رأيت ان الامير محمد بن سلمان يستقبل أشخاص طلبهم وهم يصافحونهم مبتسمين ومبسوطين من دعوته وكنت واقف بجوار الامير واذ بالامير يطلب منهم الدخول للباص ليتحدث معهم ودخلنا للباص
وكان الامير محمد لابس شماغ احمر جالس جهة اليمين بجوار السائق ومعطي ظهره لدريشه التي يجلس بجوارها لوحده فالتفت في الاشخاص على يساره الذي طلبهم وكان يتحدث معهم ويعاتبهم ويطلب منهم امور وانا كنت جالس خلف الامير تقريبا بعد ثالث كراسي وكانت الكراسي التي امامي فاضيه
و الباص ماشي بشارع والوقت كان ظهر والسواق يسوق بشكل طبيعي وكان الامير بجواره واشوف السياره امامي مرسيدس اسود وكان عباره عن موكب
فجأه الا السياره امامنا تتمايل يمين ويسار واستغربت قلت وش به راعي السياره كذه يمشي والتفت فيه الامير وحسيت ان الشارع حينها مكبوب عليه زيت
الا لحظتها التفت على يميني اشوف سياره مرسيدي مظلله كتم اسود بالكامل جاي جهة اليمين تعترض الموكب واشوف السياره منطلقه نحو الباص جهة جلوس الامير محمد وكأنها خلاص اللحظات الاخيره لنا في الباص ولا اعرف وش حصل حينها
فجأه شفت نفسي امشي وكأني طلعت من الباص ما ادري الباص انقلب ما اعرف وش حصله بضبط شعرت اني نجوت من الحادث في الباص والباقين ماتوا ولا اشوف الدم ينزل مني في الشارع واحط يدي على وجهي الا والله دم واشوف ظلي بشارع وماقدرت اتماسك بالمشي واترنح من الصدمه لحظتها اغمى علي وطحت على وجهي بشارع
وجاني واحد اشوف ظله بشارع قدامي يركض جهتي ومسكني بيد وحده ورفعني ثوبه ابيض وحطيت ذراعي على كتفه وبلتفت على الباص وان واقف ابي اعرف وش صار عليه
الا جا في وجهي الامير محمد بدون شماغ ويصافحني مبتسم ويقول سلامات سلامات ماتشوف شر ...
قلت في نفسي هو كيف نجوت من الحادث ما مت معقوله السياره كانت في اتجاهك ؟؟ وانا مصدوم واطالع فيه مستغرب مش مصدق ان الامير قدامي حي !!
وقلتله ياليت تنقلني للمستشفى يعالجوني شف الدم كيف وكان مبتسم الامير وخلاص بيمشي من عندي وحسيت حينها انه بيعضوني على الي حصل بمبلغ مالي و راح يتطمن على شخص اخر
المواضيع المتشابهه 
رؤيا رأيتها بعد صلاة الفجر ** الامير محمد بن سلمان ينجوا من موت محقق 
العرض الشجري
