 منذ /02-22-2013, 09:50 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  يالله بذاك اللي أمه حالبةٍ على خشمة
ممدٍ رجوله في الملحق " قاموا عياله يصيحون يا أبوي جارنا شب بيته والنار ولعت فيه قام عليهم بالعصا وقال ولا كلمة مالنا دخل !!! ثم وجه ولدٍ له كبير يدعي العقل وهو جبان " وبدأ يقنعهم : يا إخواني مالنا دخل في الناس وهذا تدخل في شؤون الآخرين وجارنا أدرى بمصلحته !!! المهم فيه واحد من العيال نشمي قام وفزع حاول يتسلل يفزع يوم سمع بنات جاره يصيحن أكلتهن النار " ماقدر يصبر هالنشمي وقام يبي يطلع من البيت الا العود جالس ٍ له عند الباب !!! قال أنا ماقلت لك مالك دخل !!؟؟ قال بس يابوي أنا بغيت !!!؟؟ قال أسكت ولا كلمة !!!؟؟ ثم نادى ولده الكبير الجبان قال وش رايك فيه !!! قال الكبير يا أبوي هذا عاق ولازم نقفل عليه بأحد الغرف لا يطلع !!! أشتب بيت الجار ثم إنتقلت النار لبيت العود ثم قام يفغر هو وعياله وأولهم الكبير العاقل وللاسف كانت النار كبيرة وصعب التعامل معها لأنها بعد أن أكلت بيت الجار كبرت وانتشرت بفعل الحطب اللي كان في بيت الجار .. مالكم بالطويل راح الشويب وعياله خندريس حتى المسيكين اللي قفلوا عليه أحترق في غرفته " الشر يعم والخير يخص المهم بدأت النار من بيت الى آخر وكل بيت كان يردد نفس اللي كان يقوله العود وعياله ويحصل لهم نفس المصير لييييين وصلت عند بيت رجال ٍ حالبتةٍ أمه على خشمه قام من يوم سمع بنات جاره يصيحن " فزع وقوم عياله وإستنهض الحارة ووزع المهام فلم تمضي بضع ساعات الا وهو مسيطر على الحريق وبيته سالم والحارة كلها تدعي له بعد عودة الأمن للحي وإطفاء النار المشتعلة والسيطرة عليها....
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |