بقايا عشق

جمعنا مجلس مع أحد الزملاء ..و سوالف تالي الليل ..يغلب عليها الميانة ..والضحك ..

وهو رجل بمعنى الكلمة بأفعاله قبل أقواله ..لكنه عنده مشكلة متأزمة معه ..وهو أنه مايداني الزحام ..إطلاقا ..قالها بعفوية ..قلنا يمكن ..فوبيا ..!!!

قال اقولكم السالفة ... قلنا هات ..


- يقول مرة وأنا في مرحلة الشباب ..وابحضر مباراة الهلال والنصــر ..وعند البوابات زحمة شديدة ..اللي ورا يدفك لقدام ..واللي قدام واقف ..وإلا مع شدة الزحام ..وبعفوية مطلقة ...(( لصقت )) باللي قدامي يعني لبقت عليه .. المشكلة أنه خال وشين ..وخلق ربي حسن ..مادريت إلا (( بقس )) بوجهي صارت ..العصافير تدور فوق راسي مثل فيلم كرتون ..وسويت نفسي بطران ..وأستفزعت ..بأخوياي ..وصارت هوشة رحنا كلنا للشرطة ..ولاشفنا المباراة ..وتراضينا ..أن اللي صار غصب علي ولاهوب قصدي ..

- ومرة وأنا بالحرم ..بطواف الأفاضة عام 1421هـ ..من شدة الزحمة ..وقدامي ..مصرية ومصري ..وأنا ماأنتبهت لأني كنت .. أطالع بالكعبة ..وأنا أدعي .. ومع الزحمة ..الا ..وأنحشر باللي قدامي ..المصرية ..حاولت أوخر وأبعد ..أو اتزحزح من مكاني على جنب بعيدا عنها .. إلا واللي معها ..ملتفت علي ..بتفلة مصرية معتبرة ..مع كف ..بدل ماأطوف حول الكعبة ..صرت أطوف حولي وأنا في مكاني ..وأغمى علي ..مادريت إلا أنا على البساط ..داخل الرواقات والناس تقول ..الأسعاف بالطريق ...!!!

- ..ومرة وأنا بالعمــرة ..مع زوجتي ..ومخليها قدامي بالطواف ..في رمضان ..واذا جينا عند أستلام الركن ..الناس يوقفون ..لأستلامه ..ويحدث أن ألتصق بزوجتي ..وإلا واحد من من الجنسية أعتقد أنه من الباكستانية ..يناظرني ..وما أمداني أناظره ..إلا بطرف عيني .. إلا وبقس في وجهي ..وأغمى علي !!!

- ومرة ..وأنا بالطائرة ..وفي الممر ..وكل واحد يدور الكرسي ..وأنا ماشي اناظر أرقام الكراسي وراسي ملتفت يمين ادور كرسيي..إلا ...اللي قدامي وقف وأنا ألصق فيه ..ما أمداني أقول آسف ..غصبا علي ..إلا و((لكمة)) قوية على صدري .. كتمتني ..ويغمى علي ..وأطيح ماقمت إلا بصالة المطار ..والرجل اللي لكمني وامن المطار ..فوق راسي ..والطيارة أقلعت بدوني ...!!

خوينا هذا ..يقول :

والآن يا أخوان ..مكان فيه زحمة ..ماعاد صرت اقرب له ..ولاأروح له ..لي أكثر من خمس سنوات لارحت عمرة ..ولاسوق ..ولامباراة ..الخ

وأحنا بين ضحك ..والتحمد على العافية ..

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

+ 21 >>>shgtm (( .ldJJgd )) ,la;gji hgljH.lm >>!!