السلام عليكم اخواني
دعاني لكتابة هالموضوع كثرة مشاكل الحقوق والدين بالذات واحساس الغبن لما تفعل خير وتبي الاجر وفك كربة مسلم وكلنا يعلم اجر تنفيس الكرب لكن سوء الاداء والمماطلة بالحق يقهر يااخوان
الشاهد بقولكم قصتي
كنت مسافر سفر فجأة ودق علي واحد معرفة بسيطة جدا لقاء او اثنين يبكي ومالي غيرالله ثم انت عيالي حريمي المهم يبي 7 الاف الله يفك كربته ويحلف ايمان اسبوعين وهي عندك وعليه عشر ومتورط ويبكي بكا
والله يااخوان طيارتي الساعة 6 طلعت العصر رحت البنك والزحمة وواعدته يجيني قدام البيت الله سبحانه الهمني وانا انتظر بالبنك شفت صيغة سند لامر بالنت وارسلتها للي بيوصلني المطار وقلت اكتبها وجبها معك قدام البيت
وكنت مستعجل جدا مافي وقت وصلو مع بعض تقريبا اخذت الورقة وقلت وقع واعطيته 17 قلت سدد كل اللي عليك وابي اجرك مااصدق ان ممكن انسان يحلف ايمان كذب وقلت للاتحلف تسدد على اسبوعين رح الله يسهل امرك وسددني كل شهر الفين ولا الفين وخمسمية بالمتوفر عشان لاتتسلفها من غيري
6 شهور والله لو يجيني بعشر ريال يقول هذا اللي قدرت اني لاسامحه
لكن ابد تطنيش اخر مرة كلمته قال بتسلفلك علشانك الف ولا الفين تمشي امورك
بلعتها وقلت تم وطنش انتظرت الى الراتب وطنش
امس فزيت من السرير قلت والله مااخليه وربك الميسر وان الموضوع بسيط تدخل موقع الوزارة وتطلب صحيفة دعوى لمحكمة التنفيذ وليس العامة حسب منطقتك لكن اهم شي بالموضوع صيغة الورقة هذه عنوانها لازم سند لامر
سند لأمر تاريخ الإصدار / / مكان الإصدار تاريخ الاستحقاق مبلغ السند ريال، كتابةً أتعهد أنا الموقع أدناه وعنواني مدينة حي شارع بأن أدفع بموجب السند بدون قيد أو شرط لأمر/ مبغ وقدره ريال، كتابة ً وذلك قيمة بضاعة مشتراة بالآجل والمستحق عند الطلب بموجب هذا السند يسقط المدين كافة حقوق التقديم والمطالبة والاحتجاج والاخطار بالامتناع عن الوفاء المتعلقة بهذا السند، ولحامل هذا السند حق الرجوع بلا مصروفات ودون إخطار أو عمل احتجاج لعدم الوفاء. هذه السند واجبة الدفع بدون تعطيل بموجب قرار مجلس الوزراء الموقر رقم /692 تاريخ 26/9/ 1383هـ، المتوج بالمرسوم الملكي رقم /37 تاريخ 11/10/1383هـ، من نظام الأوراق التجارية والله ولي التوفيق الاسم المدين التاريخ التوقيع
وفيه صيغ كثيرة لكن المهم عنوان الورقة ونص انها سند لامر
تقدمها لمحكمة التنفيذ عن طريق النت ثاني يوم لقاضي التنفيذ مباشرة
قدمتها امس واليوم عطوني مراجعة لاخذ موعد وحكمها مباشرة جلسة وحدة
يشهد الله اني مانمت من امس زعلان وافكر فيه وبعياله وضميري مانبني اني شكيته والرجال توني ارسلتله الموعد مسج وانه ويقول يومين فلوسك عندك
يعني تنتظرني اشكي!
والله ياخوان ماودي ينقطع الخير بين المسلمين لكن للاسف عينات لاتراعي حقوق الناس ويستهين بان مايدخل الجنة وهو مديون لكن لمن يطلب الاجر من الله لايستحي ويطلب المكاتبة حسب شرع الله
الله يعز الدولة اللي خصصت هالدائرة تعالج هذه المشاكل
المواضيع المتشابهه 
للي بيسلف فلوس لاتنس سند لامر 
العرض العادي
