يحييكم أيها الأحبة .. رغم حالتي الصحية والآمي ومواجعي في اليومين الماضيين وما زلت إلى يومكم هذا .. بل إلى هذه الساعة وأنا اعاني من الآلام .. شفاني الله وعافاني من كل شر .. وأن لا يريكم الله أي مكروه ان شاء الله .
أحبتي أحباب ابو ابراهيم .. عفوا أحباب No Bad Words
أنا عارف إن بعضكم بيصدق المزحة هذي .. وبيعتبرني الغالي ابو ابراهيم ..
المهم .. اليوم لا لعبت رياضة ولا حديد ولا سباحة .. نفسيتي ماش .. والله يا ناس اني تعيبان ولا اقوى على القومة ..
احس بخمول وكسل .. بالإضافة الى الآلامي اللي تعورني بين الحين والآخر .
احيانا مالي نفس اشوف المنتدى والله .. ولا لي نفس اسوي شي .. ابد متبطح على الكنب في الصالة .. مغير اشوف اليوتيوب والبرامج الحوارية .. وقدامي شاهي تلقيمة مسويته لي الخدامة الفلبينية الله يعطيها العافية .
الله يالدنيا .. قبل أيام نشيط والعب حديد وانافخ على العالم .. واليوم متسدح بفنيلة علاق وسروال سنة ومفهي .. مغير فاق فمي واطلع آهات بسبب آلامي .
الله يسعد من دعالي هالصباح .. والله انهم رجال وقلوبهم نظيفة .. وشكرا لكل من أرسل لي رسايل على الخاص وعددهم كثير .. يالله لك الحمد والشكر .
أبشركم .. وصلني خبر جميل بالأمس .. إن التميز بات قريبا ان شاء الله .. وانا استاهل الحمدلله ..
اذكروا الله تكفون .. صح اني جديد والمعرف جديد .. لكن هذي سنة الله في خلقه .. وان شاء الله تميزي يكون دافع كبير لبذل المزيد من الجهد لإسعادكم ..
المواضيع المتشابهه 
⚫🔴 نفسيتي تعبانة - لكن الحمدلله على كل حال - الله لا يجيب المواجع 🔴⚫ 
العرض العادي
