور عائليه واسمحلي طلال اللي لبس طاقيته ووقف – ابدن يامحمد خذ راحتك طال عمرك بعد فتره دخلت مريم وامها .. اللي من شافنه بالحاله جتهن أم الركب وقعدن ينتفضن .. ووقفن عند الباب من الخرعه .. مشى محمد لين وقف عندهن .. ومريم تخبت ورى أمها محمد وهو شاد على أسنانه – هاذي ( ويأشر على أم عيسى ) نقول حرمه كبيره وبعذرها ماودي بصراحه أدخلها السجن بس انتي مريم وهي ايفه بس تشجعت – حنا ماسوينا شي حنا جايات نطالب بعيالنا اللي مخلينهم عندكم محمد عصب – انا ولد ابوي هماكم حاذفينهم وماتبون إلهم ذكر توهم حلوا في عيونتسن أم عيسى بقوة بأس – عيالنا أخذينهم أخذينهم وخلني أشوف حد من ذا قاسي يوطوط في المحكمه ان اطلب كسر كراعينكم وتسان فيكم خير صنتوا بنات اخوكم ناصر اللي مهيتينهن يبا الفيت تبون تلمون عيال عيسى ولدي في حجوركم وماتبونا نأخذهم محمد بقهر وعصبيه – اقطعي وأخسي حسبي الله عليتس من حرمه بيظل لسانتس وصخ من عرفتس ومالتس خص في بنات عمي مريم تدخلت بينهم – هيه هيه ياأنت اعرف من تكلم تخسي توصل ظفر أمي وليش تحسب عليها حسبي الله عليك انت يالصايع يالضايع محمد ويأشر على نفسه وبعصبيه ورافع حاجب – انا صايع ضايع مريم بقهر كابته – ايه ولا نسيت حبك لبنت عمك حسبي الله عليك وعليها عساكم ماتهنون ويوريني فيكم أبشع عذابه محمد عصب ومسك نفسه لايسوي فضيحه وعشان يقهرها – وابشرتس بخطبها وبتزوجها وبخليها تربي عيالي وبربي عيالها وانتي موتي قهر انتي واخوتس وهالحين انتي ياعجوز النار اذلفي لبيتس لاتباتين في السجن الليله مع بنتس مريم بعصبيه بقهر من اللي يقوله – تزوجها عساكم للحريقه بس بإي حق بدخلني السجن وش مسويه انا محمد ويتجهه للمكتب – تعدي على رجل أمن في الدوله وتشتكينه وسب وقذف مريم ماتت قهر وشوي ودموعها تنزل – والله اني لأشكيك لأكبر مسؤول في هالديره وأحط عاليها أسفلها محمد وهو جالس على المكتب وبعصبيه – انتي بدال ماتجين تحبين يدي اخليتس تطلعين مع امتس ياأم لسان تبين تشكيني في الدوله هذه الباب قدامتس روحي اشكيني والله أن أقول المره متعديه علي وسابتني وقاذفتني ( وحط رجل على رجل ) وعشاني طيب وحافظن للعشره وبيني وبينتس عيال عساهم ماجوا بخليتس تذلفين مع امتس ولا والله اني اليوم ابيتس في سجن الملز افتحت الباب وقالت لأمها تمشي .. وكانت تمشي ورافعه صوتها وتدعي عليه بحسره وحرق قلب محمد بقهر – اهبي من مره حسبي الله عليتس الله يعل كبدتس كانتس من شفت وجهتس وانتي عالة كبدي |
بيت ضاحي بن فهيد \ في أخر العزيمه في الحوش ,, وقفت الجده وهي تقول بشراسه للشايب – ماني براجعه برقد عند بنات ناصر الجد عصب – مالتس لزوم عودي لبيتس يامره الجده – وهذه بيتي بقعد عند ولدي مابت عند غريب وابي ارقد مع بنات ناصر الله يبيحه الجد بقهر وهو يعطيها ظهره ومتجهه للسياره يركب مع ضاحي – الله لايبيحه كانه ماريحني لاحي ولاميت من شفت وجهه وانا شايفن الضيم الجده وشوي تبكي – هب عسى ربي مايقبل دعوتك الله يرحمه ويغفرله ولدي كان مغرر به وانت شبيت فيه الله لايقبل دعوتك الجد سكر الباب بعصبيه .. والجده مسحت دمعتها .. ومشت داخل بعصاها وشافت الجو متوتر من دخول صقر للصاله وشيخه جالسه ووجيهم ماتنتفسر الجده – وش بلاكم صقر – اقول لحرمتي امشي معي فوق تقول تخسي خبرتي حرمة تعصى رجالها ياجده الجده – يافقر وضحى فقراه ابك انت ماتستحي وش تبا أبها فوق هاه علمني صقر حس ان جدته فاهمته غلط – لالالا ياجده بعلمها عن ترتيب العرس الجده جلست جنب شيخه – هاه يالله علمنا وانا معها صقر كشر .. كان ناوي اليوم مايعدي على خير مع ذا المستلعنه بس الجده خربت مخطاطته كلها في الملحق ساره وهي تنسدح على السرير وهي تنفث الهواء بعشق – حبيته هند مطت عيونها – منهو ساره انبطحت على بطنها – من بعد نايف شفتيه هند تلفتت يمين يسار .. وبسرعه سكرت عليهن باب الغرفه – انتي انهبلتي صار بعقلتس شي ساره بسرحان – لابالله غير اني ذبت لين شوشتي هند كشت بيدها قدام وجهها – هيه هيه صحصحي لاتسمعتس شيخه قسم لاتردتس على تريله لدوادمي مير ابلعي النعمه واقطعي ساره وهي تتوعد – ماأكون ساره ان ماخليته يحبني وبتشوفين في الصاله شيخه بقهر – تحلم ولولا جدك وابوك ماحلمت بظفري صقر انقهر وجاء بيتكلم وقامت تروح لخواتها اللي في المطبخ يساعدن منيره في غسل المواعين مع الشغالات شيخه بعصبيه – امشن روحنا معاد قعد احد وضحى امسحت المويه اللي بيدها وناظرت في اختها .. نوره تناظر في وجهه شيخه منيره – والله اني قلت لتسن معاد بقى شي الشغالات بيقومن بالباقي روحن امرحن واخبر عمتي تبي ترقد عندتسن وتسولف معتسن طيبن خاطرها وطمننها عليتسن مشن خواتها معها .. ولقن محمد وصقر وسعد وفارس وعمهن جالسين مع الجده اللي تعلمهم عن هوشة الجد فهيد شيخه تقاطعهم – جده حنا بنروح نرقد العم بو محمد – تعالن يابناتي اقعدن وضحى – اسمحلنا ياعمي حنا تعابى ونبي نرقد العم بو محمد – نوم العافي هوانا عمتسن ناقصتسن شي تبن شي وضحى – خيرك سابق جانا اليوم السواق وجاب من كل شي ماقصرت العم بو محمد – وان نقصتسن شي علمني وضحى – ابدن لاتوصي الجده قامت معهن واتجهن للملحق يرقدن ,, ومانامن غير عقب إستجواب مطول من الجده عن حالهن وحال ابوهن اللي بكت كثير وهي تسمع أخباره من بناته وبكن وبكت كثير معهن .. ونامت الجده وهي حاضنتن نوره وهند غرفة صقر جالس محمد معه وهو يحكيله – وبس بس يشهد بالله طلال ماقصر معي صقر بعصبيه – يافرقا كل هذه صار لك وانا مادريت كان علمتني ابرد كبدك فيهن محمد – خلهن مقصرت فيهن بس انا قررت صقر رفع حاجب – اللي هو محمد – برد واخطب موضي صقر انصدم من القرار – وش هو موضي !! في بيت سعد بن فهيد \ جناح ضاحي جاه إتصال من الشرطه مقر عمله .. واللي أستغرب أتصالهم هالوقت رفع الخط – نعم الشرطي – طويل العمر فيه مصيبه صارت ياليت تلحقنا ضاحي فز من فراشه – وش هوووووووووو !! |
( البارت العـــــــــــــاشــــــــ 10 ـــــــــــر ) في بيت ضاحي بن فهيد \ غرفة فارس دخل سعد عليه وناظر فيه وهو على مكتبه يسوي البحث حقه سعد – سلام ( وجلس على سريره ) فارس رفع عينه وناظر فيه بعدين نزل عيونه على بحثه وهو ساكت سعد بإستغراب – قلت سلام فارس وهو يكتب في بحثه – وعليكم السلام انت وش تبي جاي سعد اللي قعد يتيلمح – افا عاد تقول هالكلام لأخوك الكبير هذا وانا عندي رحله بكره وجاي أودعك فارس رفع عينه له وبنظره قويه – سعيدان أخلص علي وش تبي أعرف هالمقدمه أخوي خابزك وعاجنك ياسبحان الله هالمحبه مايجي غير تبي شي وراها ليته عند المجلس وعند الريجيل ماهب تستصغرني كني أصغر عيالك ياكابتن يامحترم سعد حس في فارس – أسف فارس وهو يقلب الصفحه ويناظر في بحثه – لا بأبكي منك يارقيق أخلص علي وش تبي سعد وقف ومشى لين وصل عنده – ابو الفوارس ياأخوي أبيك تكلم ريم تطلع لي وأشوفها أبي أكلمها في موضوع فارس ناظر فيه بنص عين – أحلف لا حلفت عليك تحلف أحلف أحلف يارجال سعد عصب – تطنز علي ؟؟ فارس معصب – لا ياشيخ أختي ولا أختي أحلف عليها تطلع لحضرتك مصدق نفسه أقلب وجهك بس سعد انقهر – انت اللي أقلب وجهك مصدق نفسه جاي أتكلم معه ( وتحلطم ) حسبي الله عليها من عادات يطلعون حرمتي لك تشوفها وأنا ماأشوفها اللي هو رجلها آآآآآآآآآآآآآآآخ بس يالقهر فارس بقها ضحك – ههههههههههههههههههههههههه الله يقطع شيطانك السالفه كلها غيره تراني انا ورويم متربين مع بعض من عرفت عمري وريم اختي القريبه مني سعد عصب – زين اسمع اخوانك العلل متى بايتزوجون تراني طفشت نايف اظاهر بيدقر ماهب معرس ابد وابوك وأمك عقده صراحه فارس استمتع بحرق اعصاب سعد – سعد وأنا اخوك شكلك مطول مع ريم نايف مايبي العرس سعد زاد قهره قهر – اظاهر ماني معرس ابد فارس وهو كاتم ضحكته – كان الله بعونك ياأخ العرب سعد ناظر فيه ,, وعرف انه يطنز يوم شافه بق ضحكته ,, ودز وجهه بعصبيه .. وطلع وهو مفول غرفة صقر جالس محمد معه وهو يحكيله – وبس بس يشهد باللهطلال ماقصر معي صقربعصبيه – يافرقا كل هذه صار لك وانا مادريت كان علمتني ابرد كبدك فيهن محمد – خلهن ماقصرتفيهن بس انا قررت صقررفع حاجب – اللي هو محمد – برد واخطب موضي صقر انصدم من القرار – وش هو موضي !! محمد بتأكيد – ايه موضي ليه وش فيك كنك ارتعت صقر – لا بس موضي ماتبيك وقد ردتك وانت اطريت مره انك معاد تبيها محمد وهو شاد على عرق في راسه - هالمره ان رفضتني مابيحصل شين طيب في الشرطه عصب وصارخ – ومتى صار هالكلام العسكري نزل راسه – ياطويل العمر ماأدري كيف خشوا ماحسينا فيهم صارخ فيه – والكاميرات وش فايدتها ياتعبان ( قرب منه ومسكه مع ياقته ) اسمع خلال خمس دقايق بالضبط تكون مطلعلي معلومات وبيانات عنهم وألقاها على مكتبي وأنا رايح هالحين للمستشفى ماأرد غير وهي فيه فاهم العسكري اللي كان خايف – ابشر ابشر طال عمرك فكه وركض بسرعه للمستشفى .. وهو في داخله يغلي قهر على الكلاب اللي دخلوا المركز وأطلقوا رصاصتين على بو خضر في المستشفى لقى المسؤولين الكبار والصحافه واقفه .. بسرعه دخل بينهم وقفه المسؤول – تعال ياضاحي ضاحي اللي كان متفشل – سم طال عمرك المسؤول – انا ماأرضاني اللي صار كيف واحد خطير ومهم لنا في الداخليه وصار لنا سنين نطارد فيه وتحطله الحراسه التعبانه هاذي كنت اعرفك صاحي وفطين وماتفوت عليك طلع الدكتور في هاللحظات – وين النقيب ضاحي ضاحي اللي كان خايف من اللي بيسمعه – لاتقول يادكتور انه مات الدكتور بحزن – للأسف أقولكم انه ينازع لان الرصاص استقر في أماكن خطيره وحده عند القلب ووحده عند الحويصلات الهوائيه ضاحي والمسؤولين انقهروا الدكتور – بس هو طلب يشوفك ياضاحي ضاحي اللي دخل بسرعه من دون مايحتري كلام الدكتور يخلص وقف عنده وقعد يناظر فيه والأجهزه مشبكه فيه وكثيره حوله .. فتح بو خضر عيونه بصعوبه .. مد يدينه لضاحي وقبض عليها بقوه .. ضاحي سكت فتره يحتريه يتكلم بو خضر بصعوبه ينطق ويأخذ شهيق قبل لايتكلم – ضاحي دخلت عليك ضاحي مط عيونه – وش فيك بو خضر كح بتعب – بنتي العصابه ناويتها ماكفاهم اللي ( كح بقوه ) اللي سووه فيني ويبون يبــ ـ ـ ـــــــ و ن ين ( كح بقوه ) بنتي ضاحي – زين بو خضر علمني منهم والله أجيب حقك منهم بس علمني بو خضر اللي شطحت عيونه لفوق ويبي يتكلم ويالله نطق – ط ط لع ب ب بنت ي من ( أخذ شهيق بقوه ويالله تكلم ) الدار ه هم ع ارفين ان ها هن ا ك دسها ( اخذ شهيق بقوه ) دسها عندك وتكفى تزوجها ودسها ضاحي مو مهتم فيه ويدزه – قولي قولي من العصابه ( وصرخ فيه ) بو خضر اللي ينازع في المراحل الأخيره - خ خ ايف ع ع ب نتي منهم ( طلع شهقه قويه .. وانتزعت الروح وانردت لخالقها ) ضاحي صرخ فيه وقام يدزه – قم قم تكلم منهم منهم انطق انطق تكلم دخلوا الدكاتره والمسؤولين ,, وضاحي يدز فيه وبهستريا – تكلم منهم منهم بعدوه الأطباء عنه وقامو يفحصونه واللي أعلنوا انه مات وضاحي كان منقهر سنين وسنين قاعد يرسم بجد وإجتهاد وتخطيط انه يمسكه يروح منه بالحظات غبيه من عساكر مستهترين توعد في العصابه انه لايمسكهم واحد واحد ويرد حق البلد منهم اللي خانوها ونشروا هالسموم بين أبناء وطنهم |
صرخ وهو ماسك راسه –لاااااااااااااااااااااااااااااااااااااااااااااا انفتح الباب بسرعه ووقف بين يدينه يصحيه ويهزه – ياولدي سلطان سلطان سلطان اللي صحى وهو يشهق من الخوف وحبات العرق مليانه في وجهه وشعره ودقات قلبه سريعه ومتملكه الخوف والرهبه – آه آه ناظر في حمزه اللي كان حمزه يناظره بخوف – سلطان ياولدي وش فيك سلطان ناظر جنبه ولقى كوب المويه شرب كل اللي في الكأس .. وقام من مكانه وجلس على الكنبه وهو يدمع – عمي انا تعبان تعبااااااااااااااااااااان حمزه مشى لين وصل جنبه وجلس عنده – شفيك ياولدي سلطان – ماني قادر انسى اللي صار ماني قادر ( ونزلت دموعه وهو يتذكر) قبل اربع سنوات وقليلآ من الوقت بالضبط في غرفة سلطان صارخ عليها ونفضها بقوه – انتي قد اللي سويتيه العنود بقوه – ايه قده نفضها بعصبيه وبإحتقار – وتقومين تصرخين على أمي هااااااااااااااااااااه العنود دزته عنها – أمك هاذي حيه من تحت تبن تحرضك علي في كل شي وقف في وجهها وصفعها كف وبحسافه – انتي من وش مخلوقه أمي اللي أكرمتس ورفضت دخولتس المطبخ أمي اللي شالتس على راسها ورزتس بين جماعتنا أمي اللي ماعدتس غريبه بينا ومن بعيد وحطتس بنتها بس تدرين العيب فيني أنا اللي تحديت هلي عشان أخذتس ولا أنتي من يفكر فيتس ويناظرتس روحي انقلعي أنتي طالق العنود تكتفت – فرقاك عيد اصلا من حلاة هلك وربعك كلهم هيالق وبدو متخلفين وانا حتى مايشرفني اعيش بينكم وبرد للدمام فديتها سلطان ضحك بسخريه – تدرين اني ندمان قد شعر راسي اني انتشلتس من عالمتس الوحل وعيشتس في مكان ولا عمرتس في يوم حلمتي فيه ( وطلع وخلاها وهو يعض على شفايفه قهر من هالحقيره اللي سبته وسبت هله وأمه وربعه ) في الليل دخل البيت وشافها جالسه وتبكي عند أبوه وأمه عصب وأنقهر – هاذي لين هالحين هنيا أمه تحاول تهديه – سلطان ياولدي حرمتك رفض اخوها يجي يأخذها سلطان مقهور – ماينلام رجال عارف وخابر بعلوم أخته أبو سلطان – سلطااااااااااااااان ام سلطان شيخه – ودها لأهلها ياسلطان سلطان منقهر منها ومعصب – تخسي ويحرم علي أوديها هي هانتنا وهانت حتى عربنا وأنتقدتهم خليها تنقع عسى الله لايردها ( وراح وخلاهم ) في الصباح صحى مالقى لأهله أثر ولاحتى للعنود زوجته .. سأل الخدم ماعندهم خبر وسأل العم حمزه وخبره انهم الصبح ماأصبح توجهوا للشرقيه يودونها لأهلها حاول يتصل فيهم ولا أثر ولأحد رد عليه فيهم .. وقام يكرر المحاولات لين وصلت الساعه أحدعش الضحى وصله خبر أنهم سووا حادث قريب من الدمام وماتوا كلهم في الحادث من بعدها صابته عقده نفسيه .. أحساس بالذنب وأنه هو المسؤول الأول عن اللي صار لأهله .. ليتني اللي رحت ولا راحوا ( كان يصرخ بهالكلمه طول فقدانهم عنه) صرخ بقوه – ليتني رحت ولاراحوا ليتني رحت ولاراحوا أكرهها أكرهها اكرههااااااااااااااااااااااا حمزه أرتبك ومايعرف وش يسوي ركض للحبوب اللي عند راسه .. وطلع الحبه اللي حفظها صم من كثر مايجيبها له من الصيدليه .. وفك الحبه وجاب كوب الماء وركض له .. حط الحبه بالغصب في فم سلطان اللي يصرخ وشربه المويه ,, وحط الكوب على الطاوله وحط راس سلطان على صدره وقعد يقرأ عليه وينفث بالأيات لين هدى ورقد على كتفه الصباح \ بيت سعد بن فهيد دخل ضاحي البيت وعيونه من تحتها سواد من السهر في المستشفى .. عقبه الشرطه اللي فتح تحقيق للي صار قابلته موضي – صبحك الله بالخير ضاحي – صبحتس الله بالخير موضي تناظر فيه – من وين جاي ؟ ضاحي – من الشرطه وين أبوي موضي – سرح هو وجدي للأبل ليش صاير شي ضاحي – لا أنا بروح أرقد قولي لأمي لحد يصحيني للغداء موضي وهي مستغربه من وجهه – ضاحي وانا اختك صاير شي ضاحي – لا بس متهم خطير عصابته خلصت عليه ( وراح للدرج ) انا برقد تعبان إذا صحيت إن شاءالله خبرتكم موضي وهي تهز كتفها – براحتك في بيت ضاحي بن فهيد \ الصاله صاحيه من بدري .. وخلت وضحى تصلح لها القهوه .. وجالسه بين بنات ناصر وتحكيلهن عن ابوهن وشجاعته من هو صغير ومنيره وابو محمد جالسين معهم نزل سعد بلبس الكابتن الطيران وشنطته بيده – السلام عليكم الجميع – عليكم السلام ورحمة الله وبركاته سعد ناظر في بنات عمه وحب يحيي فيهن – حيالله بنات عمي بيتنا منور البنات سكتن شيخه وهي تلف رقبتها عنهم – وين النور وأخوك التيس فيه من طرت هالكلمه إلا وهو نازل – السلام عليكم شيخه وقفت .. وطلعت تاركتهم صقر وهو رافع حاجب ورافع صوته – إذا حضرت الملائكه ذهبت الشياطين الجده رخته بعصاها ,, قمز مرتاع – بسم الله علامتس الكل كتم ضحكته ووضحى وخواتها افرحن بحركة الجده اللي قالت – ماشيطان غيرك صقر ترك الجده وهو مقهور من تصرفها .. وطلع يتبع شيخه فيه موال في راسه سعد اللي قرب وسلم على راس ابوه وأمه وجدته – تأمروني شي منيره – لا سلامتك يمه مير ترفق وأنتبه الله يحفظك ياأبوي ضاحي – وين رحلتك إله سعد – يم مصر منيره – ياعين ابوي طمني لمن وصلت سعد أشر على خشمه – على ذا الخشم في الحوش واقف قدامها – ليه معطاتس ابوي المهر شيخه منقهره منه وبغت تقهره تكتفت – كم مهري صقر حب التحدي اللي بينهم وتكتف مثله – هي الصراحه انتي ( وناظر فيها من فوق لين تحت وركز عند مناطق معينه عشان يغيضها .. اللي من شافت ناظرته وين وقفت ألتفت بشرشفها زين وتعدلت .. إبتسم بسخريه عشان يقهرها ) – تستاهلين ثلاثين بس انا كريم وعطيتس ثمانين شيخه بتحدي واضح وعطته ظهرها لانها استحت من نظراته اللي مركزه فيها حتى من عقب ماألتفت في الشرشف – وش هو ثمانين بلّها واشرب مويتها أبي مئة ألف صقر اللي لف لين وقف في وجهها وركز عينه في عيونها وضحك – قويه مئة ألف ( عدل ملامحه ) تحلمين بالمئه أنتي شيخه عصبت – وليش أحلم فيها هاه علمني وش ناقصني أنا صقر اللي يتكلم بنفس إسلوبها – ناقصتس والله قص في ذا اللسان اللي مافيه حرمه تحاتسي رجلها بذا الإسلوب اللي لتس شيخه وعطته ظهرها وهي تمشي للملحق – انا أعطي كل حد على إسلوبه وهاذا معدن إسلوبي لك ( ركض يبي يمسكها بس قرعت بالباب بوجهه بقوه ) صقر – وين بتروحين هاه مصير الحي يتلاقى وانا وراتس والزمن طويل يابنت الهنديه |
في بيت عيسى \ الصاله ام عيسى وهي تحلطم – حسبي الله عليهم حسبي الله مريم وهي تكلم عيسى ومقهوره – اقولك هددنا الكلب بغى يسجني حسبي الله عليه عيسى بقهر – وعيالي ماأقدر اشوفهم مريم بقهر – كيف ياعيسى وهاذا واقف لنا في العظم وهو ( ترددت ) عيسى – وش مريم اطلقت المفأجاه المدويه على عيسى – يقول بيخطب موضي عيسى انصدم – ايششششششششششششش ؟؟ وش تقولين انتي مريم بحسره – اللي سمعته عيسى مصدوم – وهي وافقت !! مريم وتأكل في عمرها قهر – مدري عنها هو قال هالكلمه وفجرها علينا عيسى بقهر – خلاص صكري صكري ( وصكر في وجهها ) رجع للصاله مقهور .. وشاف فارس جالس معهم ويتقهوى .. انقهر من جلوسه هاذا يمون مع الجميع – هيه انت قم وش مقعدك هنيا الجده بحلقت فيه – انت من وين جاي صقر يصرف – جاني إتصال وطلعت أكلم برى ابو محمد – تعال تقهو صقر ناظر في بنات عمه اللي جالسات على طرف .. ومايبي يحرجهم جلس وصبت له منيره فنجال فارس – هاه ياأبوي وش قلت ابو محمد – وهالسفر ماجاء غير هالوقت وحنا نبي نروح نطلع ملفات بنات عمك اليوم من مدارسهن فارس – خلاص بنطلعها بس انا بسافر صقر – وين تبي تسافر وجامعتك فارس – هالأسبوع ماعندي ولا محاضره والأسبوع اللي وراه إجازة الربيع ولا نسيت ابو محمد – لا لاتسافر الاسبوع الجاي نبي نظهر يم ابيعرنا وبنخيم هناك فارس مط عيونه – نخيم وخوياي ابو محمد – وخوياك مايسافرون غير ابك مهب لازم الجده تعاير فيه – العم انت يالنخله تبي تسافر وتترك ابيعر ابوك وجدك وعزبتهم وتروح يم الخناز فارس انصدم – وش خنازه ياجده تراني هنيا ماني بظاهر من الديره بروح للدمام الجده – تهبى اعرف وش وراك هناك يم الشرقيه خابرت خبيصكم يالشباب هناك صقر صدمه زود – خلاص خاوني نبي نقنص يم الربع الخالي منيره انبسطت – ايوالله خذه خايفة عليه انا فارس سمع قهقهات من جهة بنات عمه وعرف من وين مصدرها فارس – وش قالوا لتس يايمه ورع ولا ورع ابوي ياكتم الحريه عندكم على طول قمع ( وقام من عندهم وهو يتحلطم وطلع متجهه للبوابه ) بعد فتره نزل نايف وهو مصحصح – السلام عليكم ابو محمد – صح النوم انت ماوراك شغل غير سربته في ذا الليول نايف تحلطم – افا عاد اشتغل الموال اليومي ( ناظر في أمه ) يمه انتي خابرة متى جيت ولا ليه يمكن ماتصدق امي انشد جدتي متى جيت الجده – نعم تراه جا البيرح وقال ماأبي عشاء برقد ( ساره اللي مركزه في وجهه وتتمعن فيه ) ابو محمد عصب – بعد اس يالهيس الأربد وجدك وعمك وعيال عمك امس جاونا وراك ماجيت نايف وبالطوه في ذراعه – عارفهم واحد واحد ماصار فيكم شي يوم ماحضرت ( وعطاهم ظهره طالع من البيت ) ابو محمد – حسبي الله عليك من ولد كانك مظهر من حلقي عظم ( ناظر في بنات أخوه ) – هاه جاهزات نجيب ملفاتسن نوره – ايه ياعمي بس شيخه بتروح معنا ابو محمد – ووضحى وضحى – لا انا ياعمي بجلس هنيا ماوراي شي ابو محمد – هاتولمن لين أزهم على فويرس ذا مادري وين ذلف ساره اللي نقزت علها تلمح نايف قبل لايطلع اما نوره – بنجيب عبايتنا وبنجي هند تكلم نوره – لازم اروح نوره – ايه مو مطلعين ملفك غير ابتس هند اللي كارهه الروحه بسبت فارس اللي بيكون معهم طلعت وشافته يكلم عند باب سيارته .. عقب فتره دخل السياره وجلس يتكلم بعدين حرك ومشى .. اتنهدت وهي تشوفه يطلع مع البوابه .. مرت نوره وسمعتها – علامتس ساره اختبصت – هاه لا بس احس بضيق تنفس وكتمه نوره – بسم الله عليتس يالله اجل امشي نجيب عباياتنا ونجهز عمي كلم فارس ويقول اجهزوا نص ساعه وجاي ساره – طيب صحى من النوم .. وشاف العم حمزه نايم وهو جالس .. قام وجاب اللحاف وحطه عليه .. ودخل للحمام يتروش بعد فتره يوم طلع لقى حمزه مجهز له الفطور وكوب عصير ويناظره ويبتسم – صباح الخير ياولدي سلطان اللي لابس الروب حقه – صباح النور ياعم آسف تعبتك معي حمزه – ياولدي تعبك راحه سلطان إبتسم وهو يناظر الفطور – تسلم يدينك ياعم بس بروح ألبس وأجي أفطر معك حمزه – خذ راحتك طلع من غرفة الملابس وهو لابس الثوب وشماغه في يده والعقال ولابس الطاقيه .. جلس جنب حمزه وحط شماغه جنبه على الكنبه .. وحط يدينه على فخذ حمزه – سامحني ياعم تعبتك معي أمس وهاذي حالتي كل يوم وأنت عارفها حمزه – لا لاتقول هالكلام ياولدي انا ماجبت عيال بس انت حسبة ولدي سلطان – مافيه شك ياعم حمزه يقترح عليه – ياولدي مافيه علاج لحالتك غير العرس سلطان اللي كان بيأكل لقمته نزلها – وش قلــــــــــــــــــــــــت !! كلهم بيركبون السياره .. وفارس جالس فيها وابو محمد ركب جنبه .. هند اللي كانت متأخره بين خواتها مالقت مركب غير ورى فارس اللي عارفها وهي تمشي ويناظرها من ورى النظاره .. وفي عينه نظرات شماته ولسان حاله يقول ( جيتي ياهندوه وجابتس الله ) صقر وقفهم بيده وهو يأشر لهم قبل يظهرون من البيت .. وقف فارس اللي مشى صقر لين الباب الثاني اللي ورى أبوه وفتح الباب وعينه بعين شيخه – لا ياطويلة العمر بتروحين بدون ماتأخذين أذني |
( البــــــــــــارت الحــــــــادي عشــــــــ 11 ـر ) كلهم بيركبون السياره .. وفارس جالس فيها وابو محمد ركب جنبه .. هند اللي كانت متأخره بين خواتها مالقت مركب غير ورى فارس اللي عارفها وهي تمشي ويناظرها من ورى النظاره .. وفي عينه نظرات شماته ولسان حاله يقول ( جيتي ياهندوه وجابتس الله ) صقر وقفهم بيده وهو يأشر لهم قبل يظهرون من البيت .. وقف فارس اللي مشى صقر لين الباب الثاني اللي ورى أبوه وفتح الباب وعينه بعين شيخه – لا ياطويلة العمر بتروحين بدون ماتأخذين أذني شيخه بقوة بأس - من أنت أخذ إذنه صقر انقهر - من أكون يعني رجلتس نزل ابو محمد من السياره يوم حس ان السالفه بتصير قويه - صقــــــــــــــر صقر ناظر في أبوه بشموخ - انت ترضاها تروح مرتي بدون إذني ابو محمد عرف إن كلامه صحيح - لا ماأرضاها شيخه استأذني منه شيخه ركبت في السياره وسكرت الباب من دون ماتعيره أهميه .. صقر مات قهر وفتح باب السياره ونزلها بالغصب .. وشيخه تصارخ عليه - فكني ما أسمحلك تمسك يدي فكني فارس يوم شاف السالفه بدت تصير قويه نزل - صقر علامك انت صقر ماأعار فارس أهميه سحبها معه .. وشيخه تصارخ في وجهه - والله ما أروح معك مكان فكني فكني ابو محمد قرب منهم وفك صقر بالغصب ودزه .. وفارس مسك صقر اللي كان يهاوش - ماراح تروح لين تستأذن مني ابو محمد مسك شيه الي كانت تهتز بقوه - شيخه يابنتي استأذني منه شيخه إتجهت للسياره - يخسي ,, ونزلت شنطتها وسكرت الباب بغضب .. ومشت بإتجاه صقر ووقفت في وجهه وفارس ماسكه - لو تموت ماتحكمني وارتاح ماراح أروح لو تنطبق السماء على الارض ما استأذنت منك صقر ناظرها بقهر .. بس أرتاح انها ماراحت وهاذا أهم شي انها ماراحت .. صقر دز فارس عنه وبعصبيه - خلاص فكني تراها راحت فارس اللي كتم ضحكته - لا تحسبا و تلحقها نكون ماسكينك صقر يمسح على ذقنه - مايكون هالشنب على رجال أن ماخليتها تمشي تحت شوري وانا ولد أبوي ابو محمد اللي منقهر من عناد ولده ولو أن كلامه صحيح - فارس أمش يالله فارس اللي شال إبتسامته من طاحت عينه بهند ,, وحل مكانها سخريه واضحه تماما على وجهه في بيت سعد بن فهيد \ الصاله عمشاء تحط له البيض في صحنه - أكل يابعد عيني أكل عساه عافيه ابو فهيد - اللي يسمعتس يقول ورعن توه مادرى ان شيبه ناضخ في صدوغه فهيد يأكل - لإله إلا الله يبه ابو فهيد - محمد رسول الله أكل أزرط وانت ساكت فهيد وقف وهو مقهور من كلام ابوه - بتحسدني على اللقمه ابو فهيد - لو به حسد كان ماضفيتك في بيتي عقب سواياك اللي ماتسوى ياورع أمك لو فيك خير كان اشتغلت مثل الريجيل وغديت رجال مير وش أسوي أعلم منا ويظهر منا حسبي الله عليك جبت لي الضغط والسكر عمشاء عصبت - سعد وش هالكلام تراه ولدك ابو فهيد - ماذبحني غير انه ولدي ليته مات في بطنتس قبل لايجي فضح ابي عند العرب والجماعه ولدن سربوت ماوراه خير فهيد عطاهم ظهره وهو مقهور - اففففففففففففففففففف ابو فهيد - بعد يتأفف حسبي الله عليه من ولد تسانه ظهر من حلقي عظم رح لانعنبو مغرسك يالمخنز حمزه يقترح عليه - ياولدي مافيه علاج لحالتك غير العرس سلطان اللي كان بيأكل لقمته نزلها - وش قلـــــــــــــــــت !! حمزه - ايه العرس اللي ينسيك همك سلطان وقف ودمعته غاصه في عينه - لالالا كيف اتزوج وأبوي وأمي وانا السبب في موتهم ( ناظر في حمزه ) اللي راحت أقتلت أعز ماأملك اللي بتجي وش بتسوي لا لا مستحيــــــــــــــــــــــل اتزوج عقب زواجة النحس اللي تزوجت فيها قبل كذا |
في مكان مظلم ونور ساطع من بعيد .. أتعب عيونه وكثير وراه يركضون ناوينه .. وهو يحاول يتخبى عنهم .. والمشكله انه صحراء قاحله فاضيه مافيها لاشجره ولا كثبان رمليه ولا شي قاحله ومترامية الأطراف يحاول يدور له مكان بس مو قادر ,, ألتفت وراه إلا ويلقى وحش يبي يضربه صرخ بقوه وصحى من نومه ,, والجوال اللي زاد خوفه خوف قمز يوم سمعه يدق .. ناظر في الرقم وفتح الخط - آلو صقر - أنت وينك ضاحي زفر - هلا صقر صقر - وش اللي صار أمس كلمني سلمان وخبرني كل شي صدق اللي صار ضاحي - ايه والرجال مات ياصقر ماأستفدنا شي اللواء زعل مني وجانا مسؤولين كبار زعلوا من اللي صار صقر - سبحان الله كان قلبي حاس بس وش صار ضاحي - ابد خليتهم يحققون اليوم وبروح اشوف التسجيل صقر - صار انا سابقك اصلا وقريب اوصل ضاحي - زين بأخذ لي دش بارد اصحصح وأجيكم في السياره كانت النظرات الناريه على قدم وساق .. وفارس وصل حده خلاص ناوي ذبحتها اليوم الأخت في الله قاعده تعانده وهو أذبحوه ولاتعاندونه وقف السياره بقوه لدرجة ان هند ضربت في الكرسي حقه .. والبنات ضربوا على قدام ابو محمد اللي تمسك في الطبلون بقوه عصب - وش فيك انت انهبلت فارس نزل من السياره وتنهد بقوه .. اتجهه للطبلون وفتحه يبي يبرده وينفث قهره مايبي يكون معها في السياره وتوصل لذبحتها نزل ابو محمد وهو معصب – وش صاير في الموتر فارس يهندس فيه – ابد السياره يبيلها موية رديتر ابو محمد – ومعك مويه رديتر فارس ويمشي للسياره ويفتح الباب اللي من جهة هند – ايه هنا فيه معي نزل عيونها بإتجاه رجلينها .. هي لما شافت نظراته خافت ورفعت رجلينها كتم إبتسامته ورفع عينه وحطها في عينها بسخريه .. ناظرها بنص عين وهي رفعت حاجب من نظرته .. نزل راسه ومد يده وأخذ المويه بس قبل لايأخذها ضرب العلبه في رجل هند اللي صرخت بقوه .. وهو سكر الباب وهو يضحك بقوه هند تصارخ – الله لايوفقــــــــــــــــــــــــــك ياتبــــــــــــــــــــــــــــن آآآآآآآآآآآآآآي نوره مسكتها وهي خايفه عليها – علامتس وش صاير هند – التبن الله يأخذه ضرب رجلي آآآآآآآآآآآآآآآآآآآآآآآآآآآآآآآآي ( ودمعت من الألم ) ساره بقهر – وجع الله يوجعه يصب المويه وكل ماتذكر اللي سواه فيها قام يضحك ويحس انه مو قادر يسيطر على يدينه وعلى حركتها .. وأبوه يناظره بنص عين ولا فاهم شي وهو واقف معه ابو محمد – انت وراك تضحك خلصنا ورانا مشوار إخلص عجل فارس اللي بالزور مسك ضحكته – هاه لا بس تذكرت واحد من خوياي حصله نفس الموقف اللي حصل لي وكان خايف ومرتاع وقب بوجهه وانحاش وخلى سيارته ابو محمد – مايندرى عن علمك اخلص بس فارس نزل راسه وكمل شغله وحاس ان ابوه فاهمه عقب ماخلصوا ركبوا السياره .. وأول ماركب ماشاف حد وراه .. لف على ورى يدورها ابو محمد تحنحن – انت وراك تلتفت فارس عقب مالمحها جالسه في المرتبه الأخيره ورى جنب ساره ,, ناظر في ابوه وتحنحن – هاه لا بس ادور على المنديل ابو محمد بسخريه – واللي جنبك وشنهو فارس فهى – هاه في الملحق شيخه تهز رجلها وتأكل في أظافرها .. ووضحى تنظف في الملابس حقتهم وضحى – ترى مايسوى اللي تسوينه شيخه – سمعتي أمه شقالت وضحى – شي متوقع أكيد ماورى الملكه غير العرس شيخه وقفت – والله لأطين هالعرس عل راسه يتحداني ياوضحى يتحداني وانا ديني ودين اللي يتحداني وضحى – خلاص أرضي في الأمر الواقع ياشويخ تراه رجلتس شيخه ناظرت فيها وهي تنتفض غيض – الكلب قلت مائة ألف جاب ثمانين وضحى مسكت راسها – في ذمتس قلتي مئة ألف مانتي بصاحيه شيخه شيخه عطتها ظهرها – اقطعي تراني أأمن مستقبلنا كلنا وضحى وهي تفل الغسيل عن بعضه الملون مع بعض والأبيض مع بعض – لالا والله ان عقلتس صابه شي وخواتس بيجيهن رزقهن شيخه – ماندور من ورى هالناس رزق وهاللي جاء على راسه بقلبها عليه وبتشوفين لين يتفل العافيه ويعرف منهي شيخه وضحى – ياخوفي منتس بس اندق الباب عليهم ووقفت شيخه تفتح الباب دخلت بنت محمد خلود شيخه بتكهم – اكملت وضحى ناظرت في اختها – عيب عليتس تعالي حبيبتي انتي خلود صح خلود فرحت ودخلت – ايه انا خلود انتي تعرفيني وضحى – ايه اعرفتس البيرح طول الوقت تناظريني في العزيمه خلود – لانتس حلوه وجميله وضحى بانت الحمره في خدودها – انتي الحلوه حبيبتي شيخه مو فاضيه لسخافتهم .. دخلت الغرفه وضربت الباب بقوه خلت وضحى وخلود ينقزن ويناظرن بعض .. بعدين خلود ضحكت وشاركتها وضحى الضحكه جالسه في مكتبها في البنك .. خلصت من المراجعه .. وفجأه رفعت عينها وطاحت في عينها ,, شهقت بخوف أكيد بتسويلها فضيحه في البنك بينما مريم إبتسمت بكيد يوم شافتها .. أخيرا طحتي في يدي ياموضي ومن بيسمي عليتس اليوم |
صرخت بقوه .. خلت كل المشرفات ينتفضون .. والدار أرتبش .. نزلت عند رجلين المديره حقت الدار وهي تبكي – دخيل غاليك قولي كذب قولي كذب أن ابوي مات قولي المديره عطفت عليها ,, والمشرفات دمعن من منظرها المديره – يابنتي هاذا قضاء وقدر خلاص هاذا يومه نور وهي مصدومه من اللي سمعته ومو قادره تتصور ان ابوها تركها وراح – ابي ابوووووووووي قولوا لأبوووووووووووووووووووووووي لايتركني راح ولا ودعته راح راح دخيلكم جيبوه لي المشرفه جتها وضمتها – يابنتي استغفري عن اللي تقولينه حرام عليك انتي قاعده تعترضين على القضاء والقدر نور تصارخ وتبكي وتستغفر .. المشرفات قعدوا يهدونها ويحاولون يذكرونها في الصبر المديره - يابنتي قولي إن لله وإنا إليه راجعون أنتي ماسمعتي بقول الله سبحانه وتعالى (( وبشر الصابرين الذين إذا اصابتهم مصيبة قالوا إنا لله وإنا إليه راجعون )) نور حضنت المشرفه بقوه ورددت ورى المديره الآيه وهي تكتم شهقاتها .. وتحاول تكبت دموعها موضي عصبت وهي تشوفها جالسه وحاطه رجل على رجل – اخلصي وش تبين مريم بإستحقار – اشوفتس مبسوطه والارض ماهي بسايعتس لهدرجه فرحانه موضي مافهمت عليها – فرحانه في إيش انتي وش تبين توصلين إله مريم بقهر – لا مسويه عمرها يإإإإإإإإإإإإإي دخيل الله ارحمينا من دلعتس المليغ مادري وش يبابتس ولد أمه موضي انقهرت وعصبت منها – انتي بتكلمين ولا انقلعي مكتبي يتعذرتس مريم وهي تنفض شعرها والنار تأكل قلبها – لا ياشيخه سوقيها على غيري طلبتي الطلاق من أخوي يوم أخوتس وولد عمتس الزفت حذفوه في السجن ( ناظرت فيها وبقهر ) وهاذاك ماصدق خلاله الجو وطلقني عشان يخطبتس يالفاشله يالحقيره ياللي لعبتي بحسبة أخوي وورطتوه بتهمه هو برئ منها حسبي الله عليكم واحد واحد ترى عيسى يدعي عليتس ليل ونهار والله يحرق قلبتس مثل ماتبين تحرقين قلبه وتتزوجين محمد موضي وقفت عقب ماقامت تسممها في الهرج – قومي انقلعـــــــــــــــــي بــــــــــــــرى مريم بسخريه وقفت – اوجعتس الحقيقه المره حرقتي قلبي وقلب أخوي الله يوريني إياها فيتس وفيه عساكم ماتهنون ولايوفقكم يارب موضي مسكت دموعها – انقلعـــــــــــــــــــــــــي كل اللي في البنك التفتوا على صرخة موضي وهي تطردها مريم – بروح يالحقيره بس تذكري موعدنا في المحكمه وحق أخوي بيطلع بس يطلع من السجن ( خذت شنطتها وطلعت ) اجلست موضي على الكرسي وحطت وجهها في يدينها وبكت بصمت يإإإإإإإإإإإإإإه ياعيسى ظلمتني الله يسامحك في الدوادمي أول شي وقفوا عند جامعة نوره اللي نزلت لها نوره وابو محمد اللي واقف عند الحارس ويتكلم معه ينتظر الأوراق اللي يوقعها ويبين لهم انه ولي أمرها في السياره فارس يناظر ساره وهند من عند المرايه وبشجاعه معتاده من فارس بيغيضها وهو حاس بالندم على الضربه اللي جت في رجلها – عورتك هند لفت وجهها للدريشه تطالع برى اما ساره تناظر في فارس ومستغربه شجاعته .. وتناظر في أختها اللي لافه وجهها للدريشه فارس رجع النظاره لعينه أكثر ورفع راسه – اظاهر في السياره ناس سمنتهم غطت على سمعهم وصاروا صمخان هند انقهرت وصرخت فيه – كل تبن الكل انصدم من كلمتها من ضمنهم هي .. اما فارس بقها ضحكه ومن شدة ضحكه فتح الباب ونزل وكان هو في الإتجاه المعاكس لأبوه وحمد النعمه إنه مشافه .. بعد فتره طويله شوي ركب السياره وهو محاول يسيطر على إنفعلاته – اقول هند هانم آسف زعلنا حضرة مقامك هند طنشته ,, وساره انقهرت من سخريته – بتسكت ولا أعلم عمي على علومك فارس – اخس تهدد ساره حمرت قهر .. وهند اكتمت ضحكتها من منظر أختها عقب كلمته فارس تحنحن – المهم بنات عمي والله اني تمنيت يصير لي خوات وانتم خواتي لاتزعلن بس انا كذا فرفوشي عشان كذا مزعوج بإرقام البنات هند – اكشخ ( قالتها بصوت صغير ) شايب واعوير ويطارد البيض عناني من بتطالعه هاذا مصدق عمره فارس سمعها – يقولون حتى الدببه حبوني هند نزلت نعالها .. وساره مطت عيونها في الشرطه ضاحي – وهاذا العلم جاك صقر مقهور – اه بس من يفكني على هالمجرمين احصيهم حصي ضاحي – خلنا هالحين العقيد عندنا مهتم لهالسالفه بالحيل ,, قلي انت صدق بتقنص صقر – ايه اخذت إجازه تعرف مدة تعاقدي معكم بتنتهي قريب قبل لايجيني الكرف في الدمام ضاحي – احلف خلاص ثبتوك هناك صقر مقهور – ايه بس ماعليك فتره بس والواسطه ترجعني ضاحي – ووين بتستقر ترى شغل محمد اريح لك صقر – بس شغلكم ممتع وخطير وهاذا اللي عاجبني العصر \ بيت سعد بن فهيد موضي ضامها عيالها وتبكي .. وعمشاء وريم يهدن فيها وتبكي وضامتهم .. وماخبرتهم عن كلامها السم وخطبة محمد لها عمشاء – ياموضي يابنتي استهدي بالله واستغفري ربتس يابنيتي وعيالتس حولتس ماهب صاير لهم شي موضي – بس لمتى وهم يهددون بيأخذون عيالي مني يمه لمتى ريم بقهر – انتي نسيتي ان المحكمه والشرع واقف معتس لاتخافين وانا اختس عمشاء – وهي صاتسه الشرع معتس ياحبيبتي موضي ضمت عيالها بقوه – ربي لايحرمني منكم يازايد ويانواف ويخليكم لي يايمه في السياره وهم راجعين فارس يناظرها وهي تبكي وابو محمد يهدي في ساره وهند – يابناتي هاذي ماهيب نهاية الدنيا وخوياتسن بتلتقن فيهن إن شاءالله هند وهي تبكي – سميره صديقتي ياعمي اغمى عليها يوم درت اني بتركهن انا ما أبي ادرس في الرياض ردوني أدرس في الدوادمي فارس حن عليها بس ألتزم السكوت نوره – خلاص ياهند خوياتس الباقيات عندهن ابو محمد – يابنتي انتن بتفرقن إذا مو اليوم باتسر وليا بغيتيهن أزهميلي وانا أوديتس انا وفارس فارس لف على ابوه وناظر فيه فتره بعدين سكت عقب ماسمع ساره تقول – ياعمي ليش ماخليتنا لين نتنهي هاذي أخر سنه لي وهند بتخلص قريب فارس عصب ومايدري ليش – خلاص عاد بلا دلع هند عصبت من كلامه – انت اسكت فارس بقهر – اسكتي انتي اللي ازعجتينا ببكاتس اللي يشوفتس يقول هاجرت بنات اخر زمن ابو محمد – اها الخلا انت وإياها خلاص اسكتوا هند انقهرت وقامت تطنقر وهي معصبه .. لو ساره اولى خلتها تضربه بشبشبها كان ابرك بقهر قالت في نفسها ( قلع الله شكلك آه ياشبشبي لو موقعة على قلتك كان ابرك ) |
في الليل \ بيت سعد بن فهيد كان الجميع ملتم هناك لان سعد عازمهم هند مالها خاطر من عقب صديقتها وشيخه ماحظرت العزيمه تطبخ قهر من عقب صقر وسواته فيها والزواج اللي تحدد بعد رجعته ,, اما ساره بققت عيونها من شافت نايف نازل من فوق ( وش عنده ,, ألتفتت على الجميع وكأن الأمر عادي ) ماتت قهر موضي اللي ضحكت له – عساك قدرت عليه نايف – ابدن الله يلوم من يلومتس عز الله انه خيشة نوم حتى الماء صبيت عليه ابدن ماهيب راضي المشكله حتى جدي هناك عصب عليه ويقول مالنا نيه نشوفك انت وولد عمك وفهيدان خاشع ساره قلبها ينقرص من القهر وملتفه ابرقعها وشرشفها عمشاء – ولد عمك هذا الله يصلحه ويعين عليه منيره – بتروح البيت انت عقب العشاء نايف – لا وراي إستلام هناك ومايفكوني غير ست الفجر بتعشى وبرد للمستشفى الجده – الله يحفظك وانا جدتك مير سلطان ولد عمتك ماجاء نايف – الا وانا جايكم شفته دخل البيت الجده – خله يجيني وانا جدتك امس ماشفته ( عادات وتقاليد عادي يدخلون العيال يسلمون والبنات ملتفات بالجلال اللي هو الشراشف ولابسات البراقع ) موضي – ايوالله له يجينا من زمان عن سلطان الله يذكره بالخير نايف إبتسم وهو يتذكر كلام محمد قبل شوي في المجلس عن خطبته لها نايف – طيب بخبره عقب ماطلع .. ريم فكت شرشفها وهمست لنوره وهند وساره – امشن اوريتسن غرفتي نوره – يالله هند وهي سرحانه هزتها ساره – امشي فوق هند – ماابي روحوا شوي ألحقكم طلعوا البنات \ عقب فتره دخل سلطان ومعه فارس وهم يضحكون من شافته هند ماتت قهر وحقدت عليه زود فارس بإسلوب مرح – هلآ بالطش والرش والرشوش اللي على راستس مترنقش الجميع ضحك الجده أشرت بعصاها – اها الخلا انت وش جايبك يالنخله انا قلت لنايف خل سلطان يجيني ماهب انت فارس يسوي نفسه انفشل – لا دخيلك ياسلطان حرم فهيد احرجتني سلطان دزه بعيد – أذلف وراك استح هناك ماهب عندي تميع كنك حليمه الجميع ضحك وفارس ماقدر يستحمل جلس على الارض وهات ياضحك سلطان إتجهه على جدته وسلم عليها ,, والجده مطيره عيونها في فارس – ولد خالك وش صابه يافقري فقراه لايكون دخله عريباني بس هند كشرت وقامت من شافة ضحكه وخباله ,, وكأنه ماصدق اني حزينه اليوم ( عساك تضحك من سرك يالخايس ) وقفت ومشت رايحه لفوق سلطان جلس عند جدته وهو يحب مره يدينها ومره راسها – وشلونتس ياجده الجده اللي مبسوطه فيه – بخير يمال العافيه وشلونك انت سلطان – بخير يالغاليه ناظر في حريم خواله – كيفكم ياخلاتي منيره وعمشاء – بخير طاب حالك وزان فالك وشلونك انت سلطان – بخير إن شاءالله موضي بطيب ومحبه لسلطان اللي تشوفه حسبة اخوها – وشلونك ياسلطان سلطان إبتسم وهو يناظرها هالأنسانه غير عنده عن حريم الكون كله تملك طيبه خساره في عيسى– حيالله مويض شلونتس موضي – بخير طيبه زان حالك وشلونك انت سلطان – بخير الجده اللي مبسوطه في بنات ناصر – سلطان وانا امك شفت بنات خالك هاذي وضح الكبيره فديت عقلها وأنا امك ( ناظرت وضحى ) وضحى وانا امتس هاذا سلطان ولد عمتس الله يرحمها شيخه سلطان ناظر بعدين نزل راسه – هلا وضحى كيفك وضحى – بخير كيفك انت سلطان - بخير وألتفتت الجده لين الباقيات ماهيب فيه ناظرت مو ضي – موضي روحي نادي بنات خالتس ناصر بسرعه موضي اللي وقفت – ابشري ياجده الجده في راسها موال تمنى انه يصير حال الولد ماهب عاجبها وماله غير حرمة تضفه ويضفها ومافيه احسن من بنات ناصر فارس اللي صحصح من عقب موجة الضحك وقف وجلس عند جدته وسلطان وهمسله – انتبه ترى جدتي ترسملك على وحده فيهن سلطان مط عيونه ,, فارس أشرله بمعنى وحده موجوده لاتتكلم نزلن البنات وهن ملتفات ابراقعهن نوره – السلآم عليكم سلطان وقف وهو منزل راسه – عليكم السلآم ,, حيالله بنات خالي كيفكم البنات بهمس – بخير سلطان – يالله اجل مشينا يافارس فارس وقف – يالله ( وطلعوا ) بعد العشاء طلعت هي أخر وحده ,, والكل كان قايم .. مشت للصاله وفجأه وقفت من شافته جالس ويأكل تفاحه مطت عيونها وريم وموضي جالسات معها موضي ناظرت فيها – تعالي تعالي هند ماحد فيه مغير فارس هند في داخلها والغبره - وين خواتي موضي – رجعن مع عمي وعمتي مع محمد ظني صح فارس فارس اللي أخذ راحته ويأكل في التفاح – ايه هند مطت عيونها – وانا من أرجع معه فارس فجأه – معي الكل ناظره وخصوصا ريم وهي مخبيه ضحكتها .. فارس ناظرها وكمل أكل تفاحه ماطاح غير في ريم وش يخلصه منها موضي بإبتسامه – هاه قاله الشيخ فارس بتردين معه هند عصبت – نعم فارس حب يلعب في أعصابها – ليش وش فيني جرب ولا جرب هند انقهرت منه – هو بس الجرب اللي فيك موضي وريم ماتن ضحك على شكل فارس من سمع كلامها فارس وقف وهو منقهر – اها الخلا بس طلعت الجده وهي تعكز من حجرتها ومعها كيس وبشتها فوقها وهي تناظر في هند – انتي خلصتي وانا جدتس يالله مشينا فارس حط التفاحه على الطاوله ومر من هند وهو يناظرها بنص عين – انا في السياره ياجده احتريتس ماإن فتح الباب غير الجد داخل من شاف العجوز حلف يمين ماتظهر كفايه رقدتها أمس .. يمين يسار طقها حلف وعيا انها تطلع فارس وموضي وريم ميتين ضحك على العواده بس هند خايفه إن قعدت جدتها من بيرجع معها الجد ناظر فارس وهو معصب – اخذ بنت عمك واظهروا هند شوي وتبكي – ريم امشي معنا فارس عصب – ومن يرجع ريم سواق عندتسن هند – تنامين عندنا ريم تعاطفت مع هند – ماأقدر يا هند وراي جامعه والباص يجي يأخذني من هنا مايعرف بيت عمي هند – طيب نوره مابتروح بكره ريم – إلا بس بتجي هي مع عمي والسواق وانا عندي محاضره بدري انسدت الطرق في وجهها .. لفت راسها وشافت فارس متكي على عروة الباب ويهز رجله يحتري كلامهم يخلص هند مسكت دمعتها وهي تتحسب على خواتها .. مشت معه وسط إعتراضات الجد والجده اللي مو مقتنعه بكلام الشايب اللي بدأ يخرف في السياره ركبت ورى .. وركب فارس اللي قال – صحيح اني ماأحب أحد يعتبرني سواق ويركب ورى بس بنراعي شعور انتس بنت تستحين مع اني أشك السحاء في ديره وانتي في ديره هند بقو بأس – ممكن تمشي وانت ساكت فارس – لا أولا هاذي سيارتي وانا اللي اتحكم اسكت ولا لا وبعدين عندي اوراق بصورها وبتضطرين تروحين معي هند عصبت – نعم !! فارس يعاندها – وشرايتس انزلتس البيت وهي في الطريق من قالتس خمي العشاء كله العالم تعشت وسرت وهي جالسه تبلع هند تبي تقهره – قل أعوذ برب الفلق فارس ابتسم بسخريه وهز راسه في بيت ضاحي بن فهيد دخل البيت .. وشافته شيخه اللي من ماراحت للعزيمه وهي تحتريه في قلبها يرقع كلام لازم يسمعه ماإن وقف سيارته إلا هي موقفه في وجهه وهي تقول – اسمع انت |
( البـــــــــــارت الثانيـ عشــــــــــــ 12 ـر ) في بيت ضاحي بن فهيد دخل البيت .. وشافته شيخه اللي ماراحت للعزيمه وهي تحتريه في قلبها يرقع كلام لازم يسمعه ماإن وقف سيارته إلا هي موقفه في وجهه وهي تقول – اسمع انت صقر نزل وسكر الباب بقوه وناظر فيها – انتي ليش مارحتي للعزيمه !! شيخه انقهرت انه ماأهتم للسالفه اللي بتقولها – انا طالبه مئة ألف ليش عطيتني ثمانين صقر تكتف وهو واقف ولف رجل على رجل – طيب قوليلي وش ناقصتس عشان اعطيتس مئه شيخه بقوة وجهه – ابي أأمن مستقبلي انا وخواتي صقر اعجبته صراحتها – اعجبتني صراحتس صراحه ,, بس ليه ماقلتي لأبوي هالحكي ليش تطلبينه مني انا ( اعتدل في وقفته ) – بعدين انا ابي اعرف هالحين اللي ينكتب كتابهن يستحن اما انتي كل ساعه وانتي مدقره قدامي ( ناظرها بخبث ) – لهدرجه مو مصدقه اني تملكت عليتس شيخه خلاص إنبير القهر وصل حده عطته ظهرها – العشرين الباقيه تجيني وتعاملي بيكون معك انت اللي ملزوم فيني مهب ابوك وبعدين انت اللي حفيت عشان تأخذني تحمل مايجيك ( وراحت وخلته ) تحت نظرات صقر الغاضبه .. وده لو يلحقها ويمردغها بالعقال بس مو مصبره غير مصير الحي يتلاقى ويطلع عوابتها من عيونها اللي لها نظرات تدل على إنها أقوى إمراه واجهها في حياته في المكتبه عطى الأوراق العامل يصورها .. وطلع عند الباب يناظرها .. مايقدر يخبي خوفه عليها مهما كان تظل بنت عمه ومحسوبه عليه ,, طلع البلاك بيري وجلس يطقطق في البي بي لين ناده العامل أخذ الأوراق وركب – اسف تأخرت شوي ماسمع لها صوت .. استحى يلف راسه – هيه سمع صوتها يوم شهقت ,, بسرعه لف راسه وشافها تعرك عيونها من ورى البرقع .. كتم ضحكته اظاهر كانت نايمه وخرب عليها حب يغلس عليها شوي – اظاهر تحبين في هالدنيا ثنين هند بفهاوه – هاه فارس وهو يضحك – الأكل والنوم هند اعرفت انها يسخر منها – ممكن تردني للبيت واحترم اني بنت عمك وعيب اللي تقوله فارس اختفت ضحكته ,, عرف انها زعلت منه – آسف عمتنا هند عدي لين عشره ونوصل للبيت هند انقهرت منه وأسكتت في الملحق \ بيت ضاحي بن فهيد نوره انهبلت منها – لا شويخ منتي بصاحيه شيخه وهي جالسه بتوتر – اسكتي نوره ماني بفاضيتلس وضحى اللي لابسه جلالها وبرقعها واقفه عند الباب وبهم – ماأدري وين راحت تأخرت هي وجدتي ساره اللي جالسه وتشرب مويه .. وتفكر في سالب العقل والروح وسرحانه نوره انقهرت من برود وضحى في اللي بتسويه شيخه – وضحى سمعتي اختس شقالت وضحى دخلت وجلست – وش تبينا نسوي يانوره في اختس اللي تبيه بتسويه قبلنا ولا ماقبلنا شيخه عصبت وناظرت في نوره بنص عين – اظاهر مابقى غير الصغار يحاكونا بكيفي بطلب منه مئه انتي شخصتس نوره اللي جلست جنبها – خصني انتس بتفضحينا بيقول بنات ناصر داخلات على طمع شيخه نفثت على صدرها – اخوتس يااختي وش داخلين على طمع تراه هو اللي يبيني ماحفيت ادوره وضحى – المهم خلونا من هاذا كله متى بتجهزين عرستس بعد اسبوع شيخه ناظرت في وضحى – وش جهازه يخسي اشتري جهاز من بقابل ياحسره صقيران راعي الابل والمقانيص نوره مطت عيونها – دخيلتس ياوضحى الحقي فضايح فضايح في ذمتس تقولين الصدق شيخه ناظرت فيها بنص عين – لا اتسذب متى ماتكلمت بجد انا يانويروه |
وصلوا البيت نزلت هند وسكرت الباب بقوه .. فارس نزل من السياره معصب – وجعوه انتي صاحيه ولا انهبلتي سيارتي تراها غاليه هند كشت على سيارته – من حلاها ام مرتبه ونص فارس مط عيونه على إستهزاها في سيارته – تراها اف جي بس شعرفتس بدويه جايتني من الدوادمي هند اللي كانت معطيته ظهرها ماشيه للملحق من سمعت كلامه لفت وصرخت عليه – احترم نفسك يالخكري الناس تفتخر في اصلها وانت خكيري ياولد الرياض فارس سكر الباب ومشى بإتجاهها وعيونه بعيونها ,, وهي ماتنكر انها رجفت ورفع إصبعه لها وهو مقهور منها – ماعليه مقيوله إذا اتتك مذمتي من ناقصٍ فاهي الدليل بإني كاملا هند ضغطت على كفوفها .. وعضت على شفايفها .. مهما كان رجل ولاعاد تقدر ترد عليه راحت وخلته وهو عطاها بعد ظهره ومشى .. لين وصل للبوابه الداخليه وقف لحظات يناظر فيها لين دخلت الملحق ,, وفصخت البرقع وهي معطيته ظهرها .. إبتسم إبتسامه جامده ودخل البيت بيت ضاحي بن فهيد \ الفجر وصل البيت بتعب .. مابغى ينتهي وقت الإستلام .. نزل من السياره وجلس على الكرسي في الحديقه وهو يتنهد سمع صوت لف يمين يسار ماشاف أحد .. بعد فتره طويله شوي .. وعقب ماكلم حد من الدكاتره في المستشفى وقف بيمشي داخل البيت .. سمع الصوت مره ثانيه وقف ,, ألتفت يمين يسار .. ماشاف حد .. هز راسه يمكن قطوه تستهبل عليه .. ومشى بإتجاه البيت اما هي ماإن راح حتى تنفست بعمق .. إبتسمت ماقدرت تنام غير لين تشوفه ,, وأحمدت لله انها كحلت عينها بشوفه .. هالحين تقدر ترتاح وتنام بعد مرور ثلاثة ايام \ في الربع الخالي .. الصباح مبكر ماسك طيره الشيهان .. وخوياه ملتمين حول النار وسالم يدق القهوه .. ونواف يسوي الفطور اللي هو قرصان علق عبدالله اللي جالس يسولف على خوياه – اقول صقير صقر ناظر فيه بعدين ناظر صقره اللي كان يربط برقعه بمعنى ( نعم ) عبدالله – اعرف اللي وراه عرس يستهم ويهوجس والتفكير شاغلن راسه اما انت عز الله تقول عرس عرب مهب عرسك صقر اللي ربط البرقع على الشيهان حطها في الأرض بمركازها – اقول شوي نبي نسوي تحدي اليوم الشيهان بيغديكم إن شاءالله عبدالله اللي إبتسم هاذا صقر الثقيل عارفه مهب معلق – بس طيري حوران بيغلبها سالم – ابك طيرك تقل عصفور ماهب طير ياخسارة إسم حوران عليه بس ضحك نواف وصقر .. وعبدالله إنقهر – اليوم بتشوف بس الأهم طيرك لايفشلنا نواف يعلق – الحمدالله اني ماجبت طيري وجبت السلوقي سالم – اتحداه ان تسانه اسرع من سلوقي صقر مغيضه نواف – والله من بيتحدى صقر لاهو ولاصقره ولاسلوقيه مايقدر عليه غير قوي الساع صقر إبتسم – المهم عطونا الفطور نبي نخلص ورانا قنص عجلوا علينا بيت سعد بن فهيد موضي اللي كل ماتذكرت السالفه تبكي .. عمرها ماناظرت لمحمد غير اخو وصديق طفوله وماقد ناظرته بالنظره اللي هو يناظرها فيها عمشاء اللي جلست معها – يابنتي قبل طعنا شورتس وسكتنا وردينا ولد عمتس اللي غيره ماهب ساكت بس يوم شافتس عايفه هو بعد عاف بس هالحين الرجال دق الباب وابوتس مستحي يرده من تالي موضي بعبره – بس عجزت اتقبله يايمه انتي علامتس محمد اخوي ماتدرون وش كثر اعزه واحترمه كأخو ولا قد ناظرته غير هالنظره عمشاء – وانا امتس كلنا مثلتس قبل موضي وهي تمش دمعتها – ماعليه يايمه اصبروا علي برد لكم العلم عقب عرس صقر عمشاء افرحت في داخلها – بعدي وانا امتس ايه شاوري ربي وهو بريحتس بإذن الله موضي اللي قامت تصرف تبي تختلي بروحها .. وعمشاء كأنها حست قامت من عندها وسكرت الباب عقب ماطلعت موضي اللي كانت كاتمه بكيتها ما إن أمها عطتها ظهرها حتى انفجرت تذكرت اول ايام خطبتها من محمد .. سوت مناحه ذيك الأيام مكانت تبيه .. عندها نظره ان ولد العم مثل الأخو ( هالحين بس رد لذاكرتها كلام مريم اللي تقول انتي مبسوطه ,, بس هي شدراها ) سندت راسها على السرير وهي جالسه عليه تذكرت ايام خطبة عيسى لها في الماضي بيت سعد بن فهيد \ عشاء عندهم كان عيسى واقف مع فهيد اخوها ويضحكون ,, يوم طلعت عليهم وهي كاشخه بتفتح الباب وتستقبل ما إن شافها عيسى حتى خق وناظرها ,, وهي انسطلت وصارت عيونهم في بعض فتره من الوقت .. وقف فهيد بينهم حاجز وهو معصب الثنين عيوا نظراتهم ينزلونها .. تحنحن عيسى وهي ركضت لداخل وهي تضحك .. يالله من قبل وهي مهتمه فيه صديق فهيد ودوم تقدم لهم القهوه والشاي والحلويات كل مازارهم .. حبته حب المراهقه والنضج وبكل مافيها عشقته عشق مفضوح وخبرت مريم بأحاسيسها بعد مابينت لها مريم ان عيسى ناوي يتقدم ويخطبها اندق باب غرفتها دخلت عمشاء وهي مبسوطه وتضحك – كبرتي يابنتي الله يوفقتس استحت من كلام امها عرفت ان عيسى تقدم لها ونزلت راسها عمشاء انبسطت لضحكها – والله ماتلقين احسن منه مرجله وبيصونتس ويحشمتس موضي استحت وحمر وجهها – من تقصدين يمه عمشاء تضحك – اها علي يابنت يعني ماشفتي نظراته لتس ماتعرفين منهو موضي بحياء – متى خطب عمشاء – قبل شوي جاء هو مع عمتس موضي ارفعت راسها ابلاهه مصدومه – أي عم ابوه ميت عمشاء – بسم الله عليتس من تقصدين انتي !! موضي خافت – انتي اللي من تقصدين يمه ؟؟ عمشاء – اقصد محمد ولد عمتس موضي انصدمت بقوه – ايششششششششششششش ذيك الأيام مابقى دموع مانزلتها ودعوات ماكررتها .. تبي عيسى تبيه وهاذا دخل غلط بينهم |
قبل العرس بيوم \ العصر وضحى معصبه – ماصارت اروح انا وعمتي نجهزلتس وراتس فضحتيني لاسألتني عمتي عليتس قلت مستحيه ماتدري انتس من جنبها شيخه وهو مفروسه – اسكتي ياوضحى مقهوره من المروح ماجاب العشرين وضحى وهي تحط الأكياس على الأرض – استحي على وجهتس شيخه ناظرتها بقهر – انتي غبيه ولا غبيه فكري لاقدام شوي وش تركلنا ابوي حتى بيت عشه ماتركه لنا غير ماعزتين وخمس من الضأن يالله كفتنا انا لاني بطماعه ولا بخيله بس هاذا حقي وابيه فكري في المستقبل وانا اختس وضحى عصبت – ان تسان هاذا تفكيرتس على الدنيا السلآم المهم الثوب الأبيض موضي حجزته من عند خويتها شيخه ناظرتها بعصبيه – ومن قالتس بلبس ابيض ,, اللي يسمعتس يقول امره جايها اللي ملا عينها وضحى مطت عيونها وصوتت على خواتها اللي جوها وكل وحده لابسه ثوب العرس حق بكره يتقايسنه نوره – وش بلاتس وضحى – انا اختسن بتجلطني ماتبي تلبس ثوب ابيض بكره ساره بدلع – يآآآآآآآآآآآآآآآآآآآآه ياشويخ متى يجي دوري حرام عليتس ماتبين تصيرين مثل سعاد حسني ولا نجلاء فتحي شيخه وقفت جنبها وهي مكشره – وش قلتي يااختي من من من وين هذلي ساره بحالميه – مين يعني ايام السبعينات والثمانيات يهبلوووووووووووووون عرايسهم حلواااااااات ( وتنهدت ) شيخه لوضحى وهي تأشر عليها – وضحى شوفي شغلتس وضحى مسكتها بذراعها – عيدي عيدي وش قلتي ساره خافت منهم – هاااااااااااااااااااااه لالا ماقلت شي وضحى – اشوى حسبالي ,, ( ناظرت فيهم ) المهم الثياب قياستن نوره – ايه ظبط علينا بس انتي ليش ماشريتي لتس فستان وضحى بعصبيه – خليكم من فستاني اهم شي الفستان اللي شويخ رافضة تلبسه هند – ماعليتس بتلبسه بتلبسه تراه عيب عليها إن مالبسته وشيخه اهم ماعندها مايطلع منها العيبه صح شويخ شيخه اللي ابتسمت يوم زارتها الفكره ابتسمت – صح صح وانا اختس وضحى مطت عيونها – سبحان مقلب القلوب والأبصار نوره – هاذي شويخ لها مئة رأي ,, المهم انتي وين فستانس ياوضحى وضحى وهي تجلس – انا مايحتاج انا بجلس مع شيخه اما انتم بترحون للقاعه يقولون إنها استراحه قصر مدري عن قصور مدري قاعات هل الرياض شيخه اللي كانت سرحانه وضحى – اهم شي ان موضي تقول بتجيب حرمه تزين شويخ شيخه انتبهت لها وش تقول – نعم ( وقفت ) إسمعي عاد ان لبست الثوب الأبيض لاتنتظرين اني افك برقعي جداتي ماهيب احسن مني ماني بمخليته يشوف وجهي وضحى نوره هند ساره فتحوا افواههم عقب كلمة شيخه وبصوت واحد – ايشششششششششششششش شيخه بتحدي – اللي سمعتوه اليوم الثاني \ الصباح .. يوم العرس بيت ضاحي بن فهيد مقلوب حدر فوق .. فارس دخل البيت وجلس بتعب – خلااااااااااااااااااااااااص انا هلكت منيره اللي تبخر البيت – انت جيت يمه ( حطت المدخن ) زين عشان صحون الغداء جت نبيك توزعها على الجيران فارس مط عيونه – ايشششششششششششش يمه ,, حرام عليتس عيالتس خمسه منيره قامت تحلطم وماصدقت جاها حد عشان تشكيله – من ياحسره محمد وابوك قابين في القاعه يستقبلون الريجيل اللي بيجيبون القود واخوك سعد ماجلس من جاء وهو يأثث في غرفة اخوك اللي قب وتركها وهالحين ياقلب امه ابوك مرسله يشتري الغنم حقت العرس ويوديها المطعم ونايف وينه الله يصلحه من امس ماشفته فارس تحلطم – وكالعاده انا الضحيه منيره – عمشاء وجدتك بيجوني هالحين وحريم هنيا عجل وانا امك والله اني واقفة على رجل من اصبحت مالقيت وقتن اجلس فيه انا وهالشغالات الضعيفات فارس عصب – وبنات عمي وينهن منيره – واخزياه ابك اروح واصوت عليهن واليوم عرس اختهن خلهن يأخذن راحتهن ما إن قالت هالكلمه غير نوره وهند وساره داخلات عليها – السلآم عليكم فارس ومنيره – عليكم السلآم فارس – اشوى انتسن جيتن تعالن ساعدن عمتسن البنات انصدمن من إسلوبه .. ومنيره تفشلت منه نوره – عندتس شي ياعمه منيره – الله يقطع شيطانك يافارس ,, ايه وانا امتس نبي نغرف في الحافظات غداء للجيران وبنعطيها فارس قبل جدتسن وعمشا وحريمن بيجني يجن في المطبخ وقف فارس عند الباب .. والبنات ومنيره بدن يوزعن الغداء ويغرفنه منيره – يامي ياهند هاتس شيليها انتي وولد عمتس حطوها في الموتر ( ناظرت في فارس ) فارس هاذي تعطيها بيت سويلم وهاذي بيت مصباح وهاذا بيت مشخص وهه هاذي عطها بيت ام محمد الأرمله ضعيفه تدور اللقمه هي وعيالها الله يرزقهم شال فارس وهو يتمتم – طيب بس ان رجعت تراني برقد دخيلتس يايمه منيره – ابدن ارقد للعصر عشان تطلع تستقبل فارس – طيب طلع وشالت هند وشالت ساره معهم وطلعوا الحافظات ,, وقفوا ورى فارس اللي كان يرتب المرتبه من ورى هند وهي تكلم ساره ورافعه صوتها – اقول ساره تذكرين مواتر شباب الدوادمي ذربه ووسيعه ساره انقهرت من اختها – وعععععععع من حلاتها كلها لها صناديق ( المقصود به البدي ) دساتن وشاصات وجموس فارس اللي انتبه لكلمة هند ورفع حاجب ,, وما إن سمع كلمة ساره حتى طقها ضحكه – ههههههههههههههههههه هههههههههههههههههههه هههههههههههههههههههههههههههه ( وانحنى بجسمه وقعد يضحك ) .. انقهرت هند من ضحكته وماتت قهر ساره بينهم وهي كذا !! مستغربه ضحك فارس .. وتناظر اختها اللي القهر واضح عليها دخل نايف البيت في هاللحظات .. اللي يوم شافته ساره شهقت بصوت منخفض سمعتها هند نزل من السياره وهو يناظرهم ويبتسم – اجواء العرس طاغيه على البيت الله يهديتس يا ام محمد ماتخلي عاداتها لازم ترسل على الفريق كله فارس اللي هدئ من موجة الضحك – انت وين كنت نايف سكر الباب واتجهه لهم – كنت في المستشفى عندي عمليه بسيطه والحمدالله خلصت هند انقهرت من اختها اللي مبحلقه في نايف .. ادعستها برجلها صرخت ساره – آآآآآآآآآآآآآآي فارس ونايف ألتفتوا لها وهم مرتاعين – وش صاير هند نزلت الحافظه وشالت الحافظه اللي بيد ساره ونزلتها .. مسكتها بيدها – مصار شي امشي ساره ساره مشت وعيونها في نايف وهي متوجعه والألم باين في عيونها الليل \ ليلة الزواج .. القاعه منيره تزرغت وعمشاء واقفه جنبها .. ريم ونوره وهند وساره واقفين على المنصه ويصفقون للبنات الصغار اللي يرقصون ..كانت نوره لابسه فستان أحمر وفيه كريستال من الصدر ناعم بالحيل .. اما ساره لبست فستان بنفسجي مبرز جمالها اللي كل الحريم مبحلقات فيها وفي خواتها ,, هند الدبدوبه لبست فستان اسود هادي وناعم فيه حزام أحمر في الوسط كلها من اختيارات وضحى وعمتهن منيره اما ريم لبست فستان لحمي ضيق على جسمها وفيه موديل ناعم بالحيل ,, ومكياجهم كلهم حلو وهادئ والجده ارتزت على الكرسي في المنصه ومبسوطه وتصفق ( وكل شوي تحمد الله اللي جمعها في بنات ناصر .. وخذت لصقر وحده فيهم ,, وباقي الدور على الجايين .. مابتغربهن مثل ماتغرب ابوهم ) الحضور تقريبا أكتمل .. بعدين توجهت منيره اللي كانت لابسه فستان اسود يليلق بمقام والدة العريس اما عمشاء لبست فستان تركوازي ,, مشن للمنصه وبدأ الرقص والطق على أصوله والكل فرحان لفرح صقر اللي ابطى ماأعرس في قاعة الرجال واقف ابو محمد ومحمد وفارس وسعد ,, وضاحي وابوه سعد يستقبلون .. نايف واقف على جنب مع فهيد وهم تقريبا مالين من العرس وطفشانين نايف – راسي يعورني الله يأخذ هالزفت كيف بنبطله فهيد – اخوك عرسه غثيث وثقيل صراحه نايف ناظر فيه وهو واقف مع المعازيم يسلم على فلان ويوجب فلان قال بكره واضح – ياشين التمثيل فهيد لف وناظر وين مايناظر ناظر في نايف – هالحين هو اللي اختار حرمته نايف – ايه يبا الفيت فهيد ضحك – وليش تقول هالشكل يمكنه يبيها نايف ناظر فيه عقب ماقطع نظراته في صقر – انت مصدق ان صقر بيناظر جنس حرمه على وجهه الأرض !! الجد جلس مع الشخصيات الكبيره والمهمه اللي حضرت الحفل يسولف عليهم ويوجبهم .. والهم اللي في قلبه حسه إنزاح والأحلام اللي تكرر عليه معاد شافها بيت ضاحي بن فهيد \ جناح صقر موضي ووضحى طفشوا من عناد شيخه اللي ماهي راضيه تنزل البرقع موضي معصبه – حشى وين حنا عايشين ياشيخه والله لوانا في زمن الخيام والبر وضحى وهي شوي وتبكي – مافيه حرمه سوت سواتها والله مااعرف موضي تربت على وضحى وهي تناظر شيخه بنص عين – ماعليتس صقيران بيوريها الشغل حشى في عصر الديناصورات والعصر الحجري حنا شيخه – ماعلي فيتسن اهرجن لين تقطع حلوقتسن مصدقات اني بنزل برقعي واخليه يكشف وجهي دق جوال موضي وكان ضاحي – هلا ضاحي ضاحي – هاه موضي جهزتن نبي نزف المعرس موضي اللي تستعطف شيخه بالنظرات - شبه جاهزين ضاحي – وش شبه جاهزين العرب نصهم سرى وتعشوا من مبطي موضي عصبت – خلاص خلاص تعالوا ضاحي – زين فمان الله موضي سكرت من ضاحي – وضحى عطينا المدخن والعصير لين اشوف حل مع البهمه هاذي وضحى راحت تجيب المدخن والعصير موضي انفثت اللي في صدرها – اسمعيني شيخه صحيح امي تغطى عن اخواني وتستحي منهم وحتى عمتي منيره بس عاد الرجال غير شيخه اللي لابسه برقعها ومتعدله – اقطعي الهرجه موضي اللي في راسي بسويه موضي وقفت – بصرتس اللي في راستس سويه والله ان تطلع فضيحتس بجلاجل في هالزمن ومتشبثه في هالبرقع اللي يشوفه يقول بيطير في العرس انتهي العرس والناس بدأو ينصرفون .. نايف وقف ينتظر هله لان محمد وسعد وفارس وضاحي معهم وبعض خويا صقر راحوا يسوون زفه لصقر نايف اللي حاس راسه يعوره ,, انفتح الباب وركبت امه جنبه – السلام عليكم نايف – عليكم السلام انفتح الباب اللي ورى وركبت ساره وراه وهند في النص ونوره ورى منيره نايف – خلاص كلكم ركبتوا منيره – ايه مابقى غير الخدمات بيجن مع السواق خليتهن يلمن الزهاب راسي يعورني ناسية حبة الضغط ماأكلتها نايف وهو يحرك – والله انتس يايمه الله يهديتس ذكريني لاوصلت البيت اقيس ضغطتس متعبة عمرتس على صقيران في الفاضي منيره اللي عارفة بغضهم لابعض – الله يصلحكم ويهديكم ياكريم البيت ويخليكم لبعض جناح صقر \ بيت ضاحي وضحى مسكت المدخن .. وموضي تزغرت يوم دخل صقر اللي أول مادخل سيده جلس ,, لدرجة انه مالف رقبته ولا شي ولاحتى ناظر اللي جالسه جنبه وكأنها بروتوكلات عمل متعود عليها ,, لإرتباك ولا قلق ولا شي واضح عليه جامد لدرجة الجمود المثلج وضحى وموضي استغربوا انه حتى ماعبر ولاشي موضي عطتهم العصير ,, خذى العصير وشربه كله اما شيخه حاطه رجل على رجل وكأنه مو عرسها موضي عيونها صارت كبيره .. أول مره تشوف معرس وعروس بهالشكل ,, وضحى ماتستغرب جمود أختها بس صقر ليش كذا بارد موضي تلطف الجو – الله يهديكم لو مارفضتوا التصوير انت وشيخه صقر ناظر في موضي – يرضيتس نبدئ أول ايام حياتنا بمعصيه موضي فهت – هاه صقر – افا هاذا وانتي دارسه ماتعرفين ان التصوير حرام موضي انفشلت – هاه لا بس ذكرى صقر – مانبي ذكرى موضي وهي متفشله – زين اتركم وألف مبروك صقر – الله يبارك فيتس مشت موضي وسحبت وضحى معها عقب مقالت – ألف مبروك صقر – الله يبارك فيتس ياوضحى سكرن الباب وراهن ,, في هاللحظه بس وقف صقر وكأنه مكتوم .. اتجهه على الباب وقفله طلع البشت اللي كان لابسه وحذفه على السرير .. نزل الشماغ والعقال وحذفهم وراها مشى لين اقترب من شيخه .. هالمره ناظرها وأول مشافها إبتسم إبتسامه على جنب مشى لين قرب منها ,, طلع الظرف اللي في مخبأه وحطه على الطاوله – هاذي خمسين عشرين اللي طلبتيها وثلاثين هدية عرستس ماهب صقر البخيل واللي يرد اللي يطلبه شيخه رفعت عينها له – هاذا مهب طلب هاذا حقي صقر قرب منها لين وقف قبالها مايفصلهم شي ابد وهي جالسه وعينها في عينه .. قمزت يوم حط يده في راسها وقام يتمتم في دعاء الزواج ,, عقب ماانتهى عطاها ظهره – روحي طلعي ملابستس اللي ماهيب لايقه على اللي مسويته ( لف وعطاها نظره ) ماهب صقر اللي يغصب حرمه ولا بغيت الشي بأخذه برضاتس ماهب غصب عنتس شيخه انصدمت كيف عرف تفكيرها ,, سكتت فتره بعدين وقفت صقر جلس على السرير وبسخريه مبطنه – اهم شي لاتلبسين قميص والبرقع معه تراه مايستوي الشغله ماهيب رومانسيه ابد شيخه انقهرت منه قاعد يطنز عليها جمعت قبضة كفها بقوه ,, وكتمت غيضها ومشت بإتجاه الحمام صقر بهدوء – تراني احتريتس لاتطولين ( بعد فتره ) بنصلي لاتخافين ( وقهقه بصوت واضح يقهرها فيه مشت بغيض للحمام .. سكرت الباب بقوه تفشي فيه كل غيضها واستحقاره لها واستحقارها له |
نزلت موضي ووضحى ,, اللي وقفوا في الحوش يوم شافوا الجمع الغفير عين موضي طاحت في عين محمد بعدين نزلتها .. شافت ضاحي واقف معه ومع سعد فارس قرب بإتجاهه موضي ووضحى – حيالله بنات عمي الموقرات اخبارتسن موضي ووضحى – بخير كيفك انت فارس – الحمدالله بخير وبنعمه ( غمز لهم وبإبتسامه ) كيف الجو فوق موضي ابتسمت اما وضحى قالت – وش تبي تعرف ونعطيك التفاصيل فارس ضحك – لالا مانبي تفاصيل تفاصيل مخيفه صقر اكشر وشيخه عصبيه ضحكت موضي ووضحى ,, قرب منهم ضاحي – مساكن الله بالخير وضحى استحت وألتفت زين بالشرشف اما موضي – مساك الله بالخير ضاحي انفشل – ماعليه يابنت عمي اللي مايعرفتسن يجلهتسن انتي الكبيره وضحى صح وضحى اللي متفشله – صح ضاحي ابتسم – اها كيفتس اجل فارس اللي ينقل نظراته بينهم ومبتسم هو وموضي وضحى – بخير ,, كيفك انت ضاحي – يسرتس الحال ( ناظر موضي ) يالله سرينا موضي اللي حاسه بمراقبة محمد لها – يالله سلمت على وضحى – يالله تصبحين على خير واشوفتس بكره وضحى – وانتي من هله مشوا ,, اما فارس عرض على وضحى يوصلها لين الملحق ويسولف عليها وهي وافقت مشت وهي تعرج تحت نظرات عيال عمها المشفقه عليها في السياره كل مارفع عينه طاحت في عينها ,, وتنزلها بسرعه وكل شوي على هالموال يرفع عينه على المرايه هي تنزل عينها يغفل شوي يرفع عينه يلاقيها تناظر فيه وتنزل بسرعه نايف بخبث – اقول يمه منيره اللي حاسه بتعب ودوخه – هلا يمه نايف – هالحين اللي تزعجني بنظراتها وعيونها وش اسوي فيها ؟؟ منيره انصدمت – ليش وش صاير !! نايف بإستعباط يمد الكلمه وساره خافت يفضحها – ابد وحده الله يستر عليها ازعجتني في المستشفى (من قال المستشفى نفثت براحه ) كل شوي تناظرني منيره انقهرت – بنات اخر زمن مايستحن الله لايبلانا دار الزمن وخربن البنات منول الولد اللي يطارد البنت هالحين ابدن البنت تطارد الولد عيني عينك ساره انصدمت وتفشلت وحست بغصه من كلام منيره نايف رفع عينه للمرايه وناظر فيها – صازه يمه هالجيل معاد قام يستحي الله لايبلانا في جناح صقر طلعت شيخه وهي لابسه جلابيه والبرقع والجلال عليه ,, صقر اللي كان يقرأ قران نزله يوم شافها صقر قال – صدق الله العظيم ( وقف ) يالله امشي نصلي وقف يكبر ووقفت وراه ,, صلوا مع بعض .. ووقف مشى بإتجاه السرير خذى مخده وشرشف وهو معطيها ظهره طالع – خذي راحتس انا برقد في الصاله |
( البارت الثالث عشــــــــ 13 ـر ) بيت ضاحي بن فهيد .. \ ليلة العرس وقفت السياره ونزلوا البنات منها .. ساره على طول مشت للملحق وهند تتبعها .. اما نوره اللي سووه خواتها .. وقفت مع منيره اللي واضح انها تعبانه بالحيل ماحبت تروح وتخليها نوره – عمه اساعدك في شي منيره – لا ياحبيبتي روحي امرحي ,, نايف بيقيس ضغطي وبيشوف الحبوب لاتخافين علي نوره – خلاص اجل تصبحين على خير مشت .. ونايف يناظر فيها لين اختفت عن عيونه نايف مسك يد امه – الله يهديتس يالغاليه لازم تتعبين عمرتس منيره – وش اسوي عرس اخوك ياولدي لازم اقوم ابه واجهزله نايف دخلها داخل ومشاها لين جناحهم .. قاس ضغط امه وعطاها ا لحبوب وكوب الماء .. جلس عند راسها فتره من الوقت وهو يلمس شعرها ويتمنى يضمها .. هاذي اللي يوم ضامته الدنيا ضمته باس يدها وشافها نامت من التعب والأرهاق .. لحفها زين ووقف على الشباك بينتظر لين يوصل ابوه على انه مشتاق للي يشربه بس لازم يجلس عند امه لين يوصل ابوه ويروح لشقته .. فهيد يحتريه هناك هو وسياف ناظر من ورى الشباك وشاف ان شباك امه وابوه يطل على ملحق بنات عمه ,, وكاشف وحده فيهم بما ان جناح امه وابوه تحت مو فوق .. شاف حوريه ولا هي أي حوريه جميله لدرجة الجمال اصلا كلمة جمال قليله عليها جالسه ودمعتها على خدها واضح انها متأثره من شي يمكن فراق اختهم .. فجأه صورة جيسي ضببت عليه الرؤيه .. فجأه واقفه مع صقر وتضحك غمض عيونه بقوه وقابض كفوف يده بقوه فتره من الوقت ,, فتحهم بحضور ابوه ويحاول يمنع دمعته تنزل,, بسرعه ترك الشباك ودار راسه لأبوه ابو محمد يناظر فيه – نايف ,, وراك هنا ؟؟ نايف مشى لين قرب عند الباب – امي كانت تعبانه قست الضغط وعطيتها حبوب واظاهر انها نامت ابو محمد – زين ( ومشى بإتجاه الحمام ) نايف ناظر الشباك .. وناظر ابوه ,, مشى طالع لشقته ومنظر البنت ودمعتها وخيانة جيسي مو رايحه عن باله في جناح صقر \ بيت ضاحي بن فهيد سكرت الباب وحذفت البرقع اللي كتمها عقب ماطلع .. حست بضيق خانقها مو متعوده على هالجو تبي ترد لأخواتها اللي عمرها مافارقتهم .. كانت غلطانه انها تقبل تتزوج ليش ماحاربت ,,وبسرعه استسلمت الإستسلام مكان في في قاموسها ابد ,, كرهت ضعفها تفكر في خواتها واللي أكل قلبها وضحى اللي فرصها في الزواج وبناء عائله قليل من بيقبل في وضحى اللي تحارب عشانا وماتدري اني شايله همها كيف تزوجت ومافكرت في اختي اللي تكبرني السن وأكيد بتشيل في خاطرها اني اللي اصغر عنها اتزوجت وهي لا ,, وين كان عقلي وتفكيري .. على هالتفكير نزلت دمعه يتيمه بسرعه مسحتها تكره الدموع تكرهها لانها ضعف وهي مانزلت دموعها غير على وفاة ابوها وأمها بس فجأه سمعت الباب ينطق .. لبست البرقع والجلال افتحت الباب وشافت صقر واقف ومعطيها ظهره ماإن افتحت الباب حتى اقتحم الغرفه ودخل متجهه للدالوب يطلع الشنطه – بسرعه لمي اغراضتس بنسري للدمام شيخه انصدمت – نعـم صقر اللي بدأ يحط ملابسه في الشنطه ويرميها بدون ترتيب – طالبيني في الدمام فيه مهمه لازم اسويها شيخه انقهرت – زين رح وش يخصني فيك انا |
ترك اللي بيده وناظر فيها – نعم عيدي وش قلتي شيخه تكتفت – تراك سمعت انا ماابي اروح مكان واترك خواتي صقر ومقرص عيونه – انا ماقلت للحكومه يوم طلبتني انا توني معرس عشان تطلعين لي انتي وتقولين خواتي شيخه وهي متكتفه – وانا وش خصني طيب رح الله يستر عليك !! صقر حذف اللي بيده في الشنطه بقوه .. ومشى لين وقف في وجهها بعصبيه – مدام النفس عليتس طيبه اخلصي تراني طيب لين هالحين شيخه بعناد – ماابي اروح انا بقعد عند خواتي صقر بعصبيه – المره مكانها مع رجلها ماهب مع خواتها اخلصي بسرعه ولا والله لتركبين بقشاشتس اللي عليتس شيخه عصبت – غصب هي الروحه قلت لك مااني برايحه صقر مسكها ودزها على السرير بقوه – والله اني لين هالحين متحملتس نعنبو ذا الوجه لتس لاحشيمه ولا حياء انا ابي اعرف حياء الحريم وينه عنتس معتس خمس دقايق بنزل شنطتي واشغل موتري ان ماجيتي علي بالحرام لاتمرحين الليله في المستشفى غصب عنها مو برضاها انصاعت ولمت ملابسها وهي تصارخ وتسب ,, وهو إذن من طين وإذن من عجين نزل شنطته واتجهه لسيارته وشغلها ودق على محمد اللي كان نايم خبره انهم ماشين للدمام ويبلغ بكره اهله بعد فتره نزلت شيخه بشنطتها اليدويه ولابسه عبايتها وافتحت الباب عليه – الشنطه ثقيله رح جبها صقر لو هو مو مستعجل كان عرف يربيها في إسلوب الكلام ,, رد وهو شايل الشنطه ومالقاها عصب فكر انها راحت لخواتها .. مشى لين الملحق وسمع الأصوات فيه والصراخ صوت عليها – شيخه شيخه في الملحق شيخه انقهرت – شرف وضحى – خلاص شيخه روحي الرجل يحتريتس وانتي لاتنسين دقي علينا كل فتره شيخه – زين ( وطلعت الظرف اللي في شنطتها ) هاتس خليها عندتس لين ارد واتصرف فيها وضحى ناظرت فيها فتره – سويتي اللي في راستس شيخه – ايه هاذا مستقبلنا كلنا ولأزم أأمنه من هالحين وقفت وضمت خواتها ووصت وضحى على خواتها ,, طلعت له بعد فتره وكان جامد مشى وتبعته فتح باب السياره وركب وركبت وهي مغصوبه جنبه في الطريق كان صامت ويفكر وهي طفشانه حاسه بالنوم بس ماتقدر تنام في السياره مستحيل ترقد .. حست انه هدى سرعته ألتفت يمين شافت انه بيوقف في محطه صقر بجمود – تبين شي معين اجيبه معي شيخه – شكرن ماابي منك شي صقر نزل وهو معصب منها ومن إسلوب كلامها الخايس .. ماعليه الطريق قدامه بيعرف كيف يربيها ويربي إسلوب هالكلام وتعرف تحكي معه زين .. علم العامل يعبي الموتر بنزين ومشى للبقاله وعبئ أكياس .. حاسب العامل وركب وحط الأكياس في حضنها وبأمر – طلعيلي المويه شيخه عصبت وانقهرت بس كتمت غيضها .. طلعت المويه وعطته – هاك صقر رده عليها – افتحيه لي شيخه هنا صدق ماتت قهر – افتحه انت صقر عصب وحذف عليها العلبه – انا لي قلت لتس افتحيه تقولين سم ابشر ماهب افتحه انت افتحيه بسرعه شيخه ضربت العلبه في فخذها وإستاجعت – آي صقر بدون مايعيرها أي اهميه – افتحيه بسرعه خذت منه العلبه بعصبيه وفتحته وعطته المويه بقهر واضح وفي داخلها سم هاري إن شاءالله شقة نايف \ منتصف الليل فهيد نام وسياف يحوس في المطبخ ويغني وهو سكران .. ونايف جالس في غرفته وكوبه في يده ودموعه تنزل وهو سرحان .. بعد فتره حذف الكوب بقوه على الأرض وركع على الأرض وضرب بكف يده البلاط وصرخ وهو يبكي – جيســــــــــــــــــــــــــــــــي ياخاينه خاينــــــــــــــــــــه خاينـــــــــــــــــــه بيت سعد بن فهيد \ غرفة موضي انسدحت جنب ريم اللي كانت تنتظرها تنوم عيالها وتعطيها السوالف موضي – صراحه انقهرنا منها ريم وهي تضحك – يآآآآآآآآآآآآه ياشويخ مثل عجز مبطي موضي بقهر – والله انقهرت انا ووضحى سفيهه وماعجبتني حركتها ريم بتعاطف – مسكينه يمكن كانت مستحيه موضي – مو لهدرجه اصلا حتى ماشفتها استحت يوم دخل صقر ولا ارتبكت ولا شي اصلا كل شي عادي تصدقين عاد انا اللي كنت عارفه عيسى وخابرته وخابزته بغى يوقف قلبي اما هي ماتصدقين عاد حاطه رجل على رجل ريم ضحكت – ههههههههههههههههههههههه صراحه عجيبه هالشيخه اتمنى اتعرف عليها اكثر تصدقين احسها غامضه عكس الوضحي ونوره والباقيات مكشوفات بس هي قويه شخصيتها تخوفني صراحه موضي حطت راسها على المخده واعتدلت – صراحه عجيبه شخصيتها غامضه وحبيتها ريم ناظرت في اختها فتره من الوقت .. موضي حست انها سكتت لفت عينها لها شافتها تناظر فيها موضي – ليش تناظريني كذا !! ريم – وش رسيتي عليه امي بتأخذ جوابك اليوم موضي بهم – مااعرف ياريم ,, عمر مشاعري لمحمد ماكانت غير اخوه ولاتنسين انه مقهور مني اكيد يوم خطبني ورديته ريم – مو لهدرجه عاد هاذا النصيب موضي – وولد عمتس بيرضيه عذر النصيب صعب ياريم صعب ريم – مافيه شي صعب عند الله سبحانه محمد ونعم الرجل وخساره كبيره إذا رفضتيه موضي – الله يكتب اللي فيه الخير ريم باستها على خدها – تصبحين على خير واتركي بكره لبكره والله يكتبلتس اللي فيه الخير موضي ابتسمت لها – مشكوره يالغاليه ريم طلعت .. وسكرت الباب وراها موضي ضمت نفسها بقوه .. ودمعت وهي تتذكر متاعسها مع عيسى اللي حبته من قلبها بس اهانها بقوه |
في الماضي \ بيت عيسى جلست عقب مانومت زايد اللي كان صغير ورتبت البيت .. ذاك اليوم مريم رايحه للسوق تجهز لزواجها من محمد وأم عيسى كانت واقفه لها على كل شي .. انقهرت يوم شافت موضي جالسه وماسوت العشاء – ليش ماسويتي العشاء موضي اللي ارفعت عيونها – عيسى معزوم ومريم طالعه مافيه غيري وغيرتس ياعمه وانا قبل شوي شفتس تأكلين من القرصان اللي سويتها العصر ام عيسى – بسم الله علي وتحسديني بعد على اللقمه ,, وجع يوجع قلبتس انقلعي والله ان اعلم عيسى عليتس يالحسود اجل القرصان عشاء يمال الزط موضي اللي استهدت بالله .. مو أول مره عمتها تكلمها بذا الإسلوب .. شالت ولدها وطلعت لجناحها اللي في الليل يوم دخل عيسى كان يصارخ ويهاوش وفتح الباب عليها بقوه .. وبدون تفاهم ولا شي طلع عقاله وضربها فيه .. وماخلى مكان إلا وضربها فيها .. جلست تبكي وتصارخ وفي ذيك الليله تنومت في المستشفى من الضرب اللي جاها في الحاضر \ غرفة موضي تنهدت بألم ومسحت دمعتها .. ماتنكر ابد ان عيسى يحبها بأكثر مما هي تحبه ومايخلي شي بخاطرها بس هو ضعيف عند امه وهاذا عيبه وماقدرت تتحمل ,, مع انها حاولت تكسب امه بس كانت تكرهها وماتدري وش السبب على مشارف الدمام \ سيارة صقر خلاص تعبت تنهدت بصوت صغير – اوفففف صقر رفع حاجب ولف عيونه عليها وسكت لفت وناظرته بطرف عينها ,, شافته ممسك المقبض بهدؤ وعيونه مركزه على الطريق سكتت وتكتفت وهي تتثاوب بتموت من النوم بعد فتره وقفوا عند عماره راقيه وحلوه وفي مكان هادئ .. وكانت قريبه من الكورنيش ,, اول مره تشوف بحر ابتسمت وتذكرت خواتها ساره وهند اللي يموتون ويشوفون بحر صقر فتح بابه – يالله انزلي افتحت بابها ونزلت ,, شال الشناط ومشوا لين وصلوا الأصانصير فتحه وركبوا ضغط على الرقم اربعه .. وهم ملتزمين الصمت .. انفتح الباب واتجهه على شقه رقم 109 .. طلع المفتاح وفتحها ناظر فيها وهي واقفه بصمت شغل اللمبات – ادخلي وسكري الباب وراتس ما إن شغل اللمبات حتى انصدمت من منظر الشقه .. معفوسه فوق تحت .. اول انطباع عرفته عنه غير عصبيته وعناده انه غير منظم مشى للغرفه وحط الشناط فيها وهي واقفه في الصاله .. ماسمعت له صوت ,, مشت بخطوات تستكشف المكان .. دخلت المكان اللي دخله شافتها غرفه حلوه وكبيره وعكس الصاله كانت مرتبه شافت شنطته على السرير ومفتوحه .. اسمعت صوت الماء في الحمام اطلعت من المكان .. شافت غرفه جنب الغرفه اللي دخلها ومسكر بابها .. افتحتها لقتها مقفوله مشت للإتجاه الثاني شافت مطبخ ويقابله طاولة طعام وعلى جنب مغاسل لليد ودورة مياه شافت باب صغير معدني يطبق وبنفتح جرته وشافت دريشه كبيره وفيها بلكونه تطل على البحر هنا شهقت المنظر عجيب ومريح للنفس .. فتحته ووقفت فيه فتره من الوقت لين سمعت صوته قمزت – انتي وش تسوين هنا لفت راسها شافته واضح انه معصب ومعقد حواجبه .. مشى بإتجاهها ودزها بعيد عن البلكونه وهو يصارخ عليها – اشوفها بس تنفتح قسم بالله لأكسر يدتس فاهمه ماحنا بعايشين في امريكا تطلطين سنتس صلبيه شيخه كشرت في وجهه .. وعقب ماسكر البلكونه أمرها وهو يمشي – وهالحين يالله روحي رتبي ملابسي واكوي بدلتي بعد الصلاه بروح شيخه انقهرت من بدايتها أوامر – ماني بكاويتلك شي لك يدين اكو لعمرك وقف ولف عينه لها – وش قلتي شيخه – اللي سمعته انا مااعيد صقر قرب منها وحط يدينه ورى رقبتها وجرها – بتكوين ورجلتس فوق راستس ترى ماتزوجتس غير لراحتي وخدمتي ماسقت عليتس فلوس وانتي تحسبيني صلبي تحت رجلتس شيخه تحاول تفك يدينه بس ماتقدر وهي تبي تصرخ لقته كاتم على نفسها بذراعه .. والهجوم خير من الدفاع افتحت فمها وعضته من قلب حد يركض وراه وهو يركض بسرعه .. ويحس اللي يركض وراه مايبي يأذيه .. بس هو يركض بسرعه جنونيه والمشكله انهم في صحراء وفي نفود ورمال غزيره تنغرز رجلينه فيها .. حس رجله انغرست بقوه واللي يركض وراه ركع على يده وجلس يلهث جنبه صرخ عليه – ليش ماسويت اللي قلت لك عليه ليــــــــــــــــــــــــــــــــــــــــــش فز ضاحي من نومه وهو يلهث ويحس نفسه عطشان .. استغفر ربه هالحلم مخيف جدا صب لنفسه كوب مويه وماان ارتشف منه شوي ,, حتى دق جواله .. ناظر الرقم غريب فتح الخط – آلو الطرف الثاني – الاخ النقيب ضاحي بن سعد ضاحي وهومستغرب – ايه الطرف الثاني – معك المرشده في دار رعاية الفتيات الإجتماعيه ولازم تتطلع على الموقف اللي صار بما انك كنت ماسك قضية والد نور والمسؤول عنها في الدار ضاحي عقد حواجبه – نور ( نساها هالبنت ) المرشده – للأسف اني اكلمك في الوقت المتأخر بس الشرطه والمباحث موجوده عندنا لان صارت محاولة قتل بتسميم الطعام وحنا مسكنا المستخدمه عندنا ونبيك تجي تتطلع على القضيه لانها تهمك زي مافهمت وغير ان الأخت نور تطلبك وهي في حاله نفسيه صعبه ضاحي فز من فراشه – زين زين هالحين جايكم تذكر هالحين هالحلم ليه زاره !! |
.. خلته يدزها وهو يصرخ بوجع – الله يأخذتس وش سويتـــــــــــــــــــي ويناظر ذراعه اللي دمها صب على خفيف مشى للمغسله وغسل يده وهو يصارخ – الله ياخذ ذا الوجهه لتس هاذي اخرتها ابلش عمري بوحده سفيهه ومنحطه مثلتس لإحترام ولا عقل انا وين بليت روحي ابتس حسبي الله عليتس شيخه تسوي برقعها عدل اللي خربه يوم دزها ووقفت – تستاهل مره ثانيه يوم تبي تصدر اوامرك المؤقره شف من تبي تصدرها عليه ما إن قالت هالكلمه .. غير ترك المويه مفتوحه ونقز عندها .. وهي واقفه بكل شموخ تتحداه .. سطرها كف بأقوى ماعنده خلاها تنلف بقوه وبرقعها ينلف معها .. مسكت دمعتها اللي نزلت من قو الضربه ,, وتركته ومشت للغرفه وسكرت الباب عليها ومن حسن حظها لقت المفتاح فيها قفلته قفلتين وهو صرخ عليها وتبعها وقام يضرب الباب – افتحي افتحي يا حيـ ................ ابسرعه افتحي افتحـــــــــــــــــــي شيخه من ورى الباب – اضرب راسك في الجدار ماني فاتحــــــــــه لك مات قهر وضرب الباب برجله – انا وراي مهمة عمل عطيني بدلتي ثم في مهف كريوين عساتس مافتحتي انزربي فيها علتس الخماد اللي يخمدتس بعد فتره انفتح الباب حذفت بدلته على وجهه وقرعت الباب بسرعه وقفلته – ضرب الباب برجله انا راجع شوي وشغلتس معي قسم ان لاظهر شيطاينتس اللي رقت في راستس قابله صمت مطبق من شيخه .. ترك الباب ومشى للصاله لبس لبسه بعصبيه وتوضى وطلع من الشقه يصلي في المسجد اللي جنب العماره ويلبي نداء الوطن في دار الرعايه الإجتماعيه \ مكتب المديره تبكي بقهر .. وهو جالس عندهم ومحزن للحاله اللي وصلت لها – إذا ابوي مات وانتم اودعتوني هالمكان اللي يخوف وادخله بدون ادنى حق وانا ترى اقدر ارفع عليكم قضيه ( شهقت ) وصلوني بس لأمي ماابي منكم شي ,, ماابي اعيش هنا ( وشهقت بقوه ) ماابي اموت في هالمكان ماابي رفعت راسها وصرخت في وجهه ضاحي – انت السبب انت ,, كنت راح اموت وانت لك يد في موتي طلعوني من هالمكان ماابي اجلس فيه دقيقه وحده ضاحي عصب ووقف – استدعولي هالمستخدمه بسرعه واتركوني معها لوحدنا المديره – بس المستخدمه خذوها وهي تخضع حاليا للتحقيق عند الشرطه والمباحث ضاحي بعصبيه – انا اللي ماسك القضيه بإي وجهه حق يتكلمون معها انا المسؤول الأول عن نور ( بنتكلم شوي عن دار الرعايه الإجتماعيه للفتيات من وظائفها الاساسيه هي ايداع الفتيات اللائي تم القبض عليهن من جهه امنيه او هيئهقضائيه وتصنف الحالات حسب الاجنحه المتوفره في دار الرعايه حسب تجانس القضايا وعمرالفتياتومن حقالنزيله طلب العفو والذي يستثنى منه بعض القضايامن الحدود الشرعيه كزنا المحارم والقتلوالترويج للمخدرات والسرقات الكبيره) تنهد ونفث الهواء عن صدره .. ناظر نور ضاحي بحزن لحالتها – اسمحيلي اخت نور بس نور تقاطعه – ماابي اعذار ولا كلام طلعني من هالمكان اللي ماسويت شي عشان اكون فيه ضاحي في محاولة إعتذار – بس هاذي تعزيزات أمنيه وصلناك للمكان لانه أأمن مكان للي مثل حالتك نور وهي تبكي – ابي اطلع انا اليوم كنت راح اموت ودوني عند امي بس هاذا كل اللي ابيه ضاحي نظرا لحالتها النفسيه – اسمحيلنا يااختي ( يقصد المديره ) الاخت نور بتطلع معنا وحنا اللي بنتدبر امورها المديره اللي متعاطفه مع نور – حنا استضفناها في الدار بناء على أوامر صدرت لنا وهالحين إذا جاء الوقت انها تطلع وتودعنا فإذن نقدر نقول لها مع السلامه نور نور صامته ودموعها تنزل بللت لثمتها ضاحي ناظر في نور اللي ساكته ومنزله عيونها – نور نمشي نور ناظرت فيه وبلهجه حزينه وماسأه تقطع القلب – إذا مت ادفنوني جنب ابوي ضاحي اهتز بقوه .. هاذي أمانه في عنقه .. كيف ابتلى فيها كيف .. ووصية ابوها ,, مستحيل اتزوجها !! بنت مجرم بنت مجرم وخطير والدوله تحاربه لها فتره |
عند بوابة الدار \ سيارة ضاحي ركب وركبت ورى .. ضاحي يبغى يتكلم يعتذر يبغى يقول شي بس مو قادر ينطق أي حرف بعد فتره ضاحي بإعتذار شديد – انا اسف بس الفتره اللي راحت كنا مشغولين في البحث عن خيوط مقتل ابوك نور بدموع صامته – الله يرحمه ضاحي اللي لين هالحين ماقرر وين يأخذها – في الوقت الراهن صعب اخذك فندق ومكان يدخله الألآلف من الناس ومابترتاحين ولا حنا بنرتاح ( اخيرا جته الفكره يأخذها شقة نايف ) زين اسمعي لقيت الحل بأخذك شقة ولد عمي هو مايجلس فيها كثير وإذا قلت له مابيقصر بس ابي منك شي واحد ماتفتحين الباب لإي كان غير لي بس حتى لو حد جاك وقال انه من طرفي لاتفتحين له نور– طيب بتحط حراسه !! ضاحي يطمنها – ايه بتكون هناك عناصر موجوده في حراستك انتي لاتخافين نور صدمته – لاتكون مثل حراسة ابوي ؟؟ ضاحي ابتسم على جنب – إذا مكتوب لتس تموتين بعد وش نسوي هاذا يومتس نور انهارت وبدت تبكي – لا ماابي اموت هاذا جزاي اللي وافقت وطلعت معك ردني الدار هناك ارحم منك ضاحي تورط فيها وفي دموعها وحس انها دلوعه – خلاص خلاص لاتزعلين انا بجيك كل فتره اتفقنا نور مسحت دموعها – بس انا خايفه شقة نايف \ الفجر لم ملابسه واغراضه وهو معصب .. دخل على فهيد وهو شبه سكران لانه صحصح من سكرته شوي – ليش مقومني نايف اللي معصب لدرجه لاتطاق ولانه ماشرب إلا شوي من الكوب والباقي كسره ومادخل في السكره القويه وغير حالته النفسيه الصعبه وذكراه لجيسي اللي ماغابت عنه لحظه ودقيقه – اخوك الكلب بيجيب بنت مجرم عندي فهيد وهو سكران فجأه مط شدوقه بوناسه – بنــــــــت ونااااااااااااااااااااااااااااااااااسه نايف رفع عينه وناظره بعصبيه – قم انقلع وقوم سياف الغبي وانقلعوا اخوك والبنت بيجون هالحين فهيد جلس وهو باقي في سكرته – لا ماني رايح بشوف اخوي والحرمه تتوقع حرمته نايف طلع وتركه .. توجهه لسياف اللي راقد ,, ضربه برجله – قمممممممم سيافوه قم سياف وهو سكران غنى – سرى الليل ياساري سرى الليل نايف – ايوالله سرى الليل ( شال سياف ودخله الحمام وصب على راسه مويه ) صرخ سياف تحت المويه – هييييييييييييييييييييييه نايف فكه ودزه برى الحمام – يالله خم خميمك واطلع ولأشوفك هنا غير عقب اسبوع لين يذلف ضاحي وهالبنت اللي معه سياف ينفض شعره المنفوش – خيستني ماء الله يخيس وجهك بطلع ويويلك إذا دقيت علي وقلت تعال نايف – اذلف اصلا انت اللي دائم تجيني ( قام يصرخ على فهيد ) فهيدووووووووووووووووه يالله انقلع بسرعه قبل اخوك يجي ويشوفك عندي فهيد طلع – بس ابي اشوف البنت نايف مسكه بثوبه هو وسياف ومشاهم لين باب الشقه ,, فتح الباب ودزهم وسكر الباب بقوه وهو معصب ( اهم ماعند نايف سمعته .. يموت ولا يدري ابوه انه يسكر .. اما الشقه حقته مايدري عنها غير اخوانه وعيال عمه بس ) بعد فتره اندق الباب عرف انه فهيد ماراح هو وسياف ,, فتح الباب بيصارخ .. شاف ضاحي في وجهه نايف – ضاحي !! ضاحي دخل – ايه تعالي ادخلي يانور نايف عطاهم ظهره – ثواني بس بقفل الغرفه وامشي اتجهه للغرفه قفلها وأهم شي سواه خبى قوارير الخمر فيه ,, طلع لهم في الصاله وهم جالسين نايف – ضاحي انا ماشي بس الغرفه حقتي مقفوله الغرفه الثانيه فيها سرير وتقدر تستخدمها ضاحي – حتى انا بمشي معك بس انتظر العناصر تجي وامشي نور اللي كانت ترجف وخايفه – متى بروح لأمي نايف وضاحي ناظروا فيها ضاحي – بحاول اخذ لك إذن من السلطات العليا واخبرك نايف نادى ضاحي – ضاحي ممكن على جنب ضاحي قام ومشى مع نايف واطلعوا برى الشقه – اسمع هاذي لين متى بتقعد في شقتي ضاحي – مابطول نايف بس مالقيت مكان احطها فيه انت عارف انها بغت تموت لانهم سمموا لها الأكل نايف بعصبيه – معك بس اسبوع وتطلعها برى شقتي ترى انا ماني راضي على اللي سويته وسكت توصل انك تجيب بنت مجرم عندي هاذا اللي ما أرضاه وسكت عشانك بس ضاحي انقهر منه – زين زين خلاص رح هالحين انت نايف عطاه ظهره ومشى ضاحي دخل الشقه وشاف نور ترجف – انتي خايفه !! نور بخوف – ليتني قعدت في الدار انا خايفه ضاحي – لاتخافين قلت لك العناصر الأمنيه بتحرسك وانتي بتقفلين عليك الباب مااحد راح يقدر يوصلك نور بخوف ورجفه – زين خلاص بس انت لازم تخلص اوراقي ابي اسافر لأمي بسرعه ضاحي – إن شاءالله بعد فتره اندق الباب .. وكانت العناصر الأمنيه اوصلت وبتحرسها عند البوابه الداخليه والخارجيه وبتراقب المكان ضاحي وهو واقف عند الباب – خلاص هاذا قفل الباب ( ويأشر عليه ) قفلي الباب لاتفتحين غير لي ( طلع بطاقه ) هاذا رقم جوالي اتصلي علي في اي وقت تبين شي نور اللي كانت خايفه وترجف – لا ضاحي طلع وهي قفلت الباب بالقفل وفي داخلها خوف مو طبيعي |
اليوم الثاني \ الظهر .. الدمام – غرفة شيخه كانت نايمه على الكرسي من الخوف ان صقر يدخل عليها نامت عليه ,, حست بألم في رقبتها وظهرها تحاول تسند نفسها زين ضرب جنبها في حافة الكنب ووجعتها اكثر .. افتحت عينها وجلست فتره طويله شوي تتذكر هي وين !! لما تذكرت فزت وناظرت في الغرفه يمين ويسار مافيها حد غيرها .. وقفت ومشت للحمام الموجود في الغرفه تغسلت وتوضت ,, شافت الساعه قدام عيونها وهي طالعه تشير على الواحده .. شهقت وضربت على صدرها تأخرت على صلاة الظهر ,, بسرعه ركضت للسجاده وصلت وقرت الورد اليومي بعد الصلاه وقفت وطوت السجاده .. تذكرت ليلة البارح التعيسه بعد اللي سواه صقر فيها وقفل الباب والوقت الطويل اللي قضته في الغرفه وهي جالسه وحتى بعد ماصلت الفجر .. جلست على الكنبه وتفكر في حياتها اللي باين انها تعيسه ومافيها أي فرصة نجاح ( إذا هي مستحقرته وزواجه بالطريقه اللي سواها يغضبها وتكرهه اكثر ؛؛ وإذا هو يعدها حقيره وغير متربيه تحتاج إعادة تأهيل وتربيه منه .. كيف بيكون فيه نجاح ,, اصلا هي كل ماتفكر انها تزوجته عشان الزواج تضحك ؛؛ عمرها ماناظرت ولا بتناظر صقر زوج بل !!!! في الأخير بتواصل اللي بدته وبتنهي السالفه بالطريقه اللي هي تبيها ,, ومو آل قاسي يمشونها على اللي يبون حست بالجوع يصفر في بطنها .. تذكرت الأكلات اللي جابها من البقاله وهم جايين في الطريق تذكرت السنكرس اللي موجود فيه وكانت مشتهيته في لحظتها .. خلت البرقع ولبست بس الجلال وحطت إذنها قريب عند الباب مافيه حس اكيد مو موجود .. افتحت الباب ومشت للصاله اللي موجوده فيها الكيس .. افتحت الكيس وطلعت منه عصير والسنكرس ,, جلست عند التلفزيون اللي حتى ماتعرف كيف تشغله ناظرت فيه من الملل كان ودها يشتغل وتشوف وش فيه ,, اكلت وخلصت ووقفت راحت للمطبخ تغسل .. فجأه سمعت صوت انين خفيف لفت وراها طاحت عينها في عين صقر.. ناظرته بخوف وبسرعه حطت الجلال على وجهها عقب لمحه بسيطه منه لوجهها بس ماميزه ,, وغير الألم اللي ماخلاه يشوفها او حتى ينتبه لها ناظرت شيخه فيه من ورى الجلال شافت صدره مكشوف وملفوف بشاش ابيض صقر وهو كاتم الألم – انتي وش تسوين هنا شيخه تناظر فيه فتره .. ومشت وتعدته صقر وقفها – لحظه شيخه وقفت وهي معطيته ظهرها – لاتقفلين الباب لي حبوب موجوده عندك بجي أخذها مشت وخلته عقب ماعطاها الأوامر بعد فتره دخل وكوب المويه بيده ,, شاف شيخه لابسه برقعها وجالسه على الكنبه اللي كانت نايمه عليها ,, سفها ومشى لين الشوفرنيه فتح اول سحاب شاف البندول طلعه وأكل منه حبتين سمع شيخه بتشفي تقول – صدق انها حوبتي صقر لف عينه وشافها بعصبيه – انتي اظاهر حتى الحياء متبري منتس فيه حرمه عاقله تقول لرجلها حوبتي شيخه تقاطعه – وفيه واحد من صباحية عرسه رايح يحارب ابتسم إبتسامه جانبيه – فقدتيني شيخه – من انت اصلا وش دورك في حياتي عشان افقدك هالكلمه كانت الشراره عشان صقر يلقى عذر ويضربها .. ركض لها وهي ركضت بعيد عن يده وتصرخ فيه – والله مااسمحلك انك تمد يدك علي اليوم طلعت منها سليم هالحين لاخلي اللي في صدرك ينزف صقر وقف عن الحركه وهو متعجب من حال هالأدميه اللي قدامه !! مشى بإتجاه السرير ونام بتعب - لوكنت في صحتي قسم بالله ماتسترجين تقولين حرف .. انسدح على خفيف وهو يئن انين خفيف شيخه انقهرت منه وهي واقفه – خير خير اذلف برى الغرفه خيـــــــــر صقر ناظرها بنص عين وبأمر – هاتي المرهم اللي في الصاله بسرعه شيخه طلعت بس مارجعت جلست في الصاله وهي تغلي قهر ,, سيطر على الغرفه وهي مستحيل تكون في مكان هو فيه |
( البارت الرابع عشـــــ 14 ـر ) شقة نايف \ الرياض من صحت وهي خايفه مانامت غير ساعتين وماتدري كيف نامتها .. سمعت صوت الباب خافت اكثر قربت منه – مين سمعت صوت ضاحي – انا ازفرت براحه – طيب بس ثواني بسرعه مشت وألبست عبايتها ولثمتها وأفتحت الباب ,, شافت ضاحي داخل وفي يده اكياس سمعته وهو يقول – تعالي لقيت الحل لان امتس وصلنا رفضها انها عيت تستلمتس انصدمت – ايششششش !! امي ماتبيني ضاحي حس ان فيها شي وناظر فيها – ايه السفاره توها ارسلت علي الخطاب ,, ( اخذ نفس ) اصلا من طلعت من عندك وانا في السفاره .. سوينا إتصالات لأمك وقالت انك من زمان عنها وانك غلطه وهي الحين ماتبيك عايشه مع زوجها وعيالها اللي يقوله كثير عليها انصدمت وانهارت .. نزلت دموعها .. وجلست على الكرسي – ليش ماتبيني ليششششششششششش ضاحي حسها انهارت ولايدري وش يسوي – نور امتس ماهيب مسلمه ولا هي تحس تجاهك بشعور جابتك في لحظة طيش وغلطه هي وابوتس شي اكيد بتتنكر لتس نور رفعت عينها وهي تصيح وتأشر على نفسها – بس انا شذنبي انا احبها وابيها وين اروح وابوي راح وين اروح وهالعصابه تطاردني وانا مالي ذنب وماسويت لهم شي ( حطت يدينها على وجهها وبكت بصمت وشهيق ) ضاحي جلس بعيد عنها وهو يتنهد – انتي تعرفين العصابه اللي يتعامل معها ابوتس نور وكأنها انشدت لكلامه ارفعت يدينها – لا مااعرفهم ضاحي – خمس سنين هي مدة شغلي في العسكريه .. كانت اهم واخطر عصابه مرت علي في هالفتره وعلى السلك العسكري ككل .. العصابه اللي ينتمي لها ابوتس هي مو فرد ولا فردين ولاجماعه ولا جماعتين .. هي كتل عصابات متوزعه في أماكن غير معروفه سعوديين وعرب وغير عرب .. عصابه كبيره مره .. وتقدرين تقولين ان هالعصابه لها تعاملات مع عصابات خارجيه خطيره مثل عصابة المكسيك اللي يتنمي فيها اخطر عصابه في العالم أي غلطه أي حد بيخبر عليهم مصيره ينذبح .. ( اخذ نفس وبقهروحسره ) ابوتس قبل لايموت ترك ورقه خباها تحت السرير اللي موجود في السجن بعدها بس بساعه وثلث وصل العصابه خبر عن هالورقه كيف وشلون ؟؟ هاذا اللي قاعد ابحث فيه نور انذهلت – ورقه !! ضاحي – ايه ورقه كتبها ابوك فيها شي غير معروف وسر ولازم اعرفه نور اللي مصدومه من هالمعلومات – طيب الورقه معك هالحين ضاحي بقهر – لا للأسف اخذوها وذبحوا ابوك وهم خايفين انك تعرفين عنهم معلومات وعشان كذا يخططون عليك هالحين نور ارجفت – بس انا مااعرف أي احد فيهم ضاحي برجاء – حاولي تتذكرين مين كان ابوك يكلم دليني لو على اسم واحد نور تحاول تتذكر– ماادري ماتذكر أي احد فيهم اصلا مااعرف ان ابوي يتاجر في المخدرات ضاحي – عموما بيتكم هالحين مراقب مراقبه تامه ويخضع للتفتيش والتحقيقات لازم نعرف سر الورقه نور – وتوكم تنتهبون لسالفة الورقه !! وكيف عرفتوها ضاحي بقهر – من الكاميرات ,, ابوتس كان في سجن محاطه الكاميرات من كل جهه ؛؛ لانه يخضع للتحقيق كيف وصلوا لابوتس وذبحوه هاذا اللي يدل على قوة العصابه .. اكيد لهم يد عندنا في الشرطه .. ومااكتشفهم احد غير عقب ماانذبح ابوتس واتصوب جندي عندنا ,, والورقه العساكر وهم يحققون ماانتبهوا لسالفة الورقه غير امس الليل لما اعادوا الشريط كذا مره وشافوا المجرم اللي قتل ابوتس متعمم بعمامه وذبحه على السرير نور صرخت بقهر – وابـــــــــــــــــوي ذبحوه بدم بارد ماحد يعرف عنهم شي ضاحي – عشان كذا انا جايك اليوم هالمكان هاذا خطير عليك اليوم كلموني السلطات العليا وأمروني بنقلك خارج المملكه بسسسس ( ناظر فيها فتره وسكت ) نور – بس ايش ؟؟ |
بيت سلطان \ الظهر الجده دخلت وهي تنادي على سلطان وحمزه .. نزل حمزه وهو مبتسم حمزه – الجده عندنا مرحبا مرحبا الجده – هلا ياوليدي ياحمزه وشلونك حمزه – انا بخير ياجده انتي كيف حالك الجده – بخير ياولدي يالله من براد الجنه الرياض حر الله يعين حمزه ضحك – ايوالله ياجده حر الجده – ماعليه وانا امك ابيك تروح تأخذ الغداء من السواق ,, بس قبل قلي وينه سلطان حمزه – سلطان هالحين على وصول بيجي من العمل الجده – الله يحيه حمزه راح وخلاها يجيب الغداء اللي كان في حافظات .. ودخلها المطبخ .. والجده جلست تحتريه في الصاله بعد فتره دخل وفي يده شنطته والجرايد .. من شاف جدته انبسط وتهلل وجهه ,, من زمان وهو عايش وحده لاتطاق ناظر فيها وهو يرحب – امي وضحى هنا ياهلا والله تو مانور البيت وضحى انبسطت له وهلت فيه وهو مقبل عليه ,, حب راسها ويدها – ياهلابك ياولدي ,, وشلونك ياامي سلطان – الحمدالله زين .. وشلونتس انتي بشريني عنتس وضحى – بخير يمال العافيه مافيني غير ذا الركيبات معاد تلخيني امرح سلطان – الله يعين يايمه ليه ماتراجعين دكتور انتي الجده – من اراجع ذبحوني هالدخاتره من اروحلهم حطوا فيني مية عله وانا امك خلني على نويف اللي اشوفه في السنه حسنه يوم يزهم عليه جده يقول اجني شفني انا وجدتك سلطان – الله يهديه نايف قاطع ,, وانتي شلونتس وشلون جدي الجده – كلنا بخير ومابنا غير العافيه يالله لك الحمد حمزه جاب الغداء عقب ماغرفه – يالله ياولدي ياسلطان هاذا غداء جدتك جايبته لك تعالوا تغدوا الجده – ابدن ياحمزه وانا امك انا متغديه تغد انت وسلطان وخلصوا وتعالوا تقهووا حمزه مستحي – لا ياعمه انا حاطلي شوي هناك بأكل في المطبخ الجده – اخوتس ياختي حمزه مانت بغريب لو بتغداء تغديت معكم بس انا ماابي سلطان وقف – تعال ياعم انا عارف امي لو هي ماتغدت بتقول انا مشتهي طباخ خالتي عمشاء الله يعطيها العافيه لها نفس زين في الأكل في الدمام \ شقة صقر .. الغرفه مشت للصاله جابت الكريم .. يوم دخلت انقلب على ظهره وبأمر– تعالي ادهني ظهري شيخه انصدمت .. وحست انها ارتبكت من كلمته .. سكتت وهو ماسمع لها صوت .. لف وجهه شافها واقفه وساكته – سمعتي وش قلت شيخه – ايه سمعت ,, مشت بإتجاهه وحطت الكريم جنبه وطلعت تحت نظرات صقر اللي ابتسم ,, عرف نقطة ضعفها سوى نفسه معصب – وين رايحه ارتبكت وسوت نفسها قويه – حط انت لنفسك صقر – لا تنكتين حضرتس اجل اقدر ادهن ظهري شيخه عطته ظهرها – موب شغلي دبر نفسك صقر صرخ– وقفــــــــــــــــــي انتفضت وهي معطيته ظهرها وعاضه على شفايفها صقر– وانا اهرجتس ماتعطيني ظهرتس لفت وجهها – نعم صقر – نعم الله عليتس تعالي ادهني ظهري الجروح تعورني مشت بإتجاهه وهي تقوي نفسها .. صح تكرهه ,, وصح تبغضه ولاتدانيه بس حاله إنسانسه لأكثر وبزفره – هات عطاها الكريم ودار ظهره – افتحي الزقه وفكي الشاش وادهني الجروح بشويش قامت تفتح الصقه ,, وهي معقده حواجبها .. باين ان شكل ظهره متضرر ,, عندت معها اللزقه وجرتها بقوه خلت صقر يصرخ – آآآآآآآآآآي صاحيه انتي ولا مجنونه شيخه تتطنز – لا ابشرك مجنونه ( تقصد وقفتها عنده ) بعد فتره ( تستهبل ) - إلا اقول من اللي جرحك هالجرح شي يعور القلب صقر حس بشي سريع مشى في صدره حار من لكنة سؤالها – ليش السؤال شيخه وهي تخبي ضحكتها لما عرفت كيف بتنتقم – لا ابد بس صراحه مردغك مردغة ماهيب صاحيه صقر بغموض ويخبي وراه شي – اعلمتس بس ماتعلمين احد شيخه رفعت حاجب وش هالثقه – علم صقر وهو يتذكر اللي صار – قنبله مزروعه شيخه انفجعت – ايششششششش ضاحي وهو ينفث الهواء عن صدره وبقوة قلب - قبل ماينقولونك لازم تغيرين هيئتك وشكلك .. وبنعطيك في الدبلوماسيه جواز واسم غير اسمك .. ومايعرف حد عنك شي غيري انا بس .. وتتنكرين لكل اللي حولك بس نبيك تتعاونين معنا يانور نور مطت عيونها بفجعه – وش هوووووووووووو ضاحي – هاذا الحل الوحيد عشان هالعصابه تنساك بس وقف وبزفره – فيه شي لازم تعرفينه نور اللي منفجعه اليوم من كثر اللي تسمعه وبإنهيار تام – وشششش بعد ضاحي وهو معطيها ظهره – انتي عارفه انتس بتغيرين هويتس وشكلتس صح نور اللي دموعها تنزل كيف تتنكر لأسمها وشكلها – مثل ماتقول ضاحي بهالمنفذ يقدر يسوي اللي قاله ابوها بدون مايعلمها – علا هالاساس بعد عشان تكتمل الصوره صح لازم تتزوجين ؟؟ نور اللي معاد فيها قوه تستحمل اللي يقوله وبسخريه – ومين إن شاءالله اللي بتزوجه ضاحي لف وجهه لها وأشر على نفسه – انا |
بيت ضاحي بن فهيد \ المطبخ بعد ماتغدوا دخلت هند المطبخ تسوي لهم شاهي .. فارس اللي كان يراقبها يوم قامت .. تسلل بهدوء للمطبخ من دون مايحس احد من اهله او خواتها دخل عليها شافها واقفه ومتكتفه وسرحانه والمويه تغلي عندها اتحنحن بطريقه مفزعه .. وهي فزت .. ناظرت فيه بعدين انتبهت للمويه طفت الغاز .. وصبت المويه في الغوري فارس اتجهه على درج الأكواب .. اخذله كوب وقرب منها يغسله .. دخل خشمها ريحته وحست انه قريب .. رفعت عينها وشافته قريب وبسرعه بعدت فارس حس انها خافت وكتم ضحكته – انتي لين هالحين زعلانه مني هند وهي تشغل على الغاز وساكته فارس – ليش انتي مو مثل خواتك بنفس إسلوبه – وليش انت مو مثل اخوانك فارس وأشر على نفسه بكبر – لاني انا غير الناس كلهم مو بس اخواني هند انقهرت من لهجة كلامه وسكت – تكفى لايطيح نصك بس وبعدين خير داخل علي المطبخ لآحم ولادستور وينا عايشين فيه ( طفت عن الغاز وصبت الشاي في الترمس ) وبلهجه قويه تطعن – انتم كذا ياشباب الرياض ولا بس انت شاذ عن القاعده بعدين تكلمت بسخريه – ايييييييييييه نسيت انك انت اوقح واحد في الناس زي ماقلت فارس انقهر وترك الكوب على الغساله وطلع معصب اما هي ضحكت وبداخلها ( خله يتأدب .. صدق وقح ) في غرفة سعد بن ضاحي جالس بسرحان ويناظر الصوره اللي بيده .. اندق عليه الباب وبسرعه خبى الصوره اللي بيده – مين نايف – انا بسرعه فتح الباب – صراحه تكتب في التاريخ نايف يجيني لين غرفتي غريبه صاير شي نايف دخل الغرفه وجلس – ابد بس طفشان قلت اجي اسولف معك إلا إذا كان عندك مانع سعد جلس على السرير – افا عاد لوالله لامانع ولاشي نايف – ابيك تحجزلي على رحله على لندن سعد عقد حواجبه – بتسافر نايف – ايه رحلة عمل فيه محاضره بسافر احضرها هناك سعد – زين شرايك اسافر معك كم مدة محاضرتك انت نايف اللي استحسن الفكره مايحب يختلط بحد من الدكاتره هناك لانه غير اجتماعي – احسن بعد محاضرتي مدتها ثلاثه ايام سعد – حلو يعني الرحله الجايه اوافق عليها نايف بتساؤل – ليش سعد وهو مبتسم – لان محسوبك انا مقهور قبل مده فتره عقب ماتملكت على ريم سمعتها تقول مره لصديقتها في التلفون انا مقهوره انه يسافر برى ويشوف حريم اشكال والوان عاد انا من الوناسه ساعتها طلبت كل رحلاتي عربيه ومادامها سامحه لعمرها تجلس مع فويرس اخوي ورافضه اشوفها لازم افحسها بهالطريقه مثل ماتفحسني ضحك نايف – صدق العقل نعمه سعد ضحك – وش عرفك بالحب بسسسسس نايف جمد وجهه ووقف وبسرعه طلع .. تحت نظرات سعد المتسائله سعد بإستغراب – هيه وين رايح نايف بسرعه طلع من عنده ودخل غرفته وسكر الباب ووقف عليه .. ( وفي نفسه ) وش عرفني بالحب !! ماحد اكتوى في الحب كثري .. جمع قبضة يده ورص عليها بقوه .. كل البلا من صقيران والله لأخذ حقي منه والزمن بينا تفأجات من اللي يقوله – انت ضاحي يدرس تصرفاتها بيشوف ردة فعلها – ايه انا نور – ووش يحدك تأخذ بنت واحد مجرم مثلي ضاحي في صدره بلاتس ماتدرين عن اللي فيني نور – ليش ساكت ضاحي – قلت لتس هاذي حمايه لتس نور بقوه واصدمته وهي تقول – بس انا مستغنيه عن هالحمايه ضاحي – توقعت هالرد منك بس انا صدق ابيك هاذا مو اوامر فرضت علي لا صدق انا قلت لهم ابيك نور ارتخت ملامح وجهها ولان – وليش تبيني ضاحي عض شفايفه على سؤالها – بكره تعرفين السبب الأهم انك تستعدين بجيب لتس اوراق توقعينها وخبيره تغير وجهتس والباقي اتركيه علي انا ادبره |
( البارت الخامـــــــــــــ 15 ـس عشـــــر ) بيت سلطان \ الصاله جلس سلطان بعد ماتغدى جنب جدته وهو يمدح الأكل – الله يعطيها العافيه خالتي عمشاء صدق لها نفس في الأكل الجده – ايه الله يعطيها العافيه ,, انت علمني وش علومك سلطان – بخير ياجده الحمدالله هه زي ماتشوفين من الدوام للبيت ومن البيت للدوام الجده عرفت كيف تأخذ مسار الحديث لصالحها – وهالوحده مايبيلك حد يشارك فيها سلطان عقد حواجبه – يشارك فيها ,, الحمدالله العم حمزه معي والله مايقصر الله يعطيه العافيه الجده – لا انا ماهب قصدي حمزه انا قصدي مره سلطان فهم على جدته – اييييييه الجده ضربت على الوتر الحساس – وراك ماتعرس ياسلطان سلطان عصب من هالسيره – كم مره قلت لكم ماابي اعرس وعلمتس بهالعلم انتي وجدي الجده ترّكت على عصاها بهم – ولمتى بتحرم عمرك اللي كبرك وانا امك عياله يعدون حوله اما انت الله يصلح حالك سلطان تأفف من هالسيره وسكت الجده تحاول في شن الحملات عليه – بنات عمك كل وحده تقول الزين فيني وانا اخترت لك احلاهن واذربهن مع انهن كلهن زينات مير انا بغيت لك .. سلطان قطع كلامها وهو حزين – دخيل عينتس ياجده ارحميني وفكيني من هالسيره اللي رصوا علي ابوي وامي لين اخذت ويوم اخذت اخذتلي وحده شتّت شملي بأهلي وليتها على هذه غير ذبحتهم بعد الجده حزنت على حاله – ياولدي هاذا يومهم وهي الضعيفه مالها ذنب سلطان بقهر وغبن وعصبيه – إلا الذنب ذنبها تدور المشاكل وفرقتني عن امي وابوي الجده تحاول تقنعه – ياولدي خلاص وانا امك اللي راح راح وحنا عيال اليوم امك وابوك الله يرحمهم يعني لاحرمت عمرك العرس بيرجعون لك سلطان بجمود – بس انا عايف العرس خلاص نفسي طابت منه معاد تهمني حرمه في هالدنيا الجده تحاول تحرك مشاعره – ويرضيك تعصيني انا وجدك سلطان – يايمه اسمحيلي انتم تبون لي الغصيبه الجده اصدمته وبعصبيه – ايه اغصب عمرك واغد رجال لمتى وانت حارم عمرك العرس اصطلب خذيناك بالين مفاد فيك والله ياسلطان اني لازعل عليك والبنت خلاص خطبتها سلطان انصدم من جدته ومن كلامها وماط عيونه – جده انتي من صدقتس تحكين الجده اللي مفاد فيه غير ذا الحل – ايه من صدقي انا تعبت وانا هام قلبي عليك معاد فيني حيل عقب هالعمر اشيل همك سلطان وقف وبعصبيه – ويومتس خطبتي وخلصتي وجايه تبلغيني بهالأمر وش هوله ( ناظر فيها وبحزن ) انتي طعنتيني ياجده الله يسامحتس الله يسامحتس ( وطلع لفوق وهو معصب ) الجده اللي ناظرت فيه وهو يطلع الدرج وقالت في نفسها ( مفاد فيك إلا ذا الحل ياسلطان سامحني وانا امك بكره لامنك شفتها تبا تدعيلي ) في الدمام \ شقة صقر انفجعت من اللي قاله .. قنبله – ايشششششششششششش صقر بغموض – اللي سمعتيه شيخه حست انه يستهبل عليها .. وبتعلمه درس كيف يستهبل عليها بس فعلا يوم شافت ظهره .. والشظايا حست انه شي مخيف اللي صار له بجمود وهي تناظر الجروح – ليش تعلمني صقر اللي سكت فتره من الوقت وهو يطالعها يدور ردة فعل بس للأسف مالقى بعدين قال – مو انتي حرمتي وانتي اللي بتراعين ظهري لين يخف شيخه انقهرت منه وحذفت الكريم عليه – انقلع انا ماني بخدامه لك عطته ظهرها بتطلع .. وماشافت غير اللي واقف في وجهها وعيونه حمر تخوف ومسكها بكتوفها – وين رايحه خافت من شكله وشكل عيونه بلعت ريقها .. وسكتت صقر هزها – والله ان اللي دفعته عليتس لأحلله ريال ريال فاهمــــــــــــــــــــــــــــــه شيخه اول مره يصب الخوف في قلبها لان شكله مخيف سكتت عطاها ظهره وانسدح – بسرعه ادهني ظهري هي اقتربت منه وخذت الكريم من جنبه ودهنت ظهره مع ان فيه جروح مفتوحه ماتعرف كيف يتحملها .. الأكيد انه إنسان قوي عشان يقدر يتحمل اللي فيه شيخه بعصبيه – ليش مارحت المستشفى .. وبعدين مين اللي لاف على ظهرك صقر وقف واخذ الشاش ولف على ظهره .. وهو ساكت وشكله مخيف جدا بعد ماانتهى رجع ونام بتعب .. بدون مايفتح فمه بكلمه .. وهي انقهرت من تجاهله لها والأهم كلمته اللي قالها |
في الليل \ بيت سعد بن فهيد - كللللللللللللللللللللللللللللللووووش الله يوفقتس يابنتي موضي اللي كانت خايفه من الخطوه اللي سوتها – يمه انا ان اا (وسكتت) عمشاء – علامتس يابنتي وراتس نزل فهيد وهو يضحك – كاني اسمع زغاريت من اللي اعرس عمشاء وهي تضحك – وش ابشرك ابه وانا امك موضي وافقت على محمد فهيد ابتسم وناظرها – صدق الف مبروك يامويض موضي حاسه بخوف مصبوب في قلبها .. خذت ولدها نواف وطلعت لغرفتها .. تحت نظرات اخوها وامها المصدومه بسرعه وصلت غرفتها وسكرت الباب عليها بقوه وتركت عليها واحضنت ولدها بقوه وقعدت تبكي .. نواف كان يناظرها وخايف على امه .. جلست على الارض واحضنته بقوه ونحيبها يزيد ناظرت في ولدها – آآآآآآآآآآآآآآآه يايمه آآآه اللي سويته مجبوره اسويه ماحست إلا بولدها يمسح دمعتها وهو متأثر منها – ماما لاتبكين ضمته بقوه لصدرها وانتحبت اكثر وفي داخلها ( بلاك ماتدري انا وش سويت ) وبكت وبكا ولدها معها بيت ضاحي بن فهيد \ الصاله نزل مع الدرج ومن شافته تهلل وجهها وضحكت وهي تشوفه وقات تزغرت – كللللللللللللللللللللللللللوش ومشت له تسلم عليه – مبروك مبروك وانا امك محمد بجمود – ردوا عليكم منيره – ايه ياامي توها عمشاء مسكرة مني محمد – اها على خير إن شاءالله ( حس بإنتصار في قلبه .. إنتصار كان محروم منه من سنيييييييييييييييييييييييين ) عطى امه ظهره ومشى .. وسط إستغراب موضي اللي كانت مصدومه من ردة فعله .. ولاتصدق .. لو راجع الزمن سنين شو لوراء متأكده بتكون ردة فعله غير كذا ,, مو هو اللي بغى يموت يوم عرف موضي خذت واحد غيره !! شقة نايف \ الصاله وقعت على الأوراق اللي كان ضاحي جايبها .. وهي ترجف بخوف بعد ماخلصت – باقي شي ضاحي صدمها – ايه باقي موتك !! في الملحق \ بيت ضاحي جالسه وحاطه يدها على خدها .. قربت منها نوره – وضحى رفعت راسها – هلا نوره – علامتس وضحى – اسكتي يانوره شايلة هم شيخه مادري وش بتهبب وتفضحنا تعرفينها اختس قوية وجهه نوره – والله انتس صادقه والله اني افكر فيها عقب المسلسل اللي سوته البيرح وانا غاسلة يدي جلست ساره عندهم وهي تأكل تفاح – وضحى ابي اغير مريولي وضحى ناظرت فيها – ومريولتس وينه ساره وهي تبلع القضمه اللي كلتها – لا وش رايتس اروح لمدرسة بنات الرياض وانا بذا المريول المخزبق وضحى تطنز – لا احلفي ياشيخه ايه صح نسيت انتس صرتي من لهاي هاي ,, روحي عني في السعه ماني بفاضيتلتس هند اللي كانت في المطبخ وتفتش في الثلاجه – وضحى ماعندنا اكل وضحى وهي ماسكه راسها – كملت نوره انقهرت من خواتها – وش اكله بعد ( ناظرت في ساره ) وانتي وش فيه مريولتس جديد وبعدين المدرسه قريب وتعطلون النصفيه ساره انقهرت – لوالله تخيلوا بكره اروح بذا المريول المعفن حتى قماشه يجذب ريحة الشمس والله ان اكره ريحتي نوره بعصبيه – اكرهي ريحتس وش خصنا روحي عنا في السعه وارقدي ترى وراتس مسراح من غبشه ساره تخصرت – ياسلام وش دوركم انتم خوات في الاسم ماهب انتن الكبار وبعدين انا ماهرجتس انتي ياام لسان انا اهرج وضحى نوره عصبت – والله وصـ وضحى قاطعتهن وهي ماسكه راسها – بسسسسسسسسسسس نوره وساره ناظرن فيها وضحى وهي معصبه – انقلعن عن وجهي وانتي ( ناظرت هند) روحي لمطبخ بيت عمي وجيبي عشاء لتس ولاخواتس انا برقد ماابي شي راسي يوجعني نوره ناظرت فيها بعطف – وضحى اقعدي لين تعشين وضحى وهي ماسكه راسها وتمشي بإتجاه الغرفه – بس يانوره ماابي شي ابي بس ارتاح راسي احسه بينفجر ضاحي صدمها – باقي موتــــــــــــك !! مطت عيونها بصدمه – ايششششششششششش ضاحي – لازم تموتين عشان العصابه تنساتس .. لازم تموتين وبندبرلتس حادث سياره .. عقب هالحادث بنقلتس مستشفى يزورون ورقة وفاه وبعدها تسافرين وبلحقتس عقبها حست الهواء رجعلها عقب كلامه وبخوف – طيب وهالحادث بيصير قوي ضاحي بجمود – لا بكره الصباح بجيب لتس هنا في الشقه محترف في سواقة السيارت وهو اللي بيعلمتس الخطه نور هزت راسها بخوف – طيب |
في بيت ضاحي \ المطبخ دخلت هند وساره معها المطبخ اللي كان نايف جالس فيه يأكل ساره من شافته فز قلبها .. ناظرت فيه بعدين نزلت نظرها ناظر فيهن بنص عين بعدين نزل راسه يأكل .. دخلت عليهم منيره – هلا والله وينتسن فيه روحّت لتسن الشغاله تناديتسن للقهوه ولاجيتن ساره – ايه جتنا بس وضحى راسها ماهب طيب واستحينا نجي منيره – افا ياذا العلم الوضحي علامها وش تونس ساره – والله مادري تقول راسها يوجعها منيره – مدام نايف هنيا خليه يكشف عليها روحي ياهند ناديها هند وساره تلعثمن ولا يدرن وش يقولن .. مستحيل وضحى توافق ساره تداركت الموقف – لالالا ياعمه هي كلت بندول واكيد بيطيب دوخة راس بس منيره – متأكدات ساره – ايه هند قطعت السالفه – اقول عمه بكره من بيودينا المدرسه منيره – والله مادري وانا امتس نوره بتمرها ريم هند – ايه بس انا وساره من بيودينا سمعوا صوت فارس ينادي – يمه يمــــــــــــــه منيره – تعال يمه انا في لمطبخ دخل عليهم المطبخ وتفأجا في اللي فيه .. طنش هند – اقول يمه شفتي ساعتي الجديده ادور عليها مالقيتها منيره – مانشدت الشغاله عنها فارس عصب – والشغاله وش لها شغل يوم تدخل غرفتي انا كم مره قلت لكم لاتجيها نايف اخيرا تكلم – شوي شوي اعصابك لاتنافخ على امي فارس – مانافخت بس هالساعه غاليه بالحيل جايتني هديه من شخص غالي ( ويناظر هند بنص عين يقهرها ) نايف – والله عاد رح دور عليها زين لاتظلم احد هند تناظره بنص عين وتضبط برقعها عليها وتعدل الشرشف .. همست لساره – اقول خلينا نمشي منيره فأجاتهم – خلاص فارس اللي بيوديتسن لاتشلن هم فارس تفأجا – اوديهن !! وين اوديهن له منيره من دون ماتعطي البنات فرصه يعتذرن – توديهن لمدرستهن فارس ابتسم – ابد غالي والطلب رخيص بنات عمي ان ماخدمتهن من يخدمهن منيره استانست – والله اني قايلته انك طول عمرك شقردي وانا امك هند عصبت – بس ساره جرتها – عمه حنا بنرقد .. بس مافيه عشاء منيره – الا ياحبيباتي فيه برسل الشغاله لاخلص ساره – خلاص الله يعطيتس العافيه ( جرت هند وطلعن ) تحت نظرات نايف اللي ترمقهن في الشرقيه \ الصاله جالسه ومقهوره الليل راح وهو حضرته راقد .. قامت تهز رجلها بقهر .. ماخلت شي في التلفزيون مافرته .. تذكرت خواتها بس كيف تكلمهن خلاص اكلها قلبها عليهم .. تذكرت جوال صقر .. بتسرقه بدون مايحس .. مشت للغرفه بهدوء .. افتحت الباب وهي ظلام مره وبارده بالحيل .. دخلت فيها تناظر يمين يسار وين مكان ثوبه سمعت صوت انين بعيد ومو مسموع بالحيل .. بالكاد تسمعه استغربت الصوت .. قربت بتسمعه .. لان الصوت صادر من السرير .. مشت لين وقفت على راسه .. نزلت راسها سمعت صوت الانين صادر منه .. بدون قلب مشت وخلته .. اتجهت لثوبه .. حسته يتحرك بسرعه تحركت لايشوفها بتطلع لين وصلت للباب سمعت صوته – تعالي حست بقهر – نعم صقر حاس بحراره تحرقه – هاتي البندول انقهرت منه – البندول جنبك لو مو تعبان وفيه حراره كان عرف يربيها – روحي هاتيلي اكل ماني بأكل وبطني فاضي شيخه بقوة وجهه – الثلاجه فاضيه وراك ماعبيتها صقر عصب – ماهب شغلي تحركي بسرعه شيخه نافخت وهي طالعه – بعد مسخن وينافخ عفانا الله اتجهت للمطبخ وهي بتنفجر غيض .. فتشت فيه مافيه شي .. شافت بيضه وحده بس في الثلاجه .. بسرعه خذتها وحركتها في الصاج فتره من الوقت وهي مقهور .. دورت خبز مافيه .. صامون مافيه .. حطته في صحن وملعقه وودته له مدته عليه – خذ صقر ناظر الصحن باللي فيه والملعقه – وش هذه شيخه بعصبيه – وش هذه بعد هذه اللي موجود في ثلاجتك صقر انقهر وسكت قام واقف واتجهه على ثوبه يلبسه – انتي اللي كلي هالصحن انا بروح اجيب عشاء مطت عيونها على شكل ظهره اللي ينزف دم وفلينته اللي انقلبت حمراء شيخه بريعه – ظهرك ينزف لف فلينته وشاف الفلينه مليانه دم .. بسرعه طلعها .. وشاف الجروح الكبيره تنزف شيخه بأمر – رح للمستشفى ترى انا ماني فاضيه ارعاك صقر ناظرها بنص عين .. اخذ فوطته ودخل الحمام يتروش اما شيخه اللي ناظرت السرير وشافته بقعه حمراء كبيره فيه انقهرت وقامت قشعته وهي تهاوش وتسبه اما هو اللي داخل الحمام وتحت المروش .. ويسمع صوت هواشها انقهر من زواجها لها .. كيف رمى عمره في هالرميه هاذي توقع يوم يعلمها تصير مثل البنات اللي في الروايات لقاها قويه ولاهمها .. اخ بس ياشين الرومانسيه يوم حبيت اقولها وذليت عمري ضرب برجله على الأرض بقهر اندق الباب عليها .. وهي اللي كانت قابعه في حزنها .. مسحت دموعها بسرعه – ادخل فتح الباب وهو مبتسم ويوم شاف دموعها جمد .. دخل وعينه ماطاحت منها .. اما هي بسرعه مسحت دموعها .. ماتبيه يحس فيها - موضي افا تبسين موضي – هلا ضاحي ضاحي – امي هناك تحت فرحانه وماخلت حد فينا ماخبرته وتزغرت وانتي هنيا تبسين وانا عاد اقول بروح ابارك لموضي اللي خذت شيخ الريجيل موضي استحت منه ضاحي وهو يبتسم – عاد دموع فرح بنرضى بس حزن وغصه لا انسي موضي بحزن – ابكي عيالي اكثر ماابكي نفسي ضاحي – افا عاد ومحمد بيضم عيالتس وعيالتس عياله موضي – بس مو مثل الأب حد ضاحي – اكيد بس عاد محمد رجل يخاف الله وملتزم وهاذا اهم شي موضي حست براحه من كلام ضاحي ضاحي عشان يغير الأجواء عليها – بس يمكن ماأحضر عرسكم موضي – ليه حددوا العرس ضاحي – ايه الشهر الجاي موضي انصدمت ضاحي ناظر اخته وشاف عيونها سرحت وباين فيها الخوف ضاحي – افا عاد ماسألتيني وين بروح !! موضي ناظرت فيه – وين بتروح ضاحي – بروح دوره برى المملكه ويمكن اطول شوي برى موضي بحزن – وليه ماتبي تشاركني ,, وانت عارف ياضاحي انك اقرب واحد لي واكثر واحد بحتاجه ضاحي حزن عليها – والله ياموضي غصب عني لو بيدي ماطلعت من هنا شبر موضي هزت راسها بحزن وضاحي حب راسها – لعاد تفكرين كثر التفكير يتعب وانا اخوتس ووكلي امرتس لله الصباح \ بيت ضاحي بن فهيد ازعج البيت بالبواري كل اللي فيه صحوا على الصوت نايف طلع راسه مع شباكه وهو يصارخ وفي عيونه النوم واضح فيه – انت صاحي ولا مجنون ياحماااااااااااااااااار فارس يضحك – رح غسل الكشه اللي طايره ,, انا انتظر بنات عمي بسرحهن للمدرسه نايف – عساك التبن انت وإياهن ناقصكم انا تراني توني جاي وتعبان ابي ارقـــــــــــــد طلعت ساره وهند وهن مستعجلات .. بسرعه ركبن وفارس يناظر نايف ويضحك .. ضرب بوري وهو يضحك .. ونايف طلع شبشبه اللي فيه وحذفه به فارس شخط بالموتر بسرعه وهو يضحك .. وساره مبسوطه انها صبحت بشوفة وجهه الزين بنظرها |
| الساعة الآن 04:32 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir