السلام عليكم ورحمة الله وبركاته
اسعد الله اوقاتكم بكل خير
قبل كم يوم ارتفع سعر منتجات شركة المراعي وصار حديث الناس الشاغل وهو ارتفاع طفيف لما نقارنه بمنتجات اخرى تم رفع سعرها ممكن مهمه لفئة خمسة بالمئة من الناس ولكن هالخمسه بالميه تساوي الشيئ الكثير لدى التاجر
لن اتحدث كثيرا ولن اطيل بالكلام ولكن اتكلم عن المستوى الشخصي للفرد كحفاظ على م دخوله المادي
محمد انسان يصحى الصباح مايفطر في بيتهم يمر محل قهوه ياخذ كوب بسعر 11 ريال ومعه كروسان طبعا التكلفة 15 ريال يوميا
15 بمعدل عشرين يوم شهريا هذا دوام الشهر كل اسبوع خمسة ايام هذا اذا ماصار ياخذ ايام الويكند هالشي بس نقول محافظ نوعا ما
300 ريال شهريا
وصالح بسم الله ماشاء الله عليه ياخذ كوب ورق من بيتهم ويعبيه مويه ساخنه وشوي سكر
تكلفته تجي اقل من ريال يمكن نصف ريال ويتوكل على الله لبيتهم
اللهم شي ساخن الصباح يبل فيه ريقه
الاثنين والغالب عند بعض الموظفين انه لما يوصل العمل ويروق بعد عشره او بعد تسعه يطلب له سنتدوتش او اي شي يملا بطنه فيه اذا مافيه قطه طبعا
المهم
محمد خسران بالشهر مايقارب الخمسمية ريال
وصالح يمكن مايخسر الا ميتين ريال
محمد يدعم هالناس اللي ترفع الاسعار واخر الشهر من هاشتاق لهاشتاق رفعوا السعر مايبقالي من راتبي شي وين وزارة التجاره وين حماية المستهلك
صالح مريح مخه لا داعم ولا مدعم هل هو شي اساسي ؟ طبعا لا
شركة المراعي رفعت خليها ترفع فيه منتجات اخرى تقدر تشتريها ويمكن تتخلى عن المنتج بكبره اشرب مويه وقضينا
فيه امور اساسيه تقدر تشتكري على رفعها وتقدر تكاسر فيها وتقدر تبحث عن محلات تبيع باقل سعر
لاهل الرياض عندك محلات تبيع بسعر الجمله وتحصله بتناول يديك
وفيه امور نسميها كماليات تقدر تحصل عليها بمواقع الانترنت العالميه
وبرخص التراب الله يكرمكم
وفيه امور اساسيه
لازم الانسان يحاول يضغط على نفسه من اجله ومن اجل غيره
محلات القهاوي والمطاعم كل فتره نشوف زيادة بالسعر
ليه ؟
لا احد يجي برر لهم ولا احد يقول عماله وخرابيط
التاجر مدخل ربحه دبل وثري
والدليل نشوف محلات يجي الواحد منهم يقول الكهرب ارتفع المويه ارتفعت والحبيب فاتح له كم فرع زياده
طيب يوم انه مرتفع كل شي ليه تفتح فروع ثانيه ؟
اجار وكهرب وعماله ؟
كلها من ظهورنا
اقسم بالله لو انه مو ربحان مايفكر يفتح فروع ثانيه يقول يالله السلامه بس ادخل راس مالي
كلامي كله فوق مو حسد او غيره او امر ثاني
كلامي كله اعرف ياعزيزي انك انت صاحب القرار انت اللي تقدر ترفع السلعه وتقدر توطيها وبالسعر اللي يناسبك
الدعوه كلها عرض وطلب
اللي خلاني اكتب هالكلام صاحب محل مكرونه قبل فتره اقوله ليه رفعت السعر يقول هذي اسعارنا من ثلاث سنوات والكذاب قبل اسبوع ماخذ منه بسعر عشرة ريال
والان سعره 17 ريال
ليه ؟
لانه فيه ناس يجي بكم يقوله 17 ريال يقول ليه رفعت يقوله من زمان رافعين
يقول مو مشكله عطنا اثنين
المواضيع المتشابهه 
ارتفعت الاسعار نزلت الاسعار هذا غال يهذا رخيص الحل بايدينا وسلامتكم اني لكم ناصح 
العرض الشجري
