اللي قاعد يصير في سهم الخضري ظلم كبير لصغار المساهمين
السهم عام 2014 تم نفخه من 25 ريال الى 77 ريال وتعليق صغار المتداولين وتصريف السهم من عيال الخضري الخمسه بعدين ينهار سهم الخضري وتنقص مليكة عيال الخضري من 55% الى تحت 5 % الى التخارج من الشركة
وينهار من 77 ريال الى 6.5 ريال مع تخارج أعضاء مجلس الاداره عيال الخضري كان التصريف متزامن مع إعلانات عقود كبيره مضلله قيمتها اكثر من مليار ريال غير التسهيلات الكثيره على السهم بسبب عبث عيال الخضري
بعدين تم إيقاف السهم بسبب عدم تمكن الشركة من نشر نتائجها وهي ماعليها علم وقيمتها الدفترية 11.5 ريال فجأة يرجع السهم للتداول مع خسارة 55% بعدين يعلنون بتسوية الديون الدائنين باسهم
بعدين يقولون استخدام الاحتياطي بالكامل بعدين الان تخفيض راس المال وشطب جزء كبير من اسهم صغار المساهمين علشان بعد تخفيض راس المال يعدلون سعر السهم ويجي المضارب ويركع السهم ويرجعه بأسعاره هذه ويخسر المساهم في الشركة جزء كبير من اسهمه مع السعر اللي تم تعديله بعد تخفيض راس المال . كل هذا التلاعب من عيال الخضري وهم الان متخارجين من السهم وقاعدين يتخذون قرارات ليست في مصلحة صغار المساهمين بال في مصلحتهم هُم ولازال اسم الشركه باسمهم تخارجهم هذا غير الإعلانات اللي كل ماخذ له أسبوعين نزل اعلان ورفع السهم 6% ويتم تدوير 8 مليون سهم ويصرف على الخبر الكميه المتبقيه تحت 5 % علشان يسلم من شطب اسهمه وصغار المتداولين ياكلونها.
في الختام الله يعوض على صغار المساهمين في الشركة كل اللي خسروه
المواضيع المتشابهه 
الخضري وشطب أسهم صغار المتداولين "القصه الكامله" 
العرض الشجري
