انا فيني شي مستغرب منه بصراحه وهو اني بخيل على نفسي في الاشياء الثانوية
وليس البخل الشديد بل بالندم بعد الشراء لفترة يومين تقريباً في بعض الاشياء
يعني اشتري جوال اجلس يومين اقول ياليتني ما شريته والقديم يكفي ويوفي
وبنفس الوضع لو شريت لابتوب وايضاً اي شي اللي فوق 500 ريال
واخرتها السيارة شريتها كاش وسعرها فوق 150 الف وجلست شهرين منفس
حتى اهلي مستغربين ليش وشفيك واللي مثلك يستلم السيارة وهو مستانس
وانا وقت استلام السيارة من الوكالة كان راسي مصدع والسبب هالموضوع
وتمنيت الايام ترجع ولا شريت السيارة واسوقها وانا خايف وحالتي حاله
فترة شهرين ويكون الوضع عادي ولا اقول وقتها ياليتني ما شريت هالشي
لكن الغريب اذا احد طلبني بالعكس استانس مثل قبل شهرين طلبني احد الاصحاب مبلغ 10 الف ريال
عطيته وانا مستانس ولا فكرت هو بيرجعها او لا
وقبل اسبوعين اختي كسر جوالها وتعاطفت معها وقلت خذي هالبطاقه واشتري ايفون 7
والثانيه تطلب مني سلف 500 وانا ما اردها
وامس مودي اهلي للبحرين والصرف على من الدخول للخروج وكلفني مبلغ وقدرة
يعني فوق 700 ريال صرفت من غداء وعشاء وقهوة وسينما ومبلغ الدخول والخروج والتامين
احب اشوف البسمه على اللي يطلبني واللي اعزمه واشوف سعادته بالشي يمكن انا اكثر منه اسعد
مادري ليش في نفسي العكس
وسبحان الله اخوي الكبير فيه مني لكن بشكل مبالغ هو يجمع ولا عندة اهداف ولااستثمار ولا سفريات
ولا زواج يفكر ولا شي اللهم شغل بيت مسجد فقط
والبنوك تتلاحق عليه لاخذ بطاقات فيزا وغيرها
وهو مثلي واكثر مني يسلف ناس فوق 50 الف
ويعطي اللي يطلبه حتى لويطلبه احد اخواني 10 الف عطاه بدون ما يسئل ليش
لكن المشكله سيارته قديمه لها 15 سنه مرات اقول مشكله نفسيه
ومرات اقول ما يفكر بالكماليات والفشخرة مثل بعض الناس
اما انا اجازف واندم بعدين بعد فترة انسى اما هو لا ما يجازف في شراء شي غالي عشان كذا هو متخوف وفاك نفسه من الشعور بعد الشراء
المواضيع المتشابهه 
بخيل على نفسي لكن كريم على غيري .! ( مين يفسر الحالة ) 
العرض المتطور
