السلام عليكم ورحمة الله وبركاته
ياخوان انا الله بلاني بمشكلة
المشكلة هي ان كان امام بيتي عماره دور ارضي وللاسف صاحب العماره باعها واشتراها واحد مؤذي معروف بالحي مشاكله كثيره وبناها 5 ادوار
المشكلة مو هنا المشكلة ان الشارع ضيق جدا يمكن مايجي 10 متر والمواقف قدام بيته ماتتسع الا يمكن 5 او 6 سيارات الحين العماره تأجرت بالكامل وكل شقه فيها سيارتين او ثلاث وصارت زحمة عند البيت
وكل يوم انا مشاكل مع الجيران ليت سيارة او سيارتين توقف الا بعض الاحيان يوقفون قدام مدخل العماره والمستأجرين عندي زهقوا من ذا الموضوع لدرجة احد المستأجرين عندي صار يقفل على القراج حقي واكلمه يقول مالقيت موقف (دقه)
انا عجزت معهم صراحه وش الحل
وش النظام مع صاحب العماره وكيف البلديه تسمح له يبني والشارع ضيق ومافيه بدروم مواقف ؟؟!!!
علما ان الشارع كامل العماير فيه الادوار ماتتعدى 3 الا هو 5 ادوار وكل دور 3 شقق
وهل المواقف قدام عمارتي من حقي رسمياً لو اتقدم بشكوى لاني الحين مصورهم كلهم بجوالي وسبق كلمتهم وحطيت اوراق على سياراتهم ومافيه فايده
بنى عمارته ونشبنا وزحمنا مع العالم ليته ساكن فيها عشان يحس
انا الصراحه فكرت اسوي زيه 5 ادوار واطلع من الحي وبحريقه
المواضيع المتشابهه 
كنا بخير الى قبل سنتين 
العرض الشجري
