موضوعي هو واقعي ولا قلت شي غلط عشان ينفهم عكس
واذا انا غلطان اتمنى التوضيح حول الامر واين مكان الخطا في كلامي
واضح للجميع ان المناصب في الوزارات لدينا تفر بين شخص الى اخر
اللي في التجارة يروح للصحه واللي في الكهرباء مثلاً يروح للتعليم
واللي دارس شرعية مثلاً تحصله وزير الاتصالات وبكرا وزير البيئة !!
يعني ليست بحكم شهادته اللي درسها فقط بسبب ان وزير في المكان الفلاني
جلسوا يقلبونه بين الطاولات وكأن البلد ابد مافي رجال متعلمين غيرهم
واغلبهم كبار بالسن ومنهم والله ما يعرف وش مهام الوزارة لكن بس منصب ماسكه
والنقطه الاخرى وبدون تحديد اسماء الشخصيات في الوزارة معروفه
الفلاني والفلاني يعني بالبلد بطولها وعرضها مافي الا هالعوايل ماسكين المناصب
المشكله موب فقط في الوزارات حتى في الكورة واصلينا بعضهم حتى في الاتحاد السعودي
يعني بختصار الحكومة توجه رساله وهي مهما درست في الخارج او الداخل
لن تصل الى ماوصلوا اليه الا اذا انت من عايلة مثل العوايل الموجودة من الوزاراة او لك معرفة كبيرة او لك تجارة كبيرة بالبلد وصاحب شخصية
وثانياً لاتفكر تمسك منصب في شبابك واحلم بعد ما توصل 50 سنه
شوفوا الامارات محمد بن راشد طلع وزيرة للسعادة وهي صغيرة وكم منصب لديهم شباب
لانه الفكر للمستقبل للشباب
اما واحد يطلع ديناصور وش عرفه مثلاً بمشاكل الاتصالات ومشاكل الشباب وشح الوظايف
وضعف البنيه التحتيه والنقل وغيرها
انا معكم لازم خبرة لكن للمناصب الكبيرة مثل البترول والان اصبح الفالح
وهو يستحق ذالك وان كان ذهابه للصحه اكبر غلط لانه عكس شهادته وتخصصه
وعمله طول سنواته في شركات البترول
المفروض من الحكومة يعزلون كبار السن وتوخذ نصيحتهم من البيت
ان كان لهم خبرة تذكر في العمل اللي هو فيه بالسابق وان تعطى الفرصه للشباب
وانا اقصد بالشباب من 30 الى 40 و 45 فقط
لانه جميع الوزارات بشكل عام لا اذكر لهم شي يذكر الا في التجارة يوم جاء الربيعه
والان راح للصحة وبعد فترة بيطلع لانه موب مكانه واذكركم ويروح للنقل مثلاً
عمرنا ماسمعنا فايدة للوطن مثلاً للصحة او التعليم او النقل والكهرباء
ما غير ضحايا النقل وضاحيا التعليم ومشاكله ومشاكل فواتير الكهرباء
وغيرها من الوزارات
حتى بعض الوزارات ماعندها شي ابد لا شغل ولا مشغله مثل وزارة الزراعة
لو تعطى الفرصه للشباب ممكن نشوف ابداعات وتطور وافكار جديدة ومتطورة
بالختام ودليل صحه كلامي محمد بن سلمان من "المرتبه السادسة" الى ولي ولي العهد
وان كان التشبيه ماله دخل في موضوعي حول المناصب
لانه محمد بن سلمان من ابناء الملك سلمان ومن الاسرة الحاكمة
لكن مثال بسيط للواقع حالياً في الوزارات
المواضيع المتشابهه 
الحكومة وكأنها تقول " الشهادة ما منها فايدة " والمناصب للشيبان والمعارف فقط .! 
العرض الشجري
