ادخلت ابنتي التي تبلغ من العمر شهرين لطواري احد مستشفيات الرياض المعروفة مساء الاربعاء الماضي وكانت تعاني من كتمة بالصدر بسبب البرد والغبار اللي قبل كم يوم
نوموها يالملاحظة يومين واليوم كلمتني امها وهي مرافقة معها تصيح ومرتبكة تقول رجل البنت انتفخت وفيها حرق
جيت بسرعة واشوف رجل البنت واحصلها منتفخة وفيها حرق بأسفل القدم وطلع السبب كلة من الاهمال في تركيب المغذي كانوا شادين اللزقة على رجلها والفتحات كبيرة مما تسبب في تسرب موية بين الجلد والوريد
جابوا دكتور جلدية قال هذا حرق من الدرجة الثانية وممكن ترجع زي اول وممكن لا
طيب انا الحين وش اسوي بنتي تدخل للعلاج ويصير فيها كذا اقسم بالله ان فيني من القهر ما لا يعلم بة الا الله وبكرة رايح ابسوي شكوى لكن والله مايبرد القلب لا شكوى ولا غيرها بنت عمرها شهرين يشوهون رجلها بدون رحمة ولا انسانية يعني صرنا للتجارب في يدين الممرضين والممرضات سواء السعوديين أو الاجانب
ارجوكم ادعوا لها بالشفاء يا أخوان وحسبي الله على من تسبب بزيادة اوجاعها
ادخـلـتـهـا الـمـسـتـشـفـى لـلـعـلاج فـزاد مـرضـهـا 
العرض الشجري
