السلام عليكم ورحمة الله وبركاتهُ
لا أعلم من القائل فقط أعجبتني القصيدة
لما فيها من الجزاله ومحاكاة للواقع
ماكل من ضاقت بك الارض تلقاه
ولاكل رجلن فالمساري ،،،،، دليله
رجلن ليامن طحت شالك بيمناه
هذاك لامن طاح ،،، واجب تشيله
بعض الرجال ان جيته بشي تنخاه
تنعاف نخوات ،،،،، النفوس الثقيله
رجلن يسوي مشكلة كل من جاه
ورجلن يولع فالمشاكل ،،،،، فتيله
ورجلن على جور الزمن حق تنصاه
ورجلن ،،،،،،،،، تدور فاللزايم بديله
ورجلن لك ابوقت الثقيلات مركاه
ورجلن على اتفه شي ماترتكيله
ورجلن على الفزعات ياتي من اقصاه
ورجلن على الفزعات ،،،،،،،، ياعزتيله
ورجلن على جور الزمن ماتهقواه
ورجلن على الوقفات يسوى قبيله
ورجلن يدسم شارب الضيف لاجاه
كلمة نعم في حق مثله ،،،،،،، قليله
ورجلن بماجوب العرب تقصر خطاه
شال الردى ،،،، من فعلته في شليله
ورجلن يموت وطاري الطيب يحداه
ورجلن من افعاله ،،،، يجر الفشيله
ورجلن يشيله منصبه ويتعداه
ورجلن يشيل المرتبه ماتشيله
واللي زرع للنعم محصول يلقاه
لو مابحثها ،،،،، فالمواقف تجيله
تستطيع المشاركة هنا والرد على الموضوع ومشاركة رأيك عبر حسابك في الفيس بوك
rwd]m hgtvr fdk hgv~A[hg v,,,ui
المواضيع المتشابهه 
قصيدة الفرق بين الرِّجال روووعه 
العرض الشجري
