[color=rgba(0, 0, 0, 0.701961)]سلام عليكم الحمد الله تم تفعيل العضويه شكرا لكم [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]الحساب هذا عمله لي صديق الله يعطيه العافيه علشان اريد ان اطرح سالفتي وان شاء الله احصل حل وافتك من الهم والغم تعبت وربي صح اني استاهل تراب في وجهي بس والله ماعاد عندي شي اسويه السالفه قبل عشر سنوات تقريبا [/color]
[color=rgba(0, 0, 0, 0.701961)]خلصت الثانويه ودرست في الجامعه وصارت لي ظروف ماقدرت اكمل السبب اني ادرس في مكان بعيد عن اهلي وماعندي فلوس تكفي اكمل هناك لانه زمان الجامعه ماكنت تنزل الفلوس شهريا واهلي صعب اطلب منهم وكنت ساكن في مكان كان لازم ادفع شهري وكنت اطلب راعي الغرفه اصبر حتا يعطوني الفلوس يقول لا انا شغال هنا قلت عطني رقم راعي الشقق وكلمته وقال وش دخلني منا حاطها سبيل طلعت وقلت وش اسوي طلعت جلست في الليل والله مانمت كان باقي معي 275 ريال رحت حديقه هناك وابكي وش اسوي الصباح رحت للجامعه وكنت اروح عند صاحب لي هناك تعرفت عليه من الجامعه وجلست معو تقريبا يومين حتا نزلت لي مكافاة ومشيت حالي فيها كنت ادفع فيها اجار الغرفه مقدم الترم كله والباقي اجلس مرات ما اكل شي انتظر الصباح اروح الجامعه وافطر واتغدا لانه كان الفطور والغداء رياليين المهم تعبت حتا المذكرات ما اقدر اشتريها لانه ماعندي المهم جلست سنه ونص وطلعت لانه ما اقدر اروح هناك ماعند سياره ولا اقدر اكل ولا اغسل ولاشي وحتا اذ بغيت اروح للجامعه مافي غير امشي على رجلي وقلت ادور لي غرفه تكون قريبه منها بس غاليه ما اقدر اسدد فيها المهم طلعت ورجعت البيت [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]وقلت لامي السالفه سكتت وياليت اني مت وقتها علشان ما اشوف نظرتها الحزينه لاني وعدتها اني راح اغير حياتها واخليها تسافر واشتري لها كل شي تبيه قلت في قلبي اسف يا امي بس والله ماقدرت ارجوك سامحني والله اني حاولت بس ماقدرت هذا حظي قلت خير يا ابني رجعت البيت جلست في غرفتي ما اطلع علشان لااشوفها علشان ما انقهر ما ابيها تحزن [/color]
[color=rgba(0, 0, 0, 0.701961)]قلت اسجل عسكريه رفضوني واكثرها يجي قبول مبدئي واخسر واسافر بر هناك وارجع كذا بدون فائده طفشت لفيت المملكه كلها علشان ادخل عسكريه ومالي نصيب وكل ما ارجع اكذب على امي اقول قالو تمام انتظرنا نتصل عليك كانت تبتسم وتقول الله يوفقك ان شاء الله وانا قلبي يحترق انه مو صدق اللي اقول لها بس علشان ما تحزن [/color]
[color=rgba(0, 0, 0, 0.701961)] كنت ادور وظيفه فيها راتب يكفي الايجار والتوصيل والاكل ويكون باقي لي منو 1000 ريال اخليه لامي اجمعو لها حتا ارجع واحد قال في جده شركات توظف يعطونك اقل شي 4000 -5000[/color]
[color=rgba(0, 0, 0, 0.701961)]جلست فتره وطلعت جده اشتغلت في جده في شركه كان بس ماشي ماتخارجت معهم نفس الحاله في الجامعه راتب 1800 حتا مايعطوني كل شهر يمغطونا وكل ماراجع غرفتي اقول في نفسي هذا اللي راح يشتري لامه ويخليها تسافر والله كان يكون باقي لي من الفلوس 300 الباقي دفعت منه ايجار الغرفه والتوصيل للشركه والاكل والغسيل المهم جلست سنتين على المنوال كذا اذ نزلت الفلوس حطيتتها مقدم للغرفه علشان ما انام في الشارع خديت لي اجازه 15يوم رحت عن اهلي [/color]
[color=rgba(0, 0, 0, 0.701961)]وكنت مره اتسمع حريم جو عند امي زياره [/color]
[color=rgba(0, 0, 0, 0.701961)]والناس ماترحم اذ شافو امي والله ولدي في كلية الحربيه والثانيه ولدي بيتزوج في الصيف ولدي اخذ لنا رجعت غرفتي وانا متحسر يعني ليه كذا المهم مشت الامور ولقيت لي وظيفه في بلديه في شركه النظافه2300 يعني قلت قريب من اهلي كم 3ساعات وانا عندهم انزل لهم يوم الجمعه بس منا مثبت فيها يعني اي وقت من الباب بس مايخافو الله والله ماكان يعطوني الراتب كانو يجلسو من ثلاث شهور وست شهور حتا مره قفلت معي الاخلاق دق علي الباب الغرفه راعي الغرف وقال هات الايجار قلت والله ماعندي واحلف له على المصحف قال لي هذي الحركات مو عليا قلت يافلان والله ماعندي يعطوني اعطيك تعال ادخل الغرفه اذ لقيت شي خذه جلس يصارخ عليا عرفت بعدين انه في سكر وعذرته قال معك اربع ايام اذ مافي بتصل بالشرطه قلت اوكي رحت البلديه وقلت لهم قالو ان شاء الله خير [/color]
[color=rgba(0, 0, 0, 0.701961)]رجع لي راعي الغرفه وبهذلني قلت والله ماعندي ماعطوني اخرتها اهنت نفسي وابكي قدامه وربي قلت ياخي ماعندي من وين اجيب اسرق لك ياخي لو معي عطيتك والله حتا سمعنا واحد من الشباب ساكنين في شقه جنبا في قوات الطواري وطلع وقال سلامات وش فيه ويشوف الدموع فيني ويقول العن ابليس ولاتبكي قال راعي الغرفه هذا ما يعطيني حقي وكل مره يقول بعدين قال خلاص كم تبي عندي بنزل اسحب لك وانا ساكت مدري وش اقول له ماقدرت اتكلم وورجع ومعو الفلوس عطاه الفلوس وقال هذا حق الايجار وترا ماعنده لو عنده كان عطاك قال مالي شغل هذا حقي وانا جلست عند الباب جلست مدري وش اسوي ليش كذا ياليت اموت ولايصير لي كذا والله[/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]المهم جلست ايام ماعندي ريال كنت اكل من الزباله اللي جنب الغرفه والله العظيم اني صادق حتا ماصرت اروح الشغل حتا مره شافني اللي دفع لي الايجار وسويت اني ادور شي ضاع عليا بعد ساعه اسمع صوت عند الباب اكياس ودق الباب ورحت فتح لقيت اكل عند الباب جابه لي لاني لما فتحت شفت بابه تقفل والله انها تقفلت معي حزنت لنفسي وحسيت بالغبنه كل يوم الساعه الساعه3 يدق الباب واطلع واحصل اغراض مره قررت وقلت بدق عليه واشكره وانا والله مدري كيف ارد له الجميل دقيت الباب وطلع لي وقال تفضل طلعو هم خمس اخوان وواستحيت ماقدرت اكلمه معا اخوانه قلت مممكن تجي ابيك في موضوع قال تمام قلت له شكرا لك الله يوفقك والله مدري وش اقول لك بس والله انها دين عليا قال افا عليك عادي ماسويت شي واذ تبي فلوس وقلت له سالفتي بس خلاص انا باخذ اغراضي وارجع البيت تعبت طفشت قال لا اصبر قلت صبرت بس ممكن تعطيني 300ريال علشان ارجع عند اهلي واول مايكون عندي فلوس راح احولها لك وعطني حسابك قال لا عادي انتا اجلس وممكن تزبط امورك قلت لا خلاص ماعاد بجلس برجع عند اهلي احسن لي وماقصر عطاني 500 وحلف بالله اني ما ارده وقال انها هديه منه ورجعت البيت ولقيت امي وقلت لها السالفه كلها وقلت لها سامحني وانا ابكي ماقدرت افرحك ولاقدرت اني اخدمك ولا اجيب لك واطلعك وانزلك سامحيني مسكت يدي واحس صوتها تغير قالت عادي ولايهمك الله يوفقك ان شاء الله [/color]
[color=rgba(0, 0, 0, 0.701961)]وجلست في البيت عندي عقده قلت ماعاد بروح مكان اجلس اتشحذ الناس واموت جوع واتعرض للاهانه [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]جلست اروح المسجد اصلي حتا مسكني مطوع وقال لي ممكن اتكلم معك قلت وش قال ليه تقول كذا جلست اشوف فيه وماقدرت اتكلم كان يقول لي الناس تطلب الله يطول بعمرها وانتا تقول يالله ابي اموت قلت اسف ومشيت من عنده [/color]
[color=rgba(0, 0, 0, 0.701961)][/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]وصرت اتهرب من امي ما ابي تشوفني علشان ما اشوف حزنها عليا حاولت اشتغل بس ما لقيت شي علشان افرحها اشتغلت في محل خضار بس كنت عامل صح فيها مكسب لكن تكون لراعي المحل مو لي وكان جلده المهم خلاص الحين ادرس انتساب وكنت اسدد لهم الرسوم من حافز والله يستر كيف عاد ادبر المبلغ اذ خلص حافز[/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)] حتا يوم صارت الحرب الحد الجنوبي وقلت انا ماعندي شي ابي احارب معكم قالو لي لا ممنوع الله يعطيك العافيه ماتقصر بس احنا هنا موجودين ومانبي غير الدعاء لنا قلت خلوني اقل شي اموت شهيد ماعندي شي اخسره رفضو قالو ارجع بيتك [/color]
[color=rgba(0, 0, 0, 0.701961)]المهم احد يقلي وش اسوي كيف الطريقه ابي افرح امي ابيها تنبسط حاولت والله ماقدرت انا مابغيت شي استاهل تراب في وجهي بس هالام كيف اخليها تكون مبسوطه ومرتاحه تعبت والله ودي اموت وافتك من ذا الهم والغم ماعندي حظ وش اسوي واذ اشتغلت تبهذلت تفرح لما اجي عندها بس ودي اعطيها هدايا او اشتري لي بس ارجع واسكت وهي تعرف اني ماقدرت وتعذرني بس وربي لما تشوف نظره الام يتقطع قلبك بس هي تسوي انها فرحانه علشاني [/color]
[color=rgba(0, 0, 0, 0.701961)]انا كتبت هنا مابغيت شحذه ولاشي بس بغيت مساعده وش الطريقه واذ في احد يعرف احد يقدر يخدمني ويشغلني ومعو حتا لو اشيل اغراض او انظف بس يعطيني راتب اقدر اعيش زي الناس ويكون شهريا وافرح امي فيها وانا من النوع خدوم وحق كرف عادي راح اصبر واتحمل واذ مافي شي الرجاء الدعاء ليا وشكرا لكم [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)] [/color]
[color=rgba(0, 0, 0, 0.701961)]الرجاء من عنده كلمه حلوه يقولها ماعندك وتتمسخر عليا ارجوك كفايه اللي فيا [/color]
[color=rgba(0, 0, 0, 0.701961)][/color]
المواضيع المتشابهه 
هذي قصتي كيف الحل ابي افرح امي انا ما استاهل شي مو علشاني علشان امي 
العرض العادي
