bom

السلام عليكم ورحمة الله وبركاتة

من زمان عنكم وعن التقارير

السالفة وما فيها شريت سيارة سوزوكي جراند فيتارا 2002
والسيارة قديمة وكل ما بحثت عن قطع ما احصل حتى القطع الاستهلاكية!
الى درجة اني رحت للصناعية القديمة ما لقيت الا قطع بسيطة جدا

اتجهت للنت وجلست ابحث كان اهم شي ان القطع توصلني بسرعة وتكون جودة اما اصلية او جودة يعتمد عليها

المشكلة اللي واجهتني نوع السيارة نادر وتلقاه في دول اخرى بمسميات مختلفه فكان صعب اني ابحث عن القطع اللي احتاجها

الى ان طحت بالصدفة على موقع: https://partsouq.com/

طبعا كنت فقط استخدمه في اني اخذ ارقام القطع واروح للمحلات
لانه دقيق تحط رقم هيكل السيارة ويجيب نوعها واحتى المكينة والقير ( لانها تجي انواع مكاين مختلفة )

وبعد ما تعبت وانا ابحث في المحلات فقط محل واحد اللي قال بحاول اوفر اللي اقدر عليه اطلبه طلبيه وعطاني سعر فلكي

بعدها قررت اغامر واشتري من الموقع لسببين خلاني اثق فيه واتحمس اطلب
الاول توفر وسائل دفع كثيرة واهمها بايبال
الثاني ان القطع اللي احطها في السلة كانت تخلص ( بمعنى فيه ناس تطلب من الموقع )

طبعا ميزته يعطيك اكثر من خيار تبغى اصلي او شركات اخرى تصنع نفس القطعة

ايضا الموقع مقسم لك كل شي مثلا المكينة وملحقاتها، القير وملحقاته، التكييف، البودي... وهكذا

يعني فقط يتبقى عليك انك تعرف القطعة الخربانة وتختارها

هذا شكل الموقع، ومثل ما تلاحظون طالعه تفاصيل سيارتي بالكامل بمجرد اني كتبت رقم الهيكل


وبالمناسبة رقم الهيكل موجود في استمارة السيارة للي ما يعرف :d

توكلت على الله وجمعت القطع اللي احتاجها وحصلت وقريبا 90? من القطع اللي احتاجها

اخترت اقل وسيلة للشحن وكانت ups وكان الشحن تقريبا 43$ والوزن اكثر من 3 كيلو :d

حسابي كان 200$ او تزيد شوي، لكن للأسف انلغت بعض المنتجات وصار 175$، والشحن نقص بدال 43$ صار 35$
الدفع اكيد بايبال
طبعا فرق السعر رجعوه لي بعد يومين تقريبا او اقل

طبعا بعد ما تم تجهيز الشحنة صدرت فاتورة موقعه ومختومة فيها تفاصيل القطع كاملة



تم الطلب بتاريخ 2/3/2021 واستلمت الطلب بتاريخ 11/3/2021
وتم توصيل الطلب لباب البيت
طبعا دفعت 99 ريال مدري هي ضريبة ولا جمرك

اعجبني التغليف حقهم مصغرين الكرتون مره عشان يقلل من قيمة الشحن
وهذي صور على السريع بعد ما فكيت الشحنه عشان ما يكون التقرير ممل :d


ولو تلاحظون هنا حاطين قطعة خشب تفصل بين الشحنات + عشان ما تتلف بعض القطع ( وجه ثلاجة لو انعفط ممكن يصير فيه تهريب)


وهنا اسفل الخشب باقي القطع


الصراحة شغل مرتب وحمسني انزل تقرير بعد ما شفتهم مهتمين

مميزات الموقع :
- سهل مجرد تحط رقم هيكل سيارتك يعطيك تفاصيلها كاملة
- خيارات للقطع ما بين اصلي ودرجات اخرى
- خيارات للشحن متعدده
- خيارات دفع متعددة
- تغليف جدا ممتاز ومصغرين الكرتون عشان الشحن
- الدعم الفني متوفر ولكن بذكر عيبهم بالاسفل
- تم الغاء بعض المنتجات وتم خصم وزنها من قيمة الشحن

عيوب الموقع :
- تاخر في تجهيز الشحنة
-بعد الطلب بكم يوم تم الغاء بعض القطع رغم اني بحثت عنها وما زالت متوفرة
- السعر لا يشمل الضرائب والجمرك وغيره
- الدعم الفني تراسله يعطيك اجابه على قدر السؤال بدون توضيح او تفصيل تضطر تسأل مره اخرى


- بختصار هل تنصح بالموقع؟
للأمانة زي ما تعرفون الامارات فيها غش خصوصا منطقة جبل علي
ف الخوف هو ان القطع تكون مغشوشة
عدا ذلك انصح فيه وبقوة ولي تجارب اخرى معه في المستقبل

- هل السعر افضل من السعودية؟
يعتمد، بعض القطع عندنا ارخص وبعضها في الموقع ارخص
وبعضها متقارب السعر ولكن مع الشحن والضريبة يكون عندنا ارخص :d
ولكن بالنسبة لي ما كان عندي خيار اخر حتى التشاليح ما حصلت القطع اللي ابيها


- تقييمي للتجربة 9/10 وراح اكررها بإذن الله
العيب فقط التأخير في تجهيز الطلب والغاء بعض المنتجات


هذا كل اللي عندي، واعتذر اذا كان التقرير ما يليق بحجم المنتدى
ولكن ما كان في بالي انزل موضوع الا يوم شفت ان الموقع فعلا مهتم
وايضا للأشخاص اللي مثلي متوهقين ما يلقون قطع غيار لسياراتهم :d

واعذرونا على القصور
في أمان الله

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

j[vfm l,ru r'u ydhv hgsdhvhj hgYlhvhjd partsouq