فيه عندنا في الحارة سوبرماركت شغالين فيها يمنه ، والظاهر أن صاحبها يماني ، كل العمال اللي فيها يمنه ، كأنهم في عزبه ، مدري شركاء والا أخوان والا أيش اللي مولف قلوبهم مع بعضهم ، حركتهم ماهي طبيعية ، ما تقال عمال يشتغلون حركتهم في المحل كأنهم داخلين في هوشة ، هذا يفزع لهذه وهذا يجيب وهذا يحاسب ، لكن مايشيلون المقاضي حقت الزبون للسيارته يخلونه هو يشيلها بروحه ، وما عندهم آله محاسبة تطبع قيمة المقاضي اللي أشتراها الزبون ، عند المحاسب آله حاسبة صغيرة حاطها على الطاولة ، إذا جبت المقاضي يجمعها من حاله بحاله بدون الزبون مايطلع على قيمة المقاضي اللي جمعها المحاسب ، فيقول هات هذا المبلغ ، وصراحة أنا ماني متطمن لهذه الطريقة في جمع الحساب ، وما ادري كم حسب علي قيمة الأغراض اللي أشتريتها منه ، وصرت أتجنب الشراء من هذه السوبرماركت ، وأروح لحارة ثانية كان فيها سوبرماركت صاحبها سعودي ، لكنه مات الله يرحمه وعياله قبلوها على مستثمر هندي ، أيام كان السعودي هو صاحب السوبرماركت كانت البضائع الموجودة في السوبرماركت تاريخ أنتاجها جديد ، وماركات معروفة وأصلية وعصيرات من شركات معروفة ومياة صحية من شركات كبيرة ذات سمعة طيبة في السوق ، ولكن بعد ما تقبلها الهندي صارت تواريخ المعلبات والأدوات الأستهلاكية قديمة للغاية ، والمياة الصحية من شركات جديدة في السوق ومايجب مياة الشركات المعروفة والمرغوبة ، والمخبز جايب له عمال مصريين في المخبز ، ومتغير طعم الخبز ولونه ، أظن أن الطحين فيه سوس والا مخزن بطريقة غير صحية .
وما فيه قريب منها الا هايبر بنده تبعد عنا حوالي مسافة خمسة كيلومتر. أيش رآيكم وشوركم أشتري من أية واحد منهم .
المواضيع المتشابهه 
أحترت يا أخواني مابين الهندي واليماني 
العرض المتطور
