منتديات شمس الحب - عرض مشاركة واحدة - تجربتي في استخدام كاميرا المراقبة الخارجية للبيت

لميسـ · منذ /03-23-2013, 03:11 AM

تجربتي في استخدام كاميرا المراقبة الخارجية للبيت

السلام عليكم

صبحكم الله بالخير

حبيت اطرح تجربتي يا اخوان في شراء كاميرا مراقبة خارجيه للبيت
وخليتها من تصور من برى البيت على جوا . يعني ماتكشف الا البيت وهذا اللي كان يهمني

لان أكثر من مرة القى الباب مفتوح
واغلب الاوقات تكون الساعه 3 الفجر و11 الصباح

طبعاً غير الاقفال وكل شيء ونفس المشكله

المهم

رحت اول شيء اللي في مخرج11
مجمع فيها كاميراات ،، اللي يقول بـ 3000 واللي يقول بـ 2900 وكلها كوري وصيني طبعاً سعر الكاميرا فقط + جهاز التسجيل
من غير التركيب ومع التركيب ممكن يزيد عليك 150 ريال ومن غير القطع الاسلاك كل شيء بحسابه الخ

فقمت اسأل وابحث قلت ابروح لعماير الراجحي
ممكن القى مبتغاي

المهم اني لقيت محلين فقط ،، تبيع هالاشياء

العجيب في الموضوع
اني لقيت كاميرا طبق الاصل
بسعر الوحده 220 ريال

مع جهاز التسجيل بـ 900 لمدة شهر كامل يسجل لك ولو حاب ترجع له في وقت ثاني مافي مشكله

مع االاسلاك بـ 40 ريال

المهم مع اشياء بسيطه كلفني بس 1200 ريال

:hawamer4012

ولو اخذتها من مخرج 11بتكون فوق الـ 2000 او الثلاثة الاف

الكاميرا نفس الشكل هذا

المدى طبعاً
لو تركبها على حوش العرض 20 والطول 20 تعطيك مسحية جيدة
وصافية جداً وتعطيك هيئة الشخص الللي قدامك لكن بعد 20 متر يبين هيئة الشخص لكن كملامح لا

مافيها خاصية الزوم للاسف ثابته فقط

وتصوير صورة بدون صووت

اللي عجبني فيهاا خاصية IR .. لو كنت حاطها في مكان مظلم تعطي تصوير ليلي .. يعني لو تراجع التسجيل راح تحصل كأن فيه فلاش وتصوير اكثر وضوح من اذا كان فيه لمـبه ولافيه تكسر في الصورة ولا فيها بطئ

فكرة هذي

انك تثبت الكاميرا بمكان وتشبك السلك في جهاز التسجيل فقط ،، ومتى ماحبيت تعرض تفصل الكاميرا وتشبك جهاز التسجيل في البلازما ويعرض لك زي الفيديو تقدر تقدم وترجع وتحذف الخ الخ

الشيء المهم في الموضوع أنا كنت متخوف من نوع من الكاميرات المراقبه اللي تحتوي على وايرلس .. وهذي خطرة جداً كونها مش مشفرة ويستطيع أي شخص انه يلقط اشارة الكاميرا ويفتح عليك ويشوف الكاميرا وهي تصور خاصة البيوت القريبة منك ،،

وكذلك اذكر قبل اربع سنين فيه اكواد نزلت في المواقع وبعمليه بسيطه تحطها في فك التشفيرات يفتح لك كاميراااااات اللي قريبة منـك يعني غير آمنـة ابداً
لكن ميزتها اللي بوايرلس انه بالامكان انك وانت بالدوام أو بمكان ثاني تتابع الكاميرا عن طريق الجوال وتشوف اللي يدور ببيتك . وهذي لها شغلته اللي هم يربطون لكIP ثابت على نفس الكاميرا بالشبكه حقتك ، لكن مثل ماقلت غير آمنـه

اللي آمنـه هي التصوير عن طريق التسجيل

طبعاً لمحه سريعه على انواعها

فيه كاميرات داخليه ثابته خاصه في داخل البيت
وكاميرات خارجيه ثابته تكون خارج البيت وداخل البيت ،، لكنها تتميز بأن عليها غطاء حمايه من الشمس والمطر
وكااميرا بوايرلس ثابت
وكاميرا متحركه ، تصور على حسب حركه الشخص يعني لو رحت يمين راحت معاك رحت شمال راحت معك ،، طبعا غير عمليه بعد السؤال عنها لانها تتحرك بوجود أي جسم يتحرك وطبعاً منها وايرلس وغير وايرلس

وكاميرا تصوير نهاري فقط ،،
وكاميرا تصوير نهاري ليلي وهذا اللي ذكرتها بموضوعي

فقط حبيت اعرض تجربتي لاني سألت هنا قبل فترة ولالقيت مبتغاي

في حال أن احد الاخوان يحتاجها اذا عنده شغاله ووده يحرص على عياله او فيه أحد مستلم سيارته أو يخاف عليها من السرقة ..
وشكراً تقبلوا خربشتي واتمنى افدتكم ولو بالشيء القليل :hawamer4012

الموضوع الأصلي: تجربتي في استخدام كاميرا المراقبة الخارجية للبيت || الكاتب: لميسـ || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: سلة المحذوفات والمواضيع المكررة

j[vfjd td hsjo]hl ;hldvh hglvhrfm hgohv[dm ggfdj