بعد عدة تجارب سيئة مع الناس وضياع فلوسي بسبب الطيبة الزائدة (الطيبة في وقتنا الحالي تساوي غباء)
هذه بعض النصائح حبيت اكتبها لأي شخص يفكر ان يسلف احد مبلغ من المال
لأن القانون لايحمي المغفليين
1- لا تسلف أحد ابدا ابدا مهما يكن لو تشوفه يبكي امامك او يستخدم أقسام وأحلاف من اليوم لبكرة
2- لو سلفت احد سو (ورقة سند لأمر) وجيب شهود على الأقل 2 وخلهم يوقعون واحتمال (احتمال) ترجع فلوسك
3- الايصال البنكي وجودة كعدمه واحتمال يستخدم ضدك
4- لو سلفت احد ومامعك شي يثبت فراحت فلوسك يا صابر
5- لو خويك اللي سلفته بدأ يماطل او مايرد على اتصالاتك او يعطيك اعذار فراحت فلوسك ياصابر ولا تتعب نفسك
5-اذا لاحظت ان خويك قبل السلف كان بشوش وحبيب وبعد السلف قلب 180 درجة اخلاق زفت ومايرد السلام فراحت فلوسك ياصابر
6-لو سلفت احد وما معك شي يثبت و وصلت الدعوة للمحكمة فراح يحلفه القاضي وطبعا بينكر وراحت فلوسك ياصابر
اكتب هذه النصائح وانا والله ان في قلبي نار على كم واحد الله لايحللهم دنيا ولا اخرة خسرتهم وخسرت فلوسي
لعلى وعسى ان ماحد يصير له مثل ماصار لي ولا يتبهدل مثل ماتبهدلت
المواضيع المتشابهه 
نصيحة لأي شخص بيسلف او بيعطي أحد سلف 
العرض الشجري
