بقايا عشق

هذه قصه سوق مكعيل انقلها لكم والعهده على الراوي


مكعيل هذا رجل يهودي بسيط في قديم الزمان ..
الناس كانوا في ذاك الوقت مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي اتراب" ..!


الناس تروح وتجي وتبيع وتشتري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
وفي يوم جاء احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!


الصدق منجاة .. عطاه اياها على بلاطه .. يقول : فيها تراب
يعني بالعقل .. العلب من الشارع والتراب بالشارع ..


اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وانحصل من وراه اجر ..
والصدقة تجوز على منهو امثاله..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت وغلها برع يمين الباب قبل لا يدخل بيته ..


وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...


قال المحسن : شفيك .. شفيك .. خير .. عسى ما شر .. اشفيك يا مكعييييييل ؟؟؟
قال مكعيل : العلب اللي شريتها مني ... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها مغلولة.. قال : ايه .. موجوده
قال مكعيل : تبيعها ؟


اندهش المحسن وبقق اعيونه .. قال : انا الحين مسوي فيك خير ومخلصك منها ..
تجي تشتريها ثانية .! والله ما تلقى احد ياخذها منك بعدي ..


قال مكعيل : اخلص علي واترك عنك الكلام الي مايوكل عيش .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هذي العلب اخذهم من عند رجولك وهات الخمسة ريال ..
حط الخمسة ريال بجيبة ومكعيل اخذ العلبتين وراح ..


ووقت العصر الا هالرجال الطيب معلم جيرانه كلهم عن سالفته مع مكعيل ونشاط مكعيل والموقف الي صار معاه ..


قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..


اندهش الجميع وبدأ سوق مكعيل يثير فضول الجميع حتى التجار الشطار ..


جوا عنده اليوم الثاني والا هو صاف له 20 قوطي ومعبيهم تراب ...
الناس زادوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في القرية المحيطة بالسوق الا فتش فيها عن قواطي قديمة ..
ادخلها بسطته بدون علاوة اصدار حتى ..


وعباها تراب وبسط فيها اليوم الثاني


صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا تضاعف اعداد الناس حواليه وهم مجهزين الكاش طمعا في سوق مكعيل .
اللي باع حلاله والي باع بيته والي باع ذهب زوجته والي باع ملابسه واغراض بيته والي استقال من وظيفته عشان يستعجل مكافأة نهاية الخدمة..


المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق


وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة بالي عليها ممسوحه مسح ..


حتى اللي مالحق باقي مسوي زحمة ومطلع دراهم يبي يغلها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل


عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .


راحوا اصحاب القواطي عنده .. قالوا شفيك .. عسى ما شر ما عاد جيت البسطة تشتري كالعادة
عسى ما شر ؟؟

قال : صحيح .. صحيح .. نسيت اقولكم .. والله انا قررت اغير نشاطي ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!


صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،


وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره وخيمة..


المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..


معقولة نشتري علبة مصدية وما فيها غير تراب بما يعادل قيمة شراء بقرة حلوب ؟!!!!!!!!

وينك يا مكعيل تجي تشتري ما بعته علينا ولو بأقل من نصف التكلفة ..
.. هذا حالنا مع سوقنا .. سوق مكعيل ..

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

hgihl,v l;udg ,tk hgj[ldu ,hgjwvdt