اثناء وقت التداول الاربعاء الماضي كذا فجأه والله العظيم حسيت احد يقول قم شف سهم الخضري بسرعه ... وقلت فعلاً وين الخضري لايكون موقوف ... وشفته لقيته يتداول بسعر 4.30 واتصارع مع نفسي قلت خل ابيع اللي عندي بخسارة و ادخل فيه بكااامل السيولة وانا ما بين أدخل والا ما أدخل ... والله العظيم هذا اللي صاير ... بالأخير قفل السوق وقلت لعلها خيره ...
من بكره الخميس بدأ مسلسل النسب حتى هذا اليوم الثلاثاء ...
سبحان الله مالي حظ والله العظيم بهالسوق
من 15 سنة بالسوق وانا من جرف لدحديره
نمشي ورى توصيات هالمحللين من المعرفات الملوّنه لكن للأسف اكتشفت انهم راعين تصريف والله العظيم متعلق بسهم الغذائية بسعر 73.5 بتوصية من محلل مشهور بالمنتدى قبل 3 او اربع سنوات والى الان عندي تخيلو
واخذت بتوصية واحد مشهور وثقة من كلام الكثير والله العظيم اخذت بسهم المصافي والأندلس بشهر 10 السنة الماضية والخسار كبيرة ومازلت متعلق .
حاولت أتعلم التحليل الفني ماقدرت صار عندي تشتّت من كثر الطرق والاستراتيجيات راسي انضرب
والله لو تشوفون الصفحات اللي فاتحها بالمتصفح عندي ماتصدقون يمكن تقريباً حول 50 صفحة كلها عن طرق التحليل الفني والاستراتيجيات من منتدى هوامير وغيره
للأمانة فيه أعضاء الله يسعدهم ويوفقهم ماقصرو معي يرسلون لي طرق للمتاجره وكذلك فيه الأخ ابراهيم فتح موضوع لطريقة البرايس اكشن الله يعطيه العافيه كلهم حاولو يساعدوني وانا الى الان مازلت أحاول أتعلم
مدري فيه أحد مثل حظي بهالسوق والا أنا الوحيد اللي أغرد خارج السرب
المواضيع المتشابهه 
قسم بالله هذا اللي صار معي في سهم الخضري الأربعاء الماضي !! شيء غريب 
العرض الشجري
