طبعا راح اسوي مدخل للموضوع وهو مدينة الرياض عاصمة المملكة العربية السعودية
تتكون مدينة الرياض من عدة احياء والتي بدات بالسنوات الاخيره بالتوسع وتكبر مساحتها وكثرة الزحام بسبب اعمال المترو وايضا كثرة قائدي السيارات والشاحنات
من الاحياء القديمه في مدينة الرياض هي الديرة البطحاء الشميسي شبراء السويدي البديعه المصيف المروج السليمانية العليا التخصصي المحمديه النخيل العقيق ام الحمام المعذر الشمالي الجنوبي عليشة غبيراء العزيزية الشفاء الحزم الدخل المحدود
الخ
هالاحياء بدا بعض سكانها ممن تتوفر لديهم سيولة نقديه بالتوسع او ممن توفى وورثوا ابنائه تلك البيوت ببيعها اما لعماله او تركها مهجورة او تم شرائها ووضعها مستودعات او سكن لعمال
ولكن في المقابل نجد ناس حمايل وعوائل كبيره لحد الان تقطن في تلك الاحياء رغم من ان الجيران ياهم عماله او عبارة عن كراتين لسلع سواء مكتبيه او ملابس او اي سلعة تجاريه
طبعا هالناس يعانون من التواصل مع اقاربهم خاصة اوقات الاعياد الاسلاميه لدينا
تخيل الغداء عند عمه في حي المونسيه والعشاء عند خاله في حي بدر والقهوه العصر عند مدري وين وانت ماشي شمال شرق جنوب غرب
وكل هالمسافات بسبب التوسع العمراني اللي انا اشوفه ماله اي داعي ابدا وليس مبرر
ليه مايكون فيه اعادة تدوير لتلك الفلل والمباني القديمه بحيث يتم هدمها واعادة تهيئتها وبيعها اراضي او بنيانها وبيعها وخل الناس في اماكنهم
هل المنطق اللي بشمال الرياض ولا بغربه ولا بشرقه اللي جالسه تتوسع الان مليانه انهار ولا شلالات ولا منتزهات تفتح النفس
بعض الاحياء بشمال الرياض كلها تفوح الله يكرمكم بيارات مثل حي النفل
ناهيك عن اسعار الاراضي في تلك المناطق شي بالهبل التاجر اللي رايح يشتري في الاحياء الجديده ويبيع بسعر مبالغ فيه ليه مايهدم بيت في الاحياء العريقه ويهيئ الارض ويبيعها
خل الناس قريبين من بعض
ليه التوسع
لا جينا من ناحية الامن فالافضل حصر المساحات الشاسعه
ولا جينا من ناحية المرور افضل واسهل
ولا جينا من ناحية التجاره افضل واقوى
هذا وصلى الله وسلم على نبينا محمد واله وصحه اجمعين
المواضيع المتشابهه 
اقتراح للعقاريين والناس اللي تحب الاستثمار من وجهة نظري جيد وبقوة 
العرض الشجري
