الحمد لله بعد معانه سياسيه وجويه قرب يفتح المحل خلال خمس ايام الافتاح
طبعا كاتب مواضيع من التقاعد حتى الفكره والتنفيذ الي يبي يستفيد من التجربه يعود للملف حقي بس ابكتب هنا حديث مختصر
الفكره بدات اني اتقاعد مبكر واتحول الي العمل الحر والتجاره طبعا الغالبيه عارضت :dd8y71385968616_413 ولكن مثل ما ذكرت للجميع فرد حمزه ثاير ثاير :tongue: واخذت القرار قبل شهرين وقدمت التقاعد وبنفس اليوم دخلت وزاره التجاره وطلعت سجل تجاري واشتراك بالغرفه التجاريه واخترت النشاط ملابس ومشتقاتها من اكسورات وبعدها استاجرت محل بعد ما شورت نفسي وانا:biggrin: وبدات شغل بديكور المحل كلفني 40 الف كامل مع الاثاث والديكورات وتجهيزات المحل
باقي البضاعه رحت تركيا وجبت بضائع بمبلغ 70 الف ريال وبضائع من جده بمبلغ 33 الف ريال وامس بدات توصل البضائع وهنا التحدي الجوي كلموني شركة الشحن قالوا ترانا ما حنا مسؤالين لو انعدمت بضاعتك من المطر :dd6tu1385968616_418 طيب ايش الحل قال تعال وانتظر انها توصل وعلى طول نزلها وشلها :biggrin: واخذ دينا ومرتز من الفجر انتظر البضاعه عشان ما يعدمها المطر وبضاعه تركيا التحدي السياسي انا رجعت من تركيا يوم مقتل خاشقي وكل يوم اتابع الاخبار لا يحدث مشكله وتطير بضاعتي وفلوسي على اعصابي حتى قبل اسبوع يوم طلعت البضاعه من الميناء والان البضاعه بالطريق للرياض
رخص البلديه طلعتها كلفتني 2400 سلمتها معقب اخذ 1000 ريال
طبعا هذي رواس اقلام وكل موضوع خلفه قصه واحداث واي واحد يبي يفتح محل ويبي استشاره تري مستعد اقدم اي خدمه له بالمجان من ناحيه التسوق من تركيا الشحن التسوق من جده والشحن اسماء المراكز بالرياض وجده وتركيا نظام البلديه والرخص
ببساطه كل شيء سهل بس البعض يصعب الاشياء
المحل بيكون بادره سعوديه 100% حتى بترتيب البضاعه وتنظيف المحل ما جبت اجنبي بالمحل اجيب سعوديين الي شغالين بالمحلات المجاوره بمقابل مادي
انا رافض فكره الاجنبي نهائي والتحدي الي كان بيني وبين نفسي اني ابسوي محل سعودي خالص
مهندس الديكور كان انا :biggrin:
منسق الملابس والبضائع كان انا:biggrin:
منسق ترتيب الملابس وتوزيعها بالمحل بيكون انا :biggrin:
مهندس برنامج المحاسبه كان انا وشريته من سعودي:biggrin:
مهندس الاضاءه وتوزيعها كان انا :biggrin:
البائع بيكون انا مع مساعده من اولادي برواتب لهم دوام اربع ساعات باليوم مقابل 2500 ريال للواحد وهذا راتب مستقل عن مصروفه الهدف منه انه يتعلمون العمل ويتركون الطلعه والجلسه بالبيت
اسم المحل بصمات الذوق بحي الروضه اكتب بجوجول ماب حياكم ولكن خصومات خاصه هوامير الخصم زياده 20%:biggrin: والي يبي يجي يتفرج ويشوف ويسال الله يحيه ممكن يتشجع ويسوي مشروع طبعا الافتاح اتوقع بيكون السبت او الخميس اذا قدرت اخلص ولكن الافتاح الرسمي ممكن بعدها باسبوع اول اسبوع ابخليها دروس تعلم كيف تتعامل مع الزبائن:biggrin:
المواضيع المتشابهه 
المحل قرب يفتح بعد الضغوط السياسيه والجويه 
العرض العادي
