حاب اطرح فكرة مشروع للاستثمار في منتج ذكي وعملي جداً راح يحقق لك أرباح ضخمة وفي وقت قصير
والأرباح المتوقعة من بيع هذا المنتج هي من 400 % الى 600% يعني اذا بتشتري هذا المنتج بـ 10 ريال وبتبيعة بـ 60 ريال او حتى أكثر على حسب الطلب والحلو في هذا المشروع انك تقدر تسترجع راس مالك خلال 3 شهور فقط
ولكن قبل ما ابداء اتكلم بالتفصيل عن هذا المنتج بأعطيك نبذه عني عشان تعرف كيف توصلت لهذا المنتج ؟ وليش كل ما اسرعت في الاستثمار في هذا المنتج راح تدخل من وراه ذهب؟
اولاً انا / اخوك نواف القحطاني
شخص مبتكر ومحب للتقنية ومهتم بأخر الاختراعات والابتكارات في العالم فتحت عام 2013 حسابات على مواقع التواصل الاجتماعي تهتم بأخر الابتكارات في العالم وبالمنتجات الجديدة والغير موجودة في السوق السعودي والعربي وصار عدد متابعين الحساب ولله الحمد اكثر من ربع مليون متابع
من خلال بحثي في النت عن اخر الاختراعات والمنتجات المبتكرة
وبعد خبرة سنوات في هذا المجال لاحظت انه فيه مواقع عالمية متخصصة في دعم المخترعين والمبتكرين
يحصل فيها صاحب الابتكار على الدعم المالي لتصنيع واتناج ابتكاره ويكون الدعم فقط للمبتكرين الي عندهم افكار منتجات جديدة بشرط انها تكون منتجات غير مقلده وقابلة للتسويق وللبيع في الاسواق العالمية
ويحصل المبتكر على الدعم المالي من الأعضاء المشتركين في نفس الموقع وطبعاً تقدر انك تشارك في دعم هذا المبتكر مادياً واذا دعمته راح تحصل على هذا المنتج المبتكر بنص السعر الي راح ينزل فيه للأسواق
يعني لو كان سعر هذا الابتكار اذا نزل لسوق بـ100 ريال راح تحصل علية انت بـ 50 ريال وهكذا
وراح يرسلون لك الكمية الي طلبتها من هذا الابتكار قبل نزوله للأسواق العالمية والعربية ويمكن تكون انت من أوائل الاشخاص في العالم العربي الي يمتلكون مثل هذا الابتكار
طبعاً هذي فكرة عامة عن تخصص هذي المواقع وطريقة عملها ولكن المهم في الموضوع اني لاحظت ان المنتجات الناجحة والمميزة الي تعرض في هذا الموقع وتحقق اقبال قوي من المتابعين ما تأخذ اقل من 4 شهور الا وتحصلها منتشرة في جميع الاسواق بأسماء شركات مختلفة واغلبها شركات صينية
وفهمت من هذا الحركة انه فيه بعض الناس من اعضاء الموقع الي عندهم رأس مال يروحون يشوفون وش اكثر منتج ذكي كان عليه طلب واقبال كبير من الناس بعدين يأخذون مقاطع فيديو وصور ويصنعون منها في الصين وينزلونها للأسواق ويحققون منها ارباح كبيره وضخمة
وهذا السبب يرجع لأمرين :
الأول / السرعة من المستثمرين في اختيار المنتج الناجح في هذا الموقع والي يكون فيه تفاعل كبير من اعضاء الموقع
ويبدون يصنعون منه في الصين وينزلونه للأسواق وهذا الشي يخليهم يتحكمون بسعره في السوق ويحققون منه ارباح عالية
زي ما يحصل معي أي منتج جديد نفس الاي فون مثلاً يكون اول ما ينزل للسوق سعره اضعاف سعره الحقيقي بعدين يبدأ ينزل بالتدريج لانهم الوحيدين المصنعين له
الشي الثاني / استهداف السوق المطلوب فيها هذا المنتج
فمثلاً اذا نزل في هذا الموقع مظلة للحماية من الامطار ولكن بتصميم ذكي يأخذ المستثمر هذي الفكرة ويصنع نفسها وينزلها للأسواق ولكن يستهدف الدول الممطرة طوال السنة تقريبا مثل مدينة لندن
واذا كان فيه مثلاً جاكيت ذكي مزود بمراوح لتبريد الجسم وقت الحر يروح المستثمر ويصنع هذا المنتج ويستهدف الدول الحارة طوال السنة مثل دول الخليج
هذا بالنسبة للسوق المستهدف ولكن السؤال هنا هل فيه منتجات ذكيه في هذا الموقع يناسب انك تبيع وتسوق لها في جميع دول العالم بغض النظر الطبيعة الجغرافية والمناخية ؟
والجواب / نعم فيه منتجات في هذا الموقع ذكية ويناسب انك تبيعها في أي وقت وفي أي مكان مثل هذا السكوتر الي في الصورة و اكيد ان الجميع يعرفه
ولكن الشي الي ما نعرفه انه هذا السكوتر كان موجود في موقعنا هذا وحقق نجاح كبير وحصل على دعم مالي بأكثر من ( 900 الف ريال )
ومن بداية ما عرض صاحب ابتكار السكوتر على هذا الموقع فيه مستثمرين كانوا عارفين ان هذا السكوتر منتج خطير وراح يدخلهم ارباح ضخمة وراح يناسب فئة من الناس والاستثمار فيه يستحق المغامرة ومن بعده الاعلان تسابقوا المستثمرين في تصنيع مثل هذا السكوتر وانتشر انتشار رهيب في جميع انحاء العالم وحققوا من ورى هذا الابتكار ارباح خيالية في فترة زمنية قصيرة
وفيه شركات ومستثمرين كثر في هذا السكوتر اختفوا من السوق لأن السوق امتلئ وطاحت الاسعار وطبقوا المثل الي يقول " كُل فطير وطير "
ومن بعد ما شفت كيف نجحت فكرت هذا السكوتر وقتها قررت اني ابحث في هذا الموقع عن منتج يحقق انتشار كبير وأرباح عالية نفس ما حصل مع السكوتر
وصرت اتابع هذا الموقع شبة يومي وكنت ابحث عن منتج بشرط انه يكون مفيد للجميع بعض النظر عن العمر والجنس ويحل مشكلة تواجهنا يومياً والمهم انه يناسب جميع افراد العائلة بعكس السكوتر الي هو يستهدف غالباً فئة الاطفال والمراهقين فقط
ومن بعد كم شهر طاحت عيني على منتج أول ما شفته عرفت انه هذا المنتج الي ابحث عنه من زمان ومن المميزات الي اعجبتني فيه انه منتج عملي ومفيد جداً ويناسب جميع افراد العائلة
وحصل هذا المنتج على دعم مالي من المشتركين في الموقع بقيمة مليون وخمسمئة الف ريال خلال اسبوعين فقط
واتوقع وبحسب كلام صاحب هذا الابتكار انه راح ينتهي من تصنيعه وتوزيعه في الاسواق العالمية نهاية سنة 2017
واذا قارنا هذا المنتج مع السكوتر فأن عملاء وزبائن السكوتر هي من فئة محدودة في المجتمع ولكن هذا المنتج راح يكون شيء ضروري وجوده في أي بيت ومناسب لجميع المناسبات وتحتاجه جميع افراد الاسرة الرجال والحريم والصغار والكبار
ومن ناحية تصنيع هذا المنتج فهو عكس السكوتر من ناحية التصنيع ومن ناحية التكلفة المالية لأنه ما تحتاج لأي قطع ميكانيكية او كهربائية هي مجرد قطعة بلاستيكية فقط وهي اقل تكلفة من السكوتر والشحن الى السعودية
ولكن قبل ما استعجل واكتب لكم كلامي هذا استشرت اقارب واصدقاء لي عن رائيهم في هذا المنتج وكان ملخص كلامهم ( ان هذا المنتج خطير وعملي وراح يريحنا من اشياء كثير )
وفية واحد قال لي " ليش يا نواف ما فكروا في هذا المنتج من زمان" لانه مهم وراح يحل مشكلة تواجهنا مرتين او ثلاث مرات في اليوم
وفعلاً أي واحد راح يشوف هذا المنتج بيسأل نفس السؤال " ليش ما فكروا في هذا المنتج من زمان "
وبحسب الدراسة المالية المختصرة والاستشارة من رجال اعمال ان سعر تصنيع هذا المنتج بجوده عالية ما راح تكلف اكثر من 10 ريال مع شحنها للسعودية
ومن بعده الاستشارة والاستخارة دخلت هذا المنتدى وشفت انه في ناس كثير عندهم افكار لمشاريع جداً رائعة ويبحثون عن الفرصة الي ينفذون فيها مشاريعهم على ارض الواقع ولكن ينقصهم راس المال
والعكس صحيح فيه ناس في هذا المنتدى عندهم راس مال بس تنقصهم فكرة مشروع ناجح تحقق امنيتهم في تحقيق ارباح كبيرة ولكن هذي سنة الحياة الله يأخذ منا اشياء ويعطينا اشياء ثانية عشان نتلاقى في مكان واحد ونتشارك مع بعض في بناء هذي الحياه
وفي الاخير وملخص لكلامي اذا عندك راس مال وتحب تحافظ علية وتحقق منه ارباح كبيرة بدون مخاطر كبيرة بأذن الله فأن عندي فكرة مشروع ناجحة وبعد ما تتعرف عليها راح تقتنع فيها وراح تؤمن معي ان هذي فرصة كبيرة ومناسبة للاستثمار فيها والذكي الي يقتنصها في الوقت المناسب
واذا كنت شريك او مستثمر معي راح يحصل في البداية اتفاقنا على المعلومات التالية :
1/ اسم , وصور, ومقاطع فيديو عن هذا المنتج
2/ رابط لموقع المنتج الي تكلمنا عنه وموضح في الرابط جميع التفاصيل والمعلومات عنه
3/ بعد الاتفاق الاولي راح تحصل على نموذج اولي للمنتج مصمم عن طريق طابعة 3D عشان تتعرف علية أكثر وتعرضه على المختصين او المقربين منك
4/ ملف كامل عن الشركات الصينية الموثوقة لتصنيع هذا المنتج وإرساله للسعودية بدون الحاجة للسفر للصين
5/ شرح مفصل عن الخطة المالية والعملية لنجاح المشروع
6/ طريقة بيع وتوزيع هذا المنتج بأسهل الطرق ومن دون تكاليف كبيره في المصروفات
7/ أفضل طريقة للإعلان والتسويق لهذا المنتج للفئات المستهدفة
الشروط الدخول كشريك او كمستثمر في المشروع
1/ لا يقل رأس المال عند الشريك عن 150 الف ريال
2/ يفضل ان يكون سعودي/ة وان يكون من الرياض لسهولة المقابلة والتواصل
3/ يجب توثيق جميع حقوق الطرفين لدى مكتب محاماه
للتواصل على الخاص او على الجوال والواتس اب على رقم / 0508002249
ايميل/ (تم حذف الإيميل لأن عرضه مخالف لشروط المنتدى)
ملاحظه/ راح اجاوب على استفساراتكم عن هذا المشروع بشكل عام ماعدا الاسئلة الخاصة عن المنتج نفسة
المواضيع المتشابهه 
منتج ذكي بـ10 يال تحقق منه ارباح نص مليون ريال 
العرض المتطور
