طبعا بداية كلامي موجه يمكن لتسعين من المية من الشعب (البسطاء)، اما الطبقة الارستقراطية، فهم نظامهم غير ويستطيع استقبال المعزين وهو مقفل القلاب، عندهم قوة قلب وايمان قوي ماشاء الله. وعندهم نظام صارم محددين الوقت واذا جيت بغير الوقت المحدد مااحد يستقبلك
ثانيا اطال الله اعمارنا واعماركم ومن نحب بصحة وعافية.
وزبدة مارايت بعد زيارتي لتقديم العزاء لقريب ومواساتنا اهله، ان المعزين الله يجزاهم خير اتعبوا اهل المتوفي اكثر وخصوصا يوم الدفن، لان اهل المتوفي من الصباح في المغسلة وبعدها الصلاة والدفن، ناس تجي الصباح وناس تجي الظهر وناس بعد العصر والى الساعة 11 والناس تاتي وتعزي، واللي يحضر الوليمة لاهل المتوفي يجلس ياكل معهم الذبيحة ومعاه اخوه او قريبه كانها ذبيحة ضيف. واللي جالس يستخف دمه وهو على باله يخفف على اهل الميت، والافضل منها لو ذكر محاسن المتوفي وذكر ايات من القران او السنة يقوي فيها ايمانهم بالقضاء والقدر. غير بعض التصرفات الاخرى وهي ليست من الكتاب والسنة مثل استئجار كراسي وقهوجيين ... الخ.
ونعلم جميعنا ان نيتهم طيبة ويقصدون التخفيف على اهل المتوفي لكن الانسان له طاقة ولازم الواحد يراعي مايمر على اخيه من ظروف ولايثقل عليه.
المواضيع المتشابهه 
الناس وطريقة العزاء والتعب الذي يعانونه اهل المتوفي 
العرض المتطور
