المقدمه السابقه هي (فشة خلق) بسبب واحدغبي ربي بلاني فيه يجلس بخارجة الإستراحه وانا بداخلها
(غرفه محارم هوامير) في استراحه الجبل هناك غرفه تعارفوا على تسميتها ب (غرفه محارم هوامير) يقطنها ابوسعد وحيدا بعيدا عن صجه البلوت ولجة الغيبه وعندما أتيهم بشنطة اللاب توب يشيرون لي ناحيتها بعد ان فقدوا الامل في جلوسي معهم وأتوجه لها مباشره
ومادام إني جالس بغرفه المحارم فخذوا علوم الهرج والمرج فمواضيع سوريا ومذابحها لاتناسب الاعضاء والإداره تغلقها قولوا ماشاء الله بنيتي لورا جابتت 99 % و 1 % خسرته بسببي أنا دائما أوصلها المدرسه متأخره
المهم لورا لا تتكلم ولكنها إذا تكلمت لا تسكت ولسانها إنقلب جداوي وعلى وزن فايبو ودحينه وأحينه وتعبت معها قبل شهر وجدتها في ركن البيت منزويه ومكشره قلت /وش فيكي؟ قالت / كرهت كل زميلاتي قلت/ ليه وش فيهم؟ قالت / كلهم ملحـجـه :hawamer0012 قلت / الكلمه ذي من وين جبتيها؟ قالت / جاتنا طالبه منقوله عندنا وطول اليوم ما تتكلم معنا ولما نجي نكلمها تقول/ تقلعوا عني ياملحجه وأمس جاءت عندها طالبه اسمها /فاتن جمل الليل وقالت لها / ليه ماتتخالطي معانا قامت هذي الطالبه طالعت فيها بتكشيره وقالت لها / أنتي وش إسمس ؟ قالت / انا فاتن:hawamer4412 قالت / طيب وش وراء فاتن؟ قالت/ فاتن عبدالمقصود جمل الليل وطوالي صاحت عليها وقالت لها / إذلفي وراس وفاتن جلست تبكي طول اليوم ياحرام وكل ما جات عندها طالبه تقولها / تقلعي عني قلت لها / حتى انتي قالت لكي تقلعي؟ قالت / انا جيت جنبهاولما اعطيتها اسمي ناظرت فيني من فوق لتحت وقالت لي / انت وراء لسانس مِنعوِج مثل السنتهم وما قالت لي /تقلعي:hawamer3812 قلت لها / مبروك يا فرحة ابوكي وش قالت لكي اجل ؟ قالت لي/ إنثبري:hawamer3112 قلت يا بابا / هي وش اسمها ؟ قلت اسمها / عهود الذبـحي قلت / يابابا الدلبحــــي هذي روقيه عتيبيهقشرى لكن من وين جاتكم قالت / من الحفره:hawamer4412 قلت / اي حفره ! تقصدين حفر الباطن قالت / إيوه انا صرت صديقتها وأي بنت تكلمني أقولها / تقلعي يا ملحجه قلت لها / عيب يابابا بكره العتيبيه ترجع للحفر وتتركي لحالك قال /يابابا همه العتابين كلهم كذا مكشرين وقرفانين؟ قلت لها / عِتبان وإكسري العاء لا تكسر رقبتكي العتيبيه قالت / ليه سموهم كذا؟ قلت / مدري عنهم ؟ قالت / لازم فيه سبب ؟ قلت لها / تبغين السبب يقولون زمان جاء رجلين عند البئر وتعاتبوا وعقبها صار اسمهم العتبان:hawamer3912 وفكيني
اليوم الثاني لقيت بنتي منزويه ومكشره وزعلانه قلت / هاه وش فيكي؟ قالت باكيه / العتيبيه ضربتني كف! قلت / إعقبي كف كف طيب ليه؟ قالت / لما قلت لها قصة الرجلين اللي تعاتبوا عند البير ضربتني كف بس بشويش قلت لها / يا بابا هذي القصه جبتها من راسي لكن وراكي ماصفقتيها كف بقوه قالت / انا ما احب المضاربات ابغاك انت تضربها:hawamer3112 قلت لها / تبغين تقهرينها قولي لها / يا سراقة الحذيان يا حقت الفيمتو
بنتي خوافه وحساسه راحت وجلست بأخر الفصل وقالت / انتبهوا لحذاويكم يابنات يقولوا فيه واحد يسرقها ويشرب فيمتو
قلت لها / معقوله ! قالت / قسم قلت لها / معقوله فيه عتيبه بالدنيا تعتذر قالت / والله جات لعندي وهمست لي بصوت منخفض وقالت لي/ يا (مكسفتني السموحه) وسامحتهـــا
قلت لها / وش وش قالت لكي عيدي علي:hawamer3212 قالت لي / يا مكسفتني السموحه قلت لها / قبحكي الله يا خايبه يابنت الخايب هذي تعايركي بعيره قبيلتكي قالت / لا وربي هيه اعتذرت وجلست جنبي قلت لها/ ماللعذر في قاموس العتيبيات محل هذي تقول لكي/ يامكسيه السرحه وانتي يابنيتي مكسية السرحه:hawamer3812 قالت / إش يعني ؟ قلت لها / يابابا هذي عيره طلعوها العتبان علينا زمان ظلم وبهتان قالت / طيب نبغى نطلع عليهم عيره قلت / يابابا إرجعي لزميلتك جمل الليل مدري قمر الليل وإفتكي من قبر الليل قالت / بس انا احوووبها قلت لها / ياشبيهة فايبو قلبكي مثل قلب أبوكي يعاف شارينه ويتبع المقفين إذلفي عني وحِلي عني تحبين اللي تضربكي كف وتكرهين العالم الحساسه
المواضيع المتشابهه 
مــــــن غرفــــــــــة محـــــــــارم هواميــــــر نرحــــــــب بكـــــــــم 
العرض الشجري
