 منذ /11-02-2012, 04:12 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  حدود و تعريف الوطن المراد الدفاع عنه ؟
السلام عليكم و رحمة الله و بركاته،،،
الموضوع هو تعريف كلمة وطني او ديرتي او او او ؟؟؟ هل وطنك هو السعودية كاملة و بس او مدينتك اللي اصلك منها او او ؟؟
يعني دايم اسمع ناس يتكلمون عن الدفاع عن الوطن و كيف انهم راح يبيعون ارواحهم فداء للوطن ووو اي وطن تقصدون هنا و اللي مستعدين تضحون بارواحكم علشانه ؟؟
لأنه صار لي موقف مع شخص قبل يومين و كان يقول كلام واجد انه بس لو تصير حرب راح يضحي بعمره فداء للوطن و أنه مستحيل يرضى احد يعتدي على الوطن انه شجاع و ما يسكت على الظلم ووو ومن هالكلام و قلت له اي وطن تقصد قال السعودية و غيرها ما علي !!!!
رأي الشخصي انه أنا كشخص مسلم
المفروض جميع بلاد المسلمين بدون استثناء هي اوطاني يعني مثلآ اذا كنت مستعد اضحي بعمري علشان السعودية المفروض اني اكون مستعد للتضحية بنفس الدرجة بعمري لأجل العراق مثلآ ؟؟
يعني بصراحة اسمع هالكلام أن السعودية نموت قدامها و السعودية خط احمر وو أقول بكل صراحة هيااااط
و لو احد جاء للسعودية ما راح احد يسوي شي لأنه لو انهم صدق شجعان و ما يرضون بالذل ووو
المفروض ما يرضون عن اللي صار بالعراق او الي جالس يصير بسوريا لانهم مسلمين ووطن لنا بس ما ادري من اللي غير فكر المسلمين و صار وطنك يتحدد بقطعة كرتون اسمها "الجواز" !!!
و بطريقة ثانية انا من قرية بحائل اسمها الروضة لو اقول للناس انا راح ادافع عن نفسي و عن قريتي حتى الموت و اكون اقصد "الروضة" بالذات وقتها ممكن كلامي يصير معقول لان هالبلدة غير لانها هي وطني الحقيقي !!!
بس اقول السعودية هي بلدي و بس لا ما يصير يعني يا كل بلاد المسلمين هي بلادي او بس قريتي!!!
مثلآ لو امريكا هجمت على جنوب السعودية جيزان مثلآ المفروض علي انه اروح اساعدهم و هذا المتوقع مني ؟؟
بس لو بعد سنه ثانية امريكا هجمت على اليمن شنو المتوقع و المفروض مني ما اسوي شي ؟؟
او اقول امريكا ما هجمت علينا و انا مالي شغل؟؟
مع الاسف هذا اللي راح يصير بمنطق هالناس اللي يقولون حنا شجعان و راح نضحي بأرواحنا للوطن "السعودية" !!!!
بصراحة بالنسبة لي كشخص مسلم و من آهل الشمال هل فيه فرق بين الحالتين ؟؟؟ لا ما فيه فرق بين اليمن و جيزان كلهم بلاد مسلمين يعني ياكلهم بلادي او لا احد !!! بس علشان قطعة الكرتون صار واحد بلدي و الثاني لا ؟؟؟
جواب لا المفروض اساعد اخواني بالمنطقتين !!!!
بس الغير المفهوم لما اقول انا شجاع ووو و يا ويل امريكا لو تهجم على جيزان بس لو امريكا تهجم على اليمن انا معذور و لا علي عار و فضيحة و قلت مروءة
آسف إذا كلامي ليس واضح بس هذا اول موضوع اكتبه و أن شاء الله اكون معذور هالمرة و بانتظار ارآكم و نقاشكم الهادف الجميل
والسلام خير الختام
اللهم صلي و سلم على نبيك محمد عليه افضل الصلاة و التسلم و ارضاء اللهم عن الخلفاء الراشدين و صحبه اجمعين
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |