هذي المشاركه الثانيه لي بقصيده اتمنى تعجبكم.......
يالله يارحمان يامالك الكون
ياعالم بحوال كل البرايا
اشكي عليك الهم والدمع مخزون
في مستكن العين باقصى الخفايا
هم يجز الروح والقلب مطعون
طعنت صويب طعنته بالحنايا
جرح عميق داخل الصدر مدفون
مايندرى وش علته يا الحمايا
اكماه واكنه ولو كان مكنون
مكتوب له داخل حشاي الكمايا
اسهر طوال الليل باحزان وسكون
وزود السهر وسم بقلبي كوايا
لايندرى عن حالتي كيف ماكون
هايم واشوف من الهوايل قوايا
اشوف دنيا فانيه مالها لون
تضحك وتطحن من بغاها مزايا
تطحن ضعيف الدين طحن بلا هون
اللي همومه كيف جمع الربايا
احذر ترى الدنيا متاهات وظعون
وعمل لدينك يوم نحشر عرايا
طغى علي الهم والحزن بجنون
من كثر ما اوجس من جروح دمايا
اطلبك يالمولى وانا عبد مظنون
عبد ضعيف منغمر بالخطايا
تجلا هموم اجهدت قلب وعيون
وتغفر ذنوبي ياعظيم التحايا