امس العصر جالساً في مجلس الفله
وانا متكي علي مركاي ولحالي
ناديت ميري تجيب التمر والدله
وبراد شاهي معه كاسه وفنجالي
وصبيت فنجال قهوة يبري العله
من بن الاحباش مقطوفاً من العالي
من راس ضلعاً مزون الغيث اتعله
وتصب ماها العذب عليه همالي
وانا تفحصت بنه قبل ما اشله
من حضرمياً يجمّع قرش وريالي
ونقيت بنه وصفيته من الخله
حتى طلع كالجواهر عندي ايلالي
وحمست بنه بنفسي في سناء لملّه
شغل يدي ما ادور حمس عمالي
ورشفت فنجاله وبالهون انا اسله
اباه يجلي عماس وهم متوالي
ريحت بهاره تشابه ريحة الفُله
وطعم بنه يشابه للحلاء الحالي
وشغلت تلفازي ابي اخبار بأدله
بين القنوات ادور شيء يحلالي
وشفت شئياً جذبني وتلني تله
والعقل مني بغا ينصاب بخبالي
وقمت جالس وقلت اصويحبي ل له
هذا يشابه وليفي في زمن خالي
وجتني هواجيس عقلي بالعناء كله
وصاح قلبي بقولت يابري حالي
والريق مني نشف والماء مايبله
وتبدل الحال من حالاً إلى حالي
وكادت عيوني دموع العين أتهله
على زماناً مضى رجع على بالي
وقمت من مجلسي والنفس معتله
جاها من اقصى الضميرالآم وجفالي
وشغلت موتر على الصعبات اتله
واخذت مايلزم الرحلة وجوالي
وطلعت ذئب الغداري من تحت ظله
جيباً ماجاء مثل وصفه فأول وتالي
جيباً عسى عيون حساده ماتفطن له
يشبه لذئب الغلس في وقت مجفالي
جيباً اشوفه يساوي قيمت الفله
خوي فزعه شريته والثمن غالي
ونويت اروح لرجالاً تدمح الزله
مدلهت من يشيل احموله اثقالي
وسريت بالليل ونجوم السماء مطله
بعد ماصليت لمن هو عالم بحالي
وعبيت للجيب حتى زاد عن فله
خزانه الأولي واللي له اموالي
ساري لدار السعد والدار انا ادله
ووجهت جيلي سباريت الخلاء الخالي
وكل ماشفت راعي موتر ازله
والخط من سرعتي بالغصب يفضالي
حتى وصلت لنشاما مابهم ذله
وساعت وصلت النشاما أنشرح بالي
وعلمتهم بالخبر واللي حصل كله
وقالوا ابشر بعزك يالخوي الغالي
أبشر نسافر لكازا وتبري العله
ونزوجك بنت تعجل خاطرك سالي
المواضيع المتشابهه 
أمس العصر حصلت لي قصة عجييييييبة . 
العرض الشجري
