قبل سنة إضافتي حساب في طويطر ومن عادتي اللي بعملي اضافة اضيفة عندي - الحساب باسم الشيخة فلانة ال !!!!!!!!! طبعا حساب غير موثق وواضح انه حساب الاحتيال والنصب وتنزه ال !!!!!!!!الكرام عن النواقص
وطبعا حصلتها مرسلة رسالة تنخاني فيها بطلب وانا قلت بمشي معها شويتين واشوف تاليتها
قالت انا كافلة أسر نازحة من سوريا ًومطلوب عليهم ايجار وأنها في أمريكيا وحساباتها مجمدة - مشيت معها وبعدين سحبت عليها ولغير المتابعة ولغت متابعتي
رجعت قبل أسبوعين إضافتني مرة ثانية ورجعت أرسلت لي نفس الرسايل وهذه المرة مشيت معها لين أرسلت بينات النصاب وطلع زلمة أردني ويعتبر من عائلة كبيرة في شمال الاْردن واليكم المحادثة
الشيخة المزعومة ؛ السلام عليكم ورحمة الله وبركاته يا ابن الأجاويد ابي منك خدمه وليس أمر وان بيضت وجهي أبشر بعزك وفالك الطيب باْذن لله
انا ؛ تامري امر اختي ابشري ، امريني اختي واللي اقدر عليه بسويه وترى تواجدي قليل في حاليا لكن ابشري باللي اقدر عليه
الشيخة المزعومة : يلطيب ابيك بعمل خير لين ارد البلاد لكن ابي منك وعد مااحد يعلم فيه ان شاء الله نكسب الاجر من الله سبحانه
الشيخة المزعومة : طال عمرك انا كافلة عائلات نازحة من الحرب السورية وأمس عائلة كلموني يبي راعي البيت يطردهم بسبب عدم دفع ايجار 6 شهور وسرت اطرش لهم المبلغ حقهم تفاجئت انه يوجد منع تحويل من نيويورك للدول العربية الي ابيه منك تساعدهم لحين قدومي البلاد وابشر بعزك وفالك طيب
انا : أبشري ، كم المبلغ وكم رقم الحساب لا هنتي
الشيخة المزعومة : العائله الحين تقيم في الاردن وان تبي تساعد الحين اطرش لك معلومات العائله وتطرش لهم المبلغ المطلوب2500دولار عبر مكاتب الصرافه. ربي يحفظك ابيك ما تشيل هم الفلوس لاني ما بتاخر لين اوصل البلاد واوعدك بالي يسر بالك ويرفع شانك بين ربعك
انا : أبد ارسلي المعلومات وعسى ربي يسهل امورهم وانتي ما قصرتي
الشيخة المزعومة : الحين اطرشلك البيانات حق التحويل وعسى ربي يقدرك ع فعل الخير
الاسم : !!!!!!!!!!!!!!!!!!!!!!!! الز !!!!!!!
العنوان : الاْردن : أربد
هذي المعلومات المطلوبه حق التحويل ونوع الحوالة ويسترن يونيون من مكاتب الصرافه او اَي بنك
ما عليك امر يالغالي ابيك تسير حق البنك الحين لاجل مب يمهم وقت كافي اخر مهله لهم اليوم الساعه 10:000م وبعدها يتشردون والله المستعان
انا : اليوم السبت طال عمرك ما عندنا بنوك شغالة والشي الثاني البنوك تقفل الساعة 4 العصر
عذرا ما رح اقدر الا باكر ان بغيتي ارسلي لي رقم الحساب والبنك والاسم
الشيخة المزعومة : انزين يخوي انتظر منك الاخبار الطيبه الصباح وفالك طيب باْذن الله
يخوي هذي الحواله ما تحتاج رقم حساب هذي الحواله السريعه حواله ويسترن يونيون على الاسم والعنوان فقط متواجده هذي الخدمه في كل البنوك ان شاء الله
المواضيع المتشابهه 
الزلمة منتحل شخصية شيخة اماراتية ويبغى ينصب علي 
العرض الشجري
