ملاحظ شي ان الشعب السعودي في اغلبه عنده موهبه وهي الفضاوة
شعب بكل الجنسين طول يومه يقضيه في متابعه المشاهير ولا العالم بشكل عام
اذا هنا بالمنتدى مثلاً اغلبه شيبان ويتابعون ويناقشون الوضع التركي والمصري اكثر من الوضع المحلي
مثلاً يوم سالفه دشتي يوم غلط على السعودية الكويتيين فزعوا
وهم ما جابوا خبر فيه غير موضوع او موضوعين وياخذ صفحه وحدة
اما تركيا ومصر خذلك صفحات ونقاش حاد تصل للسب بين سعوديين !!!
اما فئه الشباب بين بنات وشباب حاطين حرتهم في متابعه برامج التواصل الاجتماعي
هم الاول عالمياً في المشاركه في تـويتر ومن الاوائل في سناب شات والاستغرام
يعني يتابعون الشرق من اليابان الى الغرب امريكا
ومن صغير للكبير عنده خبر في موضوع فني ولا مشهور ولا اصدار جهاز او لعبه ....ألخ
ويحطلك برامج وتقارير عن الموضوع وتشوف تفاعل كبير حتى لو الموضوع عادي
تحدثني اختي الصغيرة وهي ضايفه بنات مشاهير في حسابها تقولي وحدة
مادري وش اسمها الزبدة اماراتيه قالك في السناب اللي يتصل الحين له
خصم من محل الذهب الاماراتي الا المتصلين كلهم سعوديين رجال ههههههههههههه
لا ويقولون اتصلنا نستفسر عن السعر !!! لا ياشيخ
وايضاً اليوم تقولي حليمه بولند الكويتيه في بيتها هندي يبيع مكياج وحاطه رقمه للناس الكويتيات لانه يبيع
الا الهندي تجيه اتصالات من السعوديين بنات ورجال يبون يكلمونها !!!
شعب فاضي ومرات اقول فضحونا ومرات اقول ما اللومهم
والسبب لانه مافي ترفيه في البلد لا اماكن شبابيه الا الاستراحات لدى البعض
وان كانت موضه قديمه الاستراحة او يحط حرته في الجوال وفي متابعه الناس اللي منهم ايجابي ومنهم السلبي
ونفس الحال ايضاً مع البنات والسبب العطاله بكثرة
عشان تعرفون ان الشعب يعطي الناس اكبر من حجمه ويشهره ويرفعه للسما
انت بنفسك اطلع استهبل وقلل من نفسك واطلع غبي قدامنا
بتشوف نفسك مشهور بكرا عند السعوديين
وشف كيف الدعايات تجيك من الشركات والمطاعم والمحلات
وأقل اعلان تطلع من وراه 10 الف ريال
قبل ما اختم اليوم الصبح دخلت اشوف التـويتر الا هشتاق انجليزي
يتكلمون عن وحدة بريطانيه ما عمري انا سمعتها وشفت الشعب يتناقش فيها
حسيت نفسي موب عايش في هالبلد
ومسوين فيها كونان وتحقيقات مثل ربعنا الشياب حقين تركيا ومصر
لانه يقولون انها كانت مخطوفة البنت مادري وش سالفتها بالضبط
وكله الهشتاق الانجليزي سعوديين المشاركين !!!!
حتى يقولون قناتها باليوتوب كان لديها نص مليون مشترك
اما الان وصلت مليون ونص من ربعنا خلال يومين فقط
لازم الحكومة تستغل هذة الطاقات لدى شبابنا وتشوف لهم حل
حرام ندعم الغرب في تطوير برامجهم ورفع اسهمها فوق
واحنا مالنا نصيب فيها احنا المشتركين
ما ضحكني الا قبل كم يوم واحد هنا بالمنتدى شكله شايب جديد
يقول مين اشجع الحين اوردغان ولا غولن مادري وش اسمه بالضبط
هي كورة عشان تشجع !!!
الله لايبلانا لو يسمعوكم الاتراك الحلاقين اللي هنا كان تفلوا بوجيهكم يا ملاقيف اجل كيف أهل البلد هناك وهم معروفين بكرهم للعرب
فقط تدخل خصك في شي ما يخصك وتدخل في شؤون بلد وانت موب منهم ولا فيهم
المواضيع المتشابهه 
الشعب السعودي مكبوت وحالته حاله ويحط حرته في مواقع التواصل الاجتماعي .! 
العرض الشجري
