احد الاصدقاء عمره تقريباً 32 عزابي يشتغل في شركة ليست كبيرة وليست صغيرة يعني عاديه من 4 سنين ومعه دبلوم
الرجال يستلم راتب حول 6000 ريال وكل سنه على كلامه ينزله راتبين من الشركة
حول 3500 من الاساسي يعني 7 الف ريال كل سنه في حسابه
ومعه تامين طبي كلاس b
لكن الرجال متردد في شي وهو انه جته وظيفه حكومية على كلامه على بند الاجور
المشكله هو متردد حتى الحين ما يعرف كم الراتب ويقول فيها فئات في الرواتب في بند الاجور
واللي انا اتوقعه قليل رواتب بند الاجور وهو يقول لا يعطوني افضل من راتبي ولا حوله
وفوق كذا خبرتي بتفيدني في هالراتب ودراستي الجامعية عن بعد بترفعها ( انا سمعت ان القطاع الحكومي ما يعترفون في هالشهادة ) !!!
انا بصراحه انا ضد انتقاله وقلت انك بتفقد التامين الطبي والراتب يمكن اقل
ولا فيها راتبين بالسنه والترسيم ياخذ وقت ويمكن ما يجي في هالاوضاع الحالية
اللهم الفايدة هي دوام الى ساعه 2 ونص غير كذا ابد ما في شي
لكن هو محتار وبنفس الوقت يميل للحكومي
انا قلت اني بنزل الموضوع في هالمنتدى وهو بنفسه يشوف الاراء
بحكم ان الاغلبيه هنا يعرفون بالقطاع الحكومي واكثرهم موظفين ولا متقاعدين
المواضيع المتشابهه 
كم رواتب بند الاجور ... وهل تنصحون واحد ينتقل من القطاع الخاص الى بند الاجور .! 
العرض العادي
