والآن كتبت هذا الموضوع لكي لايقع في الفخ غيري ولأن منتدى هوامير البورصة مشهور ويؤرشف جميع مايكتب فيه فهذا الموضوع للتحذير منهم ومن شركات النصب السياحي للسنوات القادمة
بداية القصة :
كنت انا والأهل طالعين نمشي الاطفال في الحكير لاند قسم الالعاب الصغيرة غير قسم الالعاب المشهور الكبير اللي اغلبه العاب للكبار
دخلنا ولقينا المكان شبه مهجور فقط العمال لايوجد اي سعودي وبما اني ناوي الاعب الاطفال في شيء يستاهل دخلت الا اغلب الالعاب كهربائية وطلعت
قبل اطلع الا مصري لابس كرفته مدري منين طلع لي
قال لي : ياباشا مبروك اختارنكم للفوز بهدية
مشيت انا قالت الحرمة هدية ومجانية ومع حنة الحريم المعهودة قلت ياشيخ خلني اشوف وش هالهدية ومن هنا تبدأ القصة
رجعت له قال حنا اخترناكم بمناسبة شركتنا لها سنتين ونوزع هدايا قلت وينهي الهدايا قال بص حضرتك لازم تجاوب على الاسئلة ((( هالاسئلة غطاء نفسي لك انك امام برنامج ومسابقة فعليه )))
سألني ايه الفاكهة المزكورة بالقران قعت اعصر مخي قال ايوه تمر وايه الحاقه التانيه ايوه تين وايه كمان حاقه بتختمر وبتصير حرام قلت عنب قال ممتاز انت تأهلت الان
اديني رقم الجوال والهدية رحلة لتركيا استلم هديتك واشرب كوفي في برج الرائدة مقابل الرياض غاليري على طريق الملك فهد
انا قلت موقع بهالمكان اكيد فيه مصداقية بعدها طلعت اكمل رحلة الالعاب للأطفال بعدها بخمس دقايق شبت علي مصرية ياباشا حيخلص الدوام لازم تجينا تستلم هديتك (((( كلمة الهدية هي اكثر شيء سمعته في هالقصة )))
الغيت رحلة الالعاب للاطفال من الحكير لاند علشان ماتفوتني هالهدية الخابورية
جيتهم في برج الرائدة ولقيتهم مصطادين لهم كم واحد غافل منتقينا نقوة والشيء المشترك بيننا اننا للأسف مصدقينهم وبالعربي سذج نصدق مصري وسوري وهم ألعن من الحرامية اللي عندنا
جيتهم واخذنا في برانشات او اقسام صغيرة وقعد ساعه كاملة بدون مبالغة يقرقر علينا برنامج ومدري وشو المهم ان الهدية طلعت طعم لكي اشترك في برنامج سياحي يكبلك 3 سنوات تدفع 21 الف كاش
وان رفضت هات 7 الاف
وان قلت طفران وسويت نفسك منتف قالوا كم تعطينا بس هات فلوس الحلب حاصل حاصل لو هللة
انا استربت حقيقة والله ماهب عادة لي تفوتني لكن تعمدوا سياسة نفسيه اذكر قريت عنها وهي ا العميل امام زوجته واما الحاضرين بحيث يقولك :
كلهم اشتركوا
انتا مامعكشي
انتا غير مقتدر
انتا بتفرء معاك المبلغ دا
دا مبلغ بسيط الناس كلهم اشتركوا
يتعمد اك وتكون سياسة نفسية ياخذونها في الدورات التدريبية بالعربي يجيك منا ومنا لين ياخذ منك لو ريال
انا بالبداية رفضت وقاومت وقلت ماني مسافر ولا احتاج السفر والعمل مايسمح لي قال لي : بص معاك تلاث سنين اشترك الان ولاتسافر الا بعد تلاث سنين !!!
انا نغزني قلبي قلت مامعي الا 500 ريال قال بص حضرتك مش كويسه اودام المدير اقول 500 ريال طيب خليها الف ريال قلت الف ريال
وهنا الطامة ،،،،،،،،،،،،،،،،،،،،،،،،،،،،
البارح بعد مافهموني الاخوان الله يجزاهم خير انهم شركة نصب عالية المستوى دقيت عليهم قلت ابي انسحب قال الشامي اللي رد علي مابنئد خيو هيدا اتفاء (((( رغم ان المندوب اللي قالي قال تقدر تتراجع وتسحب فلوسك دحنا مدينك رحلة لتركيا بقيمة فوق الالف ريال ))))
قلت للمحاسب وش اسم صاحب الشركة قام يصرف الموضوع انتا بتيجي لعنّا وبتئاابل المدير بس مابتيجي الصباح (((( الصباح ينصبون على ناس جدد حسب فهمي ))))
تعا لعّنا المساء ((( علشان ينفردون بي ويعطوني مخرج 9 ))))
الحاصل هؤلاء شركة نصب كبير نصب بالملايين واسباب انهم نصابين :
1- عند توقيع العقد تجده عقد سخيف مبهم عقد مغاسل الثياب اكثر تفصلا منه !!!!!
2- اذا قلت منهو مديركم السعودي يقوم يلف ويدور ويقول الدكتور يحيى الزهراني مشهور ومعروف
3- يقرقر عليك ويقول انت من فين اذا قلت من الرياض يقول نص اهل الرياض مشتركين معنا وهو كذوب
4- لايخبرك بنواياهم ويصطادونك وكأنهم باعة حشيش والا خمور يتلفتون يمين ويسار اذا جو يكلمونك !!!!!
5- اوراقهم تلقى فيها ترخيص وكل شيء بعيونك نظامي ويكرر معك قصة الترخيص واننا نظاميين ويكونون مستاجرين مكان فخم علشان يعزز المصداقية !!!!
6- لهم فرع بجدة كما هور مرفق بالصور
7- بحثت عنهم في موقع هسئة السياحة وفعلا لقيتهم ولكن فكرة الخدعة هنا تكمن في استغلال الترخيص والتراخيص ثلاثة انواع كما وضح احد الاعضاء العاملين سابقا في هيئة السياحية وان اغلب النصابين يستغل هذا الترخيص وينحاس بعد مايجمع الملايين
هذا الموضوع لتحذير الناس قبل الاعضاء والقانون لايحمي المغلفين حتى في السعودية للأسف :biggrin::biggrin:
هذا هم في هيئة السياحة
وهذي صورهم من قوقل للأسف لقيت العالم تحذر منهم لكن بعدما نصبوا علي :
المواضيع المتشابهه 
شركة الباهر للنصب والسياحية الحذر الحذر منهم وهذه قصتي معهم مع الصور 
العرض المتطور
