السلام عليكم
الشغاله
الاثيوبيه على كفالتنا لها سنه ونص
اول ماجات بعد ثلاثة شهور طلبت زياده
راتبها وعطينهاها مية ريال صار
راتبها ثمانميه
يعد فترة قالت ابي اسافر تعبانه الراتب ما يكفي وكلمنا المكتب الاي جابها وبعد المفاوضات عطيناها ميتين صار
راتبها الف ريال منذ سنه.
عصبيه وحادة الطباع وقوية البنيه كنها سعيد العويران وكل شوي داخله الغرفه ماتبي تشتغل تبي زيادة راتب
قلت لها فوق الالف ريال ماراح اعطيك هلله وحده.
اليوم قامت القيامه وصارت تهدد وترفع صوتها وتتوعدنا.
قلت لها تبين تسافرين لاثيوبيا احجز لك اما زياده مافيه.
اليوم تقول مابغا اسافر ابغاكم تزيدون راتبي
امس كانت تقول ابغا اسافر قلت خلاص بحجز لك.
اليوم تقول لا مبغا اسافر ابغاكم تزيدون راتبي بالقوه عطوني فلوس عندكم فلوس كثير.
الشغاله منتعمه وقوية البنيه وشرسة الطباع ما ينطحها رجالين.
انا خلاص صرت خايف على اولادي منها ولا عاد ابيها تجلس خلاص بسفرها.
المشكلة تقول مابغا اسافر موب على كيفكم .
كيف اطلعها من البيت حتى لو بالقوه.
الزبده استغلت ظروفنا وازمة الشغالات وكل شوي نزيدها مع ان كل مكالمات الدوليه على حسابنا والاعياد والزواجات ما نقصر معها.
كيف اطلعها من البيت خلاص سمحت نفسي منها.
مع العلم اني بعيد عن الرياض ولا يوجد في الديره طيران دولي.
بانتظاركم بشكل عاجل.
تستطيع المشاركة هنا والرد على الموضوع ومشاركة رأيك عبر حسابك في الفيس بوك