لميسـ

درر سودانيه 100%

🔸ﻫﻤّﻚ ﻛﺎﻥ ﺟﺒﻞ ﻟﻮﻙ ﺍﻟﺼﺒﺮ ﺑﺘﻬﺪّﻭ........
ﻣﺸﻮﺍﺭﻙ ﻃﻮﻳﻞ ﻛﺮّﺏ ﻟﺠﺎﻣﻚ ﺷﺪﻭ..........
🔸ﻛﻔﻚ للضعيف ﺑﺎﻟﺤﺴﻨﺔ ﺩﺍﻳﻤﺎ ﻣﺪّﻭ......
ﻭﺍﻟﺒﺎﺏ ﺍﻟﺒﺠﻴﺐ ﺍﻟﺮﻳﺢ أﺧﻴﺮﻟﻚ ﺳﺪﻭ...........
➖➖➖
🔸اﻏﺘﻨﻢ ﺍﻟﺸﺒﺎﺏ ﻗﺒﻞ ﺍﻟﺮﻭﻳﺲ ﻣﺎ ﻳﺸﻴﺐ........
ﺍﻟﻌﺎﻗﻞ ﺩﻭﺍﻡ ﻟﻲ ﻧﻔﺴﻮ ﺑﺒﻘﻰ ﻃﺒﻴﺐ................
🔸ﻣﺎ ﺗﺨﻠﻴﻚ ﻋﺠﻮﻝ ﺍﻟﻌﺠﻠﺔ ﻣﺎ ﺑﺘﺼﻴﺐ.......
ﺩﺭﺏ ﺍﻟﻤﻬﻠﺔ ﻟﻠﺤﻮﻝ إﻥ ﺻﺒﺮﺕ ﻗﺮﻳﺐ..............
➖➖➖
🔸ﻣﻄﻠﻮﻕ ﺍﻟﻠﺴﺎﻥ ﺍﺧﺘﺎﻫﻮ ﻻ ﺗﺒﺎﺭﻳﻬﻮ.......
ﺩﺭﺏ ﺍﻟﺤﺴﻜﻨﻴﺖ ﺷﻮﻑ ﺍﻟﺒﻼﻭﻱ ﺍﻟﻔﻴﻬﻮ...........
🔸ﻭﻟﺪﻙ ﺑﻲ ﻛﺘﺎﺏ ﺍﻟﻠﻪ ﺍﻟﻜﺮﻳﻢ ﺭﺑﻴﻬﻮ...........
ﻭﺇﻥ ﻛﺒﺮ ﺍﻟﻮﻟﺪ ﻻ ﺗﻌاندو ﺑﻞ ﺧﺎﻭﻳﻬﻮ...............
➖➖➖
🔸ﺧﺎﻭﻱ ﺍﻷﻏﺒﺶ ﺍﻟﺤﺎﻓﻆ ﺍﻟﻜﺘﺎﺏ ﻭﺍﻟﻤﻠﺔ....
ﺭﺍﻓﻊ ﺭﺍﺳﻮ ﻓﻮﻕ ﻣﺎﺑﺮﺿﻰ ﻋﻴﺸﺔ ﺍﻟﺬلة.....
🔸ﺍﺑﻌﺪ ﻣﻦ ﻃﺮﻳﻖ ﺍﻟﻤﺎﺑﻘﻮﻝ ﺑﺴﻢ ﺍﻟﻠﻪ........
ﻭﺍﻟﺠﺎﺭ ﺍﻟﻔﺴﻞ أﺣﺴﻦ ﺗﺴﻴﺒﻠﻮ ﺍﻟﺤﻠﺔ...........
➖➖➖
🔸ﻋﻴﺶ ﻓﻲ ﺍﻟﺪﻧﻴﺎ ﺿﻴﻒ ﺍﻋﻤﻞ ﺣﺴﺎﺏ ﻳﻮﻡ ﺑﺎﻛﺮ....
وﺍﺳﺠﺪ ﻟﻠﻜﺮﻳﻢ ﺍﺑﻘﺎﻟﻮ ﺣﺎﻣﺪ ﻭﺷﺎﻛﺮ...........
🔸ﺍﺳﺘﻐﻔﺮ ﻛﺘﻴﺮ ﻣﺎ ﺗﻨﺴﻰ ﺧﻠﻴﻚ ﻓﺎﻛﺮ........
ﺍﻟﻤﻮﺕ ﺑﻠﺤﻘﻚ ﻟﻮ ﺑﺤﺮﺳﻮﻙ ﻋﺴﺎﻛﺮ..........
➖➖➖
🔸أﺻﻠﻮ ﺍﻟﻤﻮﺕ ﻧﻬﺎية ﻟﻠﺒﺸﺮ ﺣﺘﻤﻴﺔ..........
ﻻ ﻭﺍﺳﻄﺎﺕ ﺑﺘﺸﻔﻊ ليك ﻻ ﺟﻮﺩﻳﺔ..............
🔸ﺭﺑﻨﺎ ﻓﻲ ﺍﻟﻜﺘﺎﺏ أﺩﺍﻧﺎ ﺣﺠﺔ ﻗﻮﻳﺔ...............
ﻗﺎﻝ ﺍﻟﻤﻮﺕ ﺑﺠﻴﻚ ﻟﻮ ﻓﻲ ﺑﺮﻭﺝ ﻣﺒﻨﻴﺔ.............
➖➖➖
🔸ﺷﺎﻳﻔﻚ ﻳﺎ ﻧﻔﺲ ﻓﻲ ﺍﻟﻔﺎﺭﻏﺔ ﻳﻮمي تجوطي...............
ﻓﻲ ﺍﻟﻐﻲ ﻭﺍﻟﻀﻼﻝ ﻣﻦ ﺑﺪﺭﻱ ﻗﺎﻋﺪﺓ ﺗﺼﻮﻃﻲ....
🔸ﺑﺎﺏ ﺍﻟﺘﻮﺑﺔ ﻣﻔﺘﻮﺡ ﻟﻴﻙ ﻗﺒﻞ ﻣﺎ ﺗﻤﻮﺗﻲ...،،...
ﻭﺍﻥ ﻭﻗﻊ ﺍﻟﻘﺪﺭ ﻭﺭﻳﻨﻲ ﻭﻳﻦ ﺑﺘﻔﻮﺗﻲ............
➖➖➖
🔸ﻳﺎ ﺭﺏ ﺍﻟﻌﺒﺎﺩ ﺿﻮﻱ ﺍﻟدروب ﺍﻟﻌﺎﺗﻤﺔ..........
ﻭﺍﺷﻔ ﺻﺪﻭﺭﻧﺎ ﻣﻦ ﺷﺮ ﺍﻟﻬﻤﻮﻡ ﺍﻟﻜﺎﺗﻤﺔ..........
🔸ﻳﺎﺭﺑﻲ ﺍﻟﺬﻧﻮﺏ ﺻﺒﺤﺖ ﻋﻠﻲ ﻣﺘﺮﺍﻛﻤﺔ.،..........
ﺍﻏﻔﺮ ﻳﺎ ﻛﺮﻳﻢ ﻭﺍﺭﺯﻗﻨﺎ ﺣﺴﻦ ﺍﻟﺨﺎﺗﻤﺔ

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

]vv s,]hkdm ١٠٠%