الجـزء >> الاول<<
أول أسبوع من إجازة الصيف ,, يوم الأربعاء ,, فـ قاعه من قاعات الخبـر كان زواج صاحب أباء أبطال روايتنا وكلهم حاضرين .. طبعاً البنات على طاوله وبجنبهم طاولة آمهاتهم ..
وتيـن : زواجهم بااااااااااااااااااارد مافي حركه
أمل : شتبين بـ الناس ..!! أكيد عندهم حلو
وتين : شلون شعلي منهم ؟ هذيـل إحنا مدعوين لـ زواجهم ,, يعني إلا احرك زواجهم { وتين يدور فـ بالها شيء }
وتيـن وإهي تتبسم : وسن حبيبتي .. آتحـداك تقومين تحركين الزواج
وسن : وتيـن تعرفيني إذا حد تحداني على طول أقبل التحدي لإنو مافي شيء يمنعني والحمدلله ..
وتين : أجل يلا ,, تعالي معاي تحركين المسرح شوي ..
هديل : والله إنك رآيقه
ديمـا : بـ الله عليكم ماتحمستوا للرقص ؟؟ الطق فضيع
هنادي : صح الطق فضيع ،، لكـن الرقص بارد والزواج كله مافي حركه
وتيـن : شفتوا ,, يلا وسن قومي معاي
وسـن : يـلا ,, لـكن أول بنسولف ويا أمي وعماتي بعدين نروح نرقص ..
وتيـن : آمشي لهم ,, مع إنو باين من أشكالهم مستحيل يعطونا وجه لإنهم غرقانين
بـ السوالف
بـ نفس القاعه لكن بـ طاوله ثانيه وبعيدهـ عنهم شوي .. منيـرهـ أخت مريم أم راكان { متزوجه وعندها 3 بنات وولدين ' بنذكرهم بعدين ' }..
منيـرهـ : شوفي شكل بنت سلطان بتروح تهز طولها بـ المنصه
مريم : وينها ؟؟
منيرهـ : شوفيها قامت هي وبنت عمتها راحوا لـ أمهاتهم
مريم وهي تناظر وسن ووتين : إيه شفتهم .. ما شاء الله عليهم تقولين خوات { قصدها الآمهات وجلستهم وضحكهم سوآ " فعلاً إللي يشوفهم يقول هذيل خوات مو حموات ' جمع حماهـ ' " }
منيرهـ : آي خوات !! هذي مظاهر قدام الناس وإلا إذا صار ماعندهم أحد تقولين طباين ..
ميعاد { اخت أم راكان ,, تزوجت وعمرها 20 سنه وكانت تموت فـ زوجها وكان عقيم وبعد 8 سنوات من زواجهم صار له حادث آليم وتوفى ومن حبها له مافكرت تتزوج بعدهـ وبقت عايشه على ذكراهـ عمرها 34 سنه .. نائبة مديرة مدرسة ثانوي" وإهي غير عن باقي خواتها وراح تعرفون هذا الشيء من الآحداث إللي بتصيـر" } : آستغفر الله يارب ,, انتن شتبون فيهم ؟؟
منيرهـ : مانبي شيء .. بس مايتكبرون على خلق الله
ميعاد : الحين هذيل متكبرين ؟؟
وضحى { اخت أم راكان الثالثه متزوجه وعندها 3 أولاد أكبرهم بـ خامس إبتدائي } : صادقه منيرهـ شايفات أنفسهن ما أدري على ويـش !!
ميعاد : ماشافن أنفسهن وإذا كانوا شايفين أنفسهن يحق لهن .. وحدهـ أبوها مسؤول كبيــر بـ الدوله ولـه مكانته واسمه عند الكل { قصدها جوهرهـ أم خالد } وزوجها وعائلته لـهم شركاتهم واسمهم حتى يضرب بـ الخارج والثانيات { قصدها خوات سُلطان } يكفي إسم أبوهم واخوانهم وازواجهم .. يعني بـ العربي يحق لهم ..
منيرهـ : هذا حنا عندنا خيـر
ميعاد : خلاص أجل أحمدي ربك ولا تتكلمين على غيرك بـ الشينه
منيرهـ تكلم أم راكان : إلـى الحين ولدك يبيها ؟؟
أم راكـان : إيه مايبي غيرها ,, وإذا جينا للحق بنت عمه وهو أولـى فيها أخـلاق وجمـال ودلال وتربيه
منيرهـ بحقد ماهو عاجبها الوضع : إيه زين
نرجع لـ وسـن ووتيـن عند أمهاتهم ..
وسـن تكلم أمها وعماتها : حلواتـي ترا بروح أرقص ..
أم خالد : ماما روحي عادي ..
عمتها العنود أم سعود وإهي تغمزلها : بتهزين الخصر على إيش ؟؟
وسن وإهي تضحك : محتارهـ ياقلبي ..
أم سعود وإهي تستهبل .. وسن حبيبتي أطلبي أغنيه بـ إسمي وأرقصي عليها
وسن تحط إيدها على خصرها : أخـاف مضيعه عمي ناصر !!
أم سعود تضحك : يقطع بليسك أـنا عمتك طلعي أسمي ..
وسن : ما يحتاج كل إللي بـ القاعه يعرفونك
أم سعود : مو أكيد
وسن بغرور تقهر في عمتها : شلون مايعرفونك وإنتي بنت فارس وأخت سُلطان وعمة وسن
أم سعود يقال إنها معصبه : أقلبي وجهك للرقص بس
وسن وإهي تبوس راس عمتها : فديتك لو تبيني أطلب بـ إسم عمي ناصر طلبت ورقصت .. الموهيم إنتي ماتزعلين
أم سعود : ـــــــــــ
وسن : الحلو زعل !!
عمتها غيوض أم تركي : ماعليك منها تتدلع ..
وسن : فديت الدلع ياناس ,, وربي لايق عليهم .. ما آلوم عمي ناصر .. ماجابه على راسه إلا عنودتي ..
أم سعود وإهي تضحك : ياخذ بليسك ما أحد يسلم من لسانك
وسن : ياحياتي لو أعرف كان ذكرت إسم عمي ناصر من زمـان
وتين : أقول أخلصي علي إنتي وأمي إذا تقابلتوا خلاص تنسون الدنيا
وسن : أحد يشوف هـ الوجه ويسولف وياهـ ويذكر شيء ؟
أم سعود : ياعمري ,, علني ما آبكيك
أم خالد : خلاص وسن والعنود تقابلوا ,, تلف تكلم وتين : ما راح تروح وياك إلا إذا شديتيها بـ الغصب ..
وتيـن : وهذا إللي بيصير يا خاله ..
أم سعود : هاه أمي ,, لا آوصيك .. الله الله بـ الآغنيه الزينه القاعه كلها أنظارها عليك وغمزت لها ..
فهمت وسن قصد عمتها ولفت ناظرت حصلت عائلة زوجة عمها أم راكان يخزون فيها : أـفـأ عليك لا توصين حريص ..
أم خالد : ماعليك منهم ,, روحي أرقصي وتعالي لنا على طاولتنا
وتين : ما عليك اـنا أدبرها .. إذا ماخليت كل إللي بـ القاعه أنظارهم عليها ليما تطلع من القاعه ما آكون وتين ..
أم فارس : مايحتاج يُمه هم ذا الحين الآنظار كلها عليها
أم سعود : شوفي أختاري لها أغنيه تناسب رقصها ووضعها وإنتي اعرف وتغمز
لـ وتين ..
وتين : ماعليك اـنا لها
لولوهـ أم عبدالرحمن زوجة عمها عبدالله الثانيه : حبيبتي اقري على نفسك
وسن : لا تخافين ياعمه قارين كلنا على أنفسنا قبل لا ندش القاعه
عمتها الماسه أم راشد : وتين بترقصين معاها ؟؟
وتين : لا ياخاله بس وسن
وسن : أـنا أقول لها وإهي رافضه
وتين :: إحنا نبيك بروحك تهزين القاعه
وسن : يلا
راحوا يمشون ومروا على البنات
وسن وإهي تغمز لهم : بنات قلبي عندكم ..
خلود : ههههههههه ,, صدقنا ,,
وتين : لا لا لا لا ,, خلاص ,, وربي خيانه
وسن : أـفأ ,, ليش ؟؟
وتين : المفروض تقولين قلبي عندك ياوتين
وسن : ياحياتي إنتي الحُب كله إنتي مالكه القلب ..
وتين : إيه سكتيني بكلامك
وسن : ياقلبي وربي لو إحنا مو بـ جمعه كبيرهـ وناس مانعرفهم كان أثبت لك مكانتك عندي ..
وتين تفكيرها بعيد : خلاص إذا رجعنا وتغمزلها
وسن مسويه حالها مصدومه : إنتي ماتنعطين وجه
أمل : ياوسخه إنتي وياها أقلبوا للمنصه قبل لا اتوطى فـ بطونكم من جد
وتين : يؤي ,, نسينا إنو يوجد لدينا بنات على وجه زواج ,, لا تسوين فيها .. بكرهـ راح تعرفين كل شيء ,, البركه فـ فارس وتغمز لها ..
وسـن : هههههههههههههههـآآي ,, حلوهـ ,, ولا تنسينا إذا تزوجتي وتغمز لها
وتين : ههههههههههههههههههههـآآآي ,, الله الله بـ العلوم الطيبه
البنات : ههههههههههههههههههههههههههآآي
أمل وجهها الوآن ومعصبه : أنقلعي إنتي وإهي ,, ماتنعطون وجه من جد
وسـن : يـلا تشـــــــــــــآوو
اتجهوا وسن ووتين للمنصه
ريـم : هـ البنتين عليهم هبال مابعُمري شفته
هديل : مصرقعات واجتمعوا
أمل : ههههههههههههههههههههههههههه ,, لو يعرفون شقلتي ويلك
هديل : الله يعيني أجل
نتكلم شوي عن وسن ووتين
وسن بنت جمالها جمال رباني ,, عيونها وآسعه لونها عسلي ,, شعرها إلـى تحت خصرها بنعومه بكثافه لونه بني خلقه ,, إللي يشوفها يقول مو خليجيه كلش من بياض بشرتها وملامحها .. وتين فيها الشيء الكثير من وسن الشعر نفس الشيء والطول والجسم والبياض وبعض الملامح متقاربه وطبايعهم نفس بعض إلا إنو وتين حركيه بزيادهـ و هـ البنتين علاقتهم فـ بعض قويه حيل ..
عند وتين ووسن بـ المنصه قبال المطربه يتفاهمون وياها ..
وتين : لو سمحتي آبي أغنيه تصلح حق الحلوهـ هذي وتناظر فـ وسن
وسن لا بسه قصيرإلـى حد الركبه لون تركواز مدخل عليه لون بيـج وشعرها مسيحته بكثافته إلـى تحت خصرها والميك آب روعه على جمالها ومنظرها مُلفت للأنظار ..
المطربه تناظر وسن : تبين بـ إسمها ..
وتين : أغنيه حلوهـ ولو تدخلين إسمها بـ الآغنيه يكون أفضل ..
وسن المسكينه ماتدري شـ السالفه
المطربه : شسمها ؟؟
وتين : وسن
المطربه : أي أغنيه !!
وتين : أي أغنيه تناسبها كلها ..
المطربه : خلاص الحين ببدأ
وتين تروح لـ وسن : يلا ذا الحين بتبدأ
وسن : أوكي ,, لكن شـ أخترتي
وتين : قلت لها وإهي قالت راح أختار شيء يناسبها
وسن : اخاف أغنيتها ماتناسب لي !!
وتين : يلا هذي إهي تأشر روحي
راحت وسن ووقفت بـ نص المسرح
طبعاً البدايه عزف آورق خفيف
إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ
شقول عن وسن وحالتها لما سمعت الأغنيه مصدومه تناظر فـ وتين ووتين تناظر لها وتقول عادي .. وتناظر فـ أمها وعماتها وبنات عمها وعماتها وتشوفهم مبسوطين على الأغنيه وعمتها أم سعود تأشر لها من مكانها يعني يلا عادي ..
تلحئها عيون الشباب وسن بتأصر تنورهـ
إللي بتأصر تنورهـ تلحئها عيون الشباب
بدت وسن تحرك خصرها يمين وشمال على مابدأ الطق ويا الآورق والحماس كلها ونست الأغنيه ورقصت رقص من جد لما قالوا وسن راح تحرك الرقص والمطربه عاجبها الوضع أخيراً جا أحد يحرك الرقص ,, لفت جهة عماتها وأمها وترقص لهم ,, وأمها وعماتها وبناتهم يرقصون لها عند الطاولات .. { وسن المعروف إنو حريمهم من كبيرهم لـ صغيرهم يعشقون الرقص وأي فرصه فيها رقص مايفوتونها }
لابئ لها الكعب العالي هوأ غربي وشمالي
تنورتها شبر ونص وبلوزتها بتلالي
لالي لالي لالي لالي
طيب .. حلوووووين .. الله عليك ..
كل ماتخف بمشيتها عم تعلئ تنورتها
غارت منها أمواج البحر وجنت لما شافتها
حالي حالي حالي حالي
شوفه ترد الشايب شب
والختيارهـ فرفورهـ
إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ وسن بحالها مغرورهـ
ياحلوين ,, عاشوا
لالي لا لي لالي حالي حالي حالي
بتأصر مابيهمها لا بيا ولا آما
بتحرقص قلب الشباب ولو دابوا أخر هما
لالي لا لي لالي لالي لا لي لالي
كل ماوطى بتعلي كلُ بيصرخ يادله
طله بتوئف الئلوب ريتا تسلم هـ الطله
حالي حالي حالي حالي
تمشي ع الموطه هيك هي حلوهـ ومعذورهـ
وسـن بتأصر تنورهـ وسن حلوهـ ومعذورهـ
الدنيا نار وشعلانه وهيه مانا سألانه
تنورتها ع الميلين ميله بتحاكي التاني
لالي لا لي لالي لالي لا لي لالي
تمشي وبتهز بخصرهـ كأنه ملكة عصرهـ
وبلوزتها ماله لزوم تلات أرباعا مختصرهـ
الكل مشغول يناظر فـ وسن ورقصها
منيرهـ خالة راكان تناظرهـا بكل كرهـ وحقد
أم راكان تناظرها ومبسوطه على الرقص والشكل ككل لـ وسن
والمفروض تنتهي الأغنيه لكن المطربه طولت بـ الأغنيه ووسن ترقص والكل يناظر فيها
حالي حالي حالي حالي
إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ
وسن بتأصر تنورهـ تلحئها عيون الشباب
وسن بحالها مغرورهـ
وسن حلوهـ ومعذورهـ
وبكذا إنتهت المطربه من الأغنيه قالت وإهي تتبسم لـ وسن : يعطيك العافيه ياحلوهـ
وسن وإهي تمر من جنبها وتتبسم لها : ثانكيو
وتين : إذا شفتي أحد راقي للمنصه من بعدك لك إللي تبين
وسن : أـفـأ ,, وليش ؟
وتين : أبد .. بس بعد رقصك أـنا متأكدهـ كل وحدهـ من الحضور كرهت رقصها
وسن : أقول .. تعالي نروح لـ أمي وعماتي والبنات
ونزلوا من المنصه والهدوء عام المكان والأنظار على وسن وإهي تمشي
وتين : شووفي الحريم كيف يناظرونك
وسن : حُبي ماجبتي شيء جديد من قبل لا أرقص واهم أنظارهم على طاولتنا يعني علينا كلنا
وتين : لكن ذا الحين غير
وسن : شـ إللي غير ؟؟
وتين : خلاص شافوك ترقصين .. يعني بيقولون جمال ورقص وفوق هذا بنت سُلطان
وسن : قولي قسم بس !!
وتين مصدقه : قسم بـ الله
وسن : وربي أحياناً خاطري أفقع وجهك من التناحه إللي إنتي فيها
وتين : طالعه عليك الله يسلمك
وسن : ياحياتي ويسلمك