تتباهى امانة مدينة الرياض أنها تقدم خدمات سهلة وميسرة عن طريق موقع "بلدي" الإلكتروني، تتيح للمراجع انهاء إجراءات إصدار التراخيص البلدية بكل سهولة ويسر! لكن للأسف ما واجهني بهذه الخدمة يكدر الخاطر ويعطل المصالح وحنا بالمقابل سندفع رسوم بلدية ومساحية لكن للأسف مقابل خدمات محزنة ومتخلفة!
انا مقدم طلب استخراج رخصة محل من بلدية العزيزية قبل شهر ومن ذلك التاريخ يظهر لدي من خلال موقع بلدي انها محولة للمراقب الفني!! تخيلوا شهر ولم يتفضل علينا المراقب الفني بعد ويتكرم بزيارة للكشف على المحل ؟!! بالله وش فايدة التقديم الالكتروني وبعدها المعاملة تخيس بدرج المراقب!! رحت بنفسي لبلدية العزيزية اكثر من مره والله اتعنى لهم مشاور ساعة بالسيارة من شمال الرياض وهم بالجنوب وكل مره يقولون لي ابشر يبي يمرك المراقب ولا نشوف احد !!! :hawamer5712
والله كنا أيام التقديم الورقي ارحم بكثير من الحين !! كانوا يعطوننا موعد زيارة بعد أسبوع من تاريخ استلامهم للمعاملة وبالفعل يتقيد المراقب بالموعد! تعرفون ليش لأن كان فيه رقابة مشددة! .. للأسف النظام الحالي استغله بعض ضعاف الأنفس من المراقبين للماطلة والتسويف! ولن ينجح الا بوضع نظام رقابة صارم مرتبط بتاريخ تنفيذ المعاملة والا يعاقب المراقب الفني اذا تأخر بالتنفيذ بالوقت المحدد! والا وش فايدة تقديم الخدمة الالكترونية كان بقينا على تخلفنا القديم ارحم!
حراااام والله هالمماطلة والتسويف ما تعرف البلدية ان حتى بعد زيارة الفني نحتاج فترة طويلة أخرى لتعديل الملاحظات ان وجدت ومن ثم مراجعة الدفاع المدني ومن ثم العودة للبلدية وانتظار موافقتهم ثم التسديد ثم الذهاب لوزارة العمل لتحديث معلومات الرخصة الجديدة من اجل ضمان استمرار الخدمات!!
يا امانة الرياض ليش ما تتعلمون من وزارة التجارة كيف سهلوا ويسروا استخراج الرخص وتجديدها ما تأخذ منهم الا دقاااائق !!شوفوا وش سوى توفيق الربيعة وكيف طور خدمات وزارة التجارة وسهل الإجراءات ووفر العناء على المراجعين ونقلنا نقلة حضارية!! الله يجزاه الف خير
المواضيع المتشابهه 
اين امانة مدينة الرياض عن سوء خدمات البلدية الالكترونية العزيزية والله الوضع قبل ارحم 
العرض الشجري
