في الصالة الدخلية لإحدى مطارات أوربة الغربية أو مايسمى بأوربا العجوزجلس بجانبي شابُ عربي السحنة ، لفت نظري أنه كان يرتدي إسوارة بلاستيكية تحمل علم تركيا !! تملكني الفضول فالتفت إليه قائلا : مساء الخير ! فرد بلهجة خليجية : مساء الورد ، ثم دار هذا الحديث بيني وبينه .. سألته :
من وين طال عمرك ؟
من دولة ..... !
يامرحبا .. الأخ سايح ولا متجمد ( من باب الملاطفة :redface: ) ؟
هههه حلوة بس لاتعودها .. أنا طالب جامعي في السنة النهائية .
اعذرني على السؤال أخوي .. بس وش سالفة علم تركيا اللي بيدك ، الظاهر خوالك أتراك !
مالك لوا .. بس أنالابسها لأني بقضي الويكند في اسطمبول مع الشباب علشان نحتفل بفوز أوردغان !!
:hawamer0012
سلامات ، لا تطيح عيونك !!
لا بس وش دخلكم يعني في أوردغان ؟
يا أخي هذا الرئيس أعاد للمسلمين عزهم وكرامتهم !
متى ؟
ما أدري .. بس هذاالكلام اللي يقولونه رموزنا ومشايخنا !
منهم رموزكم ومشايخكم؟
خذ على سبيل المثال القرضاوي و عزمي بشارة و طارق السويدان .. والباقي في السجن :hawamer3412!!
يا خي القرضاوي هذالا تؤخذ منه فتوى .. افتح اليوتيوب وشف طوامه بتمجيد ايران وحزب اللات والبكيني وكاس العالم .. يعني من الآخر منتهي ! أما طويرق السويدان هذا " سلقة زرقا :biggrin:" وقف حتى مع شيعة البحرين في 2011 ، عطني واحد عليه العلم ، أما عزمي بشارةهذي قوية .. قل أمزح !
لا ما أمزح ونعم بعزمي يكفي أن رموزنا ماقد جابو طاريه إلا بالخير .. شكلك جامي ؟
وش معنى جامي ؟
ما أدري بس شيوخنا ورموزنا يقولون أي واحد يكره أوردغان وعزمي بشارة جامي !!
ياخي أنا كل ما أقوللك شي تقول شيوخنا ورموزنا .. وتردد كلام أنت أساسا ما تفهمه !! شغل عقلك يا ابن الحلال أنت طالب جامعي وفي السنة الأخيرة .. عيب والله تنقاد وراهم زي الخروف – عفوا !!
لا عادي ولا فيه داعي تقول عفوا .. أغلب ربعي يسموني الخروف بس مايهمني .. العلامة القرضاوي يقول سلم نفسك للجماعة وخلها تقودك !
طيب مادام عندك هالأريحية ودي أسألك ، ليه في ظنك اتفق عامة المسلمين في مشارق الأرض ومغاربها على تسميتكم حريم السلطان ؟
تتصور أنك بتستفزني بهالسؤال !! أولا شرف لنا نكون حريم له و يكفي أنه كرمنا وأنتج بإسمنا مسلسل تم تصويره في تركيا المقدسة بإسم (( حريم السلطان )) !
يا ابن الحلال أنت ماتدري أن قردوغان أعطى الشواذ حقوقهم و قنن البغاء و ..
قاطعني بصوت مرتفع قائلا :
و في عهده وصلت العلاقات مع اسرائيل وإيران ذروتها و يحارب التحالف العربي و أجج الأزمة الخليجية بإرساله للجيش لقطر و الطيران الإسرائيلي يتدرب في أجواء تركيا و قنواته تهاجم السعودية!!
كل الكلام اللي بتقوله صحيح .. لكن رموزنا ومشيختنا يقولون هو يسوي كل هالطوام تمهيدا لأقامة الخلافة الإسلامية ، يعني هو أدرى بالمصلحة ولا نسمع فيه حتى لونشوفه يلعق قبر الخميني !!
على طاري الخميني .. ماشفت قردوغان وهو يتبتل عند قبره ؟
إلا شفته . بس رموزنا قالوا أنه قاعد يدعي عليه :hawamer3912
يعني مافيك طب ؟
مافيني طب .. وخلني ألحق على الطيارة مشتاق لشارع تقسيم ، احتفالات بفوز الخليفة وغزل وكباب و "راكي " وسعة صدر بدال كلامك اللي يجيب الهم !
عفوا قبل لا تروح ..وش الراكي ؟
مشروب الأتراك الوطني.. عرق ياحبيبي عرق ، يا الله بااااااااي !
جميع الأحداث أعلاه ليست حقيقة ولكن محاكاة لواقع حريم سلطان العجم وخليفة البهم الخاقان قردوغان ، وانتظرونا في الجزء الثاني من ( حوار ماتع مع مستترك ) !!
المواضيع المتشابهه 
حوار ماتع مع مستترك !! +18 
العرض العادي
