ذيك السنه كنّا في الابتدائية
نروح للمدرسة مع النقليه كان عمي معه ونيت فرت هاف
يودينا المدرسه ويروح الاسواق يبع لنا الحلال ويشري لنا الآر زاق
وهاك اليوم الا وانه جايب تلفزيون وبطاريه وقام سوا اريل
المهم شغله اسود وابيض
قالوا ذيك السنه في مسلسل بدوي
وضحا وبن عجلان
وبعدين سميره توفيق فارس ونجود
يتجمعون الربع رحنا ورعان
ونسمعهم يقولون سميره تغمز بعيونها يا زينها
ما فيه مشاكل أهل الديره يحبون بعض
وفي رمضان قهوه وسمره وسوالف
واليا جاء علي احد مشكله ساعدوه كلهم
مقضين احلى وقت ما نطفش ولا شي
وفي رمضان نلعب كيرم
وباصره ورقه
وضومنه
ايام حلوه
وكوره مسوين فريقين
المهم كبرت ورحت المتوسط
ورحت الثانوي
وشرا لي أبوي ددسن
احمل الغنم وروح الطايف
وديك المره نجي عند اخوي في السوق
الا وان ام بي سي شغاله
الا وان رانيا برغوث فيها
وش هذا قال هذا دش
ويجيب قنوات كثيره
سوا له أبوي مشكله وزعل
ودارت الأيام وانتشر الدش في كل بيت
المواضيع المتشابهه 
يوم شفنا التلفزيون في الديره 
العرض الشجري
