مقبل قريب ان الله كتب ان شاء الله اني اخطب وتعرفون في نظرة الشرعية
كيف تعاملتوا معها وخاصه جيل اليوم
بصراحه متخوف لهذا اليوم
من باب الاختيار ان يكون خيار موفق من ناحيه الشكل
وخاصه اني ما اقدر احط عيني بعينها
وايضاً كيف اقدر اخاطب البنت بالكلام
وانا من الناس اللي استحي من ظلي بالواقع
وكيف وان كانت بنت وفوق كذا اجلس اكلمها
بعضهم قد يكون تعود على كلام العسل وتحصله مغازلجي سابق
وتعود على البنات ويقدر يضبط الدور ولا عليه خوف لهذا اليوم
او اخوانه معلمينه ولهم خبرة في النظرة الشرعيه
لكن انا على نياتي اذا البنت مستحيه انا شكلي بجيب العيد
وفوق كذا بكون اول اخواني اللي يتزوجون بعد خواتي
يعني ماعندنا خبرة لهذة الامور من ناحيه الرجل اللي يخطب
وهل هناك كلام اقوله يفضل يقال في هذا اليوم
وكيف احكم في الاختيار لانه النظرة الشرعية خلال دقايق وهي رايحه
ومن بعدها بفكر بمحدود ضيق لانه بيطلع اكبر قرار في حياتي بعد كم يوم اما قبول او رفض في هذة البنت
مع ان اللحظات اللي شفتها قصيرة جداً ويمكن ما ركزت بشكل كامل
نبي نشوف الاراء منكم بشكل عام
وبشوف المفيد واطبقه ان شاء الله
المواضيع المتشابهه 
ماذا افعل وماذا اقول وكيف احكم على البنت عند النظرة الشرعية .! 
العرض العادي
