مساء الخير على الجميع ...
تمر علي لحظات احس فيها نفسي غريبه ..
اجلس مع الشيبان .. واحب هروجهم وكلامهم وطيبة نفوسهم ..
ليالي تمر علي ودي فيها الزمن يوقف .. ودي الوالد والوالده (.الله يحفظهم ) يبقوون في خيالي شباب .. ومثل اول يملئون البيت طيبه وبركه ..
اتوسد كثير من الليالي مخدتي ...وابكي والله بكاء المفارق ..اتصور لحظة فراقهم .. ويزيد بي الالم والحسره ... اتذكر طيبة الناس اول ..
بساطة النفوس .. والحب الصادق ...
قبل الحال مستور ... لكن النفوس تحلق فرحا ..
اليووم المال توفر .. لكن النفس ضايقه .. والبركه مفقوده .. والطيبه عزيزه !!
مدري الناس مثل حالي .. ولا انا مبالغ في مشاعري ؟؟؟
يارب ترحم الحال وتصوب العمل ..
خاطره ...
وين الصديق اللي تقدم ولا شـــيف** ياعيد وين اطفالنا والحـــــــــــواري
وين الرحم ياعيد والجار والضـــــيف** وين القبايل والبيوت العمــــــــاري
وين العذارى ضامرات السراجــيف** وين الصقور اللي تصيد الحبــاري
وين الدلال اللي بهـا البن والكـــــيف** ونجرن ينادي بالمساء والنهـــاري
الابل وين اللي من اول معالـــــــيف** وين اللقايح والجذع والبكـــــــــاري
وين المواشي والنياق المــــعاطـــيف** وين الجمل ياعيد وين الحــــــواري
مودتي للجميع ..
تستطيع المشاركة هنا والرد على الموضوع ومشاركة رأيك عبر حسابك في الفيس بوك