احد الاصحاب قبل كم يوم راح يخطب وانا اتصلت عليه كنت ببارك له باليوم الثاني
قال مع الاسف الله ما كتب نصيبي لي في هذة الخطبه قلت ليش
طبعاً هو من عائلة متوسطه واللي يبي يناسبهم من نفس حاله يعني موب عيال نعمة وبطرانين على كلامه
يقول اول ما دخلت جلس والد البنت يسئلني اسئلة رغم انها من حقه لكن بالغ شوي
قال وش اصحابك انت تدخن وتشيش قال لا قال كم عمرك قال 31 المهم جلس يسولف معه فترة
وصل لسؤال وين تشتغل قال في شركة فلانيه " شركة محترمه " في قطاع خاص
طبعاً صاحبي راتبه حول 7 الف المهم والد البنت جلس يطالع في عياله اللي معه بالمجلس وعياله كأنهم منصدمين
يقولي مادري انا قايلهم بياع مخدرات ولا في مرقص المهم جلس ابوهم يلف ويدور وقال ان شاء الله خير حسيت الموضوع في شي
يقول طلعت من بيتهم الا اوصل بيتنا الا تناديني امي جلست تكلم وان الدنيا نصيب وكذا
بالاخير عرفت انها ما تبي تصدمني وهي قالتلي ان ام البنت اتصلت واعتذرت وبدون سبب قالت مافي نصيب
رغم انه صاحبي علاقته مع امه وابوه واخوانه عسل وحبوب ويخدم اللي مايعرفه
ولا عمره دخن و يكره الجلسه مع المدخنين وحياته من الدوام للبيت وللمسجد
المهم شي غريب معقولة في اباء وامهات يرفضون لانه يعمل في قطاع خاص
والله بصراحه هو حطمني وانا مثله اشتغل في قطاع خاص وقريب من اني اخطب
يعني اللي يجي واحد موظف حكومي في المرتبه الخامسه مثلاً يوافقون عليه ولا هذا قطاع خاص يرفضونه
وين الاخلاق والدين قبله هذة كله
وينهم عن كلام الرسول صلى الله عليه وسلم ": إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد عريض
مع ان اللي يشتغل بالقطاع الخاص يكرف من الصبح للعصر وبعضهم لليل
اما الحكومي الى الظهر والروتين ممل ولا فيه تطور عكس الخاص يبحث الموظف فيه للتطور
حتى اكثر اللي يكملون دراستهم هم موظفين القطاع الخاص عن الموظفين الحكوميين
مادري حسيت ان الموظف في القطاع الخاص منبوذ لدى البعض
لاحد يقول امان وظيفي الامان من الله قبل كل شي والشركات محترمه
موب داخل في مؤسسة فلانيه صغيرة ولا عمرها خمس شهور
انا مقتنع انه هذة العينات ان شاءالله قليله في المجتمع
سؤالي لكم عبر تصويت لهذا الموضوع ونأمل منكم الجواب بكل صراحه
يعني لاحد يجامل يقول الصراحه واعتبر هذا الموقف حقيقي قدامك
اذا تقدم لكم واحد بنفس هذا الشخص ونفس اخلاقه وشغله وراتبه
هل ترفضه او لا
المواضيع المتشابهه 
راح يخطب ورفضوه بسبب انه ..... .! 
العرض الشجري
