من شهرين تقريباً ابحث عن ارض شمال طريق الملك سلمان
وبصفه يوميه دون انقطاع في الصباح اتجول على الاحياء واتصل على اللوحات الموضوعه على القطع وفي العصر ازور المكاتب ومافيه شارع الا دخلت معه وعرفت القطع قطعه قطعه
وراح اذكر لكم مميزات وعيوب الاحياء هناك وفي النهايه ابي تساعدوني في اتخاذ القرار وترشحون لي المكان الأفضل
من شبك المطار اللي عليه طريق الامير فيصل بن بندر الى طريق ابو بكر الصديق رضي الله عنه هذا اسمه النرجس
من طريق ابي بكر رضي الله عنه الى طريق الملك فهد هذا اسمه العارض
غرب طريق الملك فهد هذا اسمه القيروان ( طبعاً مابحثت فيه لأنه غالي )
شمال طريق القوات هذا اسمه الامراء من طريق عثمان رضي الله عنه الى طريق الملك فهد
حي الامانه شرق وغرب طريق الملك عبدالعزيز
الامانه والامراء تعتبر في العارض
طبعاً انا مستبعد الامانه لأن طبيعة الاراضي فيها طينيه وتعتبر نازله
والمقارنه راح تكون بين النرجس والامراء
الاسعار
النرجس مكون من سبع كيلوات كل كيلو له سعر
الكيلو الأول والثاني والثالث هذا جنوب طريق الملك سلمان وهو اغلا شي في النرجس متوفر فيه الكهرباء والماء
الكيلو الرابع والخامس والسادس والسابع هذي شمال طريق الملك سلمان وراح نركز عليها متوفر فيه الكهرباء ولايوجد فيه ماء
كل كيلو فيه شرقي وفيه غربي الشرقي هو اللي يكون شرق طريق عثمان رضي الله عنه والغربي اللي يكون غربه
الاسعار
الكيلو الرابع والخامس والسادس اسعارها متفاوته ومتقاربه من 1350 الى 1700 ريال ولايعني ان الارض في الرابع اغلا من السادس قد يكون العكس وتحكمه طبيعة الارض
الكيلو السابع وهو اللي ابحث فيه لأن اسعاره ارخص من الكيلوات الاخرى ولايوجد فرق في المسافه بينهم ولا الطبيعة واسعاره من 1100 الى 1250
مايميز النرجس
1- الارض جبليه لايوجد مياه جوفيه هذي تعتبر ميزه وفي نفس الوقت تعتبر عيب لأنها تكلف تكلفه اضافية
2- الهدوء وتعتبر اهداء من العارض بكثير
2- قربها من طريق الملك سلمان
عيوب حي النرجس
1- غالبية الاراضي على جبال وهذا يتطلب تكلفه اضافيه لتنزيل الجبل 14 ريال للمتر مع الترحيل
2- غالبية الشوارع غير مزفلته ويوجد منازل تبنى وشوارعها غير مزفلته ولكن سيتم زفلتتها متى ماقدم صاحب الارض طلب عند البناء على البلدية
3- غالبية الشوارع عرضها 15 ونادر ماتجد شارع 20 قليل جداً
الاسعار في الامراء
من 1000 الى 1250
مايميز الامراء
1- ارضها مستويه ولا يوجد فيها جبال
2- الشوارع 15 و20 بعكس النرجس غالبية اراضيها 15
3- جميع شوارعها مزفلته
عيوب حي الامراء
العيب الوحيد في حي الامراء البعد ويعتبر اخر حي في الرياض من جهة الشمال ومابعده الا صحراء قاحله
طبعاً النرجس والامراء كلها لايوجد فيه مشروع مياه والتعبئه عن طريق وايتات
والأن انا احتاج الى شوركم
واكيد كثير من الاعضاء يعرف هذي المناطق جيداً وممكن احصل الرأي السديد والمفيد
المواضيع المتشابهه 
لمن يبحث عن ارض شمال الرياض هذي الاسعار والسلبيات والايجابيات 
العرض الشجري
