انا ماكتبت هالموضوع الا لاني حاظت ان في ناس كثير تبرر القتل , خصوصا اذا كان القاتل سعودي والمقتول اجنبي ايا كانت جنسيته ..
والتشجع لقتل الاجانب خصوصا لان القاتل عندنا مرتاح من سالفه ان قبيلته بيسوون مهرجان لجمع الديه واستعطاف القلوب , مع الاخذ بالاعتبار ان عائله الاجنبي فقيره ونسبه قبولهم للديه عاليه جدا ..
والمشكله ان الموضوع تطور وصار اكثر احترافيه , تلاقي المواطن السعودي متفق مع خوي له على تصوير الحادثه من وقت مأعتدى عليه الاجنبي , ويتصنع دور المظلوم حتى يكسب تعاطف المواطنين معه الحاقدين اصلا على الاجانب لاسباب اقتصاديه ..
انصدمت جدا من الردود اللي تبحث فيها عن مبررات للموضوع , وكأن هؤلاء بسبب احقادهم نسوا تماما الاسلام وتدرج العقوبات فيه وخطوره القتل ..
مأبغى اتصنع دور المصلح واجايب الادله من القران والسنه عن القتل العمد وخطورته ..
انتم تعرفونها ..
وتعرفون ان ابن عباس وابن مسعود وابو هريره وجمع من اكابر الصحابه قالوا ان ليس للقاتل توبه , وحينما سأل ابن عمر رضي الله عنهما قال " فليكثر من شرب الماء البارد " ..
الحنابله قالوا لايسقط حق المقتول في الاخره بمجرد التوبه ..
واسوء من القتل تبريره , انت لاتبرر فقط جرم عظيم جدا لايسبقه الا الشرك , بل انك تسوي دعايه لغيره بأن يقوموا بمثل ماقام به ..
وتحمل وزر القتل بكل من غررت به , واستسهلت له الامر ..
صحيح الاجانب بغوا , وحنا والله مايرضينا اللي يحصل , لكنهم رده فعل لبلدنا اللي مافيه قوانين رادعه لهم ولغيرهم ..
المواضيع المتشابهه 
دعايــه لقتـل الاجانـــب !! 
العرض الشجري
