لاتنشغل فيني انا بحـــــــالي ادرى...قلب تعلق فيك ينسى مع الوقــــت..


اكثر من اللي صار لي وش يجــرى...بين الرجا والياس شفني تعلقـــــت..‏


لاراحت الفرصه تحريت الاخــرى...وتروح ماكـــــــني عليها تشوقــــــت..


هاك القصايد لاتضايقـــت واقـــــرا...شف وش كثر فيها لضحكاتك اشتقت..


لاصار حظي اقشر والايــــام فقـــرا...مافيه احد عاقل يلوم ليا ضقـــــــــــت..


ماكل جـــــــرح مع الايــــام يبـرى...بعض الجروح يزيد شره مع الوقـــــــت..


السيل يبقى له مع القاع مجـــــــرى...يبقى له التذكار لو كنت فارقــــــــــت..


يامدعي فرقا المواليف حــــــــــــــذرا...تبعد وانا في سكة الحــــــب مافقت..


ليتك خذيت بليل الافكار مســـــــرى...وغربت من كثر الطواري وشرقـــــــت..


اشوف لك من وين مارحت ذكـــــرى...لاشفتها صديت عنها ودنقــــــــــــت.

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

ha,t g;