صباحكم ورد
حضرت محاورة طريفة بين شيبة من الجماعة ومكفوله شيبة مزارع باكستاني على جال الركيب مفترشين سجادة خضراء من النجيلة مطرزه بزهور الجلجان مزينها ربي تبارك وتعالى ببديع خلقه.
الباكستاني يبغى السفر يقول ان مشكلة بلاده مع الهند على حد قريتهم والرجال يكاد ينفجر من برودة اعصاب الشيبة العنيد كفيله والتفت لي الباكستاني ورجاني الشفاعة عند كفيلة بالسماح له بالسفر حتى لو اسبوعين يرتب اوضاع اسرته هناك ويرجع لأنن يعرف ان هذا وقت الزراعة في الشفا ويتفهم ممانعة كفبله ولكن ظروف طرأت ولايتحمل عقله ضغط التفكير ، وعندما هممت اتكلم مع الشيبة وابتدات الكلام بأن كلام العامل صحيح ياعم فلان ، نهرني الشيبة وقصفني بحتة دين محش على كيف كيفك ، قال اسكت يا(....:hawamer6112) انتم جيل السيعة والضيعة ماعندكم لِهم الاذاعات تتلاعب بكم
قلت مشدوها كيف؟
قال ماهناك حرب بين الباكستان والهند
قلت في نفسي خبل هالشيبة بس نسايره لايلخني بثلاجة الشاهي على خنفوري وهذي اللي جيت لها من مكة :hawamer4112
قال اسمع (ياولد فلانة ) بالمناسبة هذا الشيبة معروف في الجماعة انه سليط لسان وطويل ذراع يعني شراني ولكنه كريم وراعي نخوة الحق يقال،
قال : باكستان قبائل متدينة وحكومتهم مثل حكومة اليمن السابقة ضعيفة وعندهم نزعة قتال والظاهر ان جماعة منهم اللي قتلوا عسكر الهند واتفقت حكومة باكستان والهند وطبعا وراهم امريكا يضربون هالجماعة بحيث ان الهند تضرب وباكستان تحتج وامريكا ومعها اوروبة يتوسطون لانهاء المشكلة وبذلك يتم التخلص من هالجماعة الأشرار ويرتاح الجميع ولايكون مشكلة تسقط حكومة باكستان
فهمت الان السالفة ياخبل؟(طبعا موجه كلامه لي وانا فاغر مبحلق فيه كأنما احد صب الماء البارد على رأسي ) وغادرته وانا متبرجل معقولة ؟:hawamer3312
ومانتبهت الا وانا على اسقط على رأسي في بير ام العلالي بس اشوى ان بها ماء وإلا كنت الآن بين يدي ناكر ونكير (عليهما وعلى نبينا الصلاة والسلام ) بس هذي كل الهرجة يامفكر !
المواضيع المتشابهه 
كلام الشيبة مخولني 
العرض الشجري
