السلام عليكم ورحمه الله وبركاته ..
هذي قصة ياجماعة الخير سمعتها من أحد الزملاء وصارت قبل فترة قريبة
يعني تقريبا من سنتين او ثلاث تقريبا .
كان فيه شاب يبحث عن زوجة بنت حلال وبعد مابحثوا له أهله عن الفتاة المناسبة
وجدوا له فتاة بجميع المواصفات سبحان الله كاملة مكملة من كل ناحية والكامل الله
دين وأخلاق وجمال وعلم وبعدها تقدم لها هذا الشاب ووافقت البنت ووافقوا أهلها
وتم الزواج وبعد فترة من الزواج كانوا عايشين أحلى عيشة .
طبعا من شدة حب البنت لزوجها وكما انتم تعلمون بعض الزوجات هداها الله
لما يدخل زوجها دورة المياة أكرمكم الله يبي يتروش تاخذ جواله وتفتحة وتشوف
رسائل الواتس اب وغيره المهم ان البنت لقت صور في الواتس اب لأولاد صغار
لكنها أحسنت النية وقالت انا واثقة فيه ومستحيل يسوي هذا الشئ وما ابي أتسرع
وسكرت الجوال وأنتهى الموضوع بوقتها ولا كلمته حول الموضوع نهائيا ولا
كأنه صار شي .
بعد فترة قال زوجها انه بيسافر إنتداب من العمل لأحدى دول الخليج لإقامة دورة وبياخذ له حدود الثلاث ايام الى اربع ايام وبيرجع خذت أغراضها وراحت عند أهلها وراح .
من بكرة كانت عند أهل البنت مناسبة وكانت تبحث في شنطتها عن أغراض وملابس
وتفاجأت انها ناسية بعض الأغراض في البيت قالت لأبوها وديني للبيت أباخذ
غرض ناسيته قال ابوها مافيه مشكلة وبعد ماوصلت البيت ودخلت لقت باب البيت
الداخلي مطرّف يعني مفتوح شوي وحصلت نعال أكرمكم الله عند الباب
وحدة حقت زوجها عرفتها والثانية صغار !!!
استغربت ودخلت البيت وحصلت باب المجلس مفتوح على خفيف ولما طلت تبي
تشوف فيه احد داخل او لا كانت المفاجأة والصاعقة اللي نزلت عليها
ولاحول ولاقوه الا بالله
شافت زوجها يفعل الفاحشة أكرمكم الله في ولد صغير مايتعدى عمره 18 سنه !
وكانوا معطين الباب ظهورهم يعني مايشوفون الباب ولكنها بنت رجال وذكية
ماشاء الله عليها وش سوت ؟
طلعت الجوال وصورت كم صورة ووثقتها بالفيديو وطلعت بدون ماتاخذ اغراضها
ولا شي وركبت مع ابوها وسألها وين الأغراض قالت ماحصلتها !
وراحوا البيت ومسكت أبوها وفتحت له الموضوع كامل وقالت كذا وكذا وكذا
وهذي الصور موجودة بالجوال
انهبل ابوها من الموضوع واتصلت عليه وقالت شف ياولد الناس
انا عزيتك وأغليت وأعتبرتك رجل ولكنك طلعت عكس هذا كله وابيك تطلقني !
قال لها ليش ؟
قالت دقايق وانا اعلمك ليش
وترسل له الصور على الواتس !!
قال طيب ورقة طلاقك من بكرة وهي عندك بس ابيك تسترين علي وتمسحينها
الله يرحم والديك
قالت موافقة
وفعلا جاب ورقة طلاقها ومسحت الصور وسبحان الله على نياتكم ترزقون
الله رزقها بزوج أمام مسجد والشخص الأخر مالقى من يزوجة
ويقولون انه تزوج وحدة اندونيسية ساكنة في الدمام وانتقل من الرياض للدمام
الله لايبلانا ولا يبتلينا
الحمد لله اللي عافانا مما ابتلاه
يا اخوان والله في هالزمن مصايب وعجايب
وماهو كل رجل يجي يخطب ويتقدم منكم توافق عليه بمجرد انه يشغل منصب
او عنده تجارة وأموال او لأن شكله ابن حلال او لأنه من العائلة الفلانية !
يجب البحث والسؤال عنه لأنك بتقدم له شعرة وجهك بنتك أو أختك أغلى ماعندك
ماهو كل رجال بيحافظ عليها
الله يستر على بنات المسلمين ويرزقهم بالازواج الصالحين
ويرزق شباب المسلمين بالبنات الصالحات
واسف على الأطالة
المواضيع المتشابهه 
رجعت لبيت زوجها بالصدفة وشافت زوجها بهذي الحالة - اللهم عافنا يارب - 
العرض العادي
