كل يوم والثاني نسمع ببرنامج جديد وتطبيقات جديده وتحديثات جديده
والاحظ الناس صارت تلتفت لها بشكل كبير معظم اوقاتهم يقضونها مقابل هالبرامج
بالمقابل قل عدد المقبلين والمتفاعلين على المنتديات
اصبح اي شخص عنده موضوع او استفسار يكتبه في انستقرام او توير او اي برنامج ثاني
وماصرنا نشوف مواضيع كثيره في المنتديات كما السابق
وهذا غلط كبير جداً !
عارفين ليه غلط؟ لان البرامج الجديده برامج وقتيه يعني حفظها للمعلومات والمواضيع ليس كما المنتديات، سهوله بحثك عن موضوع معين يكون في المنتديات وليس في البرامج الجديده
كثير منا احيانا يخطر في باله البحث عن موضوع معين ويدخل قوقل ويكتب الموضوع و مباشره تطلع له جميع المواضيع المتعلقه في موضوعه ويبدا يتصفح ويقرا
اللي صاير اليوم ان اذا استمرينا بهذا الشكل للاسف سنفتقد لارشفه مواضيع جدا مهمه وتفيد ناس كثير!
انا دائما لما ابحث في موضوع معين وتطلع عندي الاشياء اللي كتبوها الناس مباشره اشوف تاريخ الموضوع متى.. واتفاجا ان في مواضيع عام 2000 او 2009 او 2010 يعني مواضيع قديمه
واقول يالله وين اصحابها وايش حالهم الحين؟!
هل هم ع قيد الحياه ام توفاهم الله..
يالله قد ايش عظيم لما تترك خلفك اثر يفيد ناس كثير وانت ناسي هالشي ومو حاس قد ايش تجيك حسنات ودعاوي من ناس تقرا وتستفيد من كل شي تكتبه؟
انا دايم ادعي لاصحاب المواضيع اللي استفيد منها واكيد كثير ناس مثلي
فليش نحرم نفسنا من جماليه ولذه هالشي؟
ليه الاغلب لايدخل الا علشان يكتب استفساره او مشكلته؟
ليه مانكون احنا مبادرين ونكتب ونوثق كل معلومه وفايده نحس انها بتفيد الناس؟
اي معلومه اي فائده اي تجربه مريتي فيها وثقيها واكتبيها، حتى لو ماشفتي تفاعل بالردود صدقيني في ناس تقرا لو بعد حين ويستفيدون منه وشوفي قد ايش حصلتي على اجر
لاتحرمون انفسكم هالاجر ولا تحرمون انفسكم من فعل صدقه جاريه بتبقى الى ان يشاء الله
كل وحده مبدعه بشي تكتب كل وحده عندها فايده تكتب كل وحده عندها حلول لمشكله معينه تكتب كل وحده متخصصه بمجال معين تكتب كل وحده عندها خبره في التعامل مع الطفل ومشاكله تكتب كل وحده تحس ان فيها دين وحصيله دينيه تكتب كل وحده تحس عندها تجارب تفيد النساء تكتب
اكتبوا وثقوا كل شي ممكن يفيد الغير ترا ماراح ياخذ من وقتكم كثير.. هذا انا اكتب لكم من جوالي ***
لحضات بسيطه واوقات بسيطه اخذها مني الموضوع لكن اثره ممكن يكون كبير
اهم شي عند كتابه اي موضوع تحري المصداقيه + لو في ايات قرانيه او استشهاد من الاحاديث. تحري كتابتها الصحيحه وتفسيرها الصحيح وتحري مصداقيه الاحاديث وهل هي صحيحه او موضوعه
وابدعوا
وتذكروا ان اليوم انتي فوق الارض قادره تعطين وتفيدين بكرا انتي تحت الارض تبحثين عن عمل صالح يكون لك نور وسعه في قبرك
المواضيع المتشابهه 
المنتديات وبرامج التواصل الاجتماعي الحديثه !!!!!!!! 
العرض الشجري
