دارين: ألو سارة كيفك حبيبتي طفشانة ممكن نسولف؟ سارة: طبعاً حبيبتي ولي الشرف أكلمك. دارين: سارة كيفك مع الإجازة سولفي لي؟ سارة: الحمدلله أبشرك سافرنا تركيا، وكل أسبوع طلعات وتمشيات، مرة للسوق، ومرة نطلع للبحر، ومرة للاستراحات، ومرة لزيارة الأقارب، وزوجي ما قصر معي كل فترة ويفاجئني بهدية وقبل يومين أهداني آيفون جديد آخر موديل، وعطر شانيل، حتى الألعاب في البيت وفّرها لي وخلاني أتسلى، وبين كل فترة وفترة يذكرني بالله وينصحني بقراءة القرآن وصلاة القيام وأداء حقوق الله وحقوق الآخرين، وصارت حياتي ساعة وساعة، ودايم كلامه حلو معي ورومانسي ويبتسم ويجلس معي وما يهملني ويضحك معي ويلعب ويتحداني أفوز عليه، ودايم يقولي حبيبتي محتاجة شيء أو ناقصك شيء؟ ويعطيني فلوس بدون ما أطلب. دارين: الله يوفقك حبيبتي ويسعدكم تستاهلين كل خير يا قلبي. سارة: وانتِ حبيبتي كيفك مع الإجازة؟ دارين: الحمدلله على كل حال! سارة: قولي قلبي وش مضايقك؟ دارين: في الإجازة مسجونة في البيت لا سفر ولا طلعات ولا استراحات، وان طلبت السوق منعني، حتى أهلي حارمني منهم، وحتى أبسط الأشياء ما وفّرها لي، ودايم مكشّر في وجهي وفي رواية (مكفهر) وعصبي جداً يثور لأتفه الأسباب، وعشان ما أظلمه كريم جداً مع أصحابه وأهله وأقاربه دايم يطلع معهم ويضحك واياهم ويبتسم لهم ويعزمهم ويسافر معهم...الخ سارة: يا عمري أنتِ يا دارين، يا حياة الشقاء! سارة: امممممم طيب وش تسوين اذا غاب عنك مع أصحابه؟ دارين: أفتح النافذة وأشوف الحياة والنور لأني جالسة وحيدة في السجن، وعلى هالحال كل يوم، لأن مافيه شيء يشغلني للأسف إلا زوجي إلا أهملني وتركني وحيدة حتى فقدت الإحساس معه والحب مات والشوق تلاشى وانتهى، وأصبحت زوجته بالاسم جسد بلا روح.
إن دارين هي زوجة عظيمة وخيانتها لزوجها من النافذة هي تصوير أن الحب الذي منحته دارين لزوجها انتهى، حيث منحت الحب لنفسها ولأهلها فقط، فزوجها لا يستحق منها هذا الحب، والنافذة التي تنظر إليها كل يوم، هي الحقيقة التي شاهدتها بعينها، فغيرها يعيش حياة الترف، وهي تعيش حياة الموت!
إن ما كتبته إنما هو مجرّد رواية تمثّل واقع البعض وهي من نسج الخيال إلا أنِّ هذا واقع بعض الرجال مع الاعتذار للأسماء المكتوبة!
وأذكركم كَانَ آخِرُ كَلَامِ النَّبِيِّ صَلَّى اللَّهُ عَلَيْهِ وَسَلَّمَ : " الصَّلَاةَ وَمَا مَلَكَتْ أَيْمَانُكُمْ ".
حكم الحديث: صحيح
سنن أبي داود ( 5156 ) مسند أحمد ( 585, 693 )
المواضيع المتشابهه 
خانت زوجها من نافذة المنزل 
العرض العادي
