عند الوالد سواق وتوفى الله يرحمه وتعرفون لازم ينقل من مستشفى خاص الى حكومي
لاجراء التحنيط وغيرها
انا من عرفت ان فيها مراجعه لمستشفى حكومي قلت الله يعيني
المهم راجعت مستشفى الدمام المركزي وانا مادري وين اروح وما اغير افرفر واسئل
الا دخلت احد المباني يمكن حق اطفال مادري والله لكن قسم بالله انصرعت
ممر طويل وعرضه يمكن متر ونص وازعاج والناس فوق بعض تنتظر سرير
مادري وش سالفتهم اللي اشوفها تقراء قرأن بسبب طول فترة الانتظار
والناس اشكالهم تقول حالتهم حاله والله يعينهم واللي يهاوش الممرضى الفلبينيه
يعني تقول هالممر ابد مانت بالسعودية والله ما ابالغ باللي شفته
والله في المخيمات اللاجئين اللي توفرة السعودية والله انظف ومرتب اكثر من عندنا
اما ذا تقول في بلد فقير
والله اني احمد ربي اني ما اتعالج هنا
يوم شفت هالشي اقول حرام يطلع ريال واحد للخارج ونترك الداخل
لانه الاقربون اولى بالمعروف
يكفي ناس ينتظرون اشهر عشان مواعيد وانتظار
وفي شي ثاني استغرب اللي يعالجون في المستشفيات الحكومية وخاصه للحالات العاديه
مادري وش الله حدهم الغريب تشوف المراجعين للمستشفى انواع السيارات الجيدة
يعني تشوف ان الشخص بخير ونعمه
مادري عجزان يدفع قيمه المستشفى الخاص ولا كيف
صحيح للعمليات انا معكم لكن مراجعه عاديه تروح تصف سرا !!!!
انا عن نفسي الله لايحدني يوم ادخل هالمستشفيات الحكومية ولاني قطاع خاص الحمدلله
مريح نفسي ماغير اروح لمستشفيات خاصه وادفع 6 ريال للدخول على الدكتور
واللي يقهر الاجنبي نفسي حالي والمواطن يصف سرا بين الالف
الله يعين الوالد منتظر سنتين لأجل عمليه ولا تمت الموافقة عليها في مستشفى الملك فهد بالخبر
وجالس انا واخواني نجمع هالمبلغ ونسويها في مستشفى خاص ولا منه المستشفيات الحكومية
حتى يوم رجعت المستشفى اقولهم متى طيب طال الموضوع
يرد علي الموظف يقول الطلبات اكثر من الاسرا في المستشفى
مع الاسف هذا نهايه الموظف الحكومي اللي هو والدي الذي خدم فوق 40 سنه في ادارة اكبر قطاعات الدولة
المواضيع المتشابهه 
بعد اللي شفته اليوم من سوء المستشفى اقول حرام ريال واحد يصرف للخارج .! 
العرض الشجري
